كلمات : السر كنه، على ما يعتقد الموصلي وغناء : الفنان المرحوم / أحمد ربشة
وتسألين ياحبيبتي كيف الخريف فات فلا البروق صهلت ولا السحاب باح بالمطر وددت لو يبوح ياسيدتي كان السحاب في دمي وكانت البروق في عظامي وعندما تسكع الخريف في مسيره ارتوت الجروف من جراحي ليت الشتاء لا يعودمسرعا لانني بغير من احب لا استطيب ان يمر فوق جبهتي ريح الشتاء باردا وموحشا وكنت حينما يعبرني بزمهريره ادفن في تلال صدرها عذابي وتستريح بعد هجعة السفار في عيونها اهدابي وكنت مخمورا بعطرها وسحرها وماعرفت حينما افقت انني كتبت في عيونها وداعي
ياخوانا ما في زول عندو أغاني تانية للراحل المقيم أحمد ربشة
شفت الزول دا غناى كيف يا علاء زول خطير الله يرحمه بالله لو عندك الاغنية دى فى جهازك و رينى اعمل ليها سيف من وين او رسلها لى دى رائعة الروائع زى ما قال الموصلى و كل حرب و انت بخير
03-21-2003, 01:15 AM
ود شاموق ود شاموق
تاريخ التسجيل: 11-17-2002
مجموع المشاركات: 3605
والله يا أسامة الزول دا محن العود دا لمن استغرب غناي دي كلمة شوية في حقو
بالنسبة للأغنية أنا كان سرقتها من الموقع بتاع الموصلي وطبعاً نزلت في الجهاز ما عرفتها محل نزلت وين غايتو بي جاي وبي جاي بكل انواع اللولوة لميت فيها وحفظتها عندي في الجهاز بعد شق الأنفس.
وبمناسبة الحرب الأوضاع عندكم كيفنها ؟ إنتو بعاد ياخوي لكن برضو الظروف ما معروفة، سجيمان طبعاً أقرب بورداب السعودية للعراق الله يغتيهو، ووضاحة الحلوة المسكينة ما عارف الحصل عليها شنو، الله يستر عليها بتنا.
ود شاموق ما غناى طيب غناى ساكت غناى خلاص و انا بلم فى و تسألين دى انا فى الخبر يا فردة, و اهو لاصق فى الجزيرة اليوم كلو و كل حرب و انت بخير قال تحرير قال و يا اب حراز دا اسمو اقتباس
03-21-2003, 08:39 AM
ود شاموق ود شاموق
تاريخ التسجيل: 11-17-2002
مجموع المشاركات: 3605
حيقوم الجهاز عندك يبدأ في حلب الأغنية من السيرفر بتاع الموصلي، لكن المشكلة لا حيسألك عاوز تحفظ وين ولا كيفن، المهم بعدما تنتهي، تمشي لي جهازك، حتلقى الملف دا وقع في الدايركتري التالي وسمه
C:\My Music
حتلقى ملف اسمه
wats[1]
وأسمع بي مزاج، والموصلي كان جاء حايم بي جاي، وقال ليك علاء وين، قول ليهو ما شفتو
ود شاموق ما قصرت تـــب و عندى ليك اقتراح طيب ما نضغط بالرايت ماوس يا فنان و كدا اقدر اعمل ليها سيف فى الحتة البتريحنى الف شكر و الموصلى ما بكلمو يا ربشــــــــــة و كل حرب و انتم بخير
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ود شاموق
اسامة الخاتم
MASSOUB
فيس بوك
تويتر
انستقرام
يوتيوب
بنتيريست