عذابات غالبية السودانيين...

ترن ترن ترن...

أنا: الـ......صباح الخير

المتصل: السلام وعليكم

أنا: وعليكم السلام

المتصل: مرحبا مدام

أنا: اهلا

المتصل: معاي الـ...؟

يا اللاااااااااااه نوع الناس العبقرية البتتصل عليك من صباح الرحمن بهدف فقع المرارة
أنا: ايوة معاك اتفضل

المتصل: باي لغة تفضلي اني احكي

ياولد انت يا أبو اللغات
أنا: باللغة البتريحك

المتصل: اوكي ممتاز

ويبدأ الكلام باللغة الانجليزية وباللهجة السودانية

المتصل: لو سمحتي مدام ابغى اسال عن بعض الاشياء

أنا: ايوة اتفضل
.

.

.

.

المتصل: طيب سؤال اخير

تتطاقش دقات قلبي وانا اتوقع السؤال الماااااابغباني

المتصل: اللخت سودانية

أنا: ايوة

المتصل: من وين في السودان

اح ح ح ح ح ح ح ح ح ح، في اللحظة دي بيكون نفسي اخش ليهو بالسماعة واخنقو بسلك السماعة الدخلت بيها ليهو دي، عذاب بس...

جاية راجعة...


ست البنيــــــــــات

تررن تررن

الو ميادة ..؟؟


نحن في الانتظار ...


كل الود.

معتصم عمر

ميـــــادة ..
..



تلفونكم ده ما فيهو .. خدمة توصيل طلبات

ترن ترن ترن
انا : الاخت ميادة
ميادة : ايوا انا ميادة
انا : اشتركي في خدمة موجود اكسترا

الأمين عثمان صديق محمد

Quote: ترن ترن ترن انا : الاخت ميادة ميادة : ايوا انا ميادة انا : اشتركي في خدمة موجود اكسترا

فترت انا من مَبَاراة الجوال وخدمات الجوال، وبكرة تجيك فاتورة قدرة الليلة وبكرة وبعد شهر، ويقومو ناس الشغل ينطو ويقولو ليك مابندفع ليك الفاتورة، اهة في حالة زي دي إلا اسوي كشف، والخوف انو يجو الجماعة مايهببو ليك ونبقى في امشو اشترو شريحة سوا بالـ ofer الجديد ولا امشو اشترو موبايلي وخدمتهم القاطعة من راسهم...

لزومز شنو اسة بس نبقى في جنس دة!!!!!!

Quote: ويقومو ناس الشغل ينطو ويقولو ليك مابندفع ليك الفاتورة

لا لا انا ناسي مشترط عليهم يدفعوها ورجلهم فوق رقبتهم وموجود دي مسويها حمرة عين ساكت ونافعاني خصوصا من الارقام البتبدا بي 00249
اسمعي الكلام دا يا ميادة يا اختي ناسك ديل اضبحي ليهم الكديسة

Quote: لا لا انا ناسي مشترط عليهم يدفعوها ورجلهم فوق رقبتهم وموجود دي مسويها حمرة عين ساكت ونافعاني خصوصا من الارقام البتبدا بي 00249 اسمعي الكلام دا يا ميادة يا اختي ناسك ديل اضبحي ليهم الكديسة

انا ناسي عارفيييييييين انهم اذا وافقو يدفعو لي فاتورتي معناها بالميييييييت كدة هيدفعوها 10 مرات في الشهريين موش مرة واحدة، علما اني اصلو مابتكلم كتير بالموبايل، وجني وجني الرغي الكتير بالتلفونات، وتلفوني دة يستحييييل تلاقيهو مشغول


ست البنيــــــــــــــات

Quote: ميـــــادة .. .. تلفونكم ده ما فيهو .. خدمة توصيل طلبات

في توصيل مساخات، تنفع؟؟؟




ست البنيــــــات

Quote: تررن تررن الو ميادة ..؟؟ نحن في الانتظار ...

سمح...

حااااااااااااضر...

بس شيل الصبر...


ست البنيــــــــــــات

ميادة ...
صباحك ود ..

مرة من المرارير ...
مر علي نوع بيتظارف لدرجة أنو يجيك في المكتب بعد ما يكون تم الغلاسة بتاعت التليفون ويطلبك بالاسم ويتكلم معاك بالتليفون الداخلي بصوت واثق علشان تنزلي وبعد العذاب والتلتلة لغاية ما تصلي الباب الرئيسي (داك) تلقي زول لا بتعرفيهو ولا شفتيهو بيسألك عن معلومات متوفرة على الشبكة العنكبوتية (دبليو دبليو دبليو) وتكوني قلتيها ليهو في التليفون ويمرق روحي لمن يسألني ببراءة وهو يتكأ على نافذة الحارس بحميمية :
(انت سودانية بالله؟ شكلك ما سوداني؟ انت هاف كاست؟) واقرب اوقول ليهو (هاف كاست من وشي الساعة دي )
طيب لو عمل لي تحليلDNA وعرف جدودي وحدودي وفصيلة دمي وأنواع الحساسية العندي حيستفيد شنو؟
عمومن ...
يا ميادة يا اختي، لما زول يسألك انت سودانية ولا لأ ردي زي: لأ أنا اسكندنافية! أو بسؤال معاكس: انت سوداني؟ غريبة! شكلك ما افريقي ابدا!

أزأزلووووووو ازييييييييك...

مشتاقيم كُميات...

Quote: ويتكلم معاك بالتليفون الداخلي بصوت واثق علشان تنزلي وبعد العذاب والتلتلة لغاية ما تصلي الباب الرئيسي (داك)

ايييييييييييك
هتقولي لي على الباب داك...
اخير انتي هينة بتنزلي بالاسانسير...
لكن انا كنت اجي جنجل جنكل جنكل وانزل خرتومية درجة سلم عشان اجي للزول...
ولما اكَشِحو واجي راجعة الا اكحل الراجل القاعد في الصندوق دااااك، جمب ناس عبد العظيم (عرفتيهو) لغاية ما يرضى يفتح لي الباب ومرات يكون فيها غتاتة ومايرضى يفتح الاترفعي النصيبة المعلقاها في رقبتك ديك و....
بركة الله حلاني...

Quote: لمن يسألني ببراءة وهو يتكأ على نافذة الحارس بحميمية : (انت سودانية بالله؟ شكلك ما سوداني؟ انت هاف كاست؟) واقرب اوقول ليهو (هاف كاست من وشي الساعة دي )

في حالة زي دي تقولي ليهو لا هندية، بس النقطة الفي نص الجبهة دي اتمسحت لما استحميت الصباح...

انعل ابو السغالة ياخ...


ست البنيـــــــــــات...

لمن يسألني ببراءة وهو يتكأ على نافذة الحارس بحميمية :
(انت سودانية بالله؟ شكلك ما سوداني؟ انت هاف كاست؟) واقرب اوقول ليهو (هاف كاست من وشي الساعة دي )
دى حلوه خالص ها ها ها......
والله متخيل المنظر ياعزاز

العزيزة مياده

والله ليك وحشة يا ستى


لكن ياخى ما اصلو التعامل مع الجمهور كده

امال ايه ؟؟؟

اظنك ما تابعتى زمان اول بدايات قناة ART والمذيعة الحسناء ليليان اندراوس

ياخى دى قربت تعمل أزمة دبلوماسية


المهم سلامة مرارتك ياستى

العزيز قرشو...

ازيك وازي احاويلك، انشالله تمام التمام...

Quote: لكن ياخى ما اصلو التعامل مع الجمهور كده امال ايه ؟؟؟

احنا ماقلنا شي عن التعامل مع الجمهور الكريم، لكن التعامل دة ماممكن يكون من غير خفة دم!!!!

