نساء سمينااااااااااااااااااااااااااااااااااااات

نساء سمينات
عبد العال السيد
[email protected]

ارجو الا تفتح فمك دهشة او تطلق ساقيك للريح -اذا كنت تتسوق في السوبر ماركت -في الغد- وسمعت علبة انشوجه او سلمون تناديك بصوت متناغم وتطلب منك ان تبتاعها وهي تعلن عن مواصفاتها وخلوها من المواد المضافه والنكهات الصناعية والذي منه وقبل ان يتهمني احدكم بأن فواجع الحرب في العراق "لحست" مخي اسارع الى تبرئة ساحتي واقول بالفم "المليان" ان حكاية المعلبات الناطقه اطلقتها شركة بريطانيه تخطط لانتاج معلبات تتكلم وتعلن عن نفسها بمجرد اقتراب الزبون منها وذلك لاراحة الناس من "البحلقه" في تاريخ الانتاج والصلاحيه وبلد المنشأ

ولان الامر يتعلق بالطعام وما ادراك ما الطعام فقد اعلنت شركة ماريد جينتكس المتخصصة في التقنية الحيويه عن اكتشافها للجين الذي يؤدي الى السمنه مما يمكن تطوير دواء لايقاف نمو "الشحم ده واللحم ده" في اجسام الناس السمان وطبعا هذه المعلومة من الاهمية بمكان خاصة بعد ان بدأت ادارة الطيران الفيدرالي في امريكا بالزام اصحاب الكروش من الراغبين في السفر جوا على متن الطائرات الخفيفة وزن انفسهم خوفا على سلامة الطائرات وجاء هذا القرار بعد ان اشارت دراسات عديده الى ازدياد المصابين بالسمنه بين الاطفال والمراهقين الامريكان بمعدل 15% بين عامي 1999 ــــ 2000م وطبعا ياناس ان سائر الشعوب المحبة للسلام والمكتوية بنار الغطرسة الامريكية بودها ان تترهل عقول الامريكان بدلا عن اجسامهم حتى يرتاح العالم من شرور الكابوي كما يجري حاليا في العراق اما اطرف ما في الموضوع فهو قيام باحثة سودانية (مشاغبة) متخصصة في علم لتغذية باجراء دراسة عن حياة المرأة السودانية في خمس دول خليجية وارتباط ذلك بالامراض وتغير العادات وكشفت الدراسه التي شملت 1700 امراة تترواح اعمارهن بين 19 ـــ45 سنه ان 99 % من الشريحه موضوع العينه عبارة عن "اشجار جميز" يعني بالمفتشري مكتنزات لحما وشحما واللهم احسن وبارك والمحت الدراسة ان اسباب ذلك يعود الى ان المغتربة تجد نفسها "لا شغل ولا مشغله" وتدمن" النوم تعال تعال "وتصبح شهيتها" فاتحه ع البحري" للوجبات السريعة المشبعة بالدهون وسائر انواع الدسم ويحضرني هنا ما اعلنت عنه شركة سويديه عن ابتكارها لتقنية تقطع شهية محبي الاكل وبودي ان يتم تطبيق هذه التجربة اولا على التماسيح والقطط السمان من فئة "الغف واجري"في السودان و"يا جميل يا ملظلظ" وسامحووووووووووووووووووووووووووووني

موال

بالصدفه في الدفتر

حصلته تلفونك

وقعدته اتذكر

يوم كنته مجنونك

وكان العمر مخضر

والبهجه في عيونك


المصدر:
http://www.sudaneseonline.com

ود أمي


و الله شايفاك الأيام دي تنكت في المحن


الله يديك العافية


كدي فتش دفارتك دي
ما بتلاقي ليك دراسة عن النساء خشب الله عبد الناشف؟

عندي واحدة هنا مجنناني عاوزة تسمن و قدر ما فتشت ليها على حاجة ما لقيتها أصلو الكلام كله عن مشاكل السمنة

و حتى المذكرات في البورد بتاعت واحدة سمييييييييينة

أها الضعاف ديل يقبلوا وين مافي زول شغال بيهم

يقولوا ليهم مالو حلاااااااااااتكم رشيقين


القوام فرنسي و كدا



لكن تعال شوف الحبوبات
مالك يا بتي كملانة من لحم الدنيا
و مالك ما بتاكلي؟
و مالك
و مالك
مربطنك من الأكل؟


و اليمني قال
و ديك ضعيفة تعد ضلعها


غايتو

هترشة مش كدا؟

ظاهرة السمنه دي والله ظاهرة مزعجة خلاص والعالم كله الآن أصبح خايف من اليوم البجي ويتطلب جري لغاية ما نلقى التقيل فات المهر العنيد يا يمه ، بس الشئ الذي يبشر بالخير هو أن هناك ظاهرة تسير في الإتجاه المعاكس وتتمثل في الرشاقة والرياضة والرجيم والذي كنت قد ظننته في بادئ الأمر شيطاناً لإقتران الرجيم به ، المهم كل بيوت الموضه الآن ما عندها شغله غير أوزان الريشة والذبابة وكل الصناعات أصبحت من مقاس مديم ولي تحت ، ولأنو برضو عارفين إنو في ناس ما ممكن تنحف إلا تبيع شاورما عديل كده من أجسامها لأنو لا حا تنفع معاها رياضه لا رجيم كان لابد أن تكون هناك محلات على شاكلة كبيرة ومستطيلة أو كبيرة وجميلة أو سمينة وجميلة ناس بيج أند بيوتيفول. بعدين عاوز أتخيل الدلوعة ديك التي لا بتشيل جردل على الزير ولا بتحش قش التناقير والقمر بوبا كمان عليها تقيل يعني نايمه اليوم كلو يا ربي كانت سمينه ولا بتمشي النادي عشان تحافظ على رشاقتها.
التحية لك أخي الخواض والود كل الود للإستاذ الرائع عبد العال.