Post: #1
Title: جنون البدر
Author: بدرالدين شنا
Date: 09-11-2005, 10:41 PM
Parent: #0
جني وما جني
1 - واحد يفتح خشمو ويقول لي عاااااا سيي تلخخخ (عاين سني تتلخلخ)
2 - واحد لمن أضحِّكو يضربني ولا يقرصني
3 - واحد لمن يشرب الشاي بقول احححححححح (الخواجة الشغال معانا)
4 - واحد يتكلم والكباية في خشمو (أو اللقمة)
5 - واحد تتداخل معه في بوستو وما يرد عليك
6 - واحد يجمع المتداخلين كلهم في رد واحد الإخوان فلان وفلان وبدرالدين شنا وفلان (التقول على سفر)
أنا
دا جني وما جني
إنت
جنك وما جنك شنو؟؟؟
|
Post: #2
Title: Re: جنون البدر
Author: المسافر
Date: 09-11-2005, 11:49 PM
Parent: #1
دا جني وما جني
ياهو دا
ياهو ديل
يا جني يا ماجني
وجني وجن الغزالة جاوزت
(السن سويها في بعرة ومعها حبة عيشة وأجدعها بطول ايدك لعين الشمس (خلي القمرة تغيب من الغيظ) وانشاء الله سنون الغزالة العشرة بقومن لبدوري))
يا شين كيسك وين؟؟
|
Post: #3
Title: Re: جنون البدر
Author: ابو جهينة
Date: 09-11-2005, 11:57 PM
Parent: #2
شقيقي أبو البدور
تحياتي
أنا جني و جن :
1. أكون لابس و مارق ياقابلني واحد عند خشم الباب و يقول لى : إنت مارق ولا شنو ؟ و يقوم يدخل معاك جوة و يخلف رجل فوق رجل و يطلب شاى و يفتح مليون موضوع..
2. جني و جن الواحدة يكون صوتها عالي شديد .. ما تعرف مواضيعا العادية من أسرارها ..
3. جني و جن المبشتن و المبشتنة في اللبس
4. حركة بالخشم و النخرة و خاصة لما الواحد يقوم من الأكل و في أقرب حوض غسيل يقعد يسوي الحركة دي ( غايتو بقوم من الأكل طوالي ) .. الله ياذاك يا القرفان ..
5. القطيعة .. كان من راجل كان من مرا
6. و جني و جن البخل .. أعوذ بالله .. البخيل بيعمل لى حساسية ..
أرقد عافية
|
Post: #7
Title: Re: جنون البدر
Author: Habib_bldo
Date: 09-12-2005, 00:41 AM
Parent: #4
أبو البدور وضيوفه الاجلاء
ألف مرحب بيكم ومنورين
أنا جني وجن أكتب بوست وأتعب فيه وبعد لحظات بقدرة قادر ألقاه في الصفحة الثانية أو الثالثة
وجني وجن زول يكتب ويعلق في موضوع بدون ما يقراه ... بس يقرأ العنوان يبدا الرد أو يشوف الكتب الموضوع منو والرد يكون جاهز
|
Post: #13
Title: Re: جنون البدر
Author: بدرالدين شنا
Date: 09-12-2005, 04:50 AM
Parent: #7
الحبيب حبيب بلدو
والجميل جميل بلدو
مشتاقييييييييييييين
| Quote: وجني وجن زول يكتب ويعلق في موضوع بدون ما يقراه |
هي لكن يا حبيبي في ناس عنوان البوست أكبر من البوست ذاتو
أما حكاية بوستك البنزلق زي العصيدة دا فوالله شئ (يجنن) فعلاً لأنه حسب علمي إنك طالب الناس دي كلها وعمودك أصلو ما وقف من الفرشات
لك حبي يا حبيب بلدو وحبيبي
|
Post: #12
Title: Re: جنون البدر
Author: بدرالدين شنا
Date: 09-12-2005, 04:49 AM
Parent: #4
المحبوب زول ساكت
سلام وإعتذار قوي
| Quote: جني وجن الواحد تكتب ليهو بوست بي اسمو ومايهببو ليك |
لا حولااااااا إنت كاتم دا كلو و(ساكت) عذرا أخي
والله ويشهد الله لم ار هذا البوست الجميل إلاَّ اليوم وبالدارجي كدا يعميني ويطرشني فأنا ياصديقي لست ممن يتجاهل الآخرين خاصة أحبابي القراب مني
| Quote: كرش الوجاهة(منقول) يابدرالدين شنا |
ودا دليل حبك لي
لك العتبى حتى ترضى ويزول عنك (الجن) الذي سببته لك يا صديقي
|
Post: #10
Title: Re: جنون البدر
Author: بدرالدين شنا
Date: 09-12-2005, 01:20 AM
Parent: #3
شقيقي جلال جد آية
أحبك إنت بجنونك الستَّة
| Quote: إنت مارق ولا شنو ؟ |
دي زي زول يشوفك قدامو وبرضو يقول ليك هازول إنت ما سافرتا؟؟؟
أرقد عافية
|
Post: #9
Title: Re: جنون البدر
Author: بدرالدين شنا
Date: 09-12-2005, 01:20 AM
Parent: #2
صديقي القديم المقيم مسافر
إنت زعلت ولا شنو يا دكتور
حبي وجنوني الطيب وليس الخبيث
|
Post: #5
Title: Re: جنون البدر
Author: أبوذر بابكر
Date: 09-12-2005, 00:33 AM
Parent: #1
إزيك يا بدر التمام
تصدق
أنا إفتكرتك عايز تتكلم عن واحد "الْجن"
بتكلم عن "جنون البقر"
البجنن كتير والله يا بدر
بس تعرف
أنا اكتر شى مش بجننى بس، بقتلنى عديل كده
الزول البدّخل فى شى ما بخصه
ودائما النوع ده بكون بليد
|
Post: #8
Title: Re: جنون البدر
Author: nazar hussien
Date: 09-12-2005, 00:51 AM
Parent: #5
يا البدر
جني وجن ريحة زيت شعر الهنود
وجني وجن الناس أبان حركات قرود
وجني وجن الحمي البتبنوها بالعود
جني وجن الزول البنخنخ
وجني وجن الشتم المتختخ
وجني وجن البعجن ويلتخ
جني وجن اللبس المشاتر
وجني وجن نهزرة العساكر
وجني وجن ال لي العشره ناكر
جني وجن صوت القواله
وجني وجن الزول اب رياله
وجني وجن الاسبتاله
|
Post: #15
Title: Re: جنون البدر
Author: بدرالدين شنا
Date: 09-12-2005, 04:52 AM
Parent: #8
الغالي جداً جداً نزار حسين
سلام سليم العقل
Quote: جني وجن ريحة زيت شعر الهنود
وجني وجن الناس أبان حركات قرود
وجني وجن الحمي البتبنوها بالعود
جني وجن الزول البنخنخ
وجني وجن الشتم المتختخ
وجني وجن البعجن ويلتخ
جني وجن اللبس المشاتر
وجني وجن نهزرة العساكر
وجني وجن ال لي العشره ناكر
جني وجن صوت القواله
وجني وجن الزول اب رياله
وجني وجن الاسبتاله |
هسع آجنا ديل كلهن جنونك براك؟؟؟
وجنيتن كلهن فت مرة ولا إتوالدن
جنونا زمان وصونا على الوطن
حبي الغامر
|
Post: #14
Title: Re: جنون البدر
Author: بدرالدين شنا
Date: 09-12-2005, 04:51 AM
Parent: #5
الأديب القريب أبوذر بابكر
سلام ماسورتو حالجة
Quote: أنا اكتر شى مش بجننى بس، بقتلنى عديل كده
الزول البدّخل فى شى ما بخصه
ودائما النوع ده بكون بليد |
هي نان آخوانا المتل دا يلقالو شيتاً يخصو وين؟؟؟
ما تجننوا الزول ساكت يا شطِّروها يا زحوا من جنبو
أدعو لك بالصحة والعافية دوماً
|
Post: #6
Title: Re: جنون البدر
Author: المعتمد
Date: 09-12-2005, 00:41 AM
Parent: #1
يا بدرنا
تبرى انت من الجن
جنى وجن تكون قاطع تذكرتك وما تلقى ليك طيارة وتغيرة تذكرتك لى خطوط تانية تقطعك فى نص المسافة وتقول ليك ما عندنا طيارة توصلك.