Quote: اظنك ما تابعتى زمان اول بدايات قناة ART والمذيعة الحسناء ليليان اندراوس ياخى دى قربت تعمل أزمة دبلوماسية

طبعا انا ثقافتي التلفزيونية اقل من ضحلة ببسييييييييت، يعني عندي إسراء زين العابدين، زي ايمان بنورة، زي جورج قرداحي، زي اوبرا وينفري...

يديك العافية، وخلينا نسمع منك...



ست البنيــــــــــــــــات

ميّادة ازيك.. ومشتاقين..
مرّه كنت في وزارة في قطر.. ما بتذكر الوداني هناك شنو.. كنت بتكلم مع واحد أجنبي بالإنجليزي وفي جماعة سودانيين واقفين.. كنت بسأل من مكان في الوزارة، قاموا الأخوان ردّوا علي بالإنجليزي برضه.. قمت اتكلمت معاهم عربي.. ففغروا فاهاتهم .. واستغربوا واندهشوا.. ثم تاني اندهشوا .. وقالوا لي "إنت سودانية؟" علماً بأني أرتدي الطرحة المابتغباكم.. ولوني أخدر لما بنفسجي.. سبب العجب، قال إيه، بتكلم عنجليزي!


بس قلت أسلم عليك .. واقول ليك أظهر وبان..

بنت الحسين

مريم الظريفة...

Quote: ميّادة ازيك.. ومشتاقين..

ازيك وازي اخبارك انشالله تمام، تشتاق ليك العافية انشالله، والله انا زاتي مشتاقة ليك شديد خلاس وفي بالي طوالي لكن بس تقولي شنو في زنقة آخر السنة...

Quote: مرّه كنت في وزارة في قطر.. ما بتذكر الوداني هناك شنو.. كنت بتكلم مع واحد أجنبي بالإنجليزي وفي جماعة سودانيين واقفين.. كنت بسأل من مكان في الوزارة، قاموا الأخوان ردّوا علي بالإنجليزي برضه.. قمت اتكلمت معاهم عربي.. ففغروا فاهاتهم .. واستغربوا واندهشوا.. ثم تاني اندهشوا .. وقالوا لي "إنت سودانية؟" علماً بأني أرتدي الطرحة المابتغباكم.. ولوني أخدر لما بنفسجي.. سبب العجب، قال إيه، بتكلم عنجليزي!

اييييييييك دي طبعا كتيرة خلاص عندنا هنا، مرة انا كنت في شغل برة ولاقيت واحد سوداني ونضم معاي بلهجة البلد دي بعد ما خلص كلامو قمت انا لا شعوريا قلت ليهو سمح، قام اتنفض طواااالي زي اللدغتو عقرباية وقام طوااااالي سألني:اللخت سودانية؟

Quote: بس قلت أسلم عليك .. واقول ليك أظهر وبان..

الله يسلمك يختي وهو دي تراني ظهرت في بالكتابة في البوردي وقريب بظهر بالصوت فاتوقعي من تلفون قرييييييييب انشالله...

ست البنيــــــــــــات

Quote: نوع بيتظارف لدرجة أنو يجيك في المكتب بعد ما يكون تم الغلاسة بتاعت التليفون ويطلبك بالاسم ويتكلم معاك بالتليفون الداخلي بصوت واثق علشان تنزلي وبعد العذاب والتلتلة لغاية ما تصلي الباب الرئيسي (داك) تلقي زول لا بتعرفيهو ولا شفتيهو بيسألك عن معلومات متوفرة على الشبكة العنكبوتية (دبليو دبليو دبليو)

عزاز

شنو ياخ في داعي للاحراجات دي ..

وحات سيدي البدوي يا دكين ما قاصده صاحبنا ...
ده كان كلاكيت تاني مرة للمشهد نفسه، ما دققوا ياخي !!!

دكين...

ازيك...

اسمع عندي اقتراح بنّاء ليك انت وعزاز، بما انو حالتي المادية بتمر بمنعطف خطير وتدهور مريع وسلك الفلس ضاربني، قررت اني أأجر ليكم البوست دة انت وعزاز، فرأيكم شنو؟؟؟




ست البنيـــــــــــــــــــــــات

هذا البوست قصدت به كاتبته الأساسية ، ميادة ، وصديقتها عزاز ، اتهام الرجال بالتهافت ، والتسابق على التعرف بالفتيات ، وإحداث الخلل في العلاقة بين الرجل والمرأة ... والواضح أن ميادة قصدت أن الرجال لا يتمتعون بأي قدر من الموضوعية ، كما أن عزاز أيضا سارت في نفس الاتجاه مؤكدة أن الرجل يتمادى في ( تخانة ) الجلد لدرجة أنه يتعامل وكأنه لم يفهم ما قيل له في التلفون فيتبعه بزيارة ميدانية ...
ونحن في طلابا في مدارس التعليم العام تعلمنا في المدرسة أن الانغلاق والانطوائية مذمومان ، وظل أهلنا يعلموننا كيف نتعامل مع الضيوف ومع من نلتقيهم لأول مرة ، ومع الغرباء ، وأذكر أن أستاذ اللغة الإنجليزية كان يقول لنا عندما يتصادف الناس في بريطانيا ولا يجدون موضوعا فإنهم يبدأون بالحديث حول الطقس ، فهو بالنسبة لهم مدخل للحديث وربما يكون مدخلا للود ،،، وقديما قيل :
نظرة ، فابتسامة ، فسلام ، فكلام ... أو شئ من هذا القبيل ..
وأقول لبناتي ميادة وعزاز ومن وافقهن في منحاهن ، أن رجالنا ليسوا متهافتين ، ولا يعيشون حالة تسابق تجاه علاقتهم مع المرأة ، إنما يسعون لدفع المرأة إلى الأمام من أجل إقامة علاقة متوازنة بينها وبين الرجال ،،، فالمرأة السودانية في الغالب الأعم لا تكون مبادرة في أي علاقة مع الرجل ، وربما أن التنميط التربوي يضعها في سلّم الأدب ( أو العرف الاجتماعي ) في مكان لا ترغب فيه إن هي بادرت الرجل بالحديث ،،، وهذا العرف الاجتماعي أقوى من كل قانون ، وأقوى حتى من الدين نفسه في كثير من الحالات ... والرجال يشعرون - دائما - بالرغبة الملحة في انصاف المرأة وقيام علاقة إنسانية بين الجنسين ، والرجل غالبا هو المبادر في تحريك كوامن المرأة وتفجير طاقاتها من أجل إقامة المجتمع الإنساني المعافى ، وإحساس الرجل بالمسئولية تجاه هذه المبادرة يدفعه إلى تحريك البرك الساكنة بالطريقة التي يراها مناسبة أو بما يتيسر له ...

العم المحترم ود قاسم
كلامك منطقي وعقلاني جدا
لكن الا توافقني انه يوجد بعض الذين يتسحقوا ان نتحاشا الرد عليهم من الجنسين
يعني انا مثلا مبتلى بوظيفة تحتم علي استقبال مكالمات كتيرة واغليها من مناديب مبيعات وكلهم يبحثوا عن مصالحهم ولا يفرقوا بين وقت الدوام ووقت الراحة والله احيانا يتصلوا انصاف الليالي وبعد الظهر دي عادي جدا غير التطويل في الكلام لحدي ما اشعر بحرارة الجوال في اضاني يعني زي ديل اسوي ليهم شنو
موجود مش حل على الاقل في وقت الراحة

الخال العزيز ودقاسم...

بركة السمعنا عنك، ازيك وازي اخبارك، وكيف خالتي فوزية وناس السودان كللللللهم، انشالله طيبين...

نجي للرد على كلامك الكبار كبار، بس انشالله اقدر اوفّي..

Quote: هذا البوست قصدت به كاتبته الأساسية ، ميادة ، وصديقتها عزاز ، اتهام الرجال بالتهافت ، والتسابق على التعرف بالفتيات ، وإحداث الخلل في العلاقة بين الرجل والمرأة ... والواضح أن ميادة قصدت أن الرجال لا يتمتعون بأي قدر من الموضوعية ، كما أن عزاز أيضا سارت في نفس الاتجاه مؤكدة أن الرجل يتمادى في ( تخانة ) الجلد لدرجة أنه يتعامل وكأنه لم يفهم ما قيل له في التلفون فيتبعه بزيارة ميدانية ...

انا ياخال لا بتهم زول ولا بعمم، ولو لاحظت عنوان البوست عذابات غالبية السودانيين، ولكن وزي مابيقول المثل (الشر بعم والخير بخص) يعني بنلاقي في نوع من البشر في مجتمعنا بتصرفو كدة وبنفس الطريقة الوصفتها في هذا البوست، لكن تأثير النوعية دي من البني آدمين دائما بيكون أكبر من حجمها، فهي زي وصفتها أنت بقت (تخينة الجلد) مابتهمها النتائج كتير، ولا شغالة برد فعل الطرف التاني، والغريب في الموضوع أنو هدفهم ما مفهوم وغير محدد، وهم غالباً ماعندهم شغلة وعايزين يقضو وكت ويستظرفو ويخففو في دمهم، وبتبعو جميع الوسائل التقليدية وغير تقليدية ودي طبعا عايزة ليها بوست برااااهو، بس المشكلة اننا خايفين من هدر الباندوث

والمرأة يا خال أثبتت أنها مبادرة في كثير من شئون الحياة، وهناك نساء الآن يقدن ويوجهن العملية الاجتماعية ويؤثرن في المجتمع بمختلف طبقاته و توجهاته وبشكل واضح، وربما يكون لبعض الرجال دور في دفع المرأة إلى اكتساب حقوقها، لكن المرأة قادت مسيرتها لاكتساب هذه الحقوق عبر معركة طويلة، ولا يمكن الجزم بفصل واضح بين ما تقوم به المرأة وبعض الرجال الذين يعلمون تماما أن الحياة الإنسانية مسيرة متكاملة يصنعها الجنسين معا (رأيك شنو فيني وانا متجندرة )

لا اريد الخوض في اكثر من ذلك حتى لا يأخذ الموضوع مساراً غير المقصود به حين كتابته...

شكرا ليك لمرورك ولتعليقك وبرضو شكرا ليك كتير لإدارة دفة الحديث الى هذه النقطة المهمة...


ست البنيــــــــــات

Quote: هذا البوست قصدت به كاتبته الأساسية ، ميادة ، وصديقتها عزاز ، اتهام الرجال بالتهافت ،

الخال العزيز ود قاسم ...
تحايا نواضر ...
هارشنا ليه بس يا خال؟ حاول تفهم وتقدر ظروفنا

حاشا وكلا نسقط تصرفات (اليعض) على الكل، وكثير من الأخوان بتربطنا بيهم مودة واحترام وبنعتز بمعرفتهم وبنثق فيهم ...

حقيقي الموضوع له أبعاد أعمق من مجرد مواقف مع ذوي الجلود التخينة .. لم اتهم (بعض) الرجال السودانيين بالتهافت، بل أرى بأن بعضهم يجنحون للفجاجة ويفتقرون أبسط قواعد للدبلوماسية في التعامل مع الجنس اللطيف. باختصار بعضهم لا يعوون أن لكل مقام مقال ودايرين (ينتهزوا) الفرصة ....
الحديث عن الطقس حديث عام ولكن سؤالي عن أهلي ودمي (وقريت وين؟ واها، انت من ناس فلان؟) اختراق لمساحتي الشخصية لا أحبه ولا أحبذه من شخص لم التقية إلا من لحظات، ناهيك عن ملامحي السودانية المتأصلة(مرة واحدة قاعدة وراي في مطعم سألتني إذا أنا فرعونية! جمجمتي براها سودانية خليك من الملامح!)

وفي معمعة العمل، آخر ما تريده هو شخص يحاول أن يشغل وقتك بما لا ينفع ويعيق جدولك. مكان العمل للعمل ولا أحب خلط الاجتماعيات بلقمة عيشي وإعطاء انطباع عني بعدم المهنية لمجرد إشباع رغبة شخص (متراشق) ..
كما أنه (شفتني و أنا مثقفاتية؟)
لم اعد أتقبل فكرة أن يصنفني الآخرون تبعا لانتماء لم يكن لي يد فيه. وبت استهجن سؤال: من أين أنت؟ واشعر بأنها مقدمة لتصنيفي في عقلية المخاطب. أنا من تراه أمامك وعاملني بالتالي طبقا للواقع. من أنا، من هم أهلي، جذوري، كلها معلومات شخصية لا أفضل أبدا الإفصاح عنها لكل عابر سبيل. وطبعا بعض الإخوان يستفتح حديثه بها ليؤكد حقيقية أنه هناك نقاط تشابه، فنحن الاثنين نحمل نفس جواز السفر!!

Quote: والرجال يشعرون - دائما - بالرغبة الملحة في انصاف المرأة وقيام علاقة إنسانية بين الجنسين

ديل رجال وين ؟ بصراحة يا خال اديتني شعور انهم لابسين ببيونات بمبي ومسرحين شعرهم بالجنب!
ديل رجال وين ديل؟
يعميني ويطرشني ما لاقيت منهم زول لغاية الساعة دي!
يعني أي زول بيجي يتكلم معاي همه انو يكسر قوقعتي؟ ما هم اللي خوفونا منهم وبقينا نعمل ألف حساب في كلامنا معاهم علشان ما يفهمونا غلط ويتباسطوا معانا لدرجة (قف تأمل!)...
هم يدفعوننا بالفعل بهذه التصرفات، ولكن نحو هاوية!

أنا وميادة يا خال ،ارجو ان تسمح لي ميادة بالحديث بالنيابة عنها في هذه الجزئية، طرحنا بعض التصرفات التي تصدر من أشخاص لا نعرفهم في ظروف لا تستوجب منهم أكثر من الولوج في صلب الموضوع. لو قابلني أحدهم في مكان يسمح بالحوار وبيننا أرضية مشتركة ممكن أتكلم معاه ببساطة وأتحاور معاه، بس مثلا زول ضارب يسأل من شروط كراسة المناقصة ويعمل مكتبي (مزيرة) ويزورني كل يومين- في حين غيره اخد المعلومات في دقائق وتاني ما ضربوا إلا لتسليم المظاريف-وكمان يقعد يستجوبني عن أهلي وفصلي وبكل اريحية يسألني لو مخطوبة أو (مرتبطة) ، دي اسميها شنو؟ لطف؟ ولا زول ناوي خير؟
انا راضية بحكمك، سميها لي؟

اختى عزاز ..

Quote: لم اعد أتقبل فكرة أن يصنفني الآخرون تبعا لانتماء لم يكن لي يد فيه. وبت استهجن سؤال: من أين أنت؟ واشعر بأنها مقدمة لتصنيفي في عقلية المخاطب. أنا من تراه أمامك وعاملني بالتالي طبقا للواقع. من أنا، من هم أهلي، جذوري، كلها معلومات شخصية لا أفضل أبدا الإفصاح عنها لكل عابر سبيل. وطبعا بعض الإخوان يستفتح حديثه بها ليؤكد حقيقية أنه هناك نقاط تشابه، فنحن الاثنين نحمل نفس جواز السفر!!

هي لكن السودانيين حنكهم كدة .. يعملو شنو ..

عايزة سودانى يفتتح ليك حديثو بالازياء .. وللا باخبار نجوم هوليود ..؟؟ وللا بمؤشرات ال(وول استريت)..
ياستى ديل ناس بسيطين .. وقواعد الدبلوماسية دي..مجتمعاتهم الجو منها فاقداها..
واعتقد .. انو السؤال عن بلد الشخص الذي تتحدث عنه هو مدخل جيد للتعارف ..

