Post: #1
Title: شوفوا الكلام ده
Author: ودبري
Date: 04-03-2003, 12:30 PM
Parent: #0
هواك وهواى
هواك وهواى بى جاروا وسبن أفكارى نظراتك
أحب تعطف تزيل وجدى واحب كل البحب ذاتك
بحب لونك بحب لونك بحب يا حبى نفحاتك
بحب فى خدك الزهرة وبخاف ترمينى لمحاتك
أخاف صدك بخاف جورك واحب تتهنى بحياتك
بحبك حبى للعافية وكمان يا سيدى وحياتك
بحب فيك الحيا الفطرى ويذوب من حالى صيحاتك
إذا فى حبكم ضعت واذا أُقبر فى ساحاتك
أكون للحظ دوام شاكر وأقبل أنت راحاتك
أحب أنظر جمال محياك وأخاف تسحرنى بسماتك
وأخاف لحظك يجرحنى واحب تسكرنى بسماتك
وأحب طيفك يأنسنى واحب تسمعنى نغماتك
وأخاف هجرك يطول بى و أخاف تحرمنى كلماتك
منعم يا فريد عصرك سعيد وسعيده ساعاتك
مكمل يا نزيه صافى وعفافك فطرى مافاتك
وديع وبديع مثال رقة حشيم والريم هوى صفاتك
أٍرت فؤادى يا ضامر ودمعى خضاب فى كفاتك
زيد يا دمعى فى سيلك وزيد يا صدرى زفراتك
حبيبك ودعك راحل زيد يا طرفى عبراتك
حمام الأيك حن مره تعال أسمعنى نبراتك
طربت أم در مقر أملى زمان كفاى عباراتك
ودمتم
ولنا عوده
Elarbaab
|
Post: #2
Title: Re: شوفوا الكلام ده
Author: almulaomar
Date: 04-03-2003, 01:12 PM
ده كلام يتشاف ده يا ودبري ، ده كلام يتسمع في مساء يوم جميل وهادئ في القولدنق جيت ولا في شارع النيل ولا حتى في المنطقة الصناعية بحري بس بشرط تكون أنت ومن تحب.
|
Post: #3
Title: Re: شوفوا الكلام ده
Author: waleed500
Date: 04-03-2003, 06:12 PM
عاد ده كلام ده
ده كلام ولا كل الكلام
تحياتى ودبرى
امطرنا
بحبك حبى للعافية وكمان يا سيدى وحياتك
بحب فيك الحيا الفطرى ويذوب من حالى صيحاتك
إذا فى حبكم ضعت واذا أُقبر فى ساحاتك
أكون للحظ دوام شاكر وأقبل أنت راحاتك
أحب أنظر جمال محياك وأخاف تسحرنى بسماتك
|
Post: #4
Title: Re: شوفوا الكلام ده
Author: maia
Date: 04-03-2003, 09:58 PM
شكرا ليك كتييير ، لي سنين عاوزة اعرف كلمات الاغنية دي
|
|