كيف اخبارك واحوالك
|
Post: #11
Title: Re: جنون البدر
Author: nazar hussien
Date: 09-12-2005, 03:32 AM
Parent: #6
نواصل الجنون يا البدر
جني وجن الناس السوا وبتنقرو
وجني وجن ردّيم عدة العزابه
جني وجن الفلس وكتين يجيك بي فقرو
وجني وجن رفعة السبابة
جني وجن ملاح القرع
وجني وجن الغره بلا ورع
وجني وجن العوم الفي الترع
جني وجن الكلاب
وجني وجن الكتل بي الحراب
وجني وجن الرجال أبّان...ب
جنّي وجن الزول الشليق
وجني وجن البنطلون البضيق
وجني وجن مطلوقة الفريق
جني وجن الشافع البهبّش
وجني وجن الشبط البكرمش
وجني وجن الشرطي البفتّش
كفاك جن والله ازيدك
|
Post: #17
Title: Re: جنون البدر
Author: بدرالدين شنا
Date: 09-12-2005, 05:07 AM
Parent: #11
الرائع حد الوصف نزار حسين
والله بحبك وبرتاح ليك وبريد جنونك
Quote: جني وجن الناس السوا وبتنقرو
وجني وجن ردّيم عدة العزابه
جني وجن الفلس وكتين يجيك بي فقرو
وجني وجن رفعة السبابة
جني وجن ملاح القرع
وجني وجن الغره بلا ورع
وجني وجن العوم الفي الترع
جني وجن الكلاب
وجني وجن الكتل بي الحراب
وجني وجن الرجال أبّان...ب
جنّي وجن الزول الشليق
وجني وجن البنطلون البضيق
وجني وجن مطلوقة الفريق
جني وجن الشافع البهبّش
وجني وجن الشبط البكرمش
وجني وجن الشرطي البفتّش |
ولله حيرتني عديل كدا
ياخي بإختصار ما عرفت أشيل ياتو "كوت" عشان أعلق عليهو
| Quote: كفاك جن والله ازيدك |
زيدني من جنك شوية وكتر الأفراح عليا
ياخي بصراحة كدا ومن غير زعل أنا فخور بك
|
Post: #16
Title: Re: جنون البدر
Author: بدرالدين شنا
Date: 09-12-2005, 04:52 AM
Parent: #6
الحبيب الغالي معتمدنا في الخليج
سلام وشوق لدرجة الجنون
| Quote: كيف اخبارك واحوالك |
أنا أخباري طيبة إنت كيف أها شهر عشرة قرررررررررررب بختك
|
Post: #18
Title: Re: جنون البدر
Author: abuguta
Date: 09-12-2005, 05:38 AM
Parent: #16
جنى وجن البباركو الموقع
وما بسجلو معانا
لكن بلغ دكتورنا بتاع ابقوتة بالموقع
وقول ليه خش..واكتب لنا عن خليف
www.abuguta.com/db
|
Post: #27
Title: Re: جنون البدر
Author: بدرالدين شنا
Date: 09-13-2005, 03:22 AM
Parent: #18
الغالي شدييييييييييد ابوقوتة
سلام من هنا لي ابوقوتة وكمان يفوتة
Quote: جنى وجن البباركو الموقع
وما بسجلو معانا |
وأنا جني وجن زول يديك موقع مضبب وما يفتح
أنا أخرت الرد عليك عشان أرفع بيك البوست لأنك جمل شيل
لك معزتي
أما بخصوص دكتور أبوقوتة فهو يقبع في منطقة شدة لم تتوفر لها هذه التقنيات وعشان يتواصل معاكم إلاَّ يمش خليف ولا ابوقوتة
|
Post: #19
Title: Re: جنون البدر
Author: عادل فضل المولى
Date: 09-12-2005, 06:36 AM
Parent: #16
الغالي بدر الدين
دايما متميّز
يعني البورداب (مشغولين) بي حاجات
كدا (مرات) لا ليها رأس لا قعر
وتجي انت طاير زي حاجة حلوة وتنفس البورد من
التجهم وصرة الوش
...
للمرة الأولى أعرف فائدة
من فوائد الجدع في الصحراء
...
انا داخل البوست
وفي ذهني جنون من حاجات كتيرة
(كان زمان)
لكن هسى بقن شوية
يعني ممكن تقول
اتنين طلطاشر كدا
وما بقولن ليك
لكن في واحدة ابت الا تمرق
(جني وجن الزول الوهم)
تسلم يا بدر الدين
وفي موضوع لو نجض حنكلمك بيهو
لأنو وجودك مهم...!
وتاني شكراً
|
Post: #23
Title: Re: جنون البدر
Author: بدرالدين شنا
Date: 09-13-2005, 01:12 AM
Parent: #19
أخي وصديقي عادل فضل المولى
سلام وبركات الولي الصالح
Quote: وتجي انت طاير زي حاجة حلوة وتنفس البورد من
التجهم وصرة الوش |
أشكرك أخي على هذه الكلمات الطيبات
Quote: وفي موضوع لو نجض حنكلمك بيهو
لأنو وجودك مهم...! |
اشكرك تاني ولو ربنا مد في العمر أنا رهن إشارتك يا شفيف وتجدني في الإنتظار تتلبسني حالة من الشوق
لك حبي
|
Post: #20
Title: Re: جنون البدر
Author: Abdulla Ageed
Date: 09-12-2005, 07:08 AM
Parent: #1
ازيك يا بدر الدين
أول حاجة شكرا ليك
وتاني حاجة.. أنا جني وجن
الموظف العام البشوف نفسو ملك أو أمير
ويتعامل مع الناس كأنهم رعية يجب أن تقدم
له فروض الولاء والطاعة، وأن تشحت خدماتها
وتتذلل وتركع..
وينسى أنه وسط الوساطات، ليصل إلى هذا المنصب
وضبح الكرامات عندما وصل له.
وجني وجن الناس البيعملو الحاجات دي للموظف
وينسو أنهم أصحاب الحق وأنهم (خادم) لهم رغم
أنفه.
جني وجن الناس البفتكرو إنو فلان ده مافي زول
غيرو بيقدر يؤدي الشغُل دا..
|
Post: #21
Title: Re: جنون البدر
Author: nazar hussien
Date: 09-12-2005, 07:58 AM
Parent: #20
Quote: زيدني من جنك شوية وكتر الأفراح عليا
ياخي بصراحة كدا ومن غير زعل أنا فخور بك |
يا البدر...يفخربك ربي والرسول سيدي بركة جاه النبي
قبيل بعد الغداء وانا راقد اتذكرت ليك كترة جنون
جني وجن المس كول
والشويفع الخاتنو مسئول
والمحارس عند لجنة قبول
جني وجن ناس الجمارك
والببيعو العشا بي الموارك
والصفوف امّات كواريك
جني وجن الاجتماعات
وانتظار صالةالمطارات
والتبرك والصفوف
كان في البنوك والله السفارات
جني وجن العجايز البتحنن
البلبسن للخواتم ويدخنن
وهن من زمن
قالو لي جن
هوي حلاأأأأأأأأأأأأتن
كونكش كوش كونكوش كوش
جني وجن الراجل اب سلاسل
البباري البنوت وديمة فاصل
والشغلتو قصادهن مراسل
جني وجن حضرت ولم اجدكم
والبسالم الناس بي طرف كم
والبقول لك جيت من عربكم
|
Post: #22
Title: Re: جنون البدر
Author: nazar hussien
Date: 09-13-2005, 00:35 AM
Parent: #21
قلنا نجنن ليك البوست من الصباح في رأسو
اها بسم الله...