الواحد بيسالك عن بلدك وقبيلتك فقط عشان يجد موضوع يبدأ بيهو الحديث.. لانو بيكون متعشم في اي علاقة بينكم (شخصية مشتركة بينكم.. او دراسة ..تخصص .جامعة ..نشاط مشترك ....او من نفس المنطقة .. او تطلعى بتعرفي اختو او بيعرف اخوك ..و..و..الخ)

ووين المشكلة لمن تتصنفي في عقلية المخاطب بانتمائك .. السودانى او النوبي.؟؟ هل بتتصوري انك تجلسي مع شخص للحديث دون ان تعرفي خلفيته البيئية والثقافية والتربوية ..دة صعب جدا ..كل واحد فينا لمن يكون ماشي لى مقابلة شخص .. اول شي بيسال عنه هو :جنسيته .. انا تحديدا ..اذا ماشي اقابل لي شخص ..بسال من اي بلد هو .. اذا طلع سودانى بسال من وين في السودان ..دى معلومات ضرورية عشان تبنى عليها طريقة كلامك ومدخلك للحديث .. وبتعمل تهيئه نفسية كويسة.. لانو اذا سودانى ..لازم تعمل مقدمه ونسة ودردشة ..ويمكن لو ما اتكلمت معاهو عن منطقته يزعل ويقول ليك دة طالع فيها ..

قبل شهر .. مشيت اقابل شخص محدد بالاسم في مكتبو ..لمن دخلت لقيت الشخص المطلوب وهو سوري ..وفي المكتب الجنبو(بعازل زجاجى) سودانيين .. شغالين سوا كلهم ..سلمت ..وجلست .. وبديت الحديث مع الشخص الجيت عشانو في مكتبو.. انتهيت من حديثي ..وانا طالع ..نادونى السودانيين .. وقالو لى ..الاخو سودانى ..قلت ايوة .. قالو لي ..طيب مالك عامل فيها ماسودانى ..اندهشت جدا .. وقعدت وسالتهم كيييف الكلام دة ..قالو ..ما اتكلمت معانا وسلامك بارد.. ولونك ابيض ..

شغلي في قسم المبيعات .. وتحديدا في خدمات العملاء .. اتاح لي فرصة التعامل اليومي مع كثير من الجنسيات ..وقليل جدا من السودانيين ..(اكترهم مصريين وشوام واتراك وسعوديين.. حتى جنسيات اوربية) ..وبرضو بيستعملو نفس طرق السودانيين .. (انت سودانى ؟؟... اي مكان في السودان ..؟؟ ايه اخبار الحرب عندكم .. وايه قصة الجنجويد .. ومين اللي قتل قراااانق .؟؟)

Quote: وبكل اريحية يسألني لو مخطوبة أو (مرتبطة) ، دي اسميها شنو؟

أووول انت بأااااااا


ملحوظة :
واحد سودانى .. متسعود .. قاعد جنبي وبيقرا معاى .. قال لي

Quote: هااااذى البنت يامعتصم ترى (شايفة نفسها)

.. فاكاها في نفسك يعنى ..

شفتى الانطباع الطلع بيهو .. من قراية مداخلتك دى بس ؟؟

موووووووووووووووعتصم ...
سلامات ...
شكرا على القرءة العميغة
اولا يا سيدي انا عن خاسة نفسي ما بيهمني كثير جنسية اللي قدامي وبتعامل مع الكل بنفس الطريقة ولو في اختلاف (طفيف) تبعا للمقام كمان مش للشخص ولو حسيت أنو ممكن اتفهم غلط بقفل خشمي علي وببقى زي تمثال الحرية ....
يمكن أنا راسي قلبه، بس حياتي ماشة عاااادي ولا تشوبها شائبة إلا لما يعتر لي واحد من أياهم...

Quote: نادونى السودانيين .. وقالو لى ..الاخو سودانى ..قلت ايوة .. قالو لي ..طيب مالك عامل فيها ماسودانى ..اندهشت جدا .. وقعدت وسالتهم كيييف الكلام دة ..قالو ..ما اتكلمت معانا وسلامك بارد.. ولونك ابيض

أخي معتصم حماك الله لا تبتئس ...
عامة السودانيين بيحبوا يصنفوا الآخرين كدا على الطاير وعلى الروليت ، يعني لو جيت من الباب وقالدتهم برضوا بيلوموك ويختو فيك راي ويتهموك بالخفة والشلاقة !
شفت المثل بتاع (إرضاء الناس غاية لا تدرك)؟ المثل ده نجروهو لينا مخسوس ...
وعليه،
ريح نفسك وما تشتغل كثير بالمودوع وابقى انت زي ما انت وركز على دواخلك وقيمك *
(كتاب الدماغ العالية تأليف عزاز شامي- فصل التعايش السلمي مع بني البشر)

ثم ثانيا،

اتقاطعت معاك كثير وقليل في مداخلتك الفوق بس سريع كده داير أرد للضيف السعودي اللي بيحضرنا قبال ما يمشي وتفوته نهاية الفيلم...

قول ليهو انا نلت الجائزة الدهبية في مسابقة الـFFRM العاليمة (فاكينها في روحهم ومصدقين)
روحي دي عاجباني عجب!
وااااي علي أنا!! أموت لي أديييل كده

(انهنا هينين ولا لينيين ؟؟؟)

خسمتك بالنبي تترجمها ليهو وتوقعها ليهو سممممممممممح يا معتسم...

يلا اوروفوار لقو

بنتنا عزاز
أقدّر ما تعانينه أنت وبنات جنسك من حماقات بعض الرجال ، وجهل بعضهم بأبسط قواعد التعامل الإنساني . لكن ياعزاز الناس يختلفون باختلاف بيئاتهم ، وبقدر رقيهم في سلالم الثقافة والمعرفة .. وهذه المسألة تنطبق على المرأة أيضا ، ففإذا كان من الرجال من يعرض نفسه بسذاجة فإن من النساء أضعاف ذلك ... وهؤلاء الذين ينتهجون الفجاجة ( كما أسميتيهم ) أيضا ينطلقون من تجارب سابقة في علاقتهم مع نساء أخر حيث وجدوا أن الفجاجة منهج فعّال ، وهم يظنون أنه يمكن أن يكون فعّالا مع الجميع ... وعندما يتمادون رغما عن محاولات صدهم من الطرف الآخر فإني أتهمهم بتخانة الجلد... وأرى أن ذلك موجود في كثير من البشر ، حتى وسط الشعوب المتقدمة ، والأحداث التي تطرحهاالأفلام والمسلسلات دليل على وجود هؤلاء وأمثالهم ... لكن يا عزاز ليس كل الرجال حمقى ، كما أن النساء لسن كلهن سذّجا ،، ولكن هناك قلة من هنا وقلة من هناك لا تسعى للترفع عن الفجاجة والقصور الإنساني ...
ومن الخطأ أن يربك الآخرون أعمال الناس في مكاتبهم ، أو أن يضطروهم إلى ما ليس منه بد ، ومن حقنا أن نرفض مقابلة أي زوار في وقت العمل حين لا تكون لهم علاقة بالعمل ، كما أن أوقات الراحة نفسها يكون من حقا وبالنص الديني أن نطلب من زائرنا أن يزورنا في وقت آخر نحدده نحن ..
لكن المجتمع كله ومستقبل تطوره ينبني ويوقم على فعل الرجل والمراة معا ، ولا يمكن الفصل بين الفعلين ، وأؤكد لك من جديد أن من الرجال والنساء معا من يسعى إلى بناء مجتمع معافى ومتطور يعيش أفرداه كلهم متكاملين دون أذى ...

الخال ود قاسم...

قطع شك كلام كُباااااااااار كُبار...

بس دة ما يمنع اني اجيك برواقة ارد عليهو، بس لو ممكن تلوك لي الصبر، سمح؟



ست البنيـــــــــــات

ميدى


سلامات



المعنى يعنى الواحد يفكر دلدشمية مرة قبل ما يتكلم معاكم
عرفنا حاجة .

