اتخيلوا

اتخيل كنت ماشى فى ظرف زمانى ما... رجلك اليمين انسلت منك برضك ماشى يدك الشمال وقعت منك وبرضك ماشى... اضانك الشمال وقعت... وماشى.. عينك الشمال فقدتها.. وشويه شوية كل جزء بقى ينسل وانت ماشى حتى فضل من خلية واحدة تعبت وإتلصقت فى حجر.. بعد مليون سنة علماء الاثار فى بحثهم المضنى عن البشرية اكتشفوا جيناتك والدى ان ا بتاعك.. وعملوا احتفال لانهم وجدوا صفات انسان اولى من القرن العشرين قبل المليون.. باجهزتهم المتقدمة.. كشفوا عليك.. لقوا تلوث عاطفى ولقوا ملامح حب منسى وقرروا ان يبحثوا عن المؤثرات العاطفية التى ادت الى تحور الجينات... وبقوا ينقبوا عن الجينات والصفات التى اندثرت قبل مليون عام

ولقوا بعد جهد واباجهزة متقدمة عنها وكتبوا قصة غرام فى زمن سرمدى

شرنوبي عاد دي يتخيلوها كيف

لكن تصدق أنا كان اتخيلتا

بتخيل البيلقى خليتي الوحيدة فوق الحجر

حتعمل ليهو فايروس في كمبيوترو

لأن قصتي

قصة الزول الكعب

القبل ما تبدأ المبارة انغلب

.

انا اتخيلت معاك يا عمو
و فعلا ده دليل على انو العشق باقي
مهما جار بينا الزمان بطريقه انسلال الاعضاء دي
و مهما امتد بينا لحدي ما يكتشفونا العلماء

خلود العشق في المسام
وفي خلايا الروح بانسجام

ود شاموق اذا انت قبل ما تبدا المباراه انغلبت معناتها حالك افضل من حالي
لانو انا اصلا ما جيت المباراه لكن برضو انغلبت, معقوله دي؟؟؟؟

دموع

اتخيل انو الناس ديل بعد مالقوا الخليه صنعوا منها وعلي طريقة النعجه دوللي الله يرحمهازول وكان الزول ده انت وبعداك زي ماقلت لقوا الخلايا العاطفيه وفتشوا حولها واكتشفوا انها لفتاة جميله فارعه وبيضاء وقاموا بنفس الطريقه استنسخوا الفتاه لانهم وجدوا اثرا لقبله علي فم حبيبها عمرها مئات السنين وفي النهايه جابو العاشقين المستنسخين اصحاب الحب السرمدي العتيق وبدأو في دراسة هذه الحاله النادره التي لا وجود لها الان0. كيف معاكم

ابونور




ــــــــــــــــــــــــــــــــــ
لاتساوم..
ولو منحوك الذهب
اتري حين افقأ عينيك واثبت مكانهما جوهرتين
هل تــــــــري؟
هذه اشياء لا تشتري