يا بكـــــــــــــري

Merry Chrismas and Happy new year ليك وللعائلة الكريمة.. ومبروك البورد الأصفر.. النصيحة أفحمتني باللون.. ودي زاتها مبروكة..

صلّح لينا الeditor بتاع البورد الجديد ربنا يديك العافية.. عشان الظاهر انت صلّحته في القديم بس.. حاكم انا قبل شوية كتبته لي تنظرية كده.. وراحت في شربة موية.. ولا أخفيك حزني.. دحين ألحقاني ينوبك فينا ثواب...


بنت الحسين

I wish Bakri and all the members of Sudanese online dot (come) had a great Christmas, I wish them a happy new year too

واضم زغللتى الى زغللة مريم الحسين واطالب بلون آخر

لون لا فاقع ولا مفقوع..

لون "اعتيادى" تنظر الى البورد فلا تراه من كثرة ماهو اعتيادى..

وهل يلاحظ احدكم لون السماء "جاهراه" فى عيونو..اذا كان ماشى فى الشارع ساكت بس؟؟

هل يلاحظ احدكم ان البحر لونه فاقع حتى لا يستطيع "التركيز" وهو سائق ماشى الشغل فى صباح الاتنين؟
انا بقول فى شنو؟
يازول اسمع ، الكلام قصرو ...... وبلا فلسفة

نحن دايرين لون تانى. "انا ومريم".

ده ما مخارج معانا

ولك ثواب تانى ..مش بتاع مريم

طمطم.. شكرا لانضمامك للمناشدة الكريمة.. انا غايته أول ما شفته اللون عجبني.. لذيذ.. بس زي ما قلت بزغلل.. وبخليك عايز تركّز فيه.. يعني بكري أكيد بذل جهد في اختياره... بس خلينا يا بكري نزغلل في الكلام أحسن.. عندنا حاجات كتيرة نزغلل فيها في البورد ده..

انا عندي مشكلة تانية .. حصلت في البورد داك.. وبكري هب للنجدة وصلّحها لينا.. حصل مرة كده من المرات كتبتي ليك كلام كتير وعجبك.. وبضغطه زر مجهول الهوية ضاع كل شي؟؟ دحين الزر ده هو زر ESC.. ولما تجي تضغطي ال"ذ" ممكن أصبعك يفلت.. اها الزر ده بكري عامله كShortcut للbutton الموجود في الeditor موش في واحد مكتوب فيه Reset.. اها Reset دي عذبتني عذاب شديد.. قلنا لبكري يحليها وحلاها المرة الفاتت.. عشان كده ما شرحته كتير..

اها تناصريني في مطلبتي التانية برضه؟

نطالب بالآتي:
(1) تغيير لون البورد
(2) تصليح الeditor عشان الكلام ما يضيع


بنت الحسين