Post: #1
Title: أقعوا التومة ..!!!
Author: عمر الفاروق
Date: 12-28-2005, 01:05 AM
Parent: #0
واحد صاحبنا كان سكير من الدرجة الأولى (والعياذ بالله) هو وشلتو من تمغرب يظبطوا قعدة الأنس وزولنا بيمشي لي التومة ست العرقي يجيب منها القزازة والكأس يدور لي اوخر الليل ..
تدور الأيام وفجأة كده صاحبنا ده بعد صراع مع المرض حلف بي دينو وأيمانو تاني ما يسكر ودعم الحليفة بي علي الطلاق ..
وفعلاً صاحبنا صمد لي كم شهر كده لكن تعبااااااااااان وخرمااااااااااات للمزة وللكاس وخلاااااااااااااااااص جابت اخرا معاهو ..
اها في قفلتو وخرمتو دي وهو مطلع ليهو كرسي تحت العمود جمب بيتهم سلموا عليهو شباب من الحلة ...
إزيييييك يا ياسر ..
رد عليهم وقال : أووووووووو شباب ..شنو علي ويييين كده الليلة إتلميتوا !!!!
قالوا ليهو والله ياخ ماشين نسكر ..
قال ليهم : أقعوا التومة أقعوا التومة !!!!!
تخريمة :
كم من أعضاء المنبر عايزين يقعوا التومة ؟؟؟؟؟؟؟؟
|
Post: #2
Title: Re: أقعوا التومة ..!!!
Author: ابو جهينة
Date: 12-28-2005, 01:39 AM
عمر الفاروق الحبيب
قال ليهم : أقعوا التومة أقعوا التومة 
***
قصة مشابهة يا عمر :
نسيبي في الجزيرة و واحد صاحبو كل يوم يروحوا الكامبو عند ستات العرقي و يشربوا لغاية ما يقيفوا لط.
أها يوم شربوا لغاية ما وقفوا سلك. و إتشاكلوا شكلة كبيرة و كل واحد طلع سكينتو من ضراعو .. و لولا لطف الله لحدث أمر مؤسف.
أها الصباح .. حلفوا على المصحف إنهم تاني ما يشربو ..
لكن يبدو أن عشقهم للمنكر كان أزلي ..
فكانوا يقعدوا عند طرف الكنار المقابل الكامبو .. و كلما جا واحد عاوز يمشي يشتري المنكر يقولوا ليهو في نفس واحد : هووووووووى .. ما تشتري من السرة .. إشتري من أم كدوس.
|
Post: #4
Title: Re: أقعوا التومة ..!!!
Author: عمر الفاروق
Date: 12-28-2005, 01:53 AM
Parent: #2
أستاذنا أبو جهينة :
قلت لي:
| Quote: و يشربوا لغاية ما يقيفوا لط. |
وتاني قلت :
| Quote: أها يوم شربوا لغاية ما وقفوا سلك. |
فهل هذا يعني أن السلك مرحلة متقدمة من اللط ؟؟؟؟؟
انا زمان كنت قايل اللط هي قمة الإنتشاء ..
والغريبة ناس تقول ليك الزول ده وقف لمبة !!!! فأين اللمبن من اللط والسلك هل هي مرحلة متقدمة منهما أم دونهما !!!!!!
ونترك الإجابة لذوي الإختصاص
تخريمة :
إتصلت عليك في المكت ما لقيتك (علي قول السعوديين ما حصلتك) ..
وموبايلك شكلو رقم قديم (حنك بيش)
يا تلحقنا بي الرقم يا تقعد في مكتبك فظروف قاهرة تمنعنا عن الحضور إليكم وودنا الإطمئنان على أخيكم رد الله عافيته ..
|
Post: #5
Title: Re: أقعوا التومة ..!!!
Author: waleed500
Date: 12-28-2005, 02:25 AM
Parent: #4
سودانيا بنقول اقعوا التومة
وامريكيا بنقول اقعو كاترينا
غايتو ما عارف لكن كاترينا دى
شكلها فاتت ناس التومة والسرة بمراحل
ياخى ديل لمن يزورو كاترينا دى بعملو
فى البورد ده جنس عمايل وفى ناس شكلهم ساكنين
معاها عديل... لط اربعة وعشرين ساعة...بس انت ما
قلت لى يا عمر الخلاك تتزكر التومة شنو؟؟؟الشغلة
ليها زمن......
ـــــــــــــــــــــــــــــــــــــــ
كاترينا بار عندهم فروع فى ميامى ونيويورك
ومنطقة واشنطون الكبرى
|
Post: #6
Title: Re: أقعوا التومة ..!!!
Author: عمر الفاروق
Date: 12-28-2005, 03:08 AM
وليد باشا:
Quote: قلت لى يا عمر الخلاك تتزكر التومة شنو؟؟؟الشغلة
ليها زمن...... |
والله يا وليد الدنيا رأس سنة وفي كاترينا ونيويورك الناس بتكون محتارة تمشي لي منو عشان الجعة (العرقي بي البلدي) ...
أها دحين بيكون هناك في مرا كبيرة إسمها " لاتانيا" بتظبط جعة زي الورد فزي عايزين ننصح ناس نيويورك ديل يقعوا لاتانيا !!!!!!!!
|
Post: #7
Title: Re: أقعوا التومة ..!!!
Author: A.Razek Althalib
Date: 12-28-2005, 03:16 AM
عمر الفاروق...
يا لذيذ يا رايق..
وين الحي بيك...
| Quote: كم من أعضاء المنبر عايزين يقعوا التومة ؟؟؟؟؟؟؟؟ |
الله لا بارك في واقعها...
ما كفاية اللقاءات الصحفية..
والأنداية..
كمان وقعها...
وحنين قاعد بيفتش في مسائل تحليلها..
من الأزهر..
تحليلة..:
سهرنا الليل وكملنا مع وليـ399ـد..
وفي ظلال طلتك الوسنانة....
تعال زورنا مرة..
بتلقانا نحن يانا نحن..
لا غيرتنا الظروف..
لا دستنا محنة..
|
Post: #8
Title: Re: أقعوا التومة ..!!!
Author: عمر الفاروق
Date: 12-28-2005, 03:37 AM
عمر إدريس :
أحسن تقع التومة ...
|
Post: #9
Title: Re: أقعوا التومة ..!!!
Author: عبدالرحمن الحلاوي
Date: 12-28-2005, 03:46 AM
Parent: #8
التومة دي ماماتت زمان تانيجايبين سيرتا لشنو
|
Post: #10
Title: Re: أقعوا التومة ..!!!
Author: Nasruddin Al Basheer
Date: 12-28-2005, 03:54 AM
الأخ عمر الفاروق
رمضان كريم
واحد سكرجي حريف جاتو زيارة ترانسيت للإمارات
لمدة أسبوعين.. شفت كيف
طوال فترة الاسبوعين هو يكون نايم بالنهار
ولما الجماعة يجوا من الدوام يتغدوا ويقولوا ليهو
نحن ماشين أم القيوين عشان نجيب العرقي..
يعني أسبوعين بالتمام ، سكر بالليل ونوم بالنهار..
لما رجع السودان الجماعة سألوهوا ... بالله كيف الإمارات؟
قال ليهم: والله غير ست العرقي الاسمها أم القيوين دي
ما عرفت فيها حاجة..
|
Post: #11
Title: Re: أقعوا التومة ..!!!
Author: فيصل نوبي
Date: 12-28-2005, 04:31 AM
يا عمر
ديل كم زول
كان عرفتهم اقع التومة و كان ما عرفتهم اقع التومة
|
Post: #12
Title: Re: أقعوا التومة ..!!!
Author: keiga2000
Date: 12-28-2005, 04:52 AM
Parent: #11
صاحبك دا اكيد يكون رشاشه هلالابي موت
اصلوا فريقهم خلاهم يعملوا اكتر من كدا
يديك العافية اخونا الرائع ود الفاروق
وباب التوبه مفتوح
ابومصطفى
|
Post: #13
Title: Re: أقعوا التومة ..!!!
Author: زول ساكت
Date: 12-28-2005, 05:38 AM
Parent: #12
ياعمر يافاروق كل سنه وانت طيب يعني
تانيا في التبادي عندنا واحد سكران ديمه بس من نوع تاني خالص مش زي بتاع التومه
الزول سكران ذكر الا مايسمع صوت طار ولا نوبه بخلي اي شي في ايدو
ومما يدخل الحلقه مابمرق تب يازول النوع البترجم داك
ياخي دا كان معاهو ضيوف مستعد يخليهم في البيت ويقوم جاري
والراجل ابو بنات متلمات حاولن معاهو يخلي الحكايه دي يعني يمشي بي رواقه للذكر
ويخلي الترجمه وبعدين كمان مايمشي بدون دعوه وكدا
باختصار وبعد كم اخلاف للموعد طلبن منو يحلف طلاق انو تاني يلتزم شويه
وبالفعل حلف واستمر فتره كدا وفوت كم حلقه ذكر لكنو كان يغلي من جوه
يقوم يوم يجو ناس الشيخ عوض الجيد لمناسبة في الحله والناس ديل ذكرهم حار شديد والله انا ما اتحملوا خلي زولنا دا
اول ماسمع الذكر كورك جاااااااااااااااااااااااك
واحد هفي بناتو قالت مالك يابا
فرد عليها(الليله البطلق امكن جات)
|
Post: #14
Title: Re: أقعوا التومة ..!!!
Author: صلاح الدين عبدالله محمد
Date: 12-28-2005, 06:55 AM
Parent: #13
زولك بمشى للتومه الجنب بابهم كلب
وزول (زول ساكت)بمشى للتومه الحنب بابهم (نوبه)وطار
|
Post: #15
Title: Re: أقعوا التومة ..!!!
Author: Ali Alhalawi
Date: 12-28-2005, 09:23 AM
Parent: #14
| Quote: فأين اللمبن من اللط والسلك |
اللمبة و السلك و اللط و الدوت و غيرهما سنتطرق لهما تحت باب السكر فى البوست إياهو .. بس أوعاك من الريموت كونترول
سلام يا حفيدى و كل سنة و أنت طيّب
|
|