جني وجن الضرائب
واللخابيت البتفرق الحبايب
والشواكيش الزي قرص الدبايب
جني وجن السهر
وقلقيل السراير في المطر
واللضان الما بتسمع وتر
جني وجن ماك جا تعرّس
وعدم احترام التلاميذ لي المدرس
والبجلدك بي دو وتريس
|
Post: #26
Title: Re: جنون البدر
Author: بدرالدين شنا
Date: 09-13-2005, 01:29 AM
Parent: #22
نزاري البي حالي ديمة داري
أتمنى أستمرار جنوناتك حتى تتحفنا بهذه الدرر التي أجد نفسي قزماً أمامها
Quote: جني وجن ماك جا تعرّس
وعدم احترام التلاميذ لي المدرس
والبجلدك بي دو وتريس |
أقترح عليك جمع كل هذه الجنونات في كتاب أو فلنقل ديوان وصدقني إنها جديرة بذلك وعندي قناعة تامة بأنك تؤلها وقتياً وهذه ملكة إبداعية
لك حبي
|
Post: #25
Title: Re: جنون البدر
Author: بدرالدين شنا
Date: 09-13-2005, 01:13 AM
Parent: #21
فخري وعزي نزار حسين
سلام بعدد جنوناتك
| Quote: يا البدر...يفخربك ربي والرسول سيدي بركة جاه النبي |
آمييييييييييييييييين لنا ولكم أجمعين
Quote: جني وجن العجايز البتحنن
البلبسن للخواتم ويدخنن
وهن من زمن
قالو لي جن
هوي حلاأأأأأأأأأأأأتن |
ههههههههههه وتاني هههههههههه
Quote: جني وجن الراجل اب سلاسل
البباري البنوت وديمة فاصل
والشغلتو قصادهن مراسل |
ياخي إنت متأكد ديل جِنَّاتك؟؟؟ لأنو أنا عندي واحدات زيهن
لك خالص معزتي يا رجل يا طيب
|
Post: #24
Title: Re: جنون البدر
Author: بدرالدين شنا
Date: 09-13-2005, 01:13 AM
Parent: #20
الحبيب الغالي عبدالله عقيد
سلام طويييييييييل
دي عشان
دي .. أنا ختري مش؟؟؟
Quote: وتاني حاجة.. أنا جني وجن
الموظف العام البشوف نفسو ملك أو أمير
ويتعامل مع الناس كأنهم رعية يجب أن تقدم
له فروض الولاء والطاعة، وأن تشحت خدماتها
وتتذلل وتركع..
وينسى أنه وسط الوساطات، ليصل إلى هذا المنصب
وضبح الكرامات عندما وصل له. |
بس خليك في جنك دا حتى تشرق شمس باكر يا جميل
|
Post: #28
Title: Re: جنون البدر
Author: nazar hussien
Date: 09-13-2005, 03:55 AM
Parent: #24
يا البدر شن بلحقني ليك...
ما اكتبه هنا نجر خلال ساكت يا اخوي...
فشكرا ان أعجبتك هذه الجنياتك
وعفيتن ليك لله والرسول
كان جنك وجنهن
|
Post: #29
Title: Re: جنون البدر
Author: بدرالدين شنا
Date: 09-13-2005, 04:58 AM
Parent: #28
الشفيف نزار حسين
أطال الله عمرك وزادك في الخير بسطة
Quote: يا البدر شن بلحقني ليك...
ما اكتبه هنا نجر خلال ساكت يا اخوي...
فشكرا ان أعجبتك هذه الجنياتك
وعفيتن ليك لله والرسول
كان جنك وجنهن |
جمعتني أمس محادثة بعزيز لنا (من السعودية) أنا وأنت كان قلما ساخراً وكان محبوباً ولكنه فضل أن يبتعد ويكتفي بالتصفح فقط للمنبر وكان متابع لهذا البوست بالتحديد وأثنى عليك ثناءاً عطر ولكنه منعني من الإفصاح عن إسمه وسأذكره لك يوماً إن رجعت المسنجر فهو يحبك حباً جمَّا
أما مداخلتك الرائعة هذه فزادت سعادتي بك وعشان أكون أكرم منك رايك شنو أنا أهدي ليك البوست بي جنياتو؟؟؟
|
Post: #30
Title: Re: جنون البدر
Author: nazar hussien
Date: 09-13-2005, 08:24 AM
Parent: #29
يا البدر....
يزيدك ربي من نعمو
اما العزيز جدا
فرجاء...تبلغو
غيّها فيّ ظاهر للبدور معرفتو
في الباين علي دمي العزيز انا خفتو
عرقا في المناكب كان كتب كارفتو
داك لومك علي ما تقول عقب قارفتو
من حسس ام رشوم الحار بقول وا غلبي
وما لقيت لي طبيبا يعرف الحاصل بي
شمبانيها مو برّاني خافس قلبي
زي هنتر نهار زنهارو واقف حربي
ذكرتي بالبنات لا عن مصوّع فاحت
ضايق غلبهن ومن شينتن بتّّاحت
جدّيع ودعتن بالليم علي ما طاحت
هبرت كفّتي وعقب المطيرق راحت
الحار دلّو
والله يا البدر...وماك طالبني حليفه يا قول...السماسره
هذا العزيز افتقده كثيرا فهو من اولئك الذين يجلبون
الطمأنينة لوجه الله تعالي...
له كل المعزه والحب والتقدير...
|
Post: #32
Title: Re: جنون البدر
Author: بدرالدين شنا
Date: 09-13-2005, 11:42 PM
Parent: #30
الشامخ البازخ نزار حسين
سلام بحجم المحبة
Quote: اما العزيز جدا
فرجاء...تبلغو
غيّها فيّ ظاهر للبدور معرفتو
في الباين علي دمي العزيز انا خفتو
عرقا في المناكب كان كتب كارفتو
داك لومك علي ما تقول عقب قارفتو |
وإيش لازم المسنجر تراك إنت عرفتو
باين من حروفك لوح الجمال شرفتو
لك حبي وسأبلغه وسأقرأ عليه دررك إن شاء الله
|
Post: #31
Title: Re: جنون البدر
Author: Abdulla Ageed
Date: 09-13-2005, 01:32 PM
Parent: #1
جني وجن البوست البيمشي الصفحة التانية
خاصة لو فيهو ناس حلوين
زي نزار وبدر الدين
يا عينيا
|
Post: #33
Title: Re: جنون البدر
Author: بدرالدين شنا
Date: 09-13-2005, 11:43 PM
Parent: #31
الجميل عبدالله عقيد
سلام ومحبة
Quote: جني وجن البوست البيمشي الصفحة التانية خاصة لو فيهو ناس حلوين
زي نزار وبدر الدين
يا عينيا |
تلقى ليك بوست في شكلة والجماعة يترافسوا ويتدافروا وأنا عشان بوستي ضعيف ومريضان أقل دفرة تمرقوا في آخر الدنيا وهسع كان ختاك إنت كان عفصوهو بي كرعيهم بارك الله فيك
واشكرك على الكلمات الطيبة والتواصل يا جميل
|
Post: #34
Title: Re: جنون البدر
Author: سامى عبد الوهاب مكى
Date: 09-13-2005, 11:50 PM
Parent: #1
انا يابدر الدين حلاة جنى وجن اشوف بوست كاتبه انت وما اقراة.
|
Post: #35
Title: Re: جنون البدر
Author: بدرالدين شنا
Date: 09-14-2005, 00:29 AM
Parent: #34
الحبيب الأحمر القاني سامي
تحيات وتمنيات بتجاوز المولودية
 إنت عارف أنا زمني دا كلو قايلها ورقة تين هي أتاريها وش اسد
نسيت أقول ليك حمداً لله على سلامتك وعودتك لنا يا الحبيب المتميز
خالك الكتيابي
صديقك مزمل أبوالقاسم
لازم تكون متمير
| Quote: انا يابدر الدين حلاة جنى وجن اشوف بوست كاتبه انت وما اقراة. |
ودا سبب سعادتي
(خم صر) الموريتاني هههههههههه
الله يكفينا جن الجزائريين اليوم
|
Post: #36
Title: Re: جنون البدر
Author: nazar hussien
Date: 09-14-2005, 00:41 AM
Parent: #34
البدر
تأمل معي ما قاله الطيب صالح....من جن فاق كل جنوننا هنا
((نهر النيل الصبور يسير سيره الحكيم, ويعزف لحنه القديم.
