الضبانة ... والبدوي الشغال معاااااااااانا يا ناااااس

كرهوني حياتي عديييييييييييل كدا
الضبانا حايمة في وشي يمين وشمال فوق وتحت ومرة في راس النخرة ومرة في حلمة الأضان ومرات تبدا من فوووق وتترتر لي ورا زي الجماعة البضربوا الطوب كرهتني حياتي أهشها بي جاي تجيني بي جاي أما جاري البدوي فهو يراقب الموقف وبي نظرة فاحصة مني للبدوي وملابسه وريحته إستغربت لأمر هذه الضبانة التي تستبدل الذي هو أدنى بالذي هو خير فحسب رؤيتي أن البدوي بهيئته التي أمامي يعتبر فندق خمسة نجوم للضبانة بينما أنا واد غير ذي زرع والمتأكد منو تماما أنني نضيييييف ومستحمي وكل المنافذ والثقوب تحت السيطرة
فالشئ العجيب والذي زاد ضيقي وطلعني من طوري هو إستنكار البدوي وتنديده بمحاولاتي للنيل من تلك الضبانه الكريهة ومنطقه الغريب فهو يرى أن من حقها أن تعوس في وجهي فسادا فهو طبعاً متعوييييييييييدا دائما حتى أن الضبانة أصابها الملل من سلبيته ففاجأني بالحوار التالي
ياخي ما تهش الضبانة
قلت ليهو ليه ما أهشها
قال دعها تأكل من مال الله
قلت ليهو وينو مال الله وأنا وشي ما فيهو غير فزلين
قال لي والضبانة المسكينة دي ذنبها شنو؟؟؟
ياخي لأنها كرهتني وأعتدت علي أراضيني
قال لي الضبانة ما فعلت ذلك من نفسها فهي مأمورة
قلت ليهو وأنا مفتش ما برضو مأمور

أها دا رأي البدوي إنتو ريكم شنو؟؟؟
ما تكرهونا كمان

حصــل ليها شنوفى النهاية بس ما تقول لى خمتها بى مصيبة زمــان كدى

بداري البي حالي ما هو داري

يا حبيب حالك ساكت لا تهش لا تنش هو عجب البدوي

وبهشيشك ودشيشك فوت على البدوي لحظات التفكر في وشوش موشوشة بضبانتها

يعني المخرج عايز كدة ياناااااس

المسافر حبي ليك ماليهو آخر

اللهم ربي أحفظ هذا الوجه الجميل من ضبابين الزمن
كتير شوقي

Quote: حصــل ليها شنوفى النهاية بس ما تقول لى خمتها بى مصيبة زمــان كدى

خمتها دي حلوة جد
فجرت نفسها في كباية شاي يا بوب
لك ودي وتقديري وفرحتي بي طلتك البهية

بدري الجميل سلام
شنو حكايتك مرة صراصير النسابة
ومرة ضبان البدو

عبدالله اللغز سلام وكل سنة وإنت طيب

Quote: شنو حكايتك مرة صراصير النسابة ومرة ضبان البدو

أنا قاعد لي في صحراء حا أتكلم ليك عن نانسي عجرم؟؟؟

قصدك شنو بالضبانة ، إذا الشبان العادية مقدور عليها وما أكثر الضبان في بلدي وأنا متخصص في قتل الضبان وبيض الضبان وأوكار الضبان وسيفي سنين وللرقاب قلّام ، وجاهزين جاهزين نحنا الحلاوين

عبدالرحمن الحلاوي
سلامي وإحترامي

Quote: وما أكثر الضبان في بلدي وأنا متخصص في قتل الضبان وبيض الضبان

والله ياريت يا بن عمي (تتضابن) معي لحل هذه المشكلة
خالص حبي

Quote: فجرت نفسها في كباية شاي يا بوب

[size=5]ضبانه انتحاريه [/size]

العزيز علي محمد علي بشير
سلامي وإحترامي وترحيبي بك في البوست والبورد معاً
ولك تحية خاصة خالصة

يابدر السما

انت متأكد انك حكيت القصة بي ضبانتا

إبراهيم عدلان يا لذيذ
سلام يحمل تقديري

Quote: انت متأكد انك حكيت القصة بي ضبانتا

وبي بدويها كمان للضبان
شكري وعرفاني

بدري السمح
قالو الهبشك ما ضــراك

شقيقي أبوالبدور

تحياتي و سلام كثيف

Quote: وبي نظرة فاحصة مني للبدوي وملابسة وريحته إستغربت لأمر هذه الضبانة التي تستبدل الذي هو أدنى بالذي هو خير فحسب رؤيتي أن البدوي بهيئته التي أمامي يعتبر فندق خمسة نجوم للضبانه بينما أنا واد غير زي زرع والمتأكد منو تماما أنني نضيييييف ومستحمي وكل المنافذ والثقوب تحت السيطرة

الضبانة طبعا ما عارفة إنك واد غير ذي زرع ، و ما عارفة إنها حتاخد مقلب ..
بس الضحكني إن البدوي متعاطف معاها كأنها زبون في مطعم و بتدفع كاش.

