Post: #1
Title: يا أخوانا/تنا ممكن تسيبو بقال ده في حالو!
Author: saadeldin abdelrahman
Date: 01-02-2006, 06:09 PM
Parent: #0
ربنا بيغفر الذنوب
سيبو العكلته دي..
كده ما صاح منكم!
|
Post: #2
Title: Re: يا أخوانا/تنا ممكن تسيبو بقال ده في حالو!
Author: نادية عثمان
Date: 01-02-2006, 06:15 PM
Parent: #1
فى شنو بالجد ؟؟
والله ان شاء الله اموت لو فاهمة وبستهبل !!!
|
Post: #3
Title: Re: يا أخوانا/تنا ممكن تسيبو بقال ده في حالو!
Author: saadeldin abdelrahman
Date: 01-02-2006, 06:26 PM
Parent: #1
إزيك ناديه
قلنا الزول ده زمان كان اشتر و كان و كان ودي حاله مرينا بيها كلنا
..مش سودانيين و جننا هاشميه!
اها الان شايف الراجل ما قاعد يغلط على زول
اي نعم غلط غلطات كبيره و اتعرض للاستغلال..لكن اعتذر كأرجل راجل
في ناس قاعده لسه لابده ليهو...دي عكلتة شنو يا اخوانا!
بقصد طبعا بوست فك دبرسه بتاعي داك و بوستو هو عن الزغاوه و بوستات
الأخت رنده منصور الموجهه ضده..
زغاوه.. بديات..بني عامر او هلبه...دي قضيه هسه ?
يعني انا هسه مثلا ما اكتب عن الشوايقه و الدناقله و الحلفاويين..
عشان مااهلي ولا كيف!
|
Post: #4
Title: Re: يا أخوانا/تنا ممكن تسيبو بقال ده في حالو!
Author: نادية عثمان
Date: 01-02-2006, 07:39 PM
Parent: #3
انا دايرة اكتب عن السودان لانه حبنا الاكبر ..
|
Post: #5
Title: Re: يا أخوانا/تنا ممكن تسيبو بقال ده في حالو!
Author: saadeldin abdelrahman
Date: 01-02-2006, 08:03 PM
Parent: #1
آااي عليك الله
اكتبي لينا و طواالي تلقينا عندك.
|
Post: #6
Title: Re: يا أخوانا/تنا ممكن تسيبو بقال ده في حالو!
Author: القلب النابض
Date: 01-02-2006, 08:05 PM
Parent: #5
يا سعد الدين رندة منصور ما ردينا للها وقلنا ليها كلنا أولاد آدم
خلت البوست ومشت
|
Post: #7
Title: Re: يا أخوانا/تنا ممكن تسيبو بقال ده في حالو!
Author: نادية عثمان
Date: 01-02-2006, 08:14 PM
Parent: #6
Quote: يا سعد الدين رندة منصور ما ردينا للها وقلنا ليها كلنا أولاد آدم
خلت البوست ومشت |
رندا منو ياقلب وياتو بوست ده ؟؟
يخربنى كان فاهمة شئ !!
|
Post: #8
Title: Re: يا أخوانا/تنا ممكن تسيبو بقال ده في حالو!
Author: saadeldin abdelrahman
Date: 01-02-2006, 08:30 PM
Parent: #6
يا قلب دي حيرتنا!
قالت انها اتعلمت العربي يادوب..ويمين بتكتب أحسن من سيبيويه
وفجأه نطت في رقبة بقال..الود دا ناقص 
......
ناديه..
امشي اديها جكه حول البورد وشوفي بوستات رنده منصور الاخيره دي
ما عايزاجيب اللنكات ( لا للترويج)
و بوست بقال زغاوة اونلاين موقع جديد علي الانترنت ..
|
Post: #9
Title: Re: يا أخوانا/تنا ممكن تسيبو بقال ده في حالو!
Author: القلب النابض
Date: 01-02-2006, 08:36 PM
Parent: #8
عارف جاتها كمية اسئلة
الا تشرد من البورد دا لمن الارشفة الجاية
وشكلو البوست ماشي
والاسئلة زايدة
|
Post: #10
Title: Re: يا أخوانا/تنا ممكن تسيبو بقال ده في حالو!