كوستا...

ازيك، ويييييينك قاطع الحركة، انشالله كل الامور تمام التمام، والله مشتاقين، كيف الجماعة كلهم، انشالله طيبين، سلامي لهم ومن غير فرز

Quote: المعنى يعنى الواحد يفكر دلدشمية مرة قبل ما يتكلم معاكم عرفنا حاجة

لا ابدا، المعنى انو الواحد يتكلم بس من غير (اللخت من وين) لانها بتجيب ليهو الهوا

كوستا، النبي فوقك ما تنقطع...


ست البنيـــــــــــــات

سلام عليكم كوستا اخوي و اسياد الدار و الضيوف

عني سخسيا بفكر ديسيليون مره.. و امكن اول سؤال ولا تاني
و لا التالت ما عارف ( فتران).. بعد السلام و معرفة الاحوال
..السؤال بكون : يا زول/ه انت/ي شغال/ه و لا فاضي/ه ?...
طبعا بعرف الزول لو حب يجاملني حتى لو ضارب ليهو اول مره
عسان كده بحب الصريحين/ات ..
الصراحه و لا انك تموت بالغبينه و في نفسك (شئ من حتى)..
والصراحه ولا مجاملتنا (الزائده) المضيعانا

اللخو سعدالدين عبدالرحمن...

Quote: سلام عليكم كوستا اخوي و اسياد الدار و الضيوف عني سخسيا بفكر ديسيليون مره.. و امكن اول سؤال ولا تاني و لا التالت ما عارف ( فتران).. بعد السلام و معرفة الاحوال ..السؤال بكون : يا زول/ه انت/ي شغال/ه و لا فاضي/ه ?... طبعا بعرف الزول لو حب يجاملني حتى لو ضارب ليهو اول مره عسان كده بحب الصريحين/ات .. الصراحه و لا انك تموت بالغبينه و في نفسك (شئ من حتى).. والصراحه ولا مجاملتنا (الزائده) المضيعانا

اي نعم النضمي دة ما موجه ليه، لكن بس سؤال بريء...

اللخو مستوظف وين؟؟؟؟؟

وكل سنة وانت طيب...



ست البنيــــــــــات

ميادة سلام وكل سنة وانتو طيبين
ما وقع لي كلامك حق النضمي والتوجيه ده...معلش فتران شديييييد( تاني )

Quote: اللخو مستوظف وين؟؟؟؟؟

في الكبانية آا بت العم

اللخو سعدالدين...
سلامات...

Quote: ما وقع لي كلامك حق النضمي والتوجيه دة

قصدي بالنضم انك موجه الحديث لكوستا، عشان كدة قلت ليك ماموجه لي...

Quote: معلش فتران شديييييد( تاني )

خلاص بختك جاياك اجازة العيد، نوم وارتاح لااااااااامن كضومك يترفعن...

Quote: في الكبانية آا بت العم

زُملا يعني


ست البنيــــــــات

ميادة اختنا .. كيفنك
اها احكي ليك دي حصلت معاي قبل شوية وقلت الحقها بوستك دا
طبعا انتي عارفة يوم السبت زحمته كيف وعندي فاكس لازم ارسله بسرعة ختيت ليك الورقة وقعدت اضغط على الارقام الا القى ليك ترفع الخط واحدة طبعا اتصالي كان بالغلط مافيها شك (وانا من ما جيت البلد دي اصلا ما غيرت طريقة كلامي السودانية دي اكان البكلمني بقى شنو داك) وطبعا من كلامي هي عرفت انو الزول دا زولا
قلت ليها اسف انا غلطان في الرقم لاني طالب رقم فاكس وتعالي شوفي بقى... الفاكس الطالبو رقمو كم ..... وانت متصل من وين وكلام نسوانا السمح المحشي بي ناس سجمي ووب علي طبعا عشان تثبت وبالدليل القاطع انها سودانية 100% بس وحاتك من الزحمة والخلعله ما قدرت اطول معاها
انا ما بسمي تصرف الاخت دي خفة او ظرافه تلقي هي بس ما صدقت سمعت ليها صوت سوداني مش بقولوا الطيور على اشكالها تقع ... تقع يا ستي بس تقع براحة براحة
اما البكون عارفك وعارف رقمك ويقعد يتصل عليك في كل وقت يبقى دا عذابات غالبية السودانيين

اللمين اخوي
سلام و مشتاقييين
ياخي من عرس ايمان ما ناضمتنا تاني..العروس دى شن خبرا?

Quote: تقع يا ستي بس تقع براحة براحة

انت قصدك ما تقع بردلب يعني
امكن في مشكله فى الكهرباء ?
تقسيمة الحنين للوطن عاليه!
ياخي انتا طلعت زول جاااافي خلاص ههههه

ابو السعود يا غالي
كدي النستاذن من صاحبة البوست اولا
ميادة اختي عن اذنك اخد لي خشم خشمين مع ابو السعود دا
كيفك يا راجل ياذوق
والله ما عارف البنت المسخوتة الاسمها ايمان دي طفشت وين ؟؟؟!! باقي لي سوتها بالجد بالجد
بس تكون بالغت وتبقى خوتها خوة نت

Quote: ياخي انتا طلعت زول جاااافي خلاص

يا عزيز يا عزيز ما هنت
والله ما جافي لكن كمبيوتري بتاع البيت اتسلط فيهو واحد اخدو شدة لي كم يوم كدا و الحكاية جرت ( دا ماحنك بيش ) هسه الا بقيت اتاوق مرة مرة من كمبيوتر الشغل
كتر خيرك يا ولد الاصول

والله قاسي الزمن الشالك انت وشال كمبيوطرك ياخي!

اللمين اخوي
انا غايتو ما بستأذن..بلقى بوست ميت سيدو/ ستو ناسيهو بورثو طوالي هههه
دحين
الناس البشبكوك ونسه في التلفون ديل... قول ليهم بونسكم/ن بعدين
ولا انتا عملتها و لابد يا خوي.

اللخت سودانية؟؟

Quote: اللخت سودانية؟؟

على الحلاوي...

ممكن نتعرف..................



ست البنيـــــــــــات

Quote: ولا انتا عملتها و لابد يا خوي

انا ما عملتها والله وانا ما بجيب الشين لو كان سقوني الدم
يسمعن بنات العنبر وانا اخوك يا السارة
لكن يا سعد لو تشوفا شافني ما شافنّي
يا سعد شيّبنّي
هوي يا سعد انت عايز تجيب لينا الهواء البوست دا ستو حية تحمد سيدها ولا ناسياهو
سوي ليك بوست براك وتعال نتجاكر فيهو انا وانت ونقدم دعوة للموج وناذر ونوبي
وتعال اتفرج

Quote: ابوالسعود يا غالي كدي النستاذن من صاحبة البوست اولا ميادة اختي عن اذنك اخد لي خشم خشمين مع ابو السعود دا

اللمين...
اسة انا أذنت ليك عشان تنضم جنس النضم دة ولا بس ساي؟؟؟
اسة دي مازي ممكن نتعرف، صح ولا ماغلت؟


ست البنيـــــــــــات

Quote: اسة انا أذنت ليك عشان تنضم جنس النضم دة ولا بس ساي؟؟؟

لا حول الله ياميادة بعد شهر جاية تقولي كلامك دا غايتو انتي حنباكة جنس حنبكة

Quote: اسة دي مازي ممكن نتعرف، صح ولا ماغلت؟

ما غلت وبيني بينك نفس الملامح والشبة والوقفة زاتها

سعدالدين ياخوي...

نضميك دة وحات النبي كان فهمت منو شي اسيب البورد دة كلو كلو، ولا انا داخلة غلت والكلام ماموجه لي!!!!!



ست البنيـــــــــــــأت

Quote: نضميك دة وحات النبي كان فهمت منو شي اسيب البورد دة كلو كلو، ولا انا داخلة غلت والكلام ماموجه لي!!!!!