شقيق جلال يا شفيف
سلام "ذي" طعم خاص

Quote: الضبانة طبعا ما عارفة إنك واد غير ذي زرع

والله طللعت لساني لكن برضو الخطأ حصل في الكتابة وحرقني شدييييييد

Quote: بس الضحكني إن البدوي متعاطف معاها كأنها زبون في مطعم و بتدفع كاش.

ياخي دا أجمل تشبيه يقابلني بعد آخر بوست أقراه لك
تسلم يا شقيقي

الحلاوي الراقي
سلام لي ود الأمام

Quote: قالو الهبشك ما ضــراك

يازول إنت متأكد؟؟؟ ما تخلينا ننهبش ساي

Quote: والمتأكد منو تماما أنني نضيييييف ومستحمي وكل المنافذ والثقوب تحت السيطرة

متاكد يا زول؟؟؟ في الشتا دا؟؟؟
غايتو الضبانة لما تصر علي وش جميل زي وشك دا ما بتتزحزح قيد أنملة عن
هدفها ...
شيل الصبر وما تكفت نفسك ساي


حل مكلف (مكلف فازلين تقيل):
افتح المكيف عالي .. الضبانه ح تبرد ... حركتها بتبقي بطيئة.. انقض عليها

وفقك الله

الغالي أحمد محمد عثمان سلام

Quote: افتح المكيف عالي .. الضبانه ح تبرد ... حركتها بتبقي بطيئة.. انقض عليها

أها والبدوي كيف؟؟؟ أخدِّرو؟؟؟

اخوي شنا
مسكاقمي

الضبانة يمكن عجبها الاسم

البدرى وحكاية الضبانة
من البدوى قرفانة
وتغنى ليك نانة
من الانف للضانة

بدويك دا ياخوى رحيتو تعتقت وصارت زى ال D.D.T
او الزفت بتاع الترع او البرشو بيه البيوت
زمان تذكر يابدرى لما يجونا فى الجزيرة
امهاتنا يطلعن السحارة وتربيزة العدة بره
وياحليك ايام الزفت وايام القروحة
اها زولك دا رحيتو
بقت طارده ليها...وفضلت الجلوس على انفك
العموديةالعربية ..
بس هى بتنونى ليك
ساى
وبتغنى ليك دوباى
زى شعر حدباى
بالله بدوى مفترى قال ليم مامورة
الله يامر رقبتو
خالص ودى معك
وعقبان نوناى ضبان بلدنا

حبيب قلبي أحمد صديق أبوقوتة
سلامي

Quote: وعقبان نوناى ضبان بلدنا

أيوااااا داير تجرجرني للعودة؟؟؟
وتقول لي ضبان بلدنا ولا نحل الناس
ياخوي داضبان معاهو ريالات
لك خالص إعجابي

العزيز بدرالدين

Quote: ياخوي داضبان معاهو ريالات

والله كان عاجباك الريالة، خليك مع ضبانك.
ونصيحة خالصة:أخير ليك ضبان بلدنا (أبو من غير ريالات)

العزيز بدر الدين
قرأت مداخلتي أعلاه، وعاتبت نفسي عليها، وقلت لعلك لا ترى العلاقة بيني وبينك تسمح بمخاطبتك دون تكلف هكذا!
كل الذي حاولته هو أن أقتبس من روحك المرحة، وقلبك الودود، فمعذرة إن فشلت.
ولك كل تقديري واحترامي.

تحياتي لحمزاوي الرياض والرياضة
ومسكاقمي

Quote: الضبانة يمكن عجبها الاسم

أقول ليك أنا أتلحست في وشي تقول لي إسم وبعدين هي كان بتدور الأسماء ما تمش لي ناس لؤي وتمبس

أخي بدر الدين شنا
الله يديك العافية ويحميك من جميع الضبابين وبخاصة الضبان الضكر والذي هو أساس المصائب لأنه كل ما تهشه بمشي ويجيك راجع وربما يكون بيضحك أيضاً بس بلغة أو طريقة لا نفهمها.
ومن اقع تجربتي مع الضبان في بلاد تطير في كل سنتمتر مربع من أجوائها ما بين ثلاثة عشر إلى تسعة عشر ذبابة بعيدة المدى غير ذلكم العدد الرابض والمتربص بكل شئ أنصحك بل أوصيك أخي ونفسي والسامعين بأن تجلس عكس الريح بعد أن تجلط وشك بزيت سمسم أو زيت زيتون أو حتى زيت خروع ، وإذا كانت الأجواء حارقة والصيف لا يفارق دياركم شأن ديارنا فما عليك إلا أن تقتني مروحة نفاثة شريطة أن تقبل جاي وتقبل جاي – المروحة أخي بدر الدين لا أنت – ويمكن لك أن تقتني بقرة لأن للأبقار في بلادي الكائنة مكان جميع الكائنات ذيل لا يخطئ إصابة الذبابة طائرة كانت أم متحفزة لذلك أو حتى في مدارجها الرئيسية أو الجانبية والضربة بالرمدة تماماً مثل الكمده ، ولا أنصح بعد تفشي أنفلونزا الطيور من إقتنائكم لدجاجات وديك حسن الصوت. وإذا كنت من الذين يحضرون حفلات الزار في صغرك وتسترق النظر للنسوة من وراء حجاب فيمكنك أن تجيب بخور تيمان وتولع النار وذلك دون أن تذبح ديك مسافر أو تحضر ضب أعور أو فأر فوشي اللون ، وإذا لم يجب ما سبق طرحه من حلول فعليك بالجلوس عكس إتجاه الريح أمام كوشة محروقة على أن ترتدي قناعاً واقياً من الغاز وده كلو كان ما عجبك تعال جاري شديد وتووش جوا البحر أغطس وخليك غاطس لغاية المغرب يكون الضبان نام. أها داير منك طلب أحكي لي حجوة أم ضبيبينه.

