Post: #1
Title: عضو جديد ....بالله شيلوهو فى حدقات عيونكم...وصية منى
Author: wadazza
Date: 03-18-2003, 09:32 AM
Parent: #0
عضو ساكن روحنا ودمنا...وماسك جوانا القلم والدواية...وحب يجرى مجرى الدم...ماعايز مننا اكتر من نقعد مهذبين فى حضرة أشواقو..ونراعيهو
فى اتفاقنا واختلافنا...
انه السودان الواحد..وطننا حامل الأمنيات والتضحيات...مبتدأ الخبر ؟وخبر المبتدأ...فأى جملة سوف تصوغ صباحاته القادمة
تحياتى
ودعزة
|
Post: #2
Title: Re: عضو جديد ....بالله شيلوهو فى حدقات عيونكم...وصية منى
Author: shiry
Date: 03-18-2003, 09:40 AM
Parent: #1
سلام مربع
لكل نبض فيه
وحدقات العيون ليك ياوطن
واقعد عافيه يا بلد
|
Post: #3
Title: Re: عضو جديد ....بالله شيلوهو فى حدقات عيونكم...وصية منى
Author: يازولyazoalيازول
Date: 03-18-2003, 10:05 AM
Parent: #2
وهو مصدر فخرنا واعزازنا وهو ساسنا وراسنا وهو الذى نفديه بالروح والدم
والقومة ليك يا وطن
|
Post: #4
Title: Re: عضو جديد ....بالله شيلوهو فى حدقات عيونكم...وصية منى
Author: garjah
Date: 03-18-2003, 10:24 AM
Parent: #3
معليش يا ود عـــــازة
انا العضو ده بالذات زعـــــلان منــــو شديد
قولو لي ليييييه؟؟
|
Post: #5
Title: Re: عضو جديد ....بالله شيلوهو فى حدقات عيونكم...وصية منى
Author: AnwarKing
Date: 03-18-2003, 10:32 AM
Parent: #1
ده فى قلوبنا....
|
Post: #6
Title: Re: عضو جديد ....بالله شيلوهو فى حدقات عيونكم...وصية منى
Author: wadazza
Date: 03-18-2003, 11:09 AM
Parent: #5
الأعزاء
شيرى
يازول
قرجة
أنور كنغ
لقد رحبتم بأنفسكم فالسودان داخلكم...
وياقرجة ليه؟؟؟...
ماتقولىالسودان كمان من أوطان الفنادق وعميل
هو عضو فاعل ضمانا كلنا للبورد...وهو العضو ده الا يكتب بوست؟
هو حاضر مع الحاضرين...ويستمر فى حضورو حتى لو قفلت الجهاز
تحياتى
ودعزة
|
Post: #8
Title: Re: عضو جديد ....بالله شيلوهو فى حدقات عيونكم...وصية منى
Author: garjah
Date: 03-18-2003, 11:40 AM
Parent: #6
ايوااااااا
يا ود عازة
اول حاجة مليون ميل مربع دي كتيرة شديد
يعني لو كشه شوية وبطنو الكبيرة دي ضمرت على النيل
لاحظ انا قلت يكش ولا تنقطع منه حتة واحدة
بعدين عمر الوطن الطويل ده
غلبو يعمل مننا حاجة واحدة
ملامحنا مختلفة
يعني لو عمل خجة شديدة كنا كلنا اتشكلنا في حاجة واحدة
واتوحدت ملامحنا...واتوحد دينا ولسانا
وما كنا اتكاتلنا
وما كنا شلنا الغبينة
ده صوت لوم بسجلو للعضو الجديد
رغم اني احبه حتى الثمالة
وسلمت ياودعازة
|
Post: #7
Title: Re: عضو جديد ....بالله شيلوهو فى حدقات عيونكم...وصية منى
Author: Abdalla Gaafar
Date: 03-18-2003, 11:34 AM
Parent: #1
Dear wadazza
thanks alot for the post that we are really in bad need for it
let us hope for that
abdalla
|
Post: #9
Title: Re: عضو جديد ....بالله شيلوهو فى حدقات عيونكم...وصية منى
Author: intehazy
Date: 03-18-2003, 12:41 PM
Parent: #1
ود عازة
دي مساهمات من البورد الثاني
و إنشالله تعجبكم
|
Post: #10
Title: Re: عضو جديد ....بالله شيلوهو فى حدقات عيونكم...وصية منى