ست البنيات اختي
كل سنة وانتي طيبة.. لا الونسة عامة وخاصة وكدة
وان اتخذت الطابع العممي نسبة لعمة وكلام بالشكل ده..تستطيعين ان تدلي
بدلوك دون ان تتعممي ..علا (الا) التفسير ده اسألي منو اخوي اللمين
القام جاري ده.

الكلام الموجه ليك :-

هي عذابات بس!

الله يدي العافيه يا بتي ولوكوا الصبر ساااااي

Quote: ميادة اختنا .. كيفنك

شديدة احمد الله، انت كيفك وكيف أحاويلك، انشالله طيب...

Quote: طبعا انتي عارفة يوم السبت زحمته كيف وعندي فاكس لازم ارسله بسرعة ختيت ليك الورقة وقعدت اضغط على الارقام الا القى ليك ترفع الخط واحدة طبعا اتصالي كان بالغلط

عارف ياالامين، اختك طبعا عنده اربعة عيون، ونسبة لطشيشة العيون دي فالحركة دي دااايما بتحصل لي، تبقى المشكلة وين، المشكلة انها بتحصل لي لما اكون بضرب بالبوبايل، وطبعا بالموبايل دة الرقم بظهر وفي حالة زي دي تشيل شيلتك وانسى...

Quote: اما البكون عارفك وعارف رقمك ويقعد يتصل عليك في كل وقت يبقى دا عذابات غالبية السودانيين

لا ابدا موش عذاب دة يبقى ملاح بامية مفروكة بالمفراكة موش بالخلاط، زي مابعملو ناس بعرفهم كدة


ست البنيـــــــــــات

ميادة تسلمي يا رب

Quote: لا ابدا موش عذاب دة يبقى ملاح بامية مفروكة بالمفراكة موش بالخلاط، زي مابعملو ناس بعرفهم كدة

غايتو انا بعرف ناس بشربو الببسي بالخلاط اوعا بس يكنوا ناسك بتاعين البامية ؟
اديك دي كمان والله جد وحصلت معاي قبل قصة الفاكس الفوق ديك بي شوية
في رمضان الفات دا واحد يرن علي ويقفل مس كول يعني وكرر العملية اكتر من عشرة مرات وانا استغربت في الرقم الغريب دا حق منو ؟ وعايز شنو ؟ والزول الجلدة دا يعني ماقادر يقول بغم ويقفل ؟ وللا يرسل لي رسالة من النوع المجانيتو داك 00 العملية دي استمرت لحدي حداشر بالليل في النهاية قررت اتصل على الزول المزعج دا تتخيلي ابا يرد علي اول مرة وانا سبتو ما قعدت كمان اتلحتو ليك لحدي ما فتح الخط اتخيلي طلع منو ؟؟
طلعت فلبينية !!! أي والله فلبينية وعربي نهي الا ناغمتها بالانجليزي قلت ليها انتي دايرة شنو يا مرا من المغرب وانتي ترني علي قالت لي انت مش اديتني رقمك دا في سوق حراء الدولي !!!!!!!!!!!!! وي وي وي وي انا قلت بس دي الكميرا الخفية سوها بالجولات
اتاري في واحد من اولاد الذين يتحاومو في الاسواق مرقمها شفتي كيف وهي نقلت الرقم غلط والرقم الغلط ما يطلع الا رقمي انا دا
قلت ليها يابنت الحلال سوق حراء الدولي دا في جدة وانا في الرياض ومافي شي توديني ليهو اصلا وابت تقتنع وماعرفت احلف ليها بي شنو القشرونية دي عشان تصدق في النهاية قالت لي طيب جنسك شنو ؟ قلت ليها سوداني حتين اقتنعت واعتذرت وقالت سودانيز نايس بيبل بي قلبي قلت ليها ما جيتي بنبرنا دا ساكت كان لقيتي سودانيز تغييظ


ميادة ابو السعود دا انا بوريك كلامو بعدين سمح هو بس مرات بتقل من لبن البدرة اصلو عندهم في نيوزلاندا بالمتر
دا زينة المنبر دا والله اريتهم يبقوا ربع ابو السعود انتي ما شفتي بوستو بتاع ابوعركي ود0 عفاف الصادق 000 في عينيك دنيا غربية دنيا ملانة محنة وطيبة

Quote: في رمضان الفات دا واحد يرن علي ويقفل مس كول يعني وكرر العملية اكتر من عشرة مرات وانا استغربت في الرقم الغريب دا حق منو ؟ وعايز شنو ؟ والزول الجلدة دا يعني ماقادر يقول بغم ويقفل ؟ وللا يرسل لي رسالة من النوع المجانيتو داك 00 العملية دي استمرت لحدي حداشر بالليل في النهاية قررت اتصل على الزول المزعج دا

لا غلتان والله، وحات النبي غلتان غلت شديد خلاس يااللمين...
كيفن يعني ترجع تضرب ليهو، كان دي انا وحات النبي كان مسكلت ليهو بدل العشرة مرات عشرين، لغاية مايقول الله واحد، وكمان العجب كان طلع فلبيني في الحالة دي والله يكون جاهو بلا...

وكل سنة وانت تيب...


ست البنيــــــــــــــات

الووو : مين معاي ميادة

اوه: كل سنة وانت طيبة


والله يااختى ميادة حاولى اعملى ليكى اظهار رقم



لك تقديرى


ايمن هارون

يا ميادة يا اختي، لما زول يسألك انت سودانية ولا لأ ردي زي: لأ أنا اسكندنافية! أو بسؤال معاكس: انت سوداني؟ غريبة! شكلك ما افريقي ابدا!

أو تكـوني زي زول ثقيـل كـدة وتقـولي ليـه ببرودة

وانت مــالـك?

أو تـردي ببرودة أكــبر وتقـولـي ليــهـو

ليــه?

مـني

منى ازيك وازي احاويلك انشالله طيب؟؟؟

Quote: يا ميادة يا اختي، لما زول يسألك انت سودانية ولا لأ ردي زي: لأ أنا اسكندنافية! أو بسؤال معاكس: انت سوداني؟ غريبة! شكلك ما افريقي ابدا!

والله يامنى كوني اقول ماسودانية، دي اصلها ماجاية، لانو اللون الكحلي دة مابكون عند ناس غير السوادنة...

Quote: أو تكـوني زي زول ثقيـل كـدة وتقـولي ليـه ببرودة وانت مــالـك? أو تـردي ببرودة أكــبر وتقـولـي ليــهـو ليــه?

اتخيلي دة الشي البسويهو، ومرات كدة بطفح بي الكيل واقول ليهو ... (مابقدر اقولها لانو بتجيب لي الهواء والمشاكل)


شكرا شديد لمرورك واهتمامك بالتعليق...


ست البنيـــــــــات

ايمن هارون كيفك، انشالله طيب؟

Quote: اوه: كل سنة وانت طيبة

افتكر دي وكتها انتهى موش ، لكن دة مايمنع اني اقول ليك وانت بالف خير وربنا يديم عليك نعمة الصحة والعافية وراحة البال...

Quote: والله يااختى ميادة حاولى اعملى ليكى اظهار رقم

طيب لو عندي اظهار رقم، اعمل (إدساس) رقم ولا كيف؟؟؟


ست البنيــــــــات

هو: سارة...

هي: ايوة؟

هو: أنا بحبك

هي: ...

هو: وعايز أعرسك

هي:!!!

هو: مالك ساكتة؟

هي: ...

هو: مابتردي مالك

هي: أحمد...

هو: في شنو ياسارة؟

هي: احمد خلينا أخوان احسن

هو: أخوان!!!

