جني وما جني 1 - واحد يفتح خشمو ويقول لي عاااااا سيي تلخخخ (عاين سني تتلخلخ) 2 - واحد لمن أضحِّكو يضربني ولا يقرصني 3 - واحد لمن يشرب الشاي بقول احححححححح (الخواجة الشغال معانا) 4 - واحد يتكلم والكباية في خشمو (أو اللقمة) 5 - واحد تتداخل معه في بوستو وما يرد عليك 6 - واحد يجمع المتداخلين كلهم في رد واحد الإخوان فلان وفلان وبدرالدين شنا وفلان (التقول على سفر)
أنا دا جني وما جني إنت جنك وما جنك شنو؟؟؟
09-11-2005, 11:49 PM
المسافر
المسافر
تاريخ التسجيل: 06-10-2002
مجموع المشاركات: 5061
أنا جني و جن : 1. أكون لابس و مارق ياقابلني واحد عند خشم الباب و يقول لى : إنت مارق ولا شنو ؟ و يقوم يدخل معاك جوة و يخلف رجل فوق رجل و يطلب شاى و يفتح مليون موضوع.. 2. جني و جن الواحدة يكون صوتها عالي شديد .. ما تعرف مواضيعا العادية من أسرارها .. 3. جني و جن المبشتن و المبشتنة في اللبس 4. حركة بالخشم و النخرة و خاصة لما الواحد يقوم من الأكل و في أقرب حوض غسيل يقعد يسوي الحركة دي ( غايتو بقوم من الأكل طوالي ) .. الله ياذاك يا القرفان .. 5. القطيعة .. كان من راجل كان من مرا 6. و جني و جن البخل .. أعوذ بالله .. البخيل بيعمل لى حساسية ..
أرقد عافية
09-12-2005, 00:11 AM
زول ساكت
زول ساكت
تاريخ التسجيل: 11-26-2004
مجموع المشاركات: 2907
أبو البدور وضيوفه الاجلاء ألف مرحب بيكم ومنورين أنا جني وجن أكتب بوست وأتعب فيه وبعد لحظات بقدرة قادر ألقاه في الصفحة الثانية أو الثالثة وجني وجن زول يكتب ويعلق في موضوع بدون ما يقراه ... بس يقرأ العنوان يبدا الرد أو يشوف الكتب الموضوع منو والرد يكون جاهز
09-12-2005, 04:50 AM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
Quote: وجني وجن زول يكتب ويعلق في موضوع بدون ما يقراه
هي لكن يا حبيبي في ناس عنوان البوست أكبر من البوست ذاتو أما حكاية بوستك البنزلق زي العصيدة دا فوالله شئ (يجنن) فعلاً لأنه حسب علمي إنك طالب الناس دي كلها وعمودك أصلو ما وقف من الفرشات لك حبي يا حبيب بلدو وحبيبي
09-12-2005, 04:49 AM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
Quote: جني وجن الواحد تكتب ليهو بوست بي اسمو ومايهببو ليك
لا حولااااااا إنت كاتم دا كلو و(ساكت) عذرا أخي والله ويشهد الله لم ار هذا البوست الجميل إلاَّ اليوم وبالدارجي كدا يعميني ويطرشني فأنا ياصديقي لست ممن يتجاهل الآخرين خاصة أحبابي القراب مني
Quote: كرش الوجاهة(منقول) يابدرالدين شنا
ودا دليل حبك لي لك العتبى حتى ترضى ويزول عنك (الجن) الذي سببته لك يا صديقي
09-12-2005, 01:20 AM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
يا بدرنا تبرى انت من الجن جنى وجن تكون قاطع تذكرتك وما تلقى ليك طيارة وتغيرة تذكرتك لى خطوط تانية تقطعك فى نص المسافة وتقول ليك ما عندنا طيارة توصلك. كيف اخبارك واحوالك
09-12-2005, 03:32 AM
nazar hussien
nazar hussien
تاريخ التسجيل: 09-04-2002
مجموع المشاركات: 10414
الغالي شدييييييييييد ابوقوتة سلام من هنا لي ابوقوتة وكمان يفوتة
Quote: جنى وجن البباركو الموقع وما بسجلو معانا
وأنا جني وجن زول يديك موقع مضبب وما يفتح أنا أخرت الرد عليك عشان أرفع بيك البوست لأنك جمل شيل لك معزتي أما بخصوص دكتور أبوقوتة فهو يقبع في منطقة شدة لم تتوفر لها هذه التقنيات وعشان يتواصل معاكم إلاَّ يمش خليف ولا ابوقوتة
09-12-2005, 06:36 AM
عادل فضل المولى
عادل فضل المولى
تاريخ التسجيل: 11-28-2004
مجموع المشاركات: 2165
الغالي بدر الدين دايما متميّز يعني البورداب (مشغولين) بي حاجات كدا (مرات) لا ليها رأس لا قعر وتجي انت طاير زي حاجة حلوة وتنفس البورد من التجهم وصرة الوش ... للمرة الأولى أعرف فائدة من فوائد الجدع في الصحراء ... انا داخل البوست وفي ذهني جنون من حاجات كتيرة (كان زمان) لكن هسى بقن شوية يعني ممكن تقول اتنين طلطاشر كدا وما بقولن ليك لكن في واحدة ابت الا تمرق (جني وجن الزول الوهم) تسلم يا بدر الدين وفي موضوع لو نجض حنكلمك بيهو لأنو وجودك مهم...! وتاني شكراً
09-13-2005, 01:12 AM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
وتاني حاجة.. أنا جني وجن الموظف العام البشوف نفسو ملك أو أمير ويتعامل مع الناس كأنهم رعية يجب أن تقدم له فروض الولاء والطاعة، وأن تشحت خدماتها وتتذلل وتركع.. وينسى أنه وسط الوساطات، ليصل إلى هذا المنصب وضبح الكرامات عندما وصل له. وجني وجن الناس البيعملو الحاجات دي للموظف وينسو أنهم أصحاب الحق وأنهم (خادم) لهم رغم أنفه. جني وجن الناس البفتكرو إنو فلان ده مافي زول غيرو بيقدر يؤدي الشغُل دا..
09-12-2005, 07:58 AM
nazar hussien
nazar hussien
تاريخ التسجيل: 09-04-2002
مجموع المشاركات: 10414
Quote: وتاني حاجة.. أنا جني وجن الموظف العام البشوف نفسو ملك أو أمير ويتعامل مع الناس كأنهم رعية يجب أن تقدم له فروض الولاء والطاعة، وأن تشحت خدماتها وتتذلل وتركع.. وينسى أنه وسط الوساطات، ليصل إلى هذا المنصب وضبح الكرامات عندما وصل له.
بس خليك في جنك دا حتى تشرق شمس باكر يا جميل
09-13-2005, 03:55 AM
nazar hussien
nazar hussien
تاريخ التسجيل: 09-04-2002
مجموع المشاركات: 10414
الشفيف نزار حسين أطال الله عمرك وزادك في الخير بسطة
Quote: يا البدر شن بلحقني ليك...
ما اكتبه هنا نجر خلال ساكت يا اخوي...
فشكرا ان أعجبتك هذه الجنياتك
وعفيتن ليك لله والرسول
كان جنك وجنهن
جمعتني أمس محادثة بعزيز لنا (من السعودية) أنا وأنت كان قلما ساخراً وكان محبوباً ولكنه فضل أن يبتعد ويكتفي بالتصفح فقط للمنبر وكان متابع لهذا البوست بالتحديد وأثنى عليك ثناءاً عطر ولكنه منعني من الإفصاح عن إسمه وسأذكره لك يوماً إن رجعت المسنجر فهو يحبك حباً جمَّا أما مداخلتك الرائعة هذه فزادت سعادتي بك وعشان أكون أكرم منك رايك شنو أنا أهدي ليك البوست بي جنياتو؟؟؟
09-13-2005, 08:24 AM
nazar hussien
nazar hussien
تاريخ التسجيل: 09-04-2002
مجموع المشاركات: 10414
غيّها فيّ ظاهر للبدور معرفتو في الباين علي دمي العزيز انا خفتو عرقا في المناكب كان كتب كارفتو داك لومك علي ما تقول عقب قارفتو
من حسس ام رشوم الحار بقول وا غلبي وما لقيت لي طبيبا يعرف الحاصل بي شمبانيها مو برّاني خافس قلبي زي هنتر نهار زنهارو واقف حربي
ذكرتي بالبنات لا عن مصوّع فاحت ضايق غلبهن ومن شينتن بتّّاحت جدّيع ودعتن بالليم علي ما طاحت هبرت كفّتي وعقب المطيرق راحت
الحار دلّو
والله يا البدر...وماك طالبني حليفه يا قول...السماسره هذا العزيز افتقده كثيرا فهو من اولئك الذين يجلبون الطمأنينة لوجه الله تعالي... له كل المعزه والحب والتقدير...