Author: intehazy
Date: 03-18-2003, 12:44 PM
Parent: #1
ثلاثة مقاطع للوطن...أنت مقطع...ابنائك مقطع...جراحاتك مقطع
المقطع الاول
تربعت شاسعة مترامي الاطراف على خارطة الكون مليون ميل مربع حملت بين جنبيهااعراق وثقافات متنوعة ..قسمت شمسك بينها ولم تظلم تدفقت خيراتك فكنت كعهدنا بك معطالا تنتظر مقابل لهبتك تلك تربينا في ربوعك تشبعنا بقيمك شربنا من نيلك اوفيتنا حقنا وزدته تغنينا بك وطن الجدود وسوداني انا امدرمان ..امة الامجاد وافتخرنا بك وكان حق لنا وكنت دوما فخرنا وعزنا ...انا سوداني انا ولو ما كنت سوداني واهل الحارة ديل اهلي والكثير الكثير حفظنا عهدك وحفظتنا ورعينا لك حق ورعيتنا وعرفنا لك حرمة فحظنا حياضك وسقينا ارضك باعز ما ملكنا فهل اوفينا بعض ما وهبتنا وكنت كريما به علينا بغير من ولا ازاء
المقطع الثاني
تعاقبت اجيال وكنا نحن جيل ترك لنا من كانوا قبلنا ارث يعتز به فضيعنا ذلك الارث فها هم ابنائك وطني لا اعرف ماذا اصابهم لم يعد يقبل بعضهم بعض ...في هذه المساحة الصغيرة والتي هي بعضا منك راينا عجبا ...لم تعد تشرق شمس يوم الا وتحمل لنا ما يمزق الفؤاد حزنا والما ...لماذا ماذا حدث لكم لماذا يصعب علينا تقبل بعضنا في مساحة كانت لنا جميعا...؟ دهشتي كانت عظيمة عندما وجدت احدهم اختار اسم اووع له لكن تلك الدهشة زالت عندما تصفحت بضع بوستات في الصباح وفعلا الحال يدعي للشفقة والرثاء...حالنا
القاك وين
كان الفرح قفل مسامات الضياع
غناك مزمار الزمن
اصوات لغه
ارشيف عشق
وتــر التــراخي موشحات
من غبت ما شرقت شمس
والدهشه ساساق الدروب لي وين تمشس
نار النضال لو تنهبــش
توقــد سنين المتعبيـن
تعقــد زفاف آخـــر ضميــر
حتي عندما انفتح للفرح باب لبداية صفحة بيضاء لم يرض البعض ليصر على ان يلقي حجرا معكر صفو الماء ويزكي نار الفتنة ويوقظها من عميق ثبات ...اين تلك القيم والتي هي ارثنا من اجيال مضت
المقطع الثالث
وطني ما اكثر جراحاتك من من تربو على ارضك ولم يحفظو لك عهد ولم يرعو لك ود فمتي تندمل تلك الجروح
المواويل دمعة في عمق البرحات ...ميل مربع
النغم فرهد شبابو
واخضرار الطين حبابو
ما الصباحات عايزة تطلع
نركب الريــــح لو نحصل
الوطن غرقــــان بنادي
جــود الخيل نمشي نلحق
تنية العيش فيى البوادي
نلبس الخيران اساور
نبني جنب الغيم نجاور
ينحني المحل المخيم
ديك الجن
ود عشمانة
|
Post: #11
Title: Re: عضو جديد ....بالله شيلوهو فى حدقات عيونكم...وصية منى
Author: intehazy
Date: 03-18-2003, 12:50 PM
Parent: #1
ود عازة و صابك غرور
إليك هذه الوريقات
وريقة
تتهادى خجلا أمام مقاطعكم
قالوا أننا صغار
و لكننا نحسب أنفسنا
صغار في عمرنا
كبار بحلمنا
شديد بأسنا
لا يلين عزمنا
أو تدري لما يا أبوجهل
لأن لنا قضية و مبادئ نموت و نحيا عليها
حلمنا فقط
أن لا يكون هناك جائع أو محروم
و أن ينصر المظلوم
و تذهب الهموم
____________________________________________
وريقات مبعثرة
جمعتها فشكلت لي
يا نفس فجر القصايد يا بلادي
القطع قلب الروادي
إنت يا حضن الصحارى
كل أجزائه لنا وطن
إذ نباهي به و نفتخر