هي: ايوة أخوان

هي: مالك مارديت، كلامي ماعجبك موش؟

هو: أفهم من كلامك دة انك رافضاني؟

هي: أحمد ماتفهمني غلط

هو: أفهمك غلط، هو انتي خليتي فيها غلط

!!!
هي: أحمد، ممكن تهدأ شوية وتقول بسم الله

هو: انا هاديء جداً جداً

هي: طبعا واضح تماماً إنك هاديء

هو: ...

هي: أحمد، انت عارف اني بعزك شديد جداً جداً، وبعتبرك زي اخوي ويمكن أكتر شوية كمان، وصراحة أنا أفضل إني أحتفظ بعلاقة الأخوة دي وما أحولها لأي نوع تاني من أانواع العلاقات، مهما كان مسماها

هو: ممكن أفهم انتي رافضاني ليه، عيوبي شنو؟

هي: أحمد حاول تفهمني عليك الله وماتصعب على الموقف

هو وبإنفعال واضح: سارة، ممكن تقولي لي عيوبي شنو؟

هي: أولاًً عيوبك أنت أدرى بيها، وللأسف ماممكن أقولها ليك أسة

هو: ليه؟؟؟

هي: ثانياً أنا مارفضتك عشان عيوبك

هو: ليه ماممكن تقوليها اسة؟

هي: لأنو عيوبك الأنت عارفها أكتر مني وقلتها ليك أنا قبل كدة بدل المرة مليون، لو جيت قلتها ليك أسة ماهتتقبلها مني

هو: ليه؟؟؟

هي: لأني زمان كنت بقولها ليك من منطلق نصيحة الأخت لأخوها، بس أسة أحنا بنتكلم بمبدأ تعامل مرة وراجل موش أخ وأخت، وأنت وعلى حسب معرفتي بيك، ماهتتقبل أنك تترفض من واحدة وياريت لو رفض وبس لأ كمان بتوريك في عيوبك

هو: مافاهم!!!

هي: أحمد انت طلبت ترتبط بي، صح؟

هو: صح

هي: وأنا رفضت الإرتباط دة، صح؟

هو:...

هي: صح ولا لأ؟

هو:...

هي: اوكي، لما يبقى عندك الرغبة في التجاوب معاي والرد على كلامي ممكن في اللحظة ديك نكمل كلامنا...



ست البنيـــــــــــــات

سلامات

الو ممكن اكلم سلمي

لا انامعليش انا ما سلمي

طيب انتي
معاك تغريد
رايك شنو يا تغريد
تكوني سلمي ونتونس

ويستمر البوح

Quote: سلامات الو ممكن اكلم سلمي لا انامعليش انا ما سلمي طيب انتي معاك تغريد رايك شنو يا تغريد تكوني سلمي ونتونس ويستمر البوح

عاد بوح كيفن وهي تغريد وعاملة نفسها سلمى!!!

ست البنيـــــــــــات

Quote: قالت لي طيب جنسك شنو ؟ قلت ليها سوداني حتين اقتنعت واعتذرت وقالت سودانيز نايس بيبل بي قلبي قلت ليها ما جيتي بنبرنا دا ساكت كان لقيتي سودانيز تغييظ

اللمين اخوي
لا حولااا انت زاتك بتكتب الانجليزي بالعربي?
جيت امسك ست البنيات قبضتك انت ههههه
يا عيب الشوم

عليك الله الفلبينيه دي اديها عنوان sudaneseonlin.com عشان تجي..
اصلو الناس ديل مفورين دمي من زمن ماركوس و مرته بتاعت الجزم
ديك..بكتب ليها باللغة الفلبينية ما تخاف مافي زول حا ينقش النبذ

عارف يا ابو السعود انا بكجن البدخلو ليك الانجليزي في نص كلامهم ديلك عمدا والواحد يقعد يلوي ليك في حنكو عشان يوريك انو فاهم ومثقف لكن بتاعتي دي انا ماقاصده ولو قاصده كان كتبتها بالانجليزي عديل
الفلبينية تطير تقع في البير انشاء الله شن بدوربها
بالله متذكر اميلدا ام خمسمائة جزمة ديك لكن هي تستاهل يازول المرا كانت ملكة جمال
شايفك ما علقت على الترقيم الظاهر ما نقشتة الكلمة دي اوريك الترقيم يا سيدي
طبعا البلد دي فيها ازمة جكس ما عادية ما زيكم تجكسو في الباصات والجكس تلقاهو راكب في عربيات مظللة يطلق عليها السيارات وهو زاتو مظلل في سياراتو دي وساعة تلقاها واقفة ما تعرفها مقبله عليك وللا مدياك ضهرا والكلام دا ما من هسه دا من زمن عنترة لمن كان يعمل ديتنق ( ديتنق دي امسكها ) لي عبلة عند مضارب بني شداد يعني المسالة عادات وكدا والولد طبعا ماممكن ومن رابع المستحيلات يلقى لي واحدة ويطلع معاها في مكان عام ويقعد ينقرش 00 دي فيها رقبة طوالي وممكن تقوم حرب داحس والغبراء تاني من اول جديد 00 الاولاد قامو فكرو في طريقة الترقيم التي بصددها الان وهي يقوم الولد يجيب ليهو ورقة صغيرة عاملة زي البخرة بتاعت الامتحانات ديك ويكتب فيها رقم تلفونو و اول من يشوف ليهو واحدة نزلت قزاز سيارتها انشاء الله عايزة تتف ساكت يقوم المدعوك على خشمو دا يجدع ليها الورقة وسبحان الله نياشين بشكل رهيب تقع طوالي في حجرها وهو وحظو بقى تطلع مرا كبيرة تطلع بنت شابة المهم يصلها الرقم وبعدين هي تقرر تتصل وللا ما تتصل والغريبة الحركة دي ممكن تحصل ويكون هو سايق سيارتو وهي راكبة ورا في سيارتها أي والله شفتها شوف العين
اما الطرق الاخرى للترقيم سوف اوافيك بها في الحلقة القادمة

اللمين اخوي
كيفن ما بعرف الداهي البتقول فيهو ده!..العرب العاربة
ديل بسكتوا بيهو قالوا ليك ? هههه.. ديل بتونسوا بيهو
زي ما نحن بنتونس عن الدميرة وفاطمة السمحة وشبير شبير ..
عندي منهم اصحاب هنا...
لكن ضحكتني بي مضارب بنى شداد
قالوا عنترة اول مرة لمن عايز يرقم عبلة..رقم حبوبتها ..
عندنا استاذنا لما رجع من العمره قال لينا : طبعا الناس
ديل غريبين جدا! قلنا ليهو كيف يا استاذ ? قال: مغطيين المره
من راسا لي ضفرها.. لو ربنا عايزا كده كان جابا مكيسة!!


----
انا اقوم جاري احسن

انت يا بو السعود انا ما قلت الشغلة دي عادات تجيب لي فتاوي شيوخ لبن البدرة !!!!
انا ما قلت ليك الهناي داك سفو ساي بس ما تبلو ياخي مالك عايز تجيب لينا الهوا
وبعدين شبير شبير دي شنو
هي كدا شليل وين راح اكلو التمساح 000 شليل وينو اكلو الدودو
الله يجازيك ذكرتنا شليل وشدت ونط الحبل
امرق امرق وانا ذاتي مارق وراك

اللمين سلامات
شبير شبير ده بطل قصة صغيرون كده..
زي حتيتة بتاع جنة الأطفال الزمان داك
كدي اسأل منو ناس تندلتي بجيبو ليك خبرو.
-----
آااي الشغلة عادات لكن الناس ديل دايشين..
ما بفتي يا اخوي انا زول ونسة ساااي

(عذابات غالبية السودانيين) الأصح (عذابات غالبية السودانيات)

هذا ما أسميه بالبوست (الظريف)

أشكرك يا ميادة على هذا الموضوع. في الحقيقة في (رشاقة) حاصلة من قبل الأولاد ، ودي حاجة انا بفتكر إنها طبيعية ، بس الما طبيعي في الموضوع إنو الرشاقة دي بتخلي الواحد يصطنع ويتكلف في طريقة كلامو وفي ضحكو ، وأكتر حاجة ممكن تغيض هو اصطناع اللطافة والظرافة لا سيما إذا كان الزول ده ما عندو مقومات الظرافة دي. والجانب بتاعت المشاهد أو المحادثة البتتكلم عنها الأخت ميادة هو جانب احادي الأبعاد وأنا يا ستي يا ميادة حديكي المشهد ثلاثي الأبعاد من الناحية الما بتتشاف للبنات وفي الحالة دي الكلام – بالنسبة ليكم – معروف ومافي داعي ليهو:


المنظر الأول:
لأن لديه اعتقاد راسخ أن ثمة علاقة بين الحلق المبلول والصوت الناعم فإنه يتجه مباشرة إلى الثلاجة ويشرب ماء بااااااارد.