09-13-2005, 11:42 PM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
Quote: جني وجن البوست البيمشي الصفحة التانية خاصة لو فيهو ناس حلوين زي نزار وبدر الدين يا عينيا
تلقى ليك بوست في شكلة والجماعة يترافسوا ويتدافروا وأنا عشان بوستي ضعيف ومريضان أقل دفرة تمرقوا في آخر الدنيا وهسع كان ختاك إنت كان عفصوهو بي كرعيهم بارك الله فيك واشكرك على الكلمات الطيبة والتواصل يا جميل
09-13-2005, 11:50 PM
سامى عبد الوهاب مكى
سامى عبد الوهاب مكى
تاريخ التسجيل: 01-06-2005
مجموع المشاركات: 4971
تأمل معي ما قاله الطيب صالح....من جن فاق كل جنوننا هنا
((نهر النيل الصبور يسير سيره الحكيم, ويعزف لحنه القديم. "السادة" الجدد لا يسمعون ولا يفهمون؟. يظنون انهم وجدوا مفاتيح المستقبل؟. يعرفون الحلول؟ موقنون من كل شيء؟ يزحمون شاشات التلفزيون ومكرفونات الاذاعة؟ يقولون كلاما ميتا في بلد حي في حقيقته ولكنهم يريدون قتله حتي يستتب لهم الأمن.؟؟
من اين جاء هؤلاء الناس؟ أما ارضعتهم الامات والخالات؟ أما أصغوا للريح تهب من الشمال والجنوب؟ أما رأوا بروق الصعيد تشيل وتحط؟ أما شافوا القمح ينمو في الحقول وسبائط التمر مثقلة فوق هامات النخيل؟ أما سمعوا مدائح حاج الماحي وودسعد وأغاني سرور وخليل فرح وحسن عطية والكابلي وأحمد المصطفي؟ أما قرأوا شعر المجذوب والعباسي...
Quote: عليك الله مش في كل تساؤل بيقول جني وجن.....
دعني أحي معك هذه القامة السامقة (مقتدى الفخر)حلوة "مقتدى" دي مش؟؟؟ أما بخصوص الكوت أعلاه فهذا يؤكد ما سقناه من شفافيتك وقراءتك لما بين السطور لك المحبة والتقدير
09-14-2005, 00:43 AM
سامى عبد الوهاب مكى
سامى عبد الوهاب مكى
تاريخ التسجيل: 01-06-2005
مجموع المشاركات: 4971
أخي أبو أواب أنا شخصياً جني وجن (الغلات) – المجادلة – بعد حضور مباراة في كرة القدم وجنى وجن شارع ناس سمبك عشان فيهو كلب ومجنون وشفع عندهم نبلة ومحفر من موية البلاعات وجنى وجن سهلة المولد في الصيف وبالمساء ريحة وألغام وجنى وجن مباني شئون العاملين بالخارج في الخرطوم بياعين عسل وسمن فشنك وشحادين وجني وجن شارع العدني بأمدرمان وجني وجن كمال شداد وكمال حامد وجنى وجن تخميس سجارة البرنجي وجني وجن ميدان أب جنيز وجني وجن سينما وطنية بحري وجني وجن مراجعة المصالح الحكومية وجني وجن بوليس الحركة في الخرطوم === وإنت تعال يا بدرين الدين جنون البدر دي قايله ليك واحد ألجن ها حا يقول ليك أنفلونزا التيور لي الطيور ولا شنو غايتو أباري بوستاتك دي حا تطير لي سفتي
01-02-2006, 01:48 AM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
Quote: وإنت تعال يا بدرين الدين جنون البدر دي قايله ليك واحد ألجن ها حا يقول ليك أنفلونزا التيور لي الطيور ولا شنو غايتو أباري بوستاتك دي حا تطير لي سفتي
برييييييييييييييدك والله بريدك لو رفعت البووست بي إيدك
01-02-2006, 02:39 AM
nazar hussien
nazar hussien
تاريخ التسجيل: 09-04-2002
مجموع المشاركات: 10414
الصديق المجنون نزار حسين مشتاقين كتير لأنك اصيل وود ناس وحساس دائماً يكون إنفعالك مع القضايا كبير وأنا جني وجن البزعلك فالحمد لله إنك رجعت بعد المناشدة (يااااااااااااااااخ) تسلم يا حبيبي