"السادة" الجدد لا يسمعون ولا يفهمون؟. يظنون انهم وجدوا مفاتيح
المستقبل؟. يعرفون الحلول؟ موقنون من كل شيء؟ يزحمون شاشات التلفزيون
ومكرفونات الاذاعة؟ يقولون كلاما ميتا في بلد حي في حقيقته ولكنهم
يريدون قتله حتي يستتب لهم الأمن.؟؟
من اين جاء هؤلاء الناس؟ أما ارضعتهم الامات والخالات؟ أما أصغوا للريح
تهب من الشمال والجنوب؟ أما رأوا بروق الصعيد تشيل وتحط؟ أما شافوا
القمح ينمو في الحقول وسبائط التمر مثقلة فوق هامات النخيل؟ أما
سمعوا مدائح حاج الماحي وودسعد وأغاني سرور وخليل فرح وحسن عطية
والكابلي وأحمد المصطفي؟ أما قرأوا شعر المجذوب والعباسي...
ألا يحبون الوطن كما نحبه؟
اذن" لماذا يحبونه وكأنهم يكرهونه ويعملون علي اعماره
وكأنهم مسخرون لخرابه؟؟
عليك الله مش في كل تساؤل بيقول جني وجن.....
هنالك بعض علامات الاستفهام وضعتها لتقوم مقام
جني وجن ال......جن الكلكي
ولك عميق محبتي ايها الرجل الاصيل
|
Post: #38
Title: Re: جنون البدر
Author: بدرالدين شنا
Date: 09-14-2005, 06:48 AM
Parent: #36
الكثيف نزار
الف تحية ليك
| Quote: عليك الله مش في كل تساؤل بيقول جني وجن..... |
دعني أحي معك هذه القامة السامقة (مقتدى الفخر)حلوة "مقتدى" دي مش؟؟؟
أما بخصوص الكوت أعلاه فهذا يؤكد ما سقناه من شفافيتك وقراءتك لما بين السطور
لك المحبة والتقدير
|
Post: #37
Title: Re: جنون البدر
Author: سامى عبد الوهاب مكى
Date: 09-14-2005, 00:43 AM
Parent: #1
ربنا يكضب الشينة المهمه صعبه لكن مريخنا صعب كاساتو دهب.
منتصرين بإذن واحد احد
|
Post: #39
Title: Re: جنون البدر
Author: بدرالدين شنا
Date: 09-14-2005, 06:49 AM
Parent: #37
سامي السامي
سلام تسونامي
| Quote: منتصرين بإذن واحد احد |
من بؤاك ولباب السماء حتى يسعد كل أهل السودان
|
Post: #40
Title: Re: جنون البدر
Author: Ali Alhalawi
Date: 09-14-2005, 07:28 AM
Parent: #39
البدر يا غالى
زى ما قال عادل:
Quote: دايما متميّز
يعني البورداب (مشغولين) بي حاجات
كدا (مرات) لا ليها رأس لا قعر
وتجي انت طاير زي حاجة حلوة وتنفس البورد من
التجهم وصرة الوش
|
جنى و جن شكل البورد
جنى و جن الزول البقولك كلام ما قلتو
راجــــــــــــــع ............
|
Post: #41
Title: Re: جنون البدر
Author: بدرالدين شنا
Date: 09-15-2005, 03:40 AM
Parent: #40
أخي وحبيبي علي الحلاوي
سلاااااااام بي طيب خاطر
Quote: جنى و جن الزول البقولك كلام ما قلتو
راجــــــــــــــع ............ |
راجعتا والمراجع عينو قوية
|
Post: #42
Title: Re: جنون البدر
Author: almulaomar
Date: 12-29-2005, 04:00 AM
Parent: #1
أخي أبو أواب
أنا شخصياً جني وجن (الغلات) – المجادلة – بعد حضور مباراة في كرة القدم
وجنى وجن شارع ناس سمبك عشان فيهو كلب ومجنون وشفع عندهم نبلة ومحفر من موية البلاعات
وجنى وجن سهلة المولد في الصيف وبالمساء ريحة وألغام
وجنى وجن مباني شئون العاملين بالخارج في الخرطوم بياعين عسل وسمن فشنك وشحادين
وجني وجن شارع العدني بأمدرمان
وجني وجن كمال شداد وكمال حامد
وجنى وجن تخميس سجارة البرنجي
وجني وجن ميدان أب جنيز
وجني وجن سينما وطنية بحري
وجني وجن مراجعة المصالح الحكومية
وجني وجن بوليس الحركة في الخرطوم
===
وإنت تعال يا بدرين الدين جنون البدر دي قايله ليك واحد ألجن ها حا يقول ليك أنفلونزا التيور لي الطيور ولا شنو غايتو أباري بوستاتك دي حا تطير لي سفتي
|
Post: #43
Title: Re: جنون البدر
Author: بدرالدين شنا
Date: 01-02-2006, 01:48 AM
Parent: #42
| Quote: وإنت تعال يا بدرين الدين جنون البدر دي قايله ليك واحد ألجن ها حا يقول ليك أنفلونزا التيور لي الطيور ولا شنو غايتو أباري بوستاتك دي حا تطير لي سفتي |
برييييييييييييييدك والله بريدك
لو رفعت البووست بي إيدك
|
Post: #44
Title: Re: جنون البدر
Author: nazar hussien
Date: 01-02-2006, 02:39 AM
Parent: #43
البدر...قلنا نصبح عليك..ونقول ليك كل سنة وانت طيب والاسرة بألف خير
انا الايام دي .باقي مسكيييين...من الحاصل في مصر ...والله محل ما الاقي
صورة شنطة ساكت جني يقوم علي...وألعن كل جنون العالم...
