سمعت دي يا بشاشا لاجئ يقول أن اللاجئين وصمة عار ... عمر الفاروق نموذجاً

كتب عمر الفاروق في بوسته المسمى اللاجئون وصمة عار ما يلي:

بلادي وإن جارت علي عزيزة وأهلي وإن ضنوا علي كرام ..
مدخل أبتدر به حديثي بعيداً عن العواطف ..
وقبل البدء أترحم على من ماتوا في تظاهرات اللاجئين بدولة مصر ..
أتعجب كثيراً عندما أقرأ هنا في هذا المنبر عن أن اللاجئون المتجمعون في مصر هم من الشرفاء !!!!!!!!!!!!!!!!!!!!
ولا أدري عن أي شرف يتحدث هؤلاء (اللهم إلا إن كان شرف والأسد) !!!!
ليس من الشرف أن تترك بلادك لتركض خلف الدولار والجو الأوروبي !!!!!!
وليس من الشرف أن تترك أهلك وعشيرتك لفترة من الزمان هي بمقدار الزمن الذي يكفي لإستخراج جواز أجنبي لك لتعود بعدها ظافراً غانماً متجدعاً ترتدي الجيب شورت والفانيلة الكت لتحدثنا عن الحرية والديموقراطية ..
عندما خرج اللاجئون من بلادهم كان سبب خروجهم هو أن حكوماتهم لا تتحملهم فطالما أن هذا اللاجئ مقتنع أن حكومته لا تحترمه فكيف به أن يبحث عن هذا الإحترام من دولة أخرى هي دولة مجاورة حكوماتها تشبه للحد البعيد حكوماتنا ..
ما حدث في دولة مصر شيئ طبيعي جداً جداً جداً وردة فعلا أحسب أنها جاءت متأخرة فقد أطال المصريون حبل الصبر لقوم خربوا بلادهم وشوهوا منظرها السياحي وفي أرقى حي في أحياء القاهرة !!!!!!!!!
بالله عليكم تخيلوا معي أن الحبش والأرتريين(وهم من يحتقرهم المواطن السوداني ولا أدري السبب) جاءوا وفجأة وبين عشية وضحاها وعسكروا في كل ميادين حي العمارات أو كافوري أو الرياض أو قاردن سيتي لمدة ثلاثة أشهر وعاسوا في هذه المناطق فساداً بالله عليكم ماذا كان سيكون الرد ؟؟؟؟؟؟؟
والله وانا متأكد كان الرد سيكون من ابناء الحي قبل أن تتدخل الحكومة حتى ولكنت وجدت ابناء الحي يطردون هؤلاء الناس من مناطقهم شر طردة مستخدمين في ذلك أي شئ واي وسلة سلاح لإخراجهم من مناطقهم وذلك بدعوى تفشي السرقة أو الرزيلة أو إتساخ الحي ...
وسيكون لهم الحق في ذلك ولن يلومهم أحد !!!!!
هذا إن حدث في حي من احياء بلادي فما بالكم أن يقوم بعض الناس من من يسمون نفسهم لاجئين وهم في الأصل عاطلون ليقوموا بالجلوس في حدائق عامة وطرقات في عاصمة من المفترض أن تكون السياحة مصدر الدخل الأول فيها !!!
صبر المصريون كثيراً ومدّوا لنا حبال الصبر فكانت ردة الفعل التي أعتبرها طبيعة جداً بل وفي الوقت المناسب بعد ان بدأت تظهر بعض الأشياء التي أضرت بالمواطن المصري على حسب أقوال شهود العيان !!!!!!!
ما رأيناه عبر وسائل الإعلام لجد شيئ مخزي ومخجل وفاضح من قبل هؤلاء السودانيون والمناظر التي شاهدناها تؤكد ان هؤلاء الناس قد يصبرون على طلقات الرصاص من القوات المصرية في سبيل الذهاب إلى أمريكا والدولار والكاتشب ولكنهم لا يتحملون عصيّ الشرطة السودانية وغازاتهم المسلة للدموع في سبيل أن ينالوا حرياتهم !!!!!!!!!!!!!!!!!
موت الأطفال والنساء لا تتحمل مسئوليته الحكومة المصرية ولكن يتحمل مسئوليته هؤلاء الرجال والنساء الذين سمحوا لأنفسهم أن ينام أطفالهم ولمدة 3 أشهر في العراء !!!!!
يتحمل المسئولية من سمح لنفسه أن يتبول وتبرز على الطرقات العامة !!!!!!!
يتحمل مسئوليته من جعل أطفاله ينامون دون غطاء ودون سقف ودون ودون ودون !!!!!
إن كنت أنت لا تخاف على طفلك فما بال الأخرون به مات أم بقي حيّاً !!!!!!!!!!!!!
والأعجب من كل ذلك يطلب الناس من الحكومة السودانية أن تتدخل في مثل هذا الموضوع !!!!!!!!
مال الحكومة ومال هؤلاء!!!!!!!!!!!!!!!!!!!
هؤلاء لا يعتبرون مواطنون سودانيون هؤلاء لا يريدون السودان ولا حكومته وهم فارون أصلاً من الحكومة ولا يرغبون فيها ولا يريدونها فكيف يطلبون الوقوف معها في هكذا مواقف !!!!؟؟؟
مالكم كيف تحكمون ؟؟؟؟؟؟؟؟؟؟؟؟؟؟؟؟؟؟؟؟؟؟؟
والعجيب حقاً ان كل هؤلا اللاجئون تقدموا بطلبات تم رفضها من قبل المنظمة فالسودان الأن مستقراً خصوصاً الجنوب والذي ومن خلال التلفاز ألاحظ ان معظم اللاجئين منهم !!!!
اما مشكلة الدارفور فلعلها كانت هدية السماء التي نزلت برداً وسلاماً وأصبح الفرد يتمنى أن يكون من مواليد دارفور وإن عاش بالخرطوم حتى يتمكن من طلب اللجوء بحجة حقوق الإنسان وحجة المعاناة وحجة وحجة والكل يعرف ذلك ولدي من الأصدقاء ممن هاجروا لبلاد الكنغارو وبلاد العم سام ما يكفي لتأكيد ذلك ..


وفي رده على بشاشا
كتب ما يلي:

بشاشا سراير:

Quote: زولنا ده اولا مصر انو وطني مع انو عربي كما يتوهم!

والله عربي جنس عروبة في الدنيا دي !!!!!!!

Quote: كده في الاول بطلو تنكر لي اصلكم، او بعد داك حدثونا عن الوطنية!

العرب لا يتنكرون لأصولهم ولكن الحلب من يتنكرون !!!!
الحلب ..العرب ....قررررربت والله

Quote: الدباب اساسي، وهو من امراء مرافيد الدفاع الشعبي ذي صاحبنا ده او معاهو ناس فيصل نوبي او ود المايقوما، متحكر في السعودية

كل من ذكرتهم والحمد لله يعملون في بلاد عربية وفي وظائف تحفظ لهم ماء وجههم ويعودون لديارهم متى ما أرادوا ..
ولكن كيف هو حال من يعمل " نادل " ياخ والله MBC2 دي ما قصرت معاي أصلو..
وما بال من يعمل كسائق تاكسي يوصل "النادلة" والتي تقدم له الجعة !!!!!!!
ثم ما بال من يحملون الPHD منكم ؟؟؟؟؟
وهنا أعني بي الPHD ال Pizza Home Delivery ....حتى لا تفهمونا غلط !!!!!

Quote: وطنيين لليفة رغم اللهثي خلف الريال السعودي!

بينما من يلهث خلف أبو صلعة لم يتال منه إلا الصلعة التي وصلت حتى منتصف ظهره من الجري وراء المعايش والعمل لمدة 18 ساعة ما بين محطات البنزين والمطاعم الليلية أو كما قالت MBC2 الحانات !!!!

Quote: في السودان قايمين او قاعدين احنا اولاد عرب

يازول والله جووووووووووووة عينك أولاد عرب موت موتك ساي !!!!!




أها كدي نجئ لكيف أصبح عمر الفاروق لاجئاً
عمر الفاروق قال هو عربي، يعنى السودان دا ما بلدو الأصلي، ومعناهو زي ما هو كتب في اورنيك طلب الجنسية السودانية، إنو جدودو جو مع دخول العرب للسودان، يعنى جو ببحثوا عن الكلأ والماء أو في رواية جو ساكين كيس، أو شاردين ولا جو ينشروا الإسلام الله أعلم. المهم زولنا عمر الفاروق دا قال هو عربي (وجوة عين بشاشا) والحمد لله لحدي هسة ما جوة عينى أنا، يعنى يا جماعة الزول دا السودان دا ما بلد أهلو وجدودو لأنو حسب معلوماتنا البسيطة، السودان ما بلد العرب يعنى هم جو ليهو من الجزيرة العربية وبعد داك بقو مواطنين (والماصدقنا يمشي لشرطة الجوازات والجنسية) المهم الزول دا زي وضعيتنا هسة في امريكا جا السودان لاجئ، وبعدين تانى الجزيرة العربية بقي ما يقدر يخشها إلا بجواز وتأشيرة، يعنى هسة الأمريكان ديل لو سرعو لي في موضوع جوازي ما بخش السودان إلا بفيزا.
يبقي مافي داعي زول أهلو لاجئين يكتب جنس الكلام الكتبو عمر الفاروق دا.
أها يا بشاشا الكلام دا كيف يعنى زول اهلو لاجئين يطول لسانو على اللاجئين وشايفو كمان محتج قال كلامو ودهو لي بكان البوستات الغير صالحة للنشر هو حقو يحمد الله ما شطبوهو ليهو.
وبعدين الناس الفي القاهرة ديل سودانيين وزولك دا بقول هو عربي يعنى ما قال أنا سودانى فهو ذاتو بعد ماالسودان أداهو الجنسية باقية ليهو تقيلة في لسانو عشان يقولها.

الصادق اسماعيل اللاجئ في امريكا

البوست موجه فقط مفتى الوطنيه فقط

بشاشا

البس كذلك اخى الصادق اسماعيل؟؟؟؟

صلاح
إنت قاصد موجه (إلي) مفتي الوطنية بشاشا؟
نرجو التوضيح

الصادق اسماعيل :

انت مش قلت من قوات التحالف الفي ارتريا ؟؟ ـ الحصل شنو ؟؟ الكفاح فرتق واللا شنو ؟؟ ـ كان تقولوا لينا وتورونا اللعبة القردية الهلوانية الحلوة دي ـ الواحد ينضم لقوات التحالف ويفك ليهو طلقتين في الهوا وبعد داك جري علي امريكا وهاك يا لجوء ! ـ لكين لعبتها صاح !! ـ مساكين اولادنا ديلك المطاردين بدفارات الالزامية من زقاق لي زقاق وما عارفين دروب التحالف بي وين ـ

... أبوها بلد ـ

منير
هسه عندك الفرصة لسه في معارضة سودانية في ارتريا، كان بتقدر على الطلقتين في الهوا أمشي يا زول قشة ما تعتر ليك وتلفونى في البروفايل وتب ما بدس عليك وبوريك ارتريا تمشيها كيف وبعد ما تفك الطلقتين اضرب لي وكان ماوريتك الدرب لي هنا كيف مااكون الصادق ود اسماعيل.
لحدي ما نتقابل هنا فتناك بعافية.
الصادق

فوق

العزيز الصادق اسماعيل تحياتي،

عارف، الزول البكره روحو، بكره ناسو بي صورة اشد لي سبب بسيط:

المسكين بعد مايتغلب علي وجع ضرس ذنوجتو بي مرهم وهم العروبة الموضعي، للاسف من اول اوجديد لمان يشوف روحو في مراية امثالو، الجن يركبو والوجع يقوم علي، اوعلي كده يقوم الممكون اوماصابر، ومن باب التخلص من شحنة الكراهية الاتراكمت تاني، بصب جام غضبو علي ناسو البذكرو صورة الزول الفي المريا داك، الهو جاكي منو اصلا!

فضحايانا، هم الbunching bag لي امثال عمر الفاروق للتخلص من شحنة الكراهية للذات ولو لحين!

فالمسكين عيان!