الجميل بدر شنا
ياخي امتعتنا ومليتنا ضحك.. بالله عليك ما تغيب من المنبر غيبه قدر دا.. سلامي ليك

المحبوب نشأت الإمام
سلام وشكر على كلماتك الطيبات

Quote: ياخي امتعتنا ومليتنا ضحك.

وأسال الله أن يمتعك بالصحة والعافية كمان يا جميل
لك الحب كله

ملا عمري وحياتي أبو أحمد
سلام ممتلئ الوفاض
أما قصتي مع الضبان وسبب كراهيتي له يرجع تاريخها لفترة الثمانينات عندما زرت بورتسودان ضمن فرقة التمثيل وأكرمني مدير بيت الشباب بصحن مخبازة من معقلها وليس بصحبة مسافر أو راكب وعندها كان صاحب المطعم أكثر كرماً حيث فرش الطاولة بأسراب من الضبان حتى أنني ظننت أني طلبتها ضمن الأطباق والتي بدورها إستقبلتني إستقبال الفاتحين فأكلت وشبعت وحمدت وشكرت وكانت العاقبة عندي بعد ساعات حيث دخلت في موجة إسهالات أفقدتني وقاري واسكنتني دار ماها داري بصحبة إبريق دائم حماك الله من تلك الحالة الكربة

بدر الدين

يا أخي إنت جبت الحكاية بي ضُبّانتا ،،،
زمان يا بدر الدين - وأكيد إنت عارف الحكاية دي - كنا لمّا ترِكْ الضبانة فوق وشّنا ، نسعى لاصطيادها بكفّنا ، وما كانت كفنا تخطئها في ذاك الزمان ،،، ومن المؤكد يا بدر أن الضُبّان لم يتغير ، لكن تغيرنا نحن ، وتغيرن كفوفنا ... والبدوي قصده واضح ، إمّا أن تقتلها ، أو تتركها ...

Quote: بس الضحكني إن البدوي متعاطف معاها كأنها زبون في مطعم و بتدفع كاش

يا بدر علي حسب كلام العمدة دا اعتقد انه الضبانة افتكرتك (تك اوي)
بس ما اقتنعت انك شطبتا بدري اليوم داك

اساسي الإستثنائي
كل سنة وإنت طيب

Quote: بس ما اقتنعت انك شطبتا بدري اليوم داك

أها وكت لقتني شطبت ما كان تتحول على الجزارة "البدوي" الجنبي دا
بحبك وبحب جرأتك دائما وقوة شخصيتك وثقتك في نفسك
تسلم يا اساسي

الحبيب ود قاسم رجل الصالحية
سلامي وفرحتي بتشريفكم دياري المتواضعة
دايماً تذكرني بالزمن الجميل يا جميل
وفعلاً تغيرت كفوفنا بعد ما كنا "أهل الكف" وذلك نتاج عوامل ومتغيرات كثيرة
هسع يا ود قاسم باقي ليك نحن كان رجعنا بنقدر نتعايش مع هذه المتغيرات أنا شخصيا لا أظن
نرجع لي ضابنة حبنا ومزاعمك بأن البدوي يريد

Quote: والبدوي قصده واضح ، إمّا أن تقتلها ، أو تتركها ...

تقتلها دي ما واردة خالص في قاموسه ياخي دا قال لي خليها تأكل من مال الله!!! التقول ناقة سيدنا صالح
أكرر فرحتي بزيارتك يا شيخنا

Quote: وبي نظرة فاحصة مني للبدوي وملابسة وريحته إستغربت لأمر هذه الضبانة التي تستبدل الذي هو أدنى بالذي هو خير فحسب رؤيتي أن البدوي بهيئته التي أمامي يعتبر فندق خمسة نجوم للضبانه بينما أنا واد غير زي زرع والمتأكد منو تماما أنني نضيييييف ومستحمي وكل المنافذ والثقوب تحت السيطرة.