وهسي بقي
جني وجن الكاكي
والعسكري البكاكي
والبضربك وما بتشاكي
جني وجن المؤتمرات الصحفية
من زمن العراق والسلية
والكضب الفي سلوكا غبية
|
Post: #45
Title: Re: جنون البدر
Author: محمد سنى دفع الله
Date: 01-02-2006, 04:29 AM
Parent: #44
بدرالبدور الحلو
جنيه معاك وجنيه مع نزار نحن من وين نجيب الجن؟؟ وبالمناسبة نجيب الجن اخونجيب الخير؟؟ونزار جنيه اقصد نزار حسين جينتو براها لكن الجن ماعندكم ..انا بقول ليكم البجنني شنو لكن بعد ما أستمتع بي جنكم ويا نزار طالبك طلبه وانتظرني
|
Post: #46
Title: Re: جنون البدر
Author: خدر
Date: 01-02-2006, 04:38 AM
Parent: #45
Quote: واحد يجمع المتداخلين كلهم في رد واحد الإخوان فلان وفلان وبدرالدين شنا وفلان (التقول على سفر  ) |
قر قر قر
وااااااااااااااااااااي
دي خطيييييييييييييره يا بدر جد
|
Post: #47
Title: Re: جنون البدر
Author: خدر
Date: 01-02-2006, 04:41 AM
Parent: #46
سوري نسيت
كل سنة وانت طيب يا بدرالدين ياخي
و كل ضيوف بوستكـ بألف خير
خاصه السني دفع الله الـ لو قلب الهوبة ما حا يتزكرني ده
( ز) يتزكرني دي فيها نكتة خطيره يا بدر
مابنفع تنحكي هنا
بحكيها ليك في المسينجر لكن
|
Post: #51
Title: Re: جنون البدر
Author: بدرالدين شنا
Date: 01-02-2006, 07:29 AM
Parent: #47
خدوري أبو لقاء
سلامي وإعجابي
Quote: ( ز) يتزكرني دي فيها نكتة خطيره يا بدر
مابنفع تنحكي هنا
بحكيها ليك في المسينجر لكن |
بس دقيقة أفضي ليك المسنجر من رسائل المعجبات عشان ما يسمعن
بسرعة رسل
|
Post: #52
Title: Re: جنون البدر
Author: بدرالدين شنا
Date: 01-02-2006, 07:30 AM
Parent: #46
الفنان المبدع خدر (ما دام طار جنا الوزين)
سلام مكشوح كشح
| Quote: دي خطيييييييييييييره يا بدر جد |
خطيرة عشان خاطر خِطر
لك حبي يا طارق
|
Post: #59
Title: Re: جنون البدر
Author: بدرالدين شنا
Date: 01-03-2006, 00:51 AM
Parent: #45
الأستاذ المبدع السني
سلام فيهو ريحة الزمن الجميل
| Quote: انا بقول ليكم البجنني شنو لكن بعد ما أستمتع بي جنكم ويا نزار طالبك طلبه وانتظرني |
ونحن برا جنك المجننا شنو؟؟؟ وأنا عارفك عندك جنون أنفية يلا منتظرنك
|
Post: #48
Title: Re: جنون البدر
Author: بدرالدين شنا
Date: 01-02-2006, 05:17 AM
Parent: #44
الصديق المجنون نزار حسين
مشتاقين كتير
لأنك اصيل وود ناس وحساس دائماً يكون إنفعالك مع القضايا كبير
وأنا جني وجن البزعلك
فالحمد لله إنك رجعت بعد المناشدة (يااااااااااااااااخ)
تسلم يا حبيبي
|
Post: #49
Title: Re: جنون البدر
Author: almulaomar
Date: 01-02-2006, 05:40 AM
Parent: #1
أخي بدر الدين تشابه على الإنكرش منت وجنون البدر فقمت بتستيف ردين ضافيين يخصان الجنون في الإنكرش ولأن الكرش كبيرة فيها سواقي وفي جزيرة شالت وما مالت أها لك العتبي بسبب حولي السايبيري فأنا أحوص النت عند كل مقال والدليل الإنكرش منت.
=====
بدر الدين
جنكم وعرفناه
الجنن العزابه شنو (أم كركابه ولا أم روابه)
والجنن عبد القادر شنو
والبعدو يجنن ده منو (أوعك تقول لي القربو يحنن ولا الهين ولين)
والقلبو من جسمو فر وراح يكون جن ولا قرب يجن
والجن وقال هوو ده يكون فقد من الحب ولا أصيب بجنون الكلاب
وجنكيز خان ليهو علاقة بهذه الجنون ولا يكون من ناس جنون العظمه
====
نسيت يا بدر الدين شنا
ناس قريتنا مرة مشيت أحضر عندهم عرس الفنان يغني والناس قاعدة ما في ولا حركة تقول حصة تاريخ ، أها فجأة كده الفنان يقوم يغعني ليهو أغنية عرضه وكان مطلعها جننتينا يا آمنه ، وحاتك يا البدري يا أخوي تقول الهدف الذهبي ، العالم دي كلها قامت تعرض لمن قربو يجننوني ، قلت ليهم دي آمنه عملت فيكم كده ومال لو جاتكم واحده من ستار أكاديمي تعملوا شنو.
(منقول من الإنكرش منت بوست إلى جنون البدر بوست وبي ضبانتو أها في عكلته أكتر من كده)
|
Post: #50
Title: Re: جنون البدر
Author: بدرالدين شنا
Date: 01-02-2006, 07:28 AM
Parent: #49
| Quote: أخي بدر الدين تشابه على الإنكرش منت وجنون البدر فقمت بتستيف ردين ضافيين يخصان الجنون في الإنكرش |
يعني أنا حسع أشيل الإبريق ولا أرجعن ليك كيف؟؟؟
|
Post: #53
Title: Re: جنون البدر
Author: nazar hussien
Date: 01-02-2006, 09:24 AM
Parent: #50
| Quote: ويا نزار طالبك طلبه وانتظرني |
هلا بالمقام العالي محمد السني نورت هذه الديار
نورا لامن الواحد يرفع ضوايتو منو؟
يا زول انت بتطلب....لا لا أأمر أدييييل كده...
يا زول بركة الدنيا اللمتنا معاكم انت وتماضر
والبدر الحليو دا...هسي الليلة بمشي اقشر بيك
قشرة...صاحبنا محمد السني وصديقنا محمد السني
وزميلنا محمد....يا زول كيف...غايتو انا ضمنت
لي كم حاسد جديد...وكم بغران...بلاي عليك الله
بتعرفو...ايوه هو ما قرأ مع خالي...وكان بجينا
في البيت ..ديل الحاسدين...والبغران بيقول ليك
اسمع في ياتو موقع ياتو موقع...عشان تديه العنوان
سريع...والمرة الجاية يجي يحكي....
قبالك كنت قاشر بي تماضر والموصلي...والقشرة ما كملت
سمح جونا ليك ناس الكتيابي ودكتور بشري الفاضل...ويحي
فضل الله والبدر...وقبال قشرة العيد ما نفشها جونا ليك
ناس حمزة سليمان وعمر بانقا...هسي جيت انت قشرة جديدة لنج
وما تقول عيد الضحية قرّّب..
لك الف تحية وسلام
|
Post: #54
Title: Re: جنون البدر
Author: عشة بت فاطنة
Date: 01-02-2006, 10:18 AM
Parent: #53
عاد يا البدري اعميني جنك دا ما شفتو الا حسي
بس طراني المحن الخاتنهن في الصحن ، امشن واردحن
وكان لي جني انت عارفو براك احسن ما اجيب طاريه
اصلو مولع خطر وراكب قطر ، وكان السني فتى جنو
وحاتك بملح معاه اصلها الجنون فنون ، وكان جني وجنك
دخلوا السلخانة واحد فيهم بسلخ النملة .