لكنها جميلة و أيما جمال
ففي الغرب هذه عروس الرمال تغنت
و في الشرق كل آيات الجمال تجلت
و رطب شمالك به الأنام تحلت
و جنوبك هذا الفسيح متى تنض الحرب عنه
فإن الرصاصات ملت
طال الغياب فأين أين الملتقي
إلى حيث يجري النيل تجري مشاعري
و يصحو على شم النسيم خيالي
مليون تحية لأرض المليون ميل
و التحية لكل أصقاعك أيها الجميل
و لكل أفراد شعبك النبيل
الأصيل المحبوب
أبو حلابية و توب
و سروال و مركوب
أرفع صوتك عالي النبرة
أرفع صوتك هيبة و جبرة
خلي جراح أولادك تبرا
نعم نفتخر
فمن غيرنا يعطي
لهذا الشعب معنى
أن يعيش و ينتصر
نعم نفخر بك
بصوتك العالي
و المجلجل دائما
و أهمس و الفضى يعلن همسي
و أهتف و الفضي يعرف حسي
يا وطني يا بلد أحبابي
في وجودي أحبك و غيابي
و من يوم نشأتي
تقديسك شعاري
و اتصور كيف يكون الحال
لو ما كنتا سوداني
و أهل الحارة ديل أهلي
و إذا سألت عن أهل الحارة
الفيهم مشهودة
أقول
أيها الناس نحن من نفر
عمروا الأرض حيثما قطنوا
يذكر المجد كلما ذكروا
و هو يعتز حين يقترن
أنا سوداني يا ناس
أنا سوداني يا ناس
ما أروعك أيها الوطن و ما أجملك
و ما أشد إفتقادنا لك في أوقاتنا هذه
يا جمال النيل
و الخرطوم بالليل
و يالخرطوم يالعندي جمالك
جنة رضوان
يا هدى الناس الحيارى
طول عمري ما شفت مثالك
في أي مكان
تلقى فوق أمدر
و فوق نجوع بحري
العواطف دين
و الجمال فطري
ما رضيت بي بعدي عنك
أصلي متغرب عشانك
راضي بالجاييني بيك
ما شكيت شح الليالي
و لا بكيت نح شلت حالي
جاي ليك
آآآآه جاي ليك
أصلي لم أدور أجيك بجيك
لا بتعجزني المسافة
لا بتقيف بيناتنا عارض
لا الظروف تمسك بإيدي
و لا من الأيام مخافة
لا تسألني كيف سأنهض
قلت سأنهض
و اعلم أن القول لفعل عندي
لا تسألني سري عندي
لا تسألني ألمي كيف يكون
لا تسألني كيف أكون
لا تسألني إقرأ هذي الأحرف
الألف
اللام
السين
الواو
الدال
الألف
النون
السودان الوطن الواحد
ما قد كان و ما سيكون
و شكرا لكم على إستضافتك لي
و أنا مغادر فيحائكم
قررت أن أكتب من رأسي
و عندما تناولت أوراقا لأخط عليها خواطري وجدت
مكتوبا
على ظهر الأوراق
أطلب من كافة مبدعينا
أن ينثروا علينا
بعضا من عطرهم
فنحن بحاجة إلى عواطفهم
الصادقة النقية البريئة
لأنها البلسم الشافي لجراح
وطننا و أبنائه
من سهام الكائدين و الحاقدين
الذين ينفثون سمومهم
في قلب هذا البورد
و دمتم لنا
|
Post: #12
Title: Re: عضو جديد ....بالله شيلوهو فى حدقات عيونكم...وصية منى
Author: intehazy
Date: 03-18-2003, 12:57 PM
Parent: #1
صباحك صباح السودان واهلنا الطيبين
صباح الجروف وريحة نسايمو المعطرة برائحة الطين
صباح نيلنا ومراكبنا ورواويسنا
صباح القمارى لمان تسوى القوق فوق اعلى النخيل
صباح اللوبيا والبرتقال والليمون فى جناين القرير والزومه ومقاشى وحزيمه والكرو
صباح الباصات فى الدقيش النسايمو تهبهب وهى متجهة الى كريمه والمروى والخرطوم
صباح النيل لما يفيض بدون غضب ويعم الخير كل القرى والمدن
صباح طنبور ودليب يجيك من بعيد ومعاه تهتز قلوب العاشقين
صباح عاشقان يتبادلان الهمسات من بين اغصان شجر الطلح
صباحك صباح شجر السنط لما يحت البرم ويكون ثوب لونه اصفر فاقع
صباحك صباح العمال الحالمين ينتظرون بنطون مروى ليقطعوا النيل للغرب
صباحك صباح وطنى الحبيب
صباحك صباح الخير
أسيل
|
Post: #13
Title: Re: عضو جديد ....بالله شيلوهو فى حدقات عيونكم...وصية منى
Author: اساسي
Date: 03-18-2003, 02:42 PM
Parent: #12
السودان
النفق المظلم الفجر الكازب
|
Post: #14
Title: Re: عضو جديد ....بالله شيلوهو فى حدقات عيونكم...وصية منى
Author: Elmosley
Date: 03-18-2003, 03:29 PM
Parent: #1
سودان سوداني
والدنيا عارفاني
من غابة الابنوس
والسنطه في الوادي
ممزوجه الواني
|
Post: #15
Title: Re: عضو جديد ....بالله شيلوهو فى حدقات عيونكم...وصية منى
Author: wadazza
Date: 03-18-2003, 04:16 PM
Parent: #14
الأعزاء
انتهازى
عبدالله عبدالغفار
موصلى
أساسى
هو ده السودان الجابكم وجاب أساسى ...الذى اعتز بأنه عاد عبر بوست وطنه..بعد غياب طويل
ويا أساسى الا يجيبو ليكم بوست أبوكم حتى تجو؟
تحياتى
ودعزة
|
Post: #16
Title: Re: عضو جديد ....بالله شيلوهو فى حدقات عيونكم...وصية منى
Author: اساسي
Date: 03-18-2003, 04:22 PM
Parent: #15
والله يا ود عزة اخوك الايام الفاتت كان في خانة اليك
عشان كدا الطلة بقت مرة مرة
|
Post: #17
Title: Re: عضو جديد ....بالله شيلوهو فى حدقات عيونكم...وصية منى
Author: wadazza
Date: 03-18-2003, 04:28 PM
Parent: #16
أساسى
من جوة القلب اتمنى انك تستمر ..انت بهارنا الما بنقدر نخلى...وفى الاتفاق والاختلاف حضورك محبب ومطلوب..
عودا حميدا...رغم انها ظروف حرب وظلم عالمى..لكن نتمنى نقدر نكتب ونبقى هنا
تحياتى
ودعزة
|
Post: #18
Title: Re: عضو جديد ....بالله شيلوهو فى حدقات عيونكم...وصية منى
Author: artiga
Date: 03-18-2003, 04:50 PM
Parent: #1
الاعزاء
لكم التحية وانتم تنثرون عبير حبكم
لهذا العضو العملاق .. الذى يسكن دواخلنا
نتنفس حبه .. ونصحو وننام على حلم الرجوع
لاحضانه
لا يملك قلمى فن تزويق الحروف..ولكن قلبى عامر
بحبه حتى الثمالة
وليك العزة يا بلدى
|
Post: #20
Title: Re: عضو جديد ....بالله شيلوهو فى حدقات عيونكم...وصية منى
Author: wadazza
Date: 03-18-2003, 05:51 PM
Parent: #18
أورتيغا
كلماتك صادقة فى حق الوطن
تسلم
تحياتى
ودعزة
|
Post: #19
Title: Re: عضو جديد ....بالله شيلوهو فى حدقات عيونكم...وصية منى
Author: soma
Date: 03-18-2003, 05:39 PM
Parent: #1
عزة ترابك...
بريدك .. بريدك ...
بعزك.. واقبل .. اقبل ترابك...
ترابك محنه..حنانك رحيقك...
رحيقك شبابك...
شبابك شهامه .. شهامتك كرامتك ...
كرامتك عزيزة ... عزة ترابك..
تسافر .. تهاجر .. تودع سحابك...
سحابك مطيره ..تخدر تعطر هضابك...
عيونك جروفك.. عيالك قطوفك ...
تردد هتافك .. تسالم كفوفك ....
حروفك معانى ..كلامك سيوفك...
تحارب تدافع.. تنظم صفوفك ...
شيابك تراثك.. تقود لى دفوفك..
نساء ك مهيره..اصيله وكريمه ..
تحاضن تقالد تشرف ضيوفك ...
افراحك حريره..حنه وضريره...
تلملم شتاتك .. يرجع يشوفك...
احزانك قصيده .. حنينه وحزينة ...
تناجى المشاعر .. تولع فى جوفك ...
تنادى ