فى العام الجديد ...سابداء من جديد

فى العام الجديد
سابداء من جديد...

اعتذر عن ظلمٍ
اعفو مع حلمٍ
لا شىء يضيرنى
لا احد يغصبنى
على فعلٍ حميـــد....

فى العام الجديد
سابداء من جـــديد...

اغير ذاتى
بفعلى وكلماتى
فى باقى حياتى
والله على قولى شهيد...

فى العام الجديد
سابداء من جديد...


احاور.. النُجبا
لا اخرق الحُجبا
احفظ ..الادبا
وعن مبدائى لا اُحُيد..

انا فى العام الجديد
سابداء من جديد...

مواضيعى جميلة محترمة
قصائدى منظومة ملهمة
ادعو الى احسن القيمَ
بقلب سليمٍ....وليد.....

انا فى العام الجديد
سابداء من جديد...


ابــــــقوتة
2006

أبقوته 2006
كل سنة وانت طيب أيها الرجل الخفى

Quote: ....وليد.....

ياخى مشكور جداً ان تبتدر (بوستات)عامك الجديد بذكر إسمى

رغم انك ما قاصدها لكن يلاا

ياخى بالله نزل صورتك عايزين نشوفك

وليد طه

خلاص ياوليد
عشانك..مشينا البطحاء
وعملنا صورة..سريعة
ووليد المصود فعلا هو
انت ...
كل عام انت
والعروس بخير
وكمان زورنا هنا
www.abuguta.com/db

الحبيب ابوقوته

ما اجملك سيدى وانت تدعو للقيم الراقية الرائعة

لقد سبقتنى فى هذه الدعوة التى كنت اؤجلها لليوم الاول من العام الجديد

ولكن الحق اننى ما كنت استطيع صياغتها بهذا الجمال وهذا النظم الرقيق

ليتهم يسمعون سيدى

وليتنا نلتزم بثوابتنا كذلك

ابو قوتة

كل سنة وانت طيب

إن سايد نيو لووك

قوووود


دعنا نفعلها كلنا ونبدأ مع انفسنا صفحة جديدة

ومع الاخرين أيضاً

فليبدأوا معنا صفحة جديدة ... والاخيرة رجاء

دمت بألف خير

Quote: لقد سبقتنى فى هذه الدعوة التى كنت اؤجلها لليوم الاول من العام الجديد

خالد قرشو
عمدة البورد

منكم تعلمنا
اجمل قيمنا
عالم الغربة هضمنا..
السودان فى نومنا
وحلمنا..
ولو قعدنا وقمنا
نحن اثنين انقسمنا
انا الرفرفة
وانت علمنا...


كل سنة وكلكم بخير

وكل عام وانت بخير
وفيك الخير

تخلى الشر تسوى الخير

تجيك الرحمة ..واطنان خير

قلبنا النابض
فى دواخلك برابط
بكرة..ابقى ضابط
احارب السوابط
واحافظ على الثوابت..

يالبورداب ليكم.. تعاهدنا
حلوة الاخيرة مش
بتشبه اراجيز الجماعة

كل عام وانتى بخير

Quote: تخلى الشر تسوى الخير تجيك الرحمة ..واطنان خير

تماضر
ياعطر البنادر
انا ليك بهاجر
بدون تذاكر
وبهدى ليك ازاهر

شكرا على مرورك المعتبر

ارجعى لبوست الرحولة
اتحليت من الذرة
مش

كان البوست ما رحل

رحولى شن فايدتو

وعصر الزرة فات

والقون على "شايتّو"


ههههههه

السماك اب قوته قنبلة الود الموقوته منو؟؟

انا ولا صلاح شتات

جيب لى صلاح شتات هنا..

وجاوب

والله ياطم طم

هم كانو ثلاثة

رددو هذا التعبير

ابو جهينة..ابقوتة القنبلة الموقوتة
وانتى..ابقوتة قنبلة الحب الموقوته
وصلاح شتات...ابقوتة قنبلة الودالموقوتة

انا قلت لو شلت اسم ابوجهينة
بقوم يقول لى انت من اندنا ويقوم
يعلق فى اخر العنقود المجنناه دى..
وكمان مولودة فى الغربة وبتقراء خاص..

ولو قمت شلت اسمك.. المنيطيرة خطيبتى دى تقوم تزعل
هى متصفحة ممتازة للبورد لكنها عرجاء..متابعة بوستاتى
دائما.ومكترة الاسئلة.هوزى دى منو ..بت الاحفاد دى شنو..القلب النابض دى
ردت عليها كدا ليش..تماضر ام مساير دى منو..وام سهى دى كويسة
وخالتك بيان دى ممتازة..الجندرية دى كبيرة ولا صغيرة..واسئلة تقطع
بطاقة سوا ام 100 ريال...

قلت اخير اشيل تعبير صلاح شتات..من اندنا وشباب قدرنا
وخال معتصم دفع الله .. الفردة المنقردة...

والله تسمملى بابت الشيخ..ماعليك فى السنة الجديدة
بكتب اسمك بدالو..لانهم خانو العهد...سافروا ام مغمتى
وما شالو لى هدايا العيد..خايفين من الوزن اليمنية
اها فتك عافية

Quote: احفظ ..الادبا

Quote: مواضيعى جميلة محترمة

Quote: انا فى العام الجديد سابداء من جديد...

وهذا يكفيك عزيزي ابقوتة

كل عام وانت بخير وموفق بقدر

ما سطرته من امان مفعمة بالقيم

وحلاوة الذات .... ويلا لبورد

دائما أجمل واحلى

بهرج
هودج
بنفسج
دحرج
صفرج
مدمج
مثلج
مفلج.....اها يابنفسج لو قلنا نكتب فى قصيدة

مع بنفسج بجى ال ورد
ومع الهودج بتجى المراة
مع دحرج بجى العلو
مع مدمج بتجى التكنلوجيا
مع مثلج بجى الجو المطير
مع مفلج بتجى البسمة

نجى لتركيب للقصيدة..

من اعلى علينا تدحرج..
بسمة من فم مفلج..
جميلة تركب الهودج..
فى جو جميل مثلج..
فكان حضورك يابنفسج...

ما رأيك أيها الأب قوتة
أنني جعلت أول مداخلة في العام الجديد لك
إعجابا بأبقوتة القديم، وترحيبا بأبقوتة الجديد

تستاهل..

لك التحية

Quote: إعجابا بأبقوتة القديم، وترحيبا بأبقوتة الجديد

لكن ياود عقيد..الرجل الاساسى حسين ملاسى
يقول ان لا فرق عنده ما بين القديم والحديث

عموما تشكرا ياطيب..
وسوف نلتقى فى بوست الشاشاى

أخي الرائع أب قوته
أسأل الله أن يجعل العام 2006 عاماً تحقق فيه كل أحلامك وآمالك وترجع لأبي قوته سالماً غانماً بشرط أن تحضر شهادة من هيئة شئون العاملين بالخارج تفيد بأنك قد سددت ما عليك للدولة من ضرائب وزكاة وعشور وقبانه وجميع الترع حفراً وردماً بما فيها ترعة كنانه.
جميل أن تبدأ بهذا التفاؤل فنحن جميعنا في حاجة إلى أن نبدأ من جديد وقد ظننت أن كلماتك تلك هي للمغنية سيلين ديون بمناسبة الكريسماس والسنة الجديدة والتي تقول فيها:

So this is Christmas
And what have you done
Another year over
A new one just begun
And so this is Christmas
I hope you have fun
The near and the dear ones
The old and the young
A very merry Christmas
And a happy new year
Let’s hope it’s a good one
Without any fear
And so this is Christmas
For weak and for strong
The rich and the poor ones
The war is so long
And so happy Christmas
For black and for white
For yellow and red ones
Let’s stop all the fight
A very merry Christmas
And a happy new year
Let’s hope it’s a good one
Without any fear
And so this is Christmas
And what have we done
Another year over
The new one just begun
And so happy Christmas
We hope you have fun
The near and the dear ones
The old and the young
A very merry Christmas
And a happy new year
Let’s hope it’s a good one
Without any fear
And so this is Christmas
And what have we done
Another year over
A new one just begun

وطبعاً لو كنت زي راكوبه أو تمبس كنت نزلتها ليك بالموسيقى كمان

شيخى الملا عمر
من غير ترحال او سفر
اضفت كلاما كالقمر
ونحسبه خلاصة الدرر
بس مين البشوف ساكن الجحر
والصفوة ومثال الاصبع والقمر
ياخى زارتنا البركة
ودائما فى بالى
كل سنة انت والاسرة بالف خير

العزيز أبو قوته

كل عام و إنت بخير و العزيزه ابو قوته بخير

مع خالص تقديري