Post: #1
Title: ماذا كان يفعل الكلب هناك؟؟؟
Author: حنين
Date: 03-18-2003, 07:24 PM
Parent: #0
احبابي واصدقائي الغاليين
اشتقت لكم جد
ليه لمن الزول بيكون مشغول وعينو طالعه بحس بالحنيه الشديده دي على روحو .....يا حليلي والله
كميه من الخستكه والمشاغل اللعينه تقف في طريقي هذه الايام...والجو يبشر بالمزيد من الغيوم
عندي حاجه غريبه ...لمن اكون تعبانه بتخيل حاجتين
يا اما كميه من اللون الابيض حولي والعجب لو كبايه حليب يا سلام حتى انني لا استطيع ان اصبر متين ارجع البيت بقرب اجري ورا الغنمايات الفي الشارع
والتصور التاني الما لاقياه ليو تفسير _تقول الاول فهمتو_ اني بتخيل روحي عجوره
ايوه عجوره طويله ملقاه بوداعه على الطاوله ولا ادري لماذا العجور امكن لانو مستقر في قعدتو يعني ما زي الطماطم اللي ممكن يتدحرج ويقع مثلا او امكن لانو مرن ومريح واحتمال الوضع الهلالي بيزكرني بالشفغ لمن ينومو ويتكرفسو اها لقيتوني كيف في علم النفس خطيره مش كدا لوووووووول
لمهم يا احباب اتزكر الان المثل البيقول مزرور زره كلب في فريق فلاته
اها قعدت افكر فيو تفتكرو الكلب المسكين الوداو شنو هناك ؟؟
وماذا فعل لاخوانا الفلاته حتى يزروه كدا
لكم كل التحايا يا غاليين
|
Post: #2
Title: Re: ماذا كان يفعل الكلب هناك؟؟؟
Author: WAD ELGAALI#4
Date: 03-18-2003, 08:46 PM
Parent: #1
انتى يا حنين اليومين دى ممتحنه والله داخلة على شاكوش شكلك كدة ماعاجبنى وعويناتك دى مزغللة كدامالك انا من زمان مش وصيتك وقلتليك الرجالة ديل ما مضمونين
اعملى ليك باك اب بطرقتك انت الجنيتى على رقبتك
|
Post: #3
Title: Re: ماذا كان يفعل الكلب هناك؟؟؟
Author: noha_g
Date: 03-19-2003, 00:36 AM
Parent: #1
حنين
كر علي يا يمة صغيرة و جاهلة
ما براي البخطرف
أتاريها الناس الحمى أقصد الزنقة طالعة ليها في راسا
عجورة؟؟؟
لووووووووول
|
Post: #4
Title: Re: ماذا كان يفعل الكلب هناك؟؟؟
Author: ودالجزيرة
Date: 03-19-2003, 05:26 AM
Parent: #3
حنين الحنيه الله يجازى محنك
والله خليتينى اضحك لحالى زى المجنون
اها كدى قولى لى انتى بتشربى حشيش
الكلام دة كلام بنقو ساااااااااااااااااااى
ههاهاهاهاهاهاهاهاهاهاهاهاهاههاههاهاهها
والله عجيبه انتى
على العموم انشاء الله ربنا يسترها معاك ويوفقك فى الامتحنات
قاله كلب قالة
يامزروووووووووره
|
Post: #5
Title: Re: ماذا كان يفعل الكلب هناك؟؟؟
Author: EXORCIST7
Date: 03-19-2003, 09:20 AM
Parent: #1
الأخت حنين
الحقى نفسك إنت سكنك جن كلكى لابس ملكى أمشى لمراكز الإيمان للعلاج بالقرأن حتى يخرجوه منك
وإلا إستفحل الأمر ولا يخليكى تعرسى ولا يحزنون
أنت واقعة تحت تأثير سحر التخييل ، مرة كباية لبن ومرة عجورة والمرة الجاية بقرة ...غايتو الله يستر
|
Post: #6
Title: Re: ماذا كان يفعل الكلب هناك؟؟؟
Author: garjah
Date: 03-19-2003, 09:53 AM
Parent: #5
اتخيلتك جارية ورا غنم الحلة
ونضارتك وقعت منك
اسلوبك جميل يا حنين
ومعبر...وتلقائي
تسملي وبالتوفيق
|
Post: #7
Title: Re: ماذا كان يفعل الكلب هناك؟؟؟
Author: ود عقاب
Date: 03-19-2003, 03:14 PM
Parent: #1
الاخ حنين
تحيه طيبه
البوست بتاع الممعوط ما بيطير دابتاع امثال
وزره كلب فى حى فلاته له رويتان الاولى بتقول الفلاته بخافو من الكلاب عشان كدى اول ما يشوفو الكلب يرحو بضربه بقسوه ضرب خوف يعنى زى جرى الخوف
ام الثانيه وهى الاصح يقال ان الفلاته نا س يحبون الصلاه والطهار والكلب نجس عشان كدى يقوم بضربه ضربا مبرح
ام الكلب كان عند مواعيد مع جروه لكى يثبت شجاعه اختار حى الفلاته نسبه لخوف جميع الكلاب من ذالك الحى
ولكم كل الاحترام
ودعقاب
|
Post: #8
Title: Re: ماذا كان يفعل الكلب هناك؟؟؟
Author: AZHERY KABBASHY
Date: 03-19-2003, 03:27 PM
Parent: #1
عوافي يا حنين،،،
الجن بداوا ،،،، دي بداية غير مبشرة مادام بديتي بي كباية لبن وعجورة ،، ألحقي نفسك سريع.
|
Post: #12
Title: Re: ماذا كان يفعل الكلب هناك؟؟؟
Author: EXORCIST7
Date: 03-19-2003, 09:30 PM
Parent: #8
الجن بداوا كعب الإندراوه
|
Post: #9
Title: Re: ماذا كان يفعل الكلب هناك؟؟؟
Author: مشتاق
Date: 03-19-2003, 06:28 PM
Parent: #1
العزيزه حنين
السلام اليك وانت تتدفقين حنانا
ذكرتني حكايتك بقصه المجنون الذي كان يتخيل نفسه حبه ذره ويعد ان تلقى العلاج
المناسب ساله الطبيب هل اقتنع بانه ليست حبه فاجاب
يادكتور انا اقتنعت لكن الحا يقنع الديك شنو ؟؟؟؟
سلمت من الجنون وان شاء الله عدوينك
واحتراماتي
|
Post: #10
Title: Re: ماذا كان يفعل الكلب هناك؟؟؟
Author: zola123
Date: 03-19-2003, 06:45 PM
Parent: #1
الليلة مالك يا حنين انتي وشيري على الكلاب
الكلب عرفناه والفلاته عرفناهم
زول يشرح لي المثل على بعضه والزر الكلب شنو؟
تحياتي
زولة123
|
Post: #11
Title: Re: ماذا كان يفعل الكلب هناك؟؟؟
Author: مشتاق
Date: 03-19-2003, 08:28 PM
Parent: #1
يا زوله
الغريبه قبل ايام في واحد حكي لي قصه الكلب والفلاته
قال ليك انو في كلب دخل حي فلاته قام الشفع الشال ليهو حجر والشال ليهو
عصايه والشايل ليهو سكين والكلب المسكين جاري وخايف علي روحو
وهو جاري وجارين وراءه جاري جارين وراءه
لحدي ما وصل لي ساحه وسط الحي فقام الشفع حاوطوه من كل الجهات
حاول يرجع الخلف لقي شفع منتطرنه حاول باليمين مانفع بالشمال مافي طريقه
يعني لقي نفسه ميت ميت
قام قعد في نص الساحه وخت رجليهو فوق راسو وبدا يصرخ
واااااااااااك
|
Post: #13
Title: Re: ماذا كان يفعل الكلب هناك؟؟؟
Author: حنين
Date: 03-20-2003, 07:08 PM
Parent: #1
الاعزاء جدا :
الحاجه الغريبه انو الايام دي هنا الدنيا كلها شكل تقول الامريكان فكو لينا شي في الجو وحل ما اقبل القى الناس مزرورين زيي
العزيز ود الجعلي :
بما انو انت هناك قريب كدي بالله اتاكد لينا في سلاح بايلوجي جديد تحت اسم فيروس الزره او الزره الخبيثه
العزيزه نهى
والله يا نهويه كر على ثم كر على ثم كرات متتاليه هم خلو فيها صغيره واللا جاهله
بس قولي امين وراي:
الله ارحم عبادك المزرورين والمزرورات الاولاد منهم والبنات... اللهم امن روعاتهم وفك زراتهم
اللهم انصرهم على من زراهم...يا ارحم الراحمين ...
الغالي ود الجزيره:
كيفك كدا بالله :
شفت زرتي الزره الما خمج دي كلها والامتحانات لسه ما جات بعد اقل من شهر اها لمن تجي كاكون بقيت قمحه ما زره
exorcist:
يا زول انا مره حضرت ليك بالصدفه جلسه علاج بالقران الكريم انا وصديقه لي اهو قلت الزول ما يفوت الفرصه ويطلي مزيد من الهدايه ويسال الله يربط لي شياطيني
اها الشيخ طلب مننا نقفل عيونا وما نفتحها مهما حصل حتى يتم قرايتو
وفجاءه حسيت ليك بزول او طبعا الوقت دا ما ختيت العمله دي في زول حسيت بشي بيخبطني في ظهري ...طبعا اتجمدت الدماء في عروقي ولمن اتكررت المره التانيه قربت ابكي من الخوف وحلفت لو حصلت للمره التالته اسكل واقوم جاريه
في النهايه طلعت صحبتي ما ناس بسم الله لكن من اليوم داك بقرا القران برااااااااي
عمو قرجه اتخيل اني مره بكون ماشه مع الجماعه وتمر بي غنمايه احسن برغبه قويه اني اسكها
لا اعرف بالضبط سر الرغبات الشريره دي اتجاه الكائنات الضعيفه يا ربي اكون كنت جزار في حياتي السابقه لوووووول
ود عقاب شكرا ليك انا جد كنت بتساءل الكلب عمل شنو
العزيز ازهري الحق نفسي بشنو؟ كبايه لبن واللا سلطه روب لوووووول
يا مشتاق :
شكرا ليك يا رائع وقول معاي يا مثبت العقووووووول
لكن كلبك دا ما حريف كان يصرخ نياااااو
ازيك يا زوله وانشاء الله زرتك بقت بوب كورن لوووول
|
Post: #14
Title: Re: ماذا كان يفعل الكلب هناك؟؟؟
Author: waleed500
Date: 03-21-2003, 10:52 PM
Parent: #13
هاهاها
ذكرتينى قصة صديقى بيحلم ليه اكتر من شهر انه صار شجره
حتى صار يخاف من الاشجار
قالت عجوره
|
|