من البينات أعلاه واضح لعدالتنا الآتي:
واحد من أربعة:
يا إما الضبانة دي نظرها ضعيف شديد وعندها التهاب جيوب أنفية (اللتنين مع بعض)
يا إما ضبانة حنكوشة وعوافة وتكون قالت: بدوي!!! ياي ياي.. أخير السوداني
يا كمان ضبانة غبيانة ساي!!
التحليل الرابع أحتفظ به في الوقت الراهن وفي حال عدم صحة التحليلات السابقة يبقى هو التحليل الأكيد.
لك مهشَّتي

Quote: بدرالدين شنا الحالة: . عدد البوستات: 2054 تاريخ التسجيل: 30-07-2002 محل الاقامة: : صفحتك الالكترونية: Paltalk name: اكلات مفضلة: الاسم الحقيقى: التعليم: التلفون: الحالة الاجتماعية: Single العنوان الدائم: الفنان المفضل: اللون السياسى: النوع: Male الهوايات المفضلة: الوظيفة: تاريخ الميلاد: شاعرك المفضل:

Quote: الحالة الاجتماعية: Single

بدري انت كاتب في البروفايل بتاعك سنغل
براك مشرك للضبان
داير تلمو فيك
صلح سنغل دي قبل ما الامم المتحدة تطلع فيك قرار

الحبيب عبدالله اللغز سلام

Quote: بدري انت كاتب في البروفايل بتاعك سنغل براك مشرك للضبان

وإنت قاعد "مسنقل" تعاين في بروفايلات الناس؟؟؟

هوي يا البدري هو عامل فيها Single ومال ربي دي بت شيريه ولا أواب ود ديناري هوي يا البدري أرعى بي قيدك غير الـ Marital Status عشان تطلع من التجنيد الإجباري والزواج التجاري سنغل دي يعني الله ورقبتك وفي رواية أخرى عزابي وإنت ما شاء الله مسنقل معاك ثلاثة فير أمهم الله يفظهم ليك شأنك في ذلك شأن سنقلتيع أم أحمد ووليداتها

يا البدري ازيك


بمناسبة ضبانتك دي...الميكانيكي في السودان....كان غلّبتو
بيقول ليك بلاي ما تعمل لينا ضبابين يااااخي...


وفي امتحان الشهادة الثانوية العامة...
قال لي صاحبي الوراي....انا نقلت منك اجابة السؤال التالت
بي ضبانتو...لما حاولت اتأكد منو لقيت ضبانتو ركت في اجابة
السؤال الرابع...ومن ديك والزول مع القراية مبارياه ضبابين
لامن خلا القراية وطلع وهسع يمين بالله مليونير السنين...دحين
الضبانة دي وكت ابت ترك في البدوي وركت فيك...المسعلة لي
خير ...وضبانة صاحبي ابدا مي احسن من ضبانتك...ديك رككها
غلط ودي ركت غلط...اها بعد دا ارجا الملايين ساكت.

صاحبي نزار حسين
شنو من ديك وعيك ليك وحشة

Quote: دي وكت ابت ترك في البدوي وركت فيك...المسعلة لي خير ...وضبانة صاحبي ابدا مي احسن من ضبانتك...ديك رككها غلط ودي ركت غلط...اها بعد دا ارجا الملايين ساكت.

ضبانة القدر مش كدا؟؟؟
تحياتي وإشتياقي

صديقي محمد السر
سلامي وحلو كلامي

Quote: يا إما ضبانة حنكوشة وعوافة وتكون قالت: بدوي!!! ياي ياي.. أخير السوداني

أنا أرجح الإحتمال دا بس مش عشان حنكوشة أو عوافة ولكن لأن البدوي مضمون وعندها منو في التلاجة
لك الود

أخي المسكون إبداعاً بدر الدين شنا
أما في شأن الضبان ومدينة بورتسودان فحدث ولا حرج فقد ذكر بعض أهل الأسفار أن الضبا لا يطير من شارع الظلط في تلك المدينة الساحلية إلا في حالة أن سواق العربية يضرب بوري شأنه في ذلك شأن غنم ديوم بحري وديم أب سعد والمشاة في شارع المليون ... بمدينة كسلا الجميلة ، وقال قائل وهو من أبناء الخرطوم بحري يدعى مونج وقد إشتهر فيما إشتهر به بالمبالغة في كل قول أو فعل ، فذكر لنا أنه وفي مدينة عطبرة عاصمة الحديد والنار دلف إلى معسكر التدريب بمدرسة البوليس أيام أن كان البوليس يتدرب وفي حصة الفطور تم إعطاه ماركة مثل تلك المستخدمة في لعبة الليدو واحدة خضراء للفول وواحد صفراء للعيش فأحضر رغيفته ووضعها على الطاوله ووقف في طابور الفول وما أن وصل إلى الوكيل عريف قدرجي فوال وناوله حبيبات فول مغموسة في سطل ماء فول وعمل للخلف دور ليجد سرباً من مقاتلات الضبان قد أغارت على طربيزته وخطفت رغيفته محلقة بها في الجو. وأصبح يحمل فولاً بلا رغيف وخاف إن وضعه فوله ليطارد الرغيف أن يأتي سرب من ذباب متسابق وتبرع بسرقة فولاته فلا يلحق الفول ولا العيش.
++++
بعد قراءة ثانية لمقالكم الضافي وددت لو كان العنوان:
الضبانه والبدوي الشغال معانا يا ناس الليله ما جانا
وأهدى الأغنية لجميع ناس العريباب وقد الهبوب وكاب الجداد وأبو ضلوع وقوز المطرق وحوش بانقا وأم كتى والأهل بواواسي وواو الجماعة ، والنوفلاب والدروشاب والكتياب والسروراب والهلالاب والمريخاب وبقية الأحزاب

Quote: بعد قراءة ثانية لمقالكم الضافي وددت لو كان العنوان: الضبانه والبدوي الشغال معانا يا ناس الليله ما جانا وأهدى الأغنية لجميع ناس العريباب وقد الهبوب وكاب الجداد وأبو ضلوع وقوز المطرق وحوش بانقا وأم كتى والأهل بواواسي وواو الجماعة ، والنوفلاب والدروشاب والكتياب والسروراب والهلالاب والمريخاب وبقية الأحزاب

أنا أتلحس وإنت تهدي في الأغاني؟؟؟
يا حليل زمن كان الضبان ذباب عندما شبه الشاعر حركة ذراعيه بحركة الشخص المجزوم وهو يحاول يوقد نار الزناد
يحك ذراعه بذراعه قدح المكب على الزناد الأجزم
تشبيه بليغ حد الروعة
هل تذكر ضبانة الحمير؟؟؟ فهي ضبانة من الحجم العائلي وقرصتها حارة حرورية

بدر الدين سماحة

سلام وشوق مهول

شوف بالله شيخنا سجيمان كتب شنو :

Quote: ان شاء الله اتقلب ضبانة... واطير فررررر.. ارك في جضمياتا... ارك براااحة عشان ما اجرحا......ارك واقزقز وانقز... من نونة لي نونة..... اليقولو الضبانة جنت... بت المجنونة

يعني تشخيص الحالة يمكن يكون عكس ما توقعت انت تماما ..

وقائل انت أقل من نادية ؟

لكن دي منو المكسرة فيك دي وربنا إستجاب دعوتها دي

الملكة يا نوارة بوردنا
تحياتي وفرحتي بي نقرشت حروفك على بوستي بعد غيبة

Quote: يعني تشخيص الحالة يمكن يكون عكس ما توقعت انت تماما ..

قلتي كدي؟؟؟

Quote: وقائل انت أقل من نادية ؟

يا سلام على هذه الصديقة الرائعة تحياتي لها وهي بينكم في الخرطوم

Quote: لكن دي منو المكسرة فيك دي وربنا إستجاب دعوتها دي

بناءاً على ما جاء في مداخلة سجيمان وتأمينك على ما قال فأنا قتلت رسول حبيبتي بعد مطاردة قوية إنتهت به إلى كباية الشاي سالفة الذكر والتي فجر نفسه فيها
زي وشي دا داير ليهو عقرب ما ضبانة
لكي فائق التقدير ورصين الكلم

بدر الدين شناة السنين :

Quote: وبي نظرة فاحصة مني للبدوي وملابسة وريحته إستغربت لأمر هذه الضبانة التي تستبدل الذي هو أدنى بالذي هو خير فحسب رؤيتي أن البدوي بهيئته التي أمامي يعتبر فندق خمسة نجوم للضبانه بينما أنا واد غير زي زرع

ما تنسى إنو الضبان كمان بيرك في الحاجات السكر وعسل وحاجات حلوة !!!!
ما تعاين للجزء الفاضي من الكباية !!!!!!
والخوف تكون من النوع البيعمل العسل والزبادي في وشو نظام الوجاهات والحفاظ على البشرة !!!!
كان كده خم وصر..
تحياتي ليك يا جميل..

حبيبي الهلالابي الظريف عمر الفاروق
سلام مخضب بكل جميل

Quote: والخوف تكون من النوع البيعمل العسل والزبادي في وشو نظام الوجاهات والحفاظ على البشرة !!!! كان كده خم وصر..

خم وصر المرويتاني؟؟؟
وحاتك موية الوضوء بس
قال زبادي قال
لك شوقي الكبير

بدر الدّين ((العسل))
أها كدا محتاج أنا أدلي بأيّة أقوال أخرى ؟؟


محبّتي

ـــــ
انا في البعيد مشتاق لهمسة من الوطن يانسمة
[email protected]

يا بدرالدين شناأقصد حلا,
سلامات ياسيد الناس
أنا داير أسعلك سعال مادام جبت سيرة الضبانة
وبما أنك ممثل وفنان وليك علاقات وطيدة مع ستديوهات أمدرمان
إنت قصة ضبانة الإستديو دي شنو؟؟ مربنها ولاشنو الحاصل؟

مودتنا

عبدالماجد فرح يوسف وفرحنا كلنا
سلام عاتي وشامخ شموخ حرفك

Quote: وبما أنك ممثل وفنان وليك علاقات وطيدة مع ستديوهات أمدرمان إنت قصة ضبانة الإستديو دي شنو؟؟ مربنها ولاشنو الحاصل؟

حلو مربنها دي
لا دي معجبة وإنت الصادق
تحياتي لأهل بيتك

Quote: أها كدا محتاج أنا أدلي بأيّة أقوال أخرى ؟؟

وقفتك معاي دي كفاية
يا أمير الإبداع

بدر الدين
كل عام وانت بخير

الضبانة دي تكون ركّت في بوست من بوستاتك
وعايزة تعبر ليك عن شعورا.. لأنها لقتو
عسل..
بس انت فهمتها غلط..