|
Post: #61
Title: Re: جنون البدر
Author: بدرالدين شنا
Date: 01-03-2006, 00:51 AM
Parent: #54
عشة بت فاطنة
سلامي وإحترامي
Quote: وكان لي جني انت عارفو براك احسن ما اجيب طاريه
اصلو مولع خطر وراكب قطر ، وكان السني فتى جنو
وحاتك بملح معاه اصلها الجنون فنون ، وكان جني وجنك
دخلوا السلخانة واحد فيهم بسلخ النملة . |
إنتي جنك فرعوني
لكن الجن البسلخ النملة دا ما سمعنا بيهو إلاَّ عندكم
ياربي تحفظنا
|
Post: #60
Title: Re: جنون البدر
Author: بدرالدين شنا
Date: 01-03-2006, 00:51 AM
Parent: #53
Quote: قبالك كنت قاشر بي تماضر والموصلي...والقشرة ما كملت
سمح جونا ليك ناس الكتيابي ودكتور بشري الفاضل...ويحي
فضل الله والبدر...وقبال قشرة العيد ما نفشها جونا ليك
ناس حمزة سليمان وعمر بانقا...هسي جيت انت قشرة جديدة لنج |
دا أنت طلعت قشار عبدالله
وإنت يا نزار قايل روحك هين وصدقني القلتهم ديل كلهم يفرحوا بي صحبتك يااااااااااااااخ
لك ودي
|
Post: #55
Title: Re: جنون البدر
Author: salamat
Date: 01-02-2006, 04:24 PM
Parent: #1
جني وجن الجنصصه والنضارات السوداء يابدرالدين
|
Post: #62
Title: Re: جنون البدر
Author: بدرالدين شنا
Date: 01-03-2006, 00:51 AM
Parent: #55
سلامات يا سلامات
| Quote: جني وجن الجنصصه والنضارات السوداء يابدرالدين |
دا الجن ولا بلاش
جني علي أنا يا ستي
|
Post: #56
Title: Re: جنون البدر
Author: صديق الموج
Date: 01-02-2006, 06:17 PM
Parent: #1
بدر الجن
انا جنى وجن العربية البتنبشر فى الحر
وجنى وجن الجداد وقولة كر
وجنى وجن المغترب البلبس جلاليب الخليج فى السودان
وجنى وجن ما اجى راجع لى بوستيك ده تانى،،،
|
Post: #57
Title: Re: جنون البدر
Author: ali elhassan
Date: 01-02-2006, 07:00 PM
Parent: #56
البدرى واللة انت عارف انا:
جنى وجن زوول اركب معاى المواصلات من الصلحابى
لغاية الشهدا وما يكون عندى قروش كفايةادفع لية وبعد دة
اسلم علي واقعد فى الكنبة الوراء.(عوض اللة قريبك مثال)
جنى وجن زول اصحينى من النوم يوم عيد الضحية ويقول لى قوم
ساعد الضباح ودى لية المفراكة والحلل.
جنى وجن زول اقول لى حمد على السلامة جيت متيين(مافى زول كلمنا
واللة ماعارفين ).
كمان جنى بجن عديل لمن اشوف لى بت حلوة واكتشف انها عويرة.
ونواصل
|
Post: #58
Title: Re: جنون البدر
Author: ali elhassan
Date: 01-02-2006, 07:35 PM
Parent: #57
شكرا استاذنا البدرى ونواصل:
جنى وبزيد جنى الموظف البجى اقراء عداد الكهرباء
ويلقى كوبرى فى الكهرباء اقول لى صاحب العداد
بعين قوية ماعندك خمسة الف نفطر بيها.
وجنى وجن الكهربا لمن تكون قاطعة فى بيتنا بس
وما القى قناية طويلة عشان ارجعا من العمود.
جنى وجن اشترى جريدة الدار والقى اخبار زى:
1/ مقدم فى الشرطة الامنية ادعى النبوة
2/رمت مجلة الصبيان فى المرحاض فتحولت الى عمك تنقو
3/تساقط الثلوج فى حلة حمد والمواطنون فزعون.
4/عجورة تبكى وتقول اوقفوا النفايات المستوردة
بتعمل لى حاسية فى عيونى.
|
Post: #65
Title: Re: جنون البدر
Author: بدرالدين شنا
Date: 01-03-2006, 00:53 AM
Parent: #58
الظريف علي الحسن
كيف أخبارك وأخبار أهلنا في الثورة الحارة الثامنة؟؟؟
| Quote: 2/رمت مجلة الصبيان فى المرحاض فتحولت الى عمك تنقو |
مباااااااااااالغة
ههههههههههههه
الله يديدك العافية
|
Post: #64
Title: Re: جنون البدر
Author: بدرالدين شنا
Date: 01-03-2006, 00:52 AM
Parent: #57
أخوي علي الحسن
سلام ليك وللأهل
Quote: جنى وجن زوول اركب معاى المواصلات من الصلحابى
لغاية الشهدا وما يكون عندى قروش كفايةادفع لية وبعد دة
اسلم علي واقعد فى الكنبة الوراء.(عوض اللة قريبك مثال) |
عفيت منك يا عوض الله يا قريبي
ياخي دي أظرف حاجة اقراها من الصباح وخلتني أضحك براي زي المجنون
تحياتي للجميع
|
Post: #63
Title: Re: جنون البدر
Author: بدرالدين شنا
Date: 01-03-2006, 00:52 AM
Parent: #56
صديقي وموجي
سلام وشوق وجنون
| Quote: وجنى وجن ما اجى راجع لى بوستيك ده تانى،،، |
وأنا جنك بشرفني يا موج يا لذيذ
|
Post: #66
Title: Re: جنون البدر
Author: ali elhassan
Date: 01-03-2006, 01:02 AM
Parent: #63
البدرى اسعد اللة صباحك
ربنا اجعل ايامكـ افراح وكدى ورينا
جنك تانى مع شنو قبل ما نواصل
ودمت
|
Post: #67
Title: Re: جنون البدر
Author: ali elhassan
Date: 01-03-2006, 01:23 AM
Parent: #66
جنى وجن امشى الدكان اشترى حاجة
بتاع الدكان احمر لى واقول لى عليك اللة
فى قزازة بيبسى شالوها ناس البيت امبارح
جيبا لينا راجعة.
جنى وجن اكون ماشى فى الشارع تحت حيطة
واحد اجدع السفة بى فوق الحيطة تقع فى راسى.
نواصل
|
Post: #68
Title: Re: جنون البدر
Author: nazar hussien
Date: 01-03-2006, 03:08 AM
Parent: #67
صباحك رباح يا البدر....
نواصل الجنون...
جني وجن كسر بلف الحمام
وتفتيش ناس مطار الدمّام
وناس البكا اب صيوان كزّام
جني وجن الزيف ال في الخريف
والفرن الما فيو رغيف
والمغتربة ان قالت نفانيف
* النفنوف لفظ خليجي صرف يطلق علي الثوب او ما شاكله
جني وجن غسيل العدة ال في السقط
ولباس البدله مع الشبط
والبقول لك ما لاقاني قط
جني وجن اربط حزامك
والبحرّف معني كلامك
والبخلعك في عز منامك
جني وجن غفرا الاسبتالات
والبجرو العمة في شان الريالات
والقطيعة وشيل القوالات
ونواصل الجنون....هن بكملن...
والله كان تخلوني أقول جني وجن منو في البورد دا...بتكون هنالك جنون فنيطة
|
Post: #69
Title: Re: جنون البدر
Author: nazar hussien
Date: 01-03-2006, 04:06 AM
Parent: #68
جن اضافي:
جني وجن ياخي اسمع دقيقة ياخ
والمضارب وناس طراق طااااااخ
والبعفصك في صباعك لامن تقول آخ
وينفزر لك سوري ياخ, تتلفت تلقاه نخناخ
|
Post: #70
Title: Re: جنون البدر
Author: nazar hussien
Date: 01-03-2006, 04:13 AM
Parent: #69
جن محرج:
جني وجن الكسرة البايتة
والبقولك هيييي الدنيا فايتة
والدلاليك وكتين تبقي جايطة
|
Post: #71
Title: Re: جنون البدر
Author: nazar hussien
Date: 01-03-2006, 05:24 AM
Parent: #70
جن روحو محرقاهو
جني وجن الممثل عزّت اب عوف
والغربة وقت العيد اب خروف
والبلكدك...هاه ما بتشوف
|
Post: #72
Title: Re: جنون البدر
Author: ali elhassan
Date: 01-03-2006, 06:01 AM
Parent: #71
الاستاذ المبدع البدرى:
دى اخبار الاهل فى التامنة
بعد غربة تلاتة سنين واجازة شهر ونص:
عاطف حسن اشترى فلوكسوجن.
عوض اللة مابطل الصعود وانت عارف
غربتى دى كلها عشان ارجع ارفع الحيطة
البينا وبين ناس عوض اللة مدماكين لانو
كرهنا الحلة انت عارف دا كان داير اشرب
موية ما بشرب فى بيتم بجى اشرب من زيرنا.
دينق ادانى عشان اقدم لية فى اللوترى.
|
Post: #82
Title: Re: جنون البدر
Author: بدرالدين شنا
Date: 01-05-2006, 11:50 PM
Parent: #72
العزيز علي الحسن جار حاج حسن
سلام بطول الحيطة المزمع زيادتها
Quote: عوض اللة مابطل الصعود وانت عارف
غربتى دى كلها عشان ارجع ارفع الحيطة
البينا وبين ناس عوض اللة مدماكين لانو
كرهنا الحلة انت عارف دا كان داير اشرب
موية ما بشرب فى بيتم بجى اشرب من زيرنا. |
أشكرك على مدي بأخبار الأهل وأنا مبسوط جداً من عمايل عوض الله فيك عشان تخلي الصعوط
والله عوض الله دا أخير منو الضبانا والبدوي الشغال معانا
تحياتي للجميع
|
Post: #81
Title: Re: جنون البدر
Author: بدرالدين شنا
Date: 01-05-2006, 11:49 PM
Parent: #71
حبيب قلبي المجنون نزار حسين
سلام وجنون
والله قدر ما حاولت أجاريك في جنك غلبتني
عشان كدا بخليك تسربع على كيفك وأعاين ليك وأتكيف وأمشي وأجيك راجع
والله حالة تجنن
|
Post: #73
Title: Re: جنون البدر
Author: almulaomar
Date: 01-03-2006, 06:25 AM
Parent: #1
جني وجن وجع الأضان
وبخور التيمان
ولحم العتان
والحر والضبان
وشد الصيوان
وغش الميزان
وكلب ناس حنان
والكورة في السودان
===
أخوي جنو وجن سوق الجداد
والإستباليات
والتشاشات وغرف الشات
والركشة والأمجاد
والإسطبلات
والموبايلات
وموية البلاعات
وكلمات زي
باقات وجركانات وفرمانات وأدبخانات
===
أخوي التاني جنو وجن المشاوير
ومساخة الغفير
ومحلات العصير
والسلطة بدون جرجير
والطحالب في الزير
والجندب والصراصير
وشجر العوير
وحرس الوزير
===
أخوي الثالث جنو وجن باب الصفيح
وأكل الفسيخ
والكلام بالعربي الفصيح
وشراب الشيح
وبرضو نفس الأخو جنو وجن
الزول البراي
والماعندو راي
وكلمة هناي
وكترة شراب الشاي
|
Post: #74
Title: Re: جنون البدر
Author: Ibrahim Algrefwi
Date: 01-03-2006, 06:53 AM
Parent: #1
جني
أجي عشان اسلم عليك
واذكرك بانو انا مجنونك
|
Post: #83
Title: Re: جنون البدر
Author: بدرالدين شنا
Date: 01-05-2006, 11:50 PM
Parent: #74
ود أختي الجريفاوي كيف حالك
سلام وإحترااااااام
Quote: جني
أجي عشان اسلم عليك
واذكرك بانو انا مجنونك |
وأنا أرتاح لمثل هذا الجن وأبادله نفس الجنون
شكرأ يا إبراهيم (الجنيناوي)
|
Post: #75
Title: Re: جنون البدر
Author: Soumeta
Date: 01-03-2006, 07:43 AM
Parent: #1
جني و جن أكون بريد لي زول شديد و ما عارفة أعبر،،
|
Post: #84
Title: Re: جنون البدر
Author: بدرالدين شنا
Date: 01-05-2006, 11:51 PM
Parent: #75
العزيزة اللذيذة سوميتا
سلام سمين وثمين
| Quote: جني و جن أكون بريد لي زول شديد و ما عارفة أعبر،، |
أشكرك على الريد الشديد يا سوميتا
لك الود
|
Post: #76
Title: Re: جنون البدر
Author: saadeldin abdelrahman
Date: 01-03-2006, 08:10 AM
Parent: #1
جني وجن اكون قاعد ومشغل شريط للأستاذ الكابلي و يجيني زول داخل
يقول لي : يا سلااااااام والله عثمان مصطفى ده غناي خلاص!
وجني و جن ينضم معاي زول واكون مشغول ولا متشاغل ولسه ينضم!
يعني يا تسمعني يا تسمعني!
وجني و جن القرضمه.
تحياتي بدر الحلا التام.
|
Post: #77
Title: Re: جنون البدر
Author: nazar hussien
Date: 01-03-2006, 08:40 AM
Parent: #76
| Quote: جني و جن أكون بريد لي زول شديد و ما عارفة أعبر،، |
وجني وجن اكون ما عارفه نفسي عبرت والله لا
او ادخل بوست وما الاقي بدر الدين حلا
ومن انقطاعة اللواري بالليل في الخـــلا
ومن قالوا لينا جيبو مسطرة, برجل ومنقلة
|
Post: #78
Title: Re: جنون البدر
Author: Dr. Moiz Bakhiet
Date: 01-03-2006, 09:10 AM
Parent: #77
والله حتى جنك يجنن
يا عسل المنتدى الصافي..
|
Post: #86
Title: Re: جنون البدر
Author: بدرالدين شنا
Date: 01-05-2006, 11:52 PM
Parent: #78
صديقي المرهف د. معز
سلام شفيييييييييييييييييف
Quote: والله حتى جنك يجنن
يا عسل المنتدى الصافي.. |
أها يا شباب دي شهادة من بروفيسور ماها أي كلام وأنا فخور بها مثل فخري به وبإبداعه
لك حبي و (معز)تي
|
Post: #85
Title: Re: جنون البدر
Author: بدرالدين شنا
Date: 01-05-2006, 11:51 PM
Parent: #76
الحبيب القريب سعد الدين
سلام بروعة الكابلي
Quote: جني وجن اكون قاعد ومشغل شريط للأستاذ الكابلي و يجيني زول داخل
يقول لي : يا سلااااااام والله عثمان مصطفى ده غناي خلاص! |
دي بالظبط الكان بعملها لينا أخونا اللذيذ (كبسور) فيصل أحمد سعد الله يطراهو بالخير وكان يقصدها ولكنها طرفة حلوة منه فهو دائماً يدهشني بكوميدته الرائعة
أما أنت يا سعد الدين فتكفيك شهادة أنك تسمع للكابلي
وكلاهما الكابلي وعثمان مصطفى قامات تتشرف بها بلادي
لك الود يا رائع
|
Post: #79
Title: Re: جنون البدر
Author: almulaomar
Date: 01-04-2006, 01:07 AM
Parent: #1
جني وجن يوم السبت من أيام المدرسة
وجني العجوز المتصابي
وجني وجن المرأة البتسف صعوت
وجني وجن رسوم المويةوالنفايات (الأولى دايماً قاطعة والتانية باينة من شوارعنا)
وجني وجن النوم في أوضه مسقوفة بالزنك في نهار تموز
وجنى وجن الدروشاب في الخريف
|
Post: #80
Title: Re: جنون البدر
Author: بدرالدين شنا
Date: 01-05-2006, 11:49 PM
Parent: #79
الملا عمر أبو أحمد
سلام والقبلة لي قدام
| Quote: وجني وجن النوم في أوضه مسقوفة بالزنك في نهار تموز |
تموز إنت ويدوم خيرك
أنا جني وجن الكميرا لمن تجيب لي لاعب كورة فوكس ويقوم يبصق
ياملا ياخوي والله إنت ونزار حسين جننتوني على الجن العلي وما قادر أرد على كل جنونكما كلها فاقبلوا بعضها ولكما شكري وتقديري
وإن بعض الجن إثم
لك حبي
|
Post: #87
Title: Re: جنون البدر
Author: almulaomar
Date: 01-17-2006, 09:09 AM
Parent: #1
ا رفع هذا البوست بإسم المحبه من الأعماق وأحر الأشواق
لقد أرسل لي أخي بدر الدين شنا كرت معايده فله الشكر وعيده مبارك وخرفانه تتعارك
وأرفع هذا البوست لأنني أجد فيه شئ من الفن وشئ من الجن
وأرفع هذا البوست لأنني كنت ذات مرة جناح أيسر في كرة القدم وكان مناط بي عكس الكرات ولأنني لم أعكس أى كرة حتى تم تنسيقي من جميع المراحل السنية بجميع فرق العاصمة والأقاليم.