01-02-2006, 05:40 AM
almulaomar
almulaomar
تاريخ التسجيل: 07-08-2002
مجموع المشاركات: 6485
أخي بدر الدين تشابه على الإنكرش منت وجنون البدر فقمت بتستيف ردين ضافيين يخصان الجنون في الإنكرش ولأن الكرش كبيرة فيها سواقي وفي جزيرة شالت وما مالت أها لك العتبي بسبب حولي السايبيري فأنا أحوص النت عند كل مقال والدليل الإنكرش منت. ===== بدر الدين جنكم وعرفناه الجنن العزابه شنو (أم كركابه ولا أم روابه) والجنن عبد القادر شنو والبعدو يجنن ده منو (أوعك تقول لي القربو يحنن ولا الهين ولين) والقلبو من جسمو فر وراح يكون جن ولا قرب يجن والجن وقال هوو ده يكون فقد من الحب ولا أصيب بجنون الكلاب وجنكيز خان ليهو علاقة بهذه الجنون ولا يكون من ناس جنون العظمه ==== نسيت يا بدر الدين شنا ناس قريتنا مرة مشيت أحضر عندهم عرس الفنان يغني والناس قاعدة ما في ولا حركة تقول حصة تاريخ ، أها فجأة كده الفنان يقوم يغعني ليهو أغنية عرضه وكان مطلعها جننتينا يا آمنه ، وحاتك يا البدري يا أخوي تقول الهدف الذهبي ، العالم دي كلها قامت تعرض لمن قربو يجننوني ، قلت ليهم دي آمنه عملت فيكم كده ومال لو جاتكم واحده من ستار أكاديمي تعملوا شنو. (منقول من الإنكرش منت بوست إلى جنون البدر بوست وبي ضبانتو أها في عكلته أكتر من كده)
01-02-2006, 07:28 AM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
هلا بالمقام العالي محمد السني نورت هذه الديار نورا لامن الواحد يرفع ضوايتو منو؟
يا زول انت بتطلب....لا لا أأمر أدييييل كده...
يا زول بركة الدنيا اللمتنا معاكم انت وتماضر والبدر الحليو دا...هسي الليلة بمشي اقشر بيك قشرة...صاحبنا محمد السني وصديقنا محمد السني وزميلنا محمد....يا زول كيف...غايتو انا ضمنت لي كم حاسد جديد...وكم بغران...بلاي عليك الله بتعرفو...ايوه هو ما قرأ مع خالي...وكان بجينا في البيت ..ديل الحاسدين...والبغران بيقول ليك اسمع في ياتو موقع ياتو موقع...عشان تديه العنوان سريع...والمرة الجاية يجي يحكي....
قبالك كنت قاشر بي تماضر والموصلي...والقشرة ما كملت سمح جونا ليك ناس الكتيابي ودكتور بشري الفاضل...ويحي فضل الله والبدر...وقبال قشرة العيد ما نفشها جونا ليك ناس حمزة سليمان وعمر بانقا...هسي جيت انت قشرة جديدة لنج وما تقول عيد الضحية قرّّب..
لك الف تحية وسلام
01-02-2006, 10:18 AM
عشة بت فاطنة
عشة بت فاطنة
تاريخ التسجيل: 01-06-2003
مجموع المشاركات: 4572
عاد يا البدري اعميني جنك دا ما شفتو الا حسي بس طراني المحن الخاتنهن في الصحن ، امشن واردحن وكان لي جني انت عارفو براك احسن ما اجيب طاريه اصلو مولع خطر وراكب قطر ، وكان السني فتى جنو وحاتك بملح معاه اصلها الجنون فنون ، وكان جني وجنك دخلوا السلخانة واحد فيهم بسلخ النملة .
01-03-2006, 00:51 AM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
Quote: وكان لي جني انت عارفو براك احسن ما اجيب طاريه اصلو مولع خطر وراكب قطر ، وكان السني فتى جنو وحاتك بملح معاه اصلها الجنون فنون ، وكان جني وجنك دخلوا السلخانة واحد فيهم بسلخ النملة .