تصدّق؟.. الضبان برضو بريد الحاجات الحلوة!!

المعتَّق عبدالله عقيد
سلامي وإعجابي بشخصكم

Quote: الضبانة دي تكون ركّت في بوست من بوستاتك وعايزة تعبر ليك عن شعورا.. لأنها لقتو عسل..

عسل إنت وسمح إنت آآآآآآآي وإذا كان ذلك كذلك فبوستاتكم تستاهل النحل
لك جبال معزتي

بدر الدين صديقى إزيك وليك وحشة ياخى..

تخريمة :

تعرف الضبانة باللغة الهندية إسمها شنو؟ (مكي)... والله العظيم مكي






مش فى فنان فى مدنى إسمو (مكي شقي)

ما وريتنى ضبانتك دى خدرا ولا عادية أرجو التوضيح حتى نفتيك

ودى

الصديق العزيز وليد طه
سلامي وإحترامي

Quote: ما وريتنى ضبانتك دى خدرا ولا عادية أرجو التوضيح حتى نفتيك

خدرا شنو إنت قايلني أنا (قاعد) في خلا أنا قاعد في المكتب

Quote: مال الله

ولا مالك ...

خالي وحبيبي البسام ، سلام


عارف لي كم زمن ما كتبت ليك في بوست ، ايييك

...
...

كُنت حاسي بنفسي

Quote: مأمور

الجريفاوي ود أختي
كل سنة وإنت والأهل بخير وصحة وفيرة
وأنا والله سعدت بهذه الطلة خفيفة الدم والميتة ولحم الخنزير وما أهل ... بسم الله دا شنو أنا سربعت عديل كدا
ربنا يحفظك يا لذيذ

لووووووووووووووول بس


تصدق

العفيفة توما سلام بس

Quote: لووووووووووووووول بس

لووووووووووووووول لووووووووووووووول العروس بت السرووووووور العظمة

لووووووووووول لوووووووول يالولية بسحروك يالولي الحبشية
اها انفع يابدر في حزب البهجة؟



ايمان

الظريفة المبهجة المغتربة الجاهزة التي تحمل صورة ليست صورتها إيمان صالح
سلامي وإعجابي بردودك خفيفة الظل على كل المتداخلين في بوستاتك

Quote: لووووووووووول لوووووووول يالولية بسحروك يالولي الحبشية اها انفع يابدر في حزب البهجة؟

إنتي زي ما قال بعضهم جيتي البورد دا بي سنونك والإبتسامة مرسومة من غير كسير تلج
وأنا شخصياً متابع يراعك بإهتمام وشايف فيك فنان مبدع ينتظر

أخي أبو أواب
إنت بدل ما تتابع يراع إيمان صالح تابع ضبابينك ، ولا أقول ليك تابع خطوط الموضه وخلي خطوط قميصك تدخل في بعض يعني شكها من أول وجديد عشان تكون كاروهات. وعنوان المقال مازال يفقع مصاريني بالضحك وكل ما أقول التوبه يا رب أجرى وأجيهو راجع ، وقبيل سمعت واحد بيقول لي واحد ملتحي يعني عندو دقن مش دافن دقن ، أوووه مولنا الذي غشانا ، فتذكرت مقالكم وقلت في نفسي ربما طارت ضبانة بدر الدين إلى الهواء مباشرة وخرجت من النت إلى الجد وبقي بينا وبين الضبانة إيها فركة كعب ، أها رأيك شنو نعمل توليفه من بحر الضبان الشعري إياهو ويغنيها لينا حسن دلاقين ولا فيصل كوشه ومطلع الأغنية أو الغنيه باللبناني يمكن يكون:

الضبانه والبدوي الكان معانا
الليله ما جانا
مولانا الذي غشانا

وأترك الباب مشرعاً لك شاعر مرتحل عبر البحر أن يدلي بدلوه وأن يتحرى الدقة في ذلك ولا يطفف في الميزان.
شكراً يا بدر الدين حتى حروفك على الكي بورد ومقالتك جميلة ورائعة وكلها فن وفكاهة يا فنان.

مولاي الغناي عمر المتورط في الإسم وحمد لله ما بقت الإثم
تقدير خاص بإسمك محجوز ولن أفرط فيه مهما كان

Quote: الضبانه والبدوي الكان معانا الليله ما جانا مولانا الذي غشانا

أها عاين ليها قعدت ترقص

بدرين الدين
كل سنة وإنت طيب بمناسبة السنة الجديدة والجلابية الجديدة بس عاوز أسأل هل مازالت تلك الضبانة اللعينة تحلق في أجواءكم وسماواتكم.

