عام جديد زى القديم ... لا جديد

عام جديد ... جرح قديم ... ذكريات ... غبار كثيف ... كل عام زى كل عام ... لا جديد ... عام جديد زى القديم ... كل عام وانتى بخير ... وكل عام وانا فى انتظار ... فى محطات خالية من ركاب جداد ... نفس الملامح والوشوش ... نفس الكلام ... نفس الشوارع والبيوت ... نفس احتياجى اليكى , نفس الاشتهاء ... عام جديد والهجر طال ... العمر ضاع , الشعر شاب ... ضيعنى فيكى سراب لقاء ... ولا لقاء ... فى كل عام نفس الوداع ... اتسرسبت قدرة صمودك يا احتمال ... حتى الهزايم والضياع زى كل عام ... الفرق ايه ؟ بين بكرة , او بعد بكرة ... وبعد بعده , الفرق ايه ؟ ... تكرار لئيم ... نفس السؤال السرمدى ... ولا جواب ... فمتى الرحيل ؟ ... لمتين تأجل فى قرار الانتحار ؟ ... فى اى عام ؟ ... ود يا جبان .
شاهين .

عامك سعيد ..كل يوم جديد
بالله سيبو الانتظار
قرب تعال
..
ومتين تبدل نظرتك
ومتين تغير شهوتك
ردد معاي
لو هجرو طال
ابداهو انت الاتصال
..
ودعتو كيف وانت الحنين
وعارف براك ظلم السنين
ولفك اليو
ماكان سراب
ضيعت عمرك
في اغتراب
..
حياتك حياتك
ومن غير رحيل
سدد خطاك
ود يا أصيل

............................................................................
محمد سيد

حمادة يا مبدع . ايه الحلاوة دى يا ود يا مبدع , عقدتنى عديل , مداخلة اجمل من المساهمة , عندك انطلاق فى الوزن وتكتب كما يقول المصريين ( وانت سايب ايدك ) . شكرا ابو السيد

تحياتي أخي شاهين
حقيقة استمتعت كثيرا بجميع ما قرأته لك
وآصل ابداعك

لك خالص ودي

شكرا محمد