إنتي جنك فرعوني لكن الجن البسلخ النملة دا ما سمعنا بيهو إلاَّ عندكم ياربي تحفظنا
01-03-2006, 00:51 AM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
انا جنى وجن العربية البتنبشر فى الحر وجنى وجن الجداد وقولة كر وجنى وجن المغترب البلبس جلاليب الخليج فى السودان وجنى وجن ما اجى راجع لى بوستيك ده تانى،،،
جنى وجن زوول اركب معاى المواصلات من الصلحابى لغاية الشهدا وما يكون عندى قروش كفايةادفع لية وبعد دة اسلم علي واقعد فى الكنبة الوراء.(عوض اللة قريبك مثال)
جنى وجن زول اصحينى من النوم يوم عيد الضحية ويقول لى قوم ساعد الضباح ودى لية المفراكة والحلل.
جنى وجن زول اقول لى حمد على السلامة جيت متيين(مافى زول كلمنا واللة ماعارفين ).
كمان جنى بجن عديل لمن اشوف لى بت حلوة واكتشف انها عويرة.
جنى وبزيد جنى الموظف البجى اقراء عداد الكهرباء ويلقى كوبرى فى الكهرباء اقول لى صاحب العداد بعين قوية ماعندك خمسة الف نفطر بيها.
وجنى وجن الكهربا لمن تكون قاطعة فى بيتنا بس وما القى قناية طويلة عشان ارجعا من العمود.
جنى وجن اشترى جريدة الدار والقى اخبار زى:
1/ مقدم فى الشرطة الامنية ادعى النبوة 2/رمت مجلة الصبيان فى المرحاض فتحولت الى عمك تنقو 3/تساقط الثلوج فى حلة حمد والمواطنون فزعون. 4/عجورة تبكى وتقول اوقفوا النفايات المستوردة بتعمل لى حاسية فى عيونى.
Quote: جنى وجن زوول اركب معاى المواصلات من الصلحابى لغاية الشهدا وما يكون عندى قروش كفايةادفع لية وبعد دة اسلم علي واقعد فى الكنبة الوراء.(عوض اللة قريبك مثال)
عفيت منك يا عوض الله يا قريبي ياخي دي أظرف حاجة اقراها من الصباح وخلتني أضحك براي زي المجنون تحياتي للجميع
01-03-2006, 00:52 AM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
العزيز علي الحسن جار حاج حسن سلام بطول الحيطة المزمع زيادتها
Quote: عوض اللة مابطل الصعود وانت عارف غربتى دى كلها عشان ارجع ارفع الحيطة البينا وبين ناس عوض اللة مدماكين لانو كرهنا الحلة انت عارف دا كان داير اشرب موية ما بشرب فى بيتم بجى اشرب من زيرنا.
أشكرك على مدي بأخبار الأهل وأنا مبسوط جداً من عمايل عوض الله فيك عشان تخلي الصعوط والله عوض الله دا أخير منو الضبانا والبدوي الشغال معانا تحياتي للجميع
01-05-2006, 11:49 PM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
حبيب قلبي المجنون نزار حسين سلام وجنون والله قدر ما حاولت أجاريك في جنك غلبتني عشان كدا بخليك تسربع على كيفك وأعاين ليك وأتكيف وأمشي وأجيك راجع والله حالة تجنن
01-03-2006, 06:25 AM
almulaomar
almulaomar
تاريخ التسجيل: 07-08-2002
مجموع المشاركات: 6485
Quote: جني و جن أكون بريد لي زول شديد و ما عارفة أعبر،،
وجني وجن اكون ما عارفه نفسي عبرت والله لا او ادخل بوست وما الاقي بدر الدين حلا ومن انقطاعة اللواري بالليل في الخـــلا ومن قالوا لينا جيبو مسطرة, برجل ومنقلة
01-03-2006, 09:10 AM
Dr. Moiz Bakhiet
Dr. Moiz Bakhiet
تاريخ التسجيل: 05-20-2004
مجموع المشاركات: 9044
Quote: جني وجن اكون قاعد ومشغل شريط للأستاذ الكابلي و يجيني زول داخل يقول لي : يا سلااااااام والله عثمان مصطفى ده غناي خلاص!