Author: saadeldin abdelrahman
Date: 01-02-2006, 09:00 PM
Parent: #9
هي ياقلب لو قالت ليهو ات ما زغاوي لكن بتدعي كده..
ما كان قلنا حاجه اما تجيب ليها اتهام بتاع انو بيبحث
لتأصيل نفسو فده الجن الغلب المحايه زاتو!
فالنفرض انو ما زغاوي..يعني ما يكتب عنهم!
و كمان جابت ليها افتراءات بالهنبته و قطع الطرق..
طيب انشاء الله هنباته.. بس التورينا منو في القبائل
السودانيه الما كان فيهم هنباته!
ياخي عندنا عمنا قال جدودنا (زمان) لما ما يلقو حاجه
يهنبتوها بشربوا ليهم مويه و يختو سفه ك (dinner) و يقع الدايمه!
وواحد هنباتي زمان لما مسكوهوا و اتهموهوا بالسرقه
قال لهم : سوق البل (الإبل) حمرة عين... سرقه! يستعجب كيف يتهمونه
بالسرقه وهو قد (قلع) الابل عنوة و اقتدارا و فروسيه بمقاييس ذلك الزمن.
طيب الدوبيت والمسادير دي الفوها من ضهر لاند كروزر ?
ما الواحد بكون خمش ليهو قطيع ابل ولا بقر و قاعد لو فوق واحد منهن
شانق طاقيتو وماسك عصاتو بدوبي..مشتاق للرجعه عشان بنوت الفريق يغننلو.
بس هنبته زي الفي البورد دي ما لاقتني!
|
Post: #11
Title: Re: يا أخوانا/تنا ممكن تسيبو بقال ده في حالو!
Author: نادية عثمان
Date: 01-02-2006, 09:14 PM
Parent: #10
هسة ماقادرة اخد لى اى جكة والله خلوها يوم تانى !!
|
Post: #12
Title: Re: يا أخوانا/تنا ممكن تسيبو بقال ده في حالو!
Author: saadeldin abdelrahman
Date: 01-02-2006, 10:24 PM
Parent: #11
خير ان شاء الله.
|
Post: #13
Title: Re: يا أخوانا/تنا ممكن تسيبو بقال ده في حالو!
Author: معتز تروتسكى
Date: 01-03-2006, 10:31 AM
Parent: #12
خالص التحايا
ابو السعود اخوى انا داير ادلو بى دلوي فى الموضوع ده..
اولا الناس دي بتجى هنا اخلاقها فى نحرتها ودايرالها زول ملطشه عشان تطلع بيهو من حالة الكبت ال هى فيها دى ؛ فا بقال براهو بصلح نفسو للناس دى عشان تشوتو
ان كان بى كتابتو الشتره دي ولا الكضب ولا ولا وبراك شايف..
عاد نسوي ليهو شنو انا القدامك ده وقفت ونبحت فيهو وحاولت اوقع ليهو الحاصل ده غير ناس ناذر والناس الهناك ووو بقية الهلما
برضو هو مصر يعمل عكنتتو دى
عشان شنو ماتعرف!!!
عشان شهره ولا عشان يقول لى ناسو انا هنا ولاعشان يقول للحكومه انا معارض ومناضل وو الخ
المهم كلها ممكن تبقى لكن مابى الشتاره الذى بتاعت بقال ده..
فى النهاية نقول شنو ده ربك ودى حكمتو لازم ناس يكونو فوق وناس يكونو تحت
بعد داك ادانا فرصه الزول يطور روحى ويرتقى بى فهمو
لكن الغريبه الناس الاصلها مادايره تمشى قدام وفهمها ياهو فهما دي يعملو ليها شنو ماتعرف
بس الشكيه لى الله!!!!
فلذا يستحمل نتيجة مافعلت يداه من شهره فيها متاعب ولو نضال النضال حار والخ..
وكت الناس حاولت تساعدو هو عامل فيها خلاص ..
خليهو ناسو ديلك ينفخو فيهو كده لمن يشرطوه..
وحتى كلام رنده مادام هو ممكن اجد ليهو مبرر لانو هو كت بنبج لينا بالقبيله وماقبيله ومافى زول بقول عنصريه خلاص بلقى ليهو شوكة حوت تعتر ليهو ...
ثم السؤال ده انا ذاتى بسال فيهو عشان اعرف وما اظنو غريب عليك ولا على احد..