المنظر الثاني:
يجلس على سريره بعد الاعتناء بترتيبه على أكمل وجه ، ويمسك بالتلفون بكل رقة ، والرقة هنا فرض من فروض المكالمة إذا تعتبر تمهيد للرقة القادمة في المحادثة.


المنظر الثالث:
يتنحنح منتظراً الرد من قبل الطرف الثاني في محاولة لاختبار صوته.


المنظر الرابع:
نظرات غير محددة تحمل ابتسامة ربما تكون خبيثة وربما تكون بلهاء ولكنها في النهاية ليس طبيعية.


المنظر الخامس:
يحاول الضغط على نفسه في محاولة لتقليل حركات اليد والجسم، مكتفياً بهز أطراف الأقدام ... ربما لأنه يظن بأن الاهتزاز يساعد في إيصال الجانب الصوفي من المكالمة له أولاً ومن ثم لها.

المنظر السادس:
يتمدد على السرير ممسكاً السماعة بيده اليمنى واليسرى على صدره ، وبحركة لا إرادية يقوم باللعب في زرائر قميصه.


المنظر السادس :
يضع يده على فمه وهو يضحك (حركة غير طبيعية أبداً) ثم يتنحنح ليعود بصوته إلى حالة اللاخشونة المصطنعة.


المنظر السابع:
يضع سماعة الهاتف برقة ، ثم يبدأ بمسح شعره وربما يتمطى قليلاً ، لأنه بالتأكيد سوف يكون منهكاً من (التمثيل)


المنظر الثامن:
إنسان منشرح طوال النهار ، ويرى الدنيا بلون بمبي ، وفي الآخر يعتقد أنه شخص (دنجوان) عصره.


لو رآه عمر بن الخطاب على تلك الحال فمن المؤكد أن الفاروق كان سيرجع إلى جاهليته الأولى فيشج رأسه بالسيف.

اوووووه اختنا ميادة ازيك

اللمييين مشتاقين ياخي



تصبحون على خير

It's late here..will be back in sha allah

ابو السعووووووووووود
ياخي وينك انت والله مشتاقون لك اكتر من شوقك لينا
وين ست الدار ست البنيات لما تجي سلمي لي عليها بالله
يعني اليوم داك تشوفني وتكب الزوغة لكن بيني وبينك احسن الزغته
شايفك يادوب فاتح خط ملاحي جديد فما حبيت اسلم عليك واحرجك قلت ما ابوظو ليك من اولو
انا لا ايدي لا كراعي دخلت في معركة اتومسفيرية لحدي ما جاء ابو النذير شايل هبابتو ويبرد لي
وطلعت منها بي الم حاد في المعدة الى الان يلازمني بالجد

اللمين

ناس معزتنا مابنريد غيرهم رحلوا خلونا...

Quote: وين ست الدار ست البنيات لما تجي سلمي لي عليها بالله

انتا ست البنات دي بتهرشك ولا شنو? هههه.. كل ما تكتب تكشف اذا
بتحدر ليك ولا لا. .هي بوستيها ده سائلة فوقو? تجي تعاين كدة..
تقول : ديل لسة في استظرافهم ده و تمشى..

Quote: يعني اليوم داك تشوفني وتكب الزوغة لكن بيني وبينك احسن الزغته شايفك يادوب فاتح خط ملاحي جديد فما حبيت اسلم عليك واحرجك قلت ما ابوظو ليك من اولو

تعال لاقيتك وين و زغت و خطي الملاحي ده ياتو ?...انتو بقيتو تخوفوا

Quote: انا لا ايدي لا كراعي دخلت في معركة اتومسفيرية لحدي ما جاء ابو النذير شايل هبابتو ويبرد لي وطلعت منها بي الم حاد في المعدة الى الان يلازمني بالجد

انا زاتي متابعك و شفتك بقيت زول دواس تب قبل فترة..والله اتكيفت 24 قيراط
..لأنو انت زول حق..و كم مرة طبقت الجلابية و كفكفت..علا اليومين ديل في تهم
شللية و تبعية..تقول الاحزاب والفرق دي افراد! او الطيور المهاجرة دي بتسافر
(عزابية).. ده مثار جدل وموضوع بوستات تانية.. المهم يا اللمين.. ماك براك
و رأينا من رأيك..وقلناهو قبال ده..بس اوعك تحرد ولا تقرف..لاننا كان سكتنا
التراب كال حماد.. باقيهو في البوست المعنون بإسمكم وخجلك ده ههه.
ميادة و الاحباب تحياتنا

الغربه قساية وعيونا بكايه وياربي تحقق الغاية 00يا حليلهم

Quote: انتا ست البنات دي بتهرشك ولا شنو?

ست البنيات يا ها ست الدار يا زول
اصبر عليها بتظهر تمام يوم 14 من كل شهر

Quote: تعال لاقيتك وين و زغت و خطي الملاحي ده ياتو ?...انتو بقيتو تخوفوا

لاقيتني بي هناك
وخطك الملاحي دا انا بمسك ليك فيهو قطعة من أسطولك وبعدين بتعرف

Quote: انا زاتي متابعك و شفتك بقيت زول دواس تب قبل فترة..والله اتكيفت 24 قيراط ..لأنو انت زول حق

يا ابو السعود انا الدواس ما بفتش ليهو لكن لمن يقع حبابو الف
ياخي انحنا اهلنا قرونا وعلمونا من عرق جبينهم لا بي قروش منظمة لا هبه من زول
ورونا الصاح من الغلط مافكونا ساكت في الشوارع والمنابر
نجي اخرتها نتشم عديل ونسكت لا والله نرد الصاع سبعتاشر صاع

ميادة سلام ..
تعرفي انتي طرقتي موضوع فعلا بفقع المرارة ..موضوع التلفونات حتى التلفونات البتجيبك من ناس تعرفيهم أحيانا تكون فايتة الحد .. طبعا صراحة انا عندي مشكلة مع التلفون لان البعض يتعامل مع هذه الوسيلة عشان ابوظ زمن الناس مثلا عندنا في الخليج في ناس التلفون عندهم تسلية وليس وسيلة لتوصيل معلومة بدل المشاوير .. ممكن ملاحك احرقك وولدك الصغير اغرق ومرارتك تطرشق .. وقدر ما تتملصي لا حياة لمن تنادي مرة اتصلت واحدة وانا ماشة المطار وبقول ليها الطيارة حتفوتني اذا سمحتي ، برضو تبدا لي قصة حياتها من الاول أها حسي أناوبالجد بقى عندي نفسيات من التلفون لو اتصل حد وفات الدقيقة بجيني اسهال حتى ناس البيت عارفين وعليه قاطعت التلفون كان رن للصباح ما برفع .. مما يسبب مشاكل بيني وبين ناس البيت .. حتى الشفع الصغار بقن اقعدن واقيلن في التلفون والله فراغ عريض .. أكره التلفون واكره المسنجر ... ساعلنها في بوست انشالله
شكرا خليتيني اتفشة يا ميادة

مودتي

بت فطنة