دي بالظبط الكان بعملها لينا أخونا اللذيذ (كبسور) فيصل أحمد سعد الله يطراهو بالخير وكان يقصدها ولكنها طرفة حلوة منه فهو دائماً يدهشني بكوميدته الرائعة أما أنت يا سعد الدين فتكفيك شهادة أنك تسمع للكابلي وكلاهما الكابلي وعثمان مصطفى قامات تتشرف بها بلادي لك الود يا رائع
01-04-2006, 01:07 AM
almulaomar
almulaomar
تاريخ التسجيل: 07-08-2002
مجموع المشاركات: 6485
جني وجن يوم السبت من أيام المدرسة وجني العجوز المتصابي وجني وجن المرأة البتسف صعوت وجني وجن رسوم المويةوالنفايات (الأولى دايماً قاطعة والتانية باينة من شوارعنا) وجني وجن النوم في أوضه مسقوفة بالزنك في نهار تموز وجنى وجن الدروشاب في الخريف
01-05-2006, 11:49 PM
بدرالدين شنا
بدرالدين شنا
تاريخ التسجيل: 07-30-2002
مجموع المشاركات: 3514
Quote: وجني وجن النوم في أوضه مسقوفة بالزنك في نهار تموز
تموز إنت ويدوم خيرك أنا جني وجن الكميرا لمن تجيب لي لاعب كورة فوكس ويقوم يبصق ياملا ياخوي والله إنت ونزار حسين جننتوني على الجن العلي وما قادر أرد على كل جنونكما كلها فاقبلوا بعضها ولكما شكري وتقديري وإن بعض الجن إثم لك حبي
01-17-2006, 09:09 AM
almulaomar
almulaomar
تاريخ التسجيل: 07-08-2002
مجموع المشاركات: 6485
ا رفع هذا البوست بإسم المحبه من الأعماق وأحر الأشواق لقد أرسل لي أخي بدر الدين شنا كرت معايده فله الشكر وعيده مبارك وخرفانه تتعارك وأرفع هذا البوست لأنني أجد فيه شئ من الفن وشئ من الجن وأرفع هذا البوست لأنني كنت ذات مرة جناح أيسر في كرة القدم وكان مناط بي عكس الكرات ولأنني لم أعكس أى كرة حتى تم تنسيقي من جميع المراحل السنية بجميع فرق العاصمة والأقاليم. وأرفع هذا البوست حتى يعود البدر بدراً وأرفع هذا البوست على مسئوليتي وليكن ما يكون
01-17-2006, 01:51 PM
jini
jini
تاريخ التسجيل: 02-05-2002
مجموع المشاركات: 30720
البدري أخوي والله بوستك ده بعد الباندوثات الإتكبت فيهو دي إلا يشيلوهو أربعه من العتاولة ، يا أخي دي كمية بتاعت حلاوة تسوى العشراقة أنا جنيت أشيل بوست بهذا الحجم ، يعني ممكن لو تنازلت لى عن بوست الضبانه والبدوي الشغال معانا يا ناس الليله ما جانا بسردب وأتحزم وألتزم وأجيب أحمد وحاج فضل سيد الدكان وعصام دهب سيد الجزاره وأى بتاع كارو أو ركشه حايم فلي الشارع في ذلك الوقت وأقول ليهم واحد إثنين ثلاثة هووب. ودعوة تتبارك ما تتشارك دي يبدو أنها أصابتني في مقتل فقد حاولت أن أشارك أحد أشقائي في الزراعة فأكلني ولما تجادنا وحمي الوطيس كان ماكراً ثلعلباً فقال لي بعد أن تنحنح نحنحة ملؤها الثقة: يا أخي أى حاجة في الكون ده مسطرة وبيد الله وكما كان يمكن لشراكتنا أن تدر علينا ربحاً عظيماً كان بالمقابل يمكن أن نخسر فيها رأسمالنا حتى وإن كانت نسبة الخسارة كسر عشري في المائة ، فزاد غيظي غيظاً لكنه عاجلني بقوله تعالى: أفرأيتم ما تحرثون أأنتم تزرعونه أم نحن الزارعون. فقلت آمنت بالله وربنا يعوضني قريشاتي التي ذهبت أدراج الرياح.
01-17-2006, 04:08 PM
Ahmed Abdallah
Ahmed Abdallah
تاريخ التسجيل: 08-12-2005
مجموع المشاركات: 5193
جني وجن حافلات المزاد و الإستباليات ودخول المباريات والسكارى في الحفلات والـ make up في المشلخات وعا قزاز في العمارات ودهن الكرار في المخدات والصفوف في الأزمات والفوز والخسارة في الإنتخابات وعدم غسيل الشرابات والراجل أب حجبات والمراه أم عضلات وموية البلاعات وكتابة بروفايلات وبرامج الكثير من الفضائيات والكثير من الحركات التي تصدر عن المغتربين والمغتربات مثل سيارات وشاليهات والكثير من الكلمات
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة