Post: #1
Title: قابلني في زقاق البورد
Author: اساسي
Date: 03-18-2003, 04:04 PM
Parent: #0
الحمد لله شفت اليوم الاتملا فيهو البورد بمقاتلي الشوارع وعصابات الازقة ورباطية البوستات
البورد لا يتحمل قول الحقيقة مجردة من غير ستر عورتها التي توزي علي ما اظن القراء
ولا يتحمل اي رايا اخر ما لم يتفق مع الراي السائد
فما ان تقول رايك مجردا وان صادف انه مخالفا للاراء فابشر بالهجوم علي شخصك ونعتك بكل جرائم الانسانية واللاخلاقية
فاما ان تكون مجاملا بلا نكهة او لا تكون
فاما ان تطبل للاراء او لتصمت
وفي النهاية يقال انه المنبر الحر وقلعة الديموقراطية الاثيرية
حرية بت ناس منو
|
Post: #2
Title: Re: قابلني في زقاق البورد
Author: wadazza
Date: 03-18-2003, 04:23 PM
Parent: #1
أساسى كيفك وبركة الجيت....يازول ما لينا الا نرضى بالأمر الواقع ونكتب مع الكاتبين وخلاص وتعال نعمل مشروع اعادة ايام زمان للبورد..
وانت لم رومانسى فى أساسى..
طبيعة البوردات كده حاولنا وفترنا ..وماليها الا طريقة واحده البوست العايزين نقراهو نقراهو والبوست الما يعجبنا مانقراهو وبس...
وبمناسبة زقاق البورد دى لووول...رايك شنو فى زقاق مجلس الأمن؟
تحياتى
ودعزة
|
Post: #3
Title: Re: قابلني في زقاق البورد
Author: garjah
Date: 03-18-2003, 05:30 PM
Parent: #2
الحبيب اساسي
سمدالله على الحلامة ياخي
زمنا كنا في الكاسوري نتتطالع السهلة
والحكاية سغرت سغرت لامن بقت طالعني الزقاق
وتدنى الحال بالضرب ان اصبح باليد وهي مفتوحة
وتسمع تلج ....تلاج
وغاب صوت البونية الغليظ الذي استمتعنا به اياما
بدون موسيقى تصويرية
يدوك ليها نص الليل تقول ودوني الضل
ولقد راينا نجوم الليل في عز الضهر في سن باكرة جدا
الى ان سمعنا الكتاب يكتبون عنها كحلم ونحن كبار
اما عن حال القتال في المنبر
فاصدقك القول
انا احب القتال بشرف
يعني بدون ضرب تحت الحزام
وما نراه اليوم هو ليس بقتال...ويفتقر لابسط مقوماته
فهو تلطيش
ولنا عودة
|
Post: #5
Title: Re: قابلني في زقاق البورد
Author: اساسي
Date: 03-18-2003, 05:47 PM
Parent: #3
عمو قرجة اشواقنا
ما استغرب له انه كلما تحرك الزمن للامام صغرت الاشياء فكما قلت قديما كانت تبدا كل الاشكال كبيرة
قديما وليس جدا اي في عهدنا ولا اعني عهدال كان طلاب الصف السادس والخامس في الابتدائي يفوقون الاساتذة عضلات وطولا وكان اصغرهم حجما يصلح ان يكون ولي امر احد تلاميذ ثانويات اليوم لا ادري لماذا (كشوا) خلافا للسودان الذي رفض ان يكش وينكمش كما قلت في ذلك البوست والان اصبح طلاب الثانوية يصلحون لبرنامج جنة الاطفال فلابد ان تنكمش البنية من صوتها المفرقع( لب) الي رقة همس الساعة تك
اما قتال البورد فكما زكرت انه اصبح تلطيش وشليت
معك انه كلما كان الصدام منطقيا فليستعر ويشتد ما دام معقولا
|
Post: #4
Title: Re: قابلني في زقاق البورد
Author: اساسي
Date: 03-18-2003, 05:32 PM
Parent: #2
سلامات اخي ود عزة
لن تعود تلك الايام طبيعة الدنيا زي الموج تشيل وتودي وما تهتموا للايام ظروف بتعدي
بالنسبة لما حدث في مجلس الامن لا اخفيك اني متفائل بما يجري الان ليس بما يحاك ضد شعب العراق فحاشا لله ان افرح لمصيبة مسلم ولكن لان هذا المتهور قرد الطلح بوش بدا يحرك فينا الروح الغائبة عنا دهور بدا يوغظنا من سباتنا العميق واستعير عبارات طلعت رميح لتوضيح وجهة نظري
Quote: شكرا يا مستر بوش!
نعم يحق لنا أن نشكرك..شكرا جزيلا وكبيرا.
وفرت على الأمة كل الكلام..وتدفعها دفعا لان تتحرك ضد جرائمك.وان تنهى وبسرعة كل المعوقات لتكاتفها وتحالفها وان تتناسى خلافاتها وغفلتها ونشكرك انك تعطى المبرر للشعوب أن تتحرك وبقوة لإجبار من يتخلف أو يتخاذل على التقدم
|
فنهايات عتاة التاريخ دائما تبدا بافراطهم في الظلم وحتما هي بداية النهاية للاسطورة الامريكية
|
Post: #6
Title: Re: قابلني في زقاق البورد
Author: AL BOOS
Date: 03-18-2003, 06:14 PM
Parent: #4
سلامات للحلوين
والله اقول ما شفتك يا روما قلت ممكن
البورد وناسو يرجعو زي زمان
زمان الزمن زين
ياريت والله يا ريت
|
Post: #7
Title: Re: قابلني في زقاق البورد
Author: wadazza
Date: 03-18-2003, 06:33 PM
Parent: #6
Al-boos
ياريت ترجع الأيام..وانت وين؟ غيبة طويلة..
لكن ما كلمتنا عن موقعك الجميل ده حلم السودان
www.sudandream.com
يمكن ده الشغلك عننا؟
تحياتى
ودعزة
|
Post: #8
Title: Re: قابلني في زقاق البورد
Author: AL BOOS
Date: 03-18-2003, 06:54 PM
Parent: #7
عزيزي ود الحاجة
الشوق ما يوصف وحاتك ، لم انقطع ياغالي
ولكني كالكثيرين فضلت المتابعة من بعد
فالجميع يعملم ماكان عليها بيتنا في الايام
السابقة ونظام امتحانات
الموقع انما هو حلمنا الذي نسعى لتحقيقه
ومازال قيد العمل ، على امل مشاركتم
اكرري حبي وتحياتي
|
Post: #9
Title: Re: قابلني في زقاق البورد
Author: ABUHUSSEIN
Date: 03-18-2003, 07:12 PM
Parent: #1
سـلام للناس الهادية و رزينة
أساسي و ود عـزة و بقية العقد الفريد
و الله كلامكم كــلام عــقل و كلام صااااااااااااااااح
يا ريت إجي اليوم النشوف فيهو كل الناس بتتناقش و تتفاكر بي كل إحترام
و مسؤلية نقاشش و حوار هادف في مواضيع هادفة و بي أسلوب راقي و حضاري و بناء
يا ريت إجي اليوم النشوف فيهو كل واحد إقول رأيو و كل الناس تسمعو و ترد عليهو
بكل موضوعية نقاش من أجل الوصول للحقيقة مش نقاش من أجل قتل الطرف الآخـــــر
و بصراحة يا ود عزة فعلا بقينا نقرأ المواضيع اللي ما بكون فيها عراك و فيهو ضرب
تحت الحزام و بيني بينك في بوستات قبل ما تدخل فيها بجيك بنبر طاير
و لا ساطور حايم .
أتمني إنو الناس تفكر جديا في إيجاد وسيلة للإرتقاء بي الناس أولا
قبل الإرتقاء بالمواضيع.
و دا مجرد رأي يعني يا جماعة دا رأي زي ما كل الناس بتقول رأيها
و تحياتي للجميع
أبو حسين
|
Post: #10
Title: Re: قابلني في زقاق البورد
Author: ود شاموق
Date: 03-20-2003, 09:56 PM
Parent: #1
أساسي الأساسي
ياتو زقاق، ولا دي شكلة مراكبية ؟
.
|
|