Post: #1
Title: يا تمبس...أوعة تنزل موضوع بعنوان السرقات الانترنتية القردابى مثالا....
Author: ALGARADABI
Date: 12-22-2005, 06:19 AM
بصراحة بت تمبس شدة ما عجبتنى شلتا صورة هيثم مصطفى و ختيتا...
أها يا تمبس يا خوى ما تجينى بعد شوية ناطى مطالبا بتطبيق اللائحة
اها من اسى بكلمك...كان بكرى رفدنى عدييييل مابنزلا...
ملحوظة:
نصرالدين هجام و عبد الرازق الطالب يمتنعون
مع احترامى لهما
|
Post: #2
Title: Re: يا تمبس...أوعة تنزل موضوع بعنوان السرقات الانترنتية القردابى مثالا....
Author: الجندرية
Date: 12-22-2005, 08:36 AM
Parent: #1
القردابي
البت ما بت تمبس
هو كتب انها صديقتو
لكيييييين مافي عوجة
كان قاضاك بندخلها هي واسطة
وحلال عليك يا عم
|
Post: #3
Title: Re: يا تمبس...أوعة تنزل موضوع بعنوان السرقات الانترنتية القردابى مثالا....
Author: الجندرية
Date: 12-22-2005, 08:43 AM
Parent: #1
بالمناسبة
انا ما بفهم في الكورة كويس
لكن هيثم مصطفى دا بلعب في المريخ
كان ياهو دا قريب ست الصورة
راجل عمتها يبقى خالو
|
Post: #4
Title: Re: يا تمبس...أوعة تنزل موضوع بعنوان السرقات الانترنتية القردابى مثالا....
Author: أسامة خلف الله مصطفى
Date: 12-22-2005, 10:42 PM
Parent: #3
العزيز القردابى
الله يجازيك...يا أخوى المنبر ده شنو الدخلتنى ليه ده...ده فيه ناس صعبين جدا وجاهزين يفرتكو أى حاجه ...الأخوان الأعزاء كزستاوى وعبد الرزق الطيب وحميده بيناتهم حرب البسوس. وما عرفت الحاصل شنو...يبدو أن البورد فيه صراعات بتحتاج التدخل السريع من شخصيات دولية مرموقة..انا كنت فاكر إنو مهددات الصوملة فى الوطن الحبيب والحروب الأقليمية ونظام الحزب الواحد هى مشاكلنا العاجلة ..ولكنى فؤجئت بداحس والغبراء فى اللاشىء...ذكرتنى عادل إمام لمن قال فى إحدى مسرحياته " هم بتخنو فى أيه"..وربنا يهدى سرهم. ما كنا مرتاحين فى صفحة المقالات وسودانايل.
بعدين يا اخى العزيز
من الليلة ولى قدام يعنى أى بيت شعر عجبنى لازم أكتب قدامه قال.......
|
|