ود العجب عريسا... "إكليشيه"!!!

"قد يتغير كل شئ فينا...
كما يتغير كل شئ حولنا...
لكن أشواقنا كثيراً ما تعاودنا..."

و هذا ما حصل ليلة البارحة في حفل زفاف وليد العجب الذي أصابني بحالة من "الكحّة" نسبة للغبار الذي تناثر في أرجاء المكان من قدم "بكسر القاف " الأشخاص اللذين قابلتهم هناك.

ناس "محفوظين" بعناية فائقة في اَخر ركن في الذاكرة.. حيث تحفظ الأشياء القيّمة... نعود إليه لنفتحها و نمضي لحظات نقلّبها و نتصفّحها عندما تعاملنا الحياه بقسوة فوق العاده... و كثيراً ما تجلب هذه الممارسة بسمة صادقة أو ضحكة من القلب...

لا حــــولاااااااااا!!!! ناس لي سنين ما شفتهم... من زمن الجوز 3!!! لمن الزمن كان زين و الشعر مغتَي الإضنين!!!

Thank you Waleed for bringing all these people back together.
It was truly heart warming.
God bless you and the Bride!!!

العزيزة سلمي

اخيرا وليد العجب عرس خلاص

مبروك عليه وبيت مال وعيال عليه

وعقبال كل العزوبيه

يعني خلاص نقصوا واحد العزابه

ربنا يهنيه انشاء الله ويرزقه الولد الصالح

مبروووووووووك يا وليد وعقبال ولد هلالابي

والله يا سلمي انا ملومكم لوم شديد

يا خي انا اعرف عرس وليد من الناس و البورد بعد ما يخلص

والله انا الناس ديل كمان انا قيل عرفتي ليهم ماهينة

لمن كانو في خامسة اشتغلت معاهم و انا في تانية طارق دينار ، وليد العجب ، محمد كبري و مازن ميرغني ، ناس ما بيتنسو مع اني لي سنين ما شفتهم.
و يا سلام علي طيبة الدفعة ديك و ناس الكانو اخوان كبار بالجد ، وين عبادي الكبير و الصغير ، كل الشابات و الشباب الزمان.

والله دفعة ما بتتنسي كنا نقول بنكبر نبقي زيهم لكن الدنيا شتتنا و انا أول من ضرب الشتات


اها مالك علي يا سلمي من الصباح هيجتي لي كمية من ذكريات ، و انا بقيت زول كبير و مشرف علي بكاء في اي لحظة