صديقي القريييييييييب جداً ملاَّ عمر
سنة جديدة وسعيدة يا ابو أحمد

Quote: هل مازالت تلك الضبانة اللعينة تحلق في أجواءكم وسماواتكم.

ما زالت ولكنها غالباً ستزول بعد أن أغريتها بالذهاب للسودان والتمتع ببضاعة اليونان
أشكرك على رفع هذا البوست وباقي البوستات ويقيني هي تعبير عن تفقدك لي
لك المعزة الغالية

الاخ بدر الدين

لك السلام والتحية

اكيد يا اخوى ضبانتك دى مستوردة من بورتسودان

الحل ادخل غرفة مظلمة نصف ساعة اكيد سترحل وتجد ليها

مهبط تانى .

تخريمة:
طبعا معروف الضبان بفتش فى الحاجات الحلوة

لك احترامى

انتصار

العزيزة إنتصار محمد
سلام وطيب الكلام

Quote: الحل ادخل غرفة مظلمة نصف ساعة اكيد سترحل وتجد ليها مهبط تانى .

غرفة مظلمة ؟؟؟ دي ضبانة ولا صورة أشعة؟؟؟ وبعدين ماأظنها تفتش لي مهبط تاني بعد ما رفضت البدوي (الفندق خمسة نجوم)...

تخريمة:
أشكرك على التخريمة

Quote: عبدالرحمن الحلاوي سلامي وإحترامي Quote: وما أكثر الضبان في بلدي وأنا متخصص في قتل الضبان وبيض الضبان والله ياريت يا بن عمي (تتضابن) معي لحل هذه المشكلة خالص حبي

يعنى يا بدر انت قايل الضبان ما بشوف..فى زمتك شفت ليك يوم ضبانة راكه ليها فى ملح اوشطة..ما ياعسل يا سكر..انا ابوسك محل ما الضبان راكى..وبالمرة احب ضبانكم العزال ده،،،
هسع ده مارد يخلى الضبان يرك؟
الضبان ضبانك اهدى لى من فضلك نظرة فى حلمة اضانك يا البدير فى عصرك،،،

جندب

جراد

قراد

ضبان


ده شنو ده ياحلا يااااااااااااااااااااااااااااااااااااااخ ؟؟

بدر الدين حبابك
بركة الجمعه الجامعه
والدعوة العند الله سامعه
ضبانتك دى ما تمشى معاك لى سنة 2006
انقضى عام 2005 بى ضبابينو
شوقنا مكسر التروس ودافق

الأخ بدرالدين شنا
من خلالكم أرسل خالصى مودتى لأناس يفتخرون بالبادية أمثال صلاح أبن البادية، الحردلو، أبوعركى، عبدالقادر سالم وغيرهم كثير ..
بريمة

الجميل بريمة
سلام يحمل كلام مضمونو حبي

Quote: من خلالكم أرسل خالصى مودتى لأناس يفتخرون بالبادية أمثال صلاح أبن البادية، الحردلو، أبوعركى، عبدالقادر سالم وغيرهم كثير ..

هسع ديل كلهم من خلالي أنا بس؟؟؟
لأنك أصيل وإنسان جميل سأسمح لمودتك تعبر من خلالي لهؤلاء النفر الكريم ورموز الإبداع
تسلم ياخي

شقيقتي سوما
سلام باين بينونة كبرى

Quote: بركة الجمعه الجامعه والدعوة العند الله سامعه ضبانتك دى ما تمشى معاك لى سنة 2006

دي ضبانة ولا مُلحق؟؟؟
غايتو كان شفتها ماشة معاي سنة 2006 بعيد السنة
الشوق كتييييييييير ولقاءنا في العيد إن شاء الله

المبدعة نادية عثمان
سلام بحجم يراعك

Quote: جندب جراد قراد ضبان ده شنو ده ياحلا يااااااااااااااااااااااااااااااااااااااخ ؟؟

بس باقي لي الضفادع وما أكل السبع
غايتو عندك حلاة يااااااااااااااااااااااااااااااااااااااخ
لك خالص معزتي

صديقي وموجي
سلام بالجلابية والعمة

Quote: الضبان ضبانك اهدى لى من فضلك نظرة فى حلمة اضانك يا البدير فى عصرك،،،

ههههههههههه قويييييييييييييَّة

Quote: انا ابوسك محل ما الضبان راكى..وبالمرة احب ضبانكم العزال ده،،،

ياخوي كان باريت محل الضبانة راكة وتبوس ياني أنا البقيت هباءاً (منبوسا)....