قال اقلق منام الصفوه؟؟!!!
هو زول الناطق الرسمى باسم تجمع روابط دارفور مابقدر يقدم مبرر مقنع ولا حديث زى الناس ده متحدث شنو ده يا اخوى؛ يمسكو بى جاي فى كلام يقوم شارد..
هو قايل الوظيفه الاعلاميه ده وجهات وبيانات كلها غلط؟؟!!
دارفور دى عدمت البتكلمو بى اسمها لمن يجى زول يشوه ليهم صورتهم بالصوره دى ؟؟!!!
والتحايا النواضر..
|
Post: #14
Title: Re: يا أخوانا/تنا ممكن تسيبو بقال ده في حالو!
Author: ناذر محمد الخليفة
Date: 01-03-2006, 11:42 AM
Parent: #1
بقال هو صديق عزيز لشخصي رغم المناكفات التي تحدث بيننا في البورد ولكننا نواظب دائما على التواصل مع بعضنا البعض واحرص على الإتصال به كما يحرص هو ايضا على الاتصال ...
انا شخصيا لم أتداخل مع بقال منذ فترة لأني أحسست تقدما شديدا في سلوكه وتصرفاته وكتاباته وبلا شك هو يتقدم كثيرا ويستفيد اكثر .
صنفرة :
لكن ما حا إتردد في (هبرو) لو رجع للتجليط تاني !!
|
Post: #16
Title: Re: يا أخوانا/تنا ممكن تسيبو بقال ده في حالو!
Author: saadeldin abdelrahman
Date: 01-03-2006, 07:28 PM
Parent: #14
Quote: انا شخصيا لم أتداخل مع بقال منذ فترة لأني أحسست تقدما شديدا في سلوكه
وتصرفاته وكتاباته وبلا شك هو يتقدم كثيرا ويستفيد اكثر |
معليش يا تروته لكن ناذر قال كتير من الكلام الجواي..فعليك الله ركز معاهو..
بعدين ياخي الغنيه النزلتها في بوست بقال داك عجبتني كيف حنينه ياخي..
-----
كل سنه وانتو طيبين ناذر و تروتسكي..
بس يا ناذر عشان هو بتقدم كمان ما تداخل معاهو ! يعني راجيهو يجلط ولا كيف 
احترامي اليكم من صميم قلبي.
|
Post: #15
Title: Re: يا أخوانا/تنا ممكن تسيبو بقال ده في حالو!
Author: مجدى محمد مصطفى
Date: 01-03-2006, 12:02 PM
Parent: #1
سلامات
للأخوه الأعزاء
الملاحظه فى هذا البورد هو محاوله شخصنه المواضيع ، بل فى الكثير من الأوقات بلاحظ دكتاتوريه السودانيين طاغيه فى الأطروحات. للأسف .
المصيبه فى السودان وفى العالم اجمع هى العنصريه ، و اعتقد انها تحتل مركز مرموق فى مجتمع البورد.
المشكله ما فى زيد ولا عبيد المشكله فى الأفتين العنصريه ذات البعد العالمى ودكتاتوريه اهل السودان.
والله ياخوانا انا دئما بقول نحن فى السودان نشكى من حكم الدكتاتوريه وفى داخل كل سودانى دكتاتور صغير.
مع الود
|
Post: #17
Title: Re: يا أخوانا/تنا ممكن تسيبو بقال ده في حالو!
Author: saadeldin abdelrahman
Date: 01-03-2006, 07:34 PM
Parent: #15
| Quote: داخل كل سودانى دكتاتور صغير |
والله يا مجدي وما طالبني حليفه الكلمه دي دايما في راسي
و بالنص ده زاتو..
اثمن ملاحظاتك والتي اتفق معها كثيرا اخي
كل سنه و انتو طيبين
|
Post: #18
Title: Re: يا أخوانا/تنا ممكن تسيبو بقال ده في حالو!
Author: القلب النابض
Date: 01-03-2006, 08:07 PM
Parent: #17
سعد الدين انت ود حبوبات
|
Post: #19
Title: Re: يا أخوانا/تنا ممكن تسيبو بقال ده في حالو!
Author: saadeldin abdelrahman
Date: 01-03-2006, 08:17 PM
Parent: #18
بالحيييييل يا قلب و ود جدودي.
|
|