وأرفع هذا البوست حتى يعود البدر بدراً
وأرفع هذا البوست على مسئوليتي وليكن ما يكون
|
Post: #88
Title: Re: جنون البدر
Author: jini
Date: 01-17-2006, 01:51 PM
Parent: #87
جنى وجن الإجازة الكلها فواتح
جنى
|
Post: #89
Title: Re: جنون البدر
Author: صلاح شكوكو
Date: 01-17-2006, 04:00 PM
Parent: #88
جني وجن يكون في بوست مجنني
وأكون عايز أجنن فيه وما أقدر أتجنن
لأنو الناس المشاركة ما خلت لجننا
فرصة يجنن ...
بعدبن بابدر الدين إنت عايز تجننا
واللا شنو ؟؟
الحاجات المجنونة دي بتجيبها من وين ؟؟
أكيد الفنون جنون .. ياحنون ..
والرائعون دوما متميزون ..
مودتي وتقديري
|
Post: #98
Title: Re: جنون البدر
Author: بدرالدين شنا
Date: 01-18-2006, 06:46 AM
Parent: #89
صديقي أب قلباً حار شكوكو
سلام مكتنز
| Quote: والرائعون دوما متميزون .. |
وكيف يكون الحال إذا كان هذا الرائع يحمل ريشة وقدم سحرية وقلم متمرش كما هو حالكم
لك معزة خاصة
|
Post: #97
Title: Re: جنون البدر
Author: بدرالدين شنا
Date: 01-18-2006, 06:46 AM
Parent: #88
الذيذ جني
سلام بعدد وبعظمة الشفع الراصيهن ديل
| Quote: جنى وجن الإجازة الكلها فواتح |
عليك الله جن لي معاك لأنو فعلاً حكاية تجنن
لك حبي ظاهر وباطن
|
Post: #96
Title: Re: جنون البدر
Author: بدرالدين شنا
Date: 01-18-2006, 06:45 AM
Parent: #87
صاحبي البريدني وبريدو ملا عمر
سلام شاخص الأبصار
| Quote: لقد أرسل لي أخي بدر الدين شنا كرت معايده فله الشكر وعيده مبارك وخرفانه تتعارك |
تتبارك يا يمة إنت وما تتشارك
ودي ابسط حاجة أنا أعملها في حقك يا رقم
البوست البترفعو فيهو زي بقرة حاج حسين دا كفاهو وكان عايزو شيلو .... سمح؟؟؟
|
Post: #100
Title: Re: جنون البدر
Author: almulaomar
Date: 01-18-2006, 07:42 AM
Parent: #96
البدري أخوي والله بوستك ده بعد الباندوثات الإتكبت فيهو دي إلا يشيلوهو أربعه من العتاولة ، يا أخي دي كمية بتاعت حلاوة تسوى العشراقة أنا جنيت أشيل بوست بهذا الحجم ، يعني ممكن لو تنازلت لى عن بوست الضبانه والبدوي الشغال معانا يا ناس الليله ما جانا بسردب وأتحزم وألتزم وأجيب أحمد وحاج فضل سيد الدكان وعصام دهب سيد الجزاره وأى بتاع كارو أو ركشه حايم فلي الشارع في ذلك الوقت وأقول ليهم واحد إثنين ثلاثة هووب.
ودعوة تتبارك ما تتشارك دي يبدو أنها أصابتني في مقتل فقد حاولت أن أشارك أحد أشقائي في الزراعة فأكلني ولما تجادنا وحمي الوطيس كان ماكراً ثلعلباً فقال لي بعد أن تنحنح نحنحة ملؤها الثقة: يا أخي أى حاجة في الكون ده مسطرة وبيد الله وكما كان يمكن لشراكتنا أن تدر علينا ربحاً عظيماً كان بالمقابل يمكن أن نخسر فيها رأسمالنا حتى وإن كانت نسبة الخسارة كسر عشري في المائة ، فزاد غيظي غيظاً لكنه عاجلني بقوله تعالى: أفرأيتم ما تحرثون أأنتم تزرعونه أم نحن الزارعون. فقلت آمنت بالله وربنا يعوضني قريشاتي التي ذهبت أدراج الرياح.
|
Post: #90
Title: Re: جنون البدر
Author: Ahmed Abdallah
Date: 01-17-2006, 04:08 PM
Parent: #1
جني وجن الكلام ده
Quote: المتواجدون الان بالمنبر العام 169 شخص » (1 )عضو و (16 زائرا
»Ahmed Abdallah |
|
Post: #91
Title: Re: جنون البدر
Author: khaleel
Date: 01-17-2006, 04:29 PM
Parent: #90
وين يا شنا
لك من جنوني ما يكون ولا يكون
|
Post: #92
Title: Re: جنون البدر
Author: ali elhassan
Date: 01-18-2006, 04:12 AM
Parent: #91
جنى وجن كديسة تختف ليها جدادة من الجيران
وتجى ماشة فى حيطتنا وما اقدر اشيل منها الجدادة
وجنى وجن مرا تمد راسة بى الحيطة بعدا دا كلو وتقول لى عليك اللة سك لى الكديسة ديك شالت جداتين وجرت .
(هو انا كان لحقتها كان جبت ليكم الفاضى راجع)
|
Post: #94
Title: Re: جنون البدر
Author: بدرالدين شنا
Date: 01-18-2006, 06:45 AM
Parent: #92
ولدنا وجارنا وحبيبنا على الحسن
سلام كتير كتير
Quote: جنى وجن كديسة تختف ليها جدادة من الجيران
وتجى ماشة فى حيطتنا وما اقدر اشيل منها الجدادة |
يعني أهلي ديل كان جاهم حرامي ياكا العامل فيها نائم
تحياتي للأهل
|
Post: #95
Title: Re: جنون البدر
Author: بدرالدين شنا
Date: 01-18-2006, 06:45 AM
Parent: #91
العزيز خليل
سلامي وإحترامي وإحتفائي
| Quote: لك من جنوني ما يكون ولا يكون |
خليت لي روحك شوية جن ولا كبيتو لي كلو؟؟؟
|
Post: #99
Title: Re: جنون البدر
Author: بدرالدين شنا
Date: 01-18-2006, 06:46 AM
Parent: #90
الحبيب أحمد عبدالله
سلام ليك براك
Quote: المتواجدون الان بالمنبر العام 169 شخص » (1 )عضو و (16 زائرا
»Ahmed Abdallah |
يازول بتتواجد براك مالك؟؟؟ جنيت؟؟؟
لك التحية
|
Post: #93
Title: Re: جنون البدر
Author: almulaomar
Date: 01-18-2006, 05:53 AM
Parent: #1
جني وجن حافلات المزاد
و الإستباليات
ودخول المباريات
والسكارى في الحفلات
والـ make up في المشلخات
وعا قزاز في العمارات
ودهن الكرار في المخدات
والصفوف في الأزمات
والفوز والخسارة في الإنتخابات
وعدم غسيل الشرابات
والراجل أب حجبات
والمراه أم عضلات
وموية البلاعات
وكتابة بروفايلات
وبرامج الكثير من الفضائيات
والكثير من الحركات
التي تصدر عن المغتربين والمغتربات
مثل سيارات وشاليهات والكثير من الكلمات
|
Post: #101
Title: Re: جنون البدر
Author: ali elhassan
Date: 01-18-2006, 07:07 PM
Parent: #93
الفنان الرائع البدرى :
تحية طيبة
Quote: يعني أهلي ديل كان جاهم حرامي
ياكا العامل فيها نائم
تحياتي للأهل
|
غايتو الا انطو بى الحيطة القصيرة دى
لكن الحرامى ما بتلوم معاهى
|
|