صديقي البدر
قطع شك الضبانة دي ما براها. ما العسل براهو الجابا. كدي أسأل الخواجة أب صوتا تخين القاعد قصادك دة- ديل بيعرفو كل حاجة حتى الانجليزي!
تحياتي وما طول الغيبة..لك ودي
الزاكي

كيف قيلتو
في عام 99 كنت وزوجتى في رحلة من القاهرة إلي واشنطن عبر الأردن علي خطوط الملكة عاليه الملكية، جلس قصادى خواجه كريه الرائحة وقد لفت نظر زوجتى عندما هوى على المقعد، كانت هناك ضبانه واحده لعينة قد تسللت إلى الكابن خلسه فبحثت عن صيدها حتى وجدت ضالتها علي رأس الخواجه فلفظها بعنف ظاهر ينم عن سوء طبع وتعاود الضبانه ويعاود بعنف أشد مما سبق، فنادى الرجل طاقم الطائرة وسبهم سب الكلاب فجاءت المضيفات يحملن مبيد رش الضبان وبدأن يطاردنها حيثما دخلت ولكن ما أن أحضر الطعام حتى أستل الخواجة طاقية اليهود الصغيرة ووضعها علي رأسه وجاءت الضبانه تحلق فى الجو فوق رأسه ..
فلقت لزوجتى أها الأن عرفت سبب شنات الطبع قبل عباطة الضبانه! فضحكت زوجتى بصوت عالى، فإلتف علينا بخبث بائن، فبادرته I am realy sorry this fly bothers you a lot فلم بنذ بكلمة ..
وأشواقى لربوع بوادينا
بريمة

الحبيب الغالي بريمة
سلام عامر

Quote: جلس قصادى خواجه كريه الرائحة وقد لفت نظر زوجتى عندما هوى على المقعد، كانت هناك ضبانه واحده لعينة قد تسللت إلى الكابن خلسه فبحثت عن صيدها حتى وجدت ضالتها علي رأس الخواجه فلفظها بعنف ظاهر ينم عن سوء طبع

طبعاً العنف وشناة الطبع عندهم والله أنا عندي خواجة اليوم كلو تسمع طااااااخ طاااااخ في الضبان وكان جيت شفتهن ميتات تحت كرعيهو زي حتحات الدلكة
تحياتي لك ولزوجتك الكريمة

الوفي الزاكي استاذي
سلام سمين وثمين

Quote: كدي أسأل الخواجة أب صوتا تخين القاعد قصادك دة- ديل بيعرفو كل حاجة حتى الانجليزي!

حلووووووووة يا زاكي
ولقاءنا قريييييب إن شاء الله

البدر الحلو
شنو شابكنا الضبانه الضبانه شنو المخلبك متأكد انها ضبانه؟؟ ليه ماتكون ضباا المفرد الذكر من الضبان وبعدين اكون فاقد حاسة الشم وفي الحالة دي اكون محتاج للعلاج وتمشي تشوف ناس حماية البيئه وين ؟؟ولا تكون ضوب عنيده عايزة تطلعك من طورك وقدرت اقوليك انا الضبانه دي شاكي فيها!! الضبانه دي محرشه وقاصداك عديل نيش ضبانة بندقيتك على ضبانة عدوك وانكرب وورينا الحاصل ...

صديق عمري وأستاذي محمد السني
سلام بحجمك (الفني) عشان ما تفهمونا غلط

Quote: شنو شابكنا الضبانه الضبانه شنو المخلبك متأكد انها ضبانه؟؟

عاملة أحمر شفايف
والله مشتاق ليك يا سني وعايز الاقيك

والناس مالا زعلانة ياناس
عشان بتطرد في ضبانة ياناس
وبرانا عرفنا سبب أذانا ياناس

---------------

إنت يابدر الدين متأكد أنو دي كانت ضبانة ؟؟
بيني وبينك الزمن دا كل شيء محتمل ..
اصلو في واحد صاحبي حكى لي حكاية الناموس البرفع البطانية ..
وأول ماقريت البوست فكرت أنك ممكن تكون (( مخترق )) ..

كدي قول بسم الله وألزم الجابره وحاول ترسمها ..
أرسمها من الذاكرة .. وبعدين ح نعرف هي كانت عامله
كدا ليه ..؟؟ خاصة وبيناتنا تشكيليين محترمين ..

ولو ضبانة كمان ألله شافك من أنفلونزا الذباب ..


----------------

المهم حمدالله على السلامه

قبل ما أبارح عايز أستغل البوست وأعرف منك ( منكم )
كيف بيتم الإقتباس في هذا المنتدى ؟؟
طبعا دا إستغلال إنتهازي للبوست ..

مودتي

شكوكو صاحبي إزيَّك
مشتاقيين

Quote: كدي قول بسم الله وألزم الجابره وحاول ترسمها .. أرسمها من الذاكرة .. وبعدين ح نعرف هي كانت عامله كدا ليه ..؟؟ خاصة وبيناتنا تشكيليين محترمين ..

هسع أنا ارسم الضبانا ولا البدوي الشغال معانا؟؟؟
أما بخصوص التشكيلين بيننا فهذه ما فيها شك وخاصة بعد إنضمام ريشتك الرائعة وبالمناسبة دي أحكي ليك نكتة ربما تكون سمعتها
واحد شايقي قال لي صاحبو تعال نبقى فنانين
إنت تبقى فنان (تشكيلي) وأنا ابقى فنان أشكيلك
ههههههههههههههههه