Post: #1
Title: خبر عاجل الشرطة المصرية تحاصر اللاجييئن السودانيين المعتصمين بالقاهرة
Author: ayman haroun
Date: 12-29-2005, 07:54 PM
قامت الشرطة المصرية اليوم عند الساعة الواحدة صباحا بمحاصرة اللاجيئن السودانيين المتواجدين بحديقة مصطفى محمود وبعد تحذير من قادة الشرطة بفض الاعتصام الان والا سيكون مصيرهم الفض بالعنوة والتزم المعتصمين ولكن قاموا برشهم بالمياه دون المرعاة للاطفال والامهات وكبار السن والمعذوريين اى ضمير هذا .
ومازال الوضع سيىء للغاية لان هنالك اطفال وامهات لذلك اناشد كل الضمائر الانسانية الوقوف معهم حتى تزول هذه المحنة التى استمرت حوالى ثلاثة اشهر .ولا ادرى ماذا سيحدث فى الساعات المقبلة من هذه الليلة السوداء المهم حتى الان يحاولون اقتحام الحديقة ...
سوافيكم لحظة بلحظة حتى الصبح وانا معهم على اتصال مباشر الان ...
ايمن هارون
|
Post: #2
Title: Re: خبر عاجل الشرطة المصرية تحاصر اللاجييئن السودانيين المعتصمين بالقاهرة
Author: ayman haroun
Date: 12-29-2005, 07:58 PM
Parent: #1
الرش بالمياه مازال مستمرا وانا الان اسمع صوت صياح عالية وحتى لم يتمكن من تخليص المكالمة اعتقد ان الامر صعب للغاية ...
ساحاول الاتصال مرة اخرى واوفيكم
|
Post: #3
Title: Re: خبر عاجل الشرطة المصرية تحاصر اللاجييئن السودانيين المعتصمين بالقاهرة
Author: نادية عثمان
Date: 12-29-2005, 08:05 PM
Parent: #2
ايمن
صباحك خير اخوى
انت مراقب الموقف من وين هسة ؟!!
يعنى شايفو ولاسامعو بالتلفون ولاشنو ؟
ختنا فى الصورة بالله
وكان الله فى عون اهلى فى هذا الشتاء القارس ..
|
Post: #4
Title: Re: خبر عاجل الشرطة المصرية تحاصر اللاجييئن السودانيين المعتصمين بالقاهرة
Author: ayman haroun
Date: 12-29-2005, 08:13 PM
Parent: #1
صباح النور ياختى ياندوية
انت مراقب الموقف من وين هسة ؟!!
يعنى شايفو ولاسامعو بالتلفون ولاشنو ؟
ختنا فى الصورة بالله
وكان الله فى عون اهلى فى هذا الشتاء القارس
انا الان فى شارع السودان بالمهندسين ومتابع الوضع من هناك وايضا معهم على اتصال مباشر مع الاخوة فى اللجنة المعتصمة واعتقد ان الامر الان صعب لانى فى اتصال معهم سمعت اصوات صراخ قوية ولحظتها انقطع الاتصال بينى وبينهم ولكن ساعود الاتصال مرة اخرى واوافيكى انشاء الله ...
تحياتى
ايمن هارون
|
Post: #5
Title: Re: خبر عاجل الشرطة المصرية تحاصر اللاجييئن السودانيين المعتصمين بالقاهرة
Author: محمود ريحان
Date: 12-29-2005, 08:19 PM
Parent: #4
كان الله في عونهم وربنا معاهم وين السفاره وده بحصل امام مقر الامم المتحده
|
Post: #7
Title: Re: خبر عاجل الشرطة المصرية تحاصر اللاجييئن السودانيين المعتصمين بالقاهرة
Author: نادية عثمان
Date: 12-29-2005, 08:29 PM
Parent: #5
اها الموقف هسة كيف ؟
الاطفال والنساء برضو تعاملوا معهم بذات العنف ؟؟
والله لولا انو الوقت الان متاخر جدا وانا بعيدة كنت جيت المهندسيم ..
يارب يكون معاك كاميرا بس عشان نوثق البحصل ده .. خراطيم مياه فى مثل هذا الجو حرام والله !!
|
Post: #6
Title: Re: خبر عاجل الشرطة المصرية تحاصر اللاجييئن السودانيين المعتصمين بالقاهرة
Author: ayman haroun
Date: 12-29-2005, 08:28 PM
Parent: #1
الاخ محمود ريحان
تحياتى
| Quote: كان الله في عونهم وربنا معاهم وين السفاره وده بحصل امام مقر الامم المتحده |
قول يالطيف وربنا يجيب العواقب سليمة
ايمن هارون
|
Post: #8
Title: Re: خبر عاجل الشرطة المصرية تحاصر اللاجييئن السودانيين المعتصمين بالقاهرة
Author: ayman haroun
Date: 12-29-2005, 08:51 PM
Parent: #1
العزيزة نادية
والاخوة التداخلين
Quote: اها الموقف هسة كيف ؟
الاطفال والنساء برضو تعاملوا معهم بذات العنف ؟؟
والله لولا انو الوقت الان متاخر جدا وانا بعيدة كنت جيت المهندسيم ..
يارب يكون معاك كاميرا بس عشان نوثق البحصل ده .. خراطيم مياه فى مثل هذا الجو حرام والله !! |
لقد تمكنت بالاتصال بهم الان وافادونى ان الوضع ماساوى للغاية ولكن توقف الرش بالمياه و هم الانالشرطة المصرية فى التجهيز للاقتحام العسكرى وفى انتظار التعليمات وربنا يجيب الجاى خير ..
|
Post: #9
Title: Re: خبر عاجل الشرطة المصرية تحاصر اللاجييئن السودانيين المعتصمين بالقاهرة
Author: ayman haroun
Date: 12-29-2005, 09:06 PM
Parent: #1
الشرطة ومسئولون من الجهات الامنية الان فى تفاوض مرة اخرى مع اللجنة اعتقد ان لم يصلوا معهم الى حل ستتدخل الشرطة فى فضهم عنوة لانهم الان مستعدون لذلك ...
يارب اللطف
|
Post: #10
Title: Re: خبر عاجل الشرطة المصرية تحاصر اللاجييئن السودانيين المعتصمين بالقاهرة
Author: نادية عثمان
Date: 12-29-2005, 09:20 PM
Parent: #9
مااظن الشرطة المصرية وقوات الامن يستخدموا العنف عشان النساء والاطفال .. وكفاية خراطيم الموية دى كمان !!
اها هسة التفاوض مستمر ؟!!
كدى اسالهم دايرين يودوهم وين زى الساعة دى ؟!!
يعنى يفكوا الاعتصام ويمشوا وين .. مصر جهزت ليهم بديل مثلا ؟!!
|
Post: #12
Title: Re: خبر عاجل الشرطة المصرية تحاصر اللاجييئن السودانيين المعتصمين بالقاهرة
Author: Tragie Mustafa
Date: 12-29-2005, 09:26 PM
Parent: #10
ايمن
لهم الله وافينا بالتفاصيل.
الامن المصري بعمد الغدر بهم لذلك داهمهم ليلا
(ولا من شاف ولا من دري) اي لا اعلام ولا صحافه.
لهم الله.
تراجي.
|
Post: #11
Title: Re: خبر عاجل الشرطة المصرية تحاصر اللاجييئن السودانيين المعتصمين بالقاهرة
Author: ayman haroun
Date: 12-29-2005, 09:24 PM
Parent: #1
الاعزاء
نادية
تراجى
الواثق
الان فى اخر اتصال قبل حوالى ثلاثة دقائق قامت الشرطة باطلاق الغاز المسيل للدموع داخل الحديقة بعد ان تعذر بالوصول الى حل لانهم طرحوا لهم بالترحيل الى مكان اخر خارج القاهرة ورفضوا لان الشرطة لم تحدد المكان بالضبط والشرطة جاهزة للاقتحام ...
ربنا يهون وينصلح الحال
ايمن هارون
|
Post: #13
Title: Re: خبر عاجل الشرطة المصرية تحاصر اللاجييئن السودانيين المعتصمين بالقاهرة
Author: نادية عثمان
Date: 12-29-2005, 09:37 PM
Parent: #11
ياايمن
مافى اى صحفى غيرك انت والواثق ؟
مافى فضائيات ؟
مافى اى كاميرا ان شاء الله كاميرة موبايل ؟
لازم انت والواثق تتصرفوا وتوثقوا الحدث ده بالصور بالله !!
|
Post: #14
Title: Re: خبر عاجل الشرطة المصرية تحاصر اللاجييئن السودانيين المعتصمين بالقاهرة
Author: ayman haroun
Date: 12-30-2005, 09:20 AM
Parent: #1
العزيزة نادية وبقية الاخوة
عفوا عن انقطاعى بسبب تعذر اتصالى عن الاخوة المعتصمين بسبب الاقتحام بعدهاتحركت اليهم ولم اتمكن من الوصول اليهم بسبب الضرب ورش المياه والغاز المسيل للدموع ولكن ماحدث بالامس حقيقه شىء مؤسف للغاية .
فوق مايتخيله الانسان من العمل اللاانسانى الذى قامت به السلطات المصرية مايظهر فى الفضائيات هذا القليل ولكن الكثير الا ان تكون شاهد عيان للموقف خلال متابعتى للموقف لقد صعب الحال اللانسانى بالرغم من اتصالاتى الواسعة على بعض الزملاء فى الجهات الانسانية نتعاون معا لاحتواء الوضع الان الوضع خرج عن طوع الانسانية .
اما عن ماتناقتله وسائل الاعلام فى ان هنالك تفاوض لمدة خمسة ساعات هذا غير صحيح لانه ليس بالتفاوض انما الذهاب بالسلم عنوة وهذا ماحدث فى تلك المجزرة البشعة .
شىء لايصدقه العقل فى ان تحشد السلطات المصرية حوالى خمسة الف جندى مدججين بكامل وكنت اتصور انهم سيحاربون دوله وليس فض لاعتصام سلمى به اطفال وامهات وكبار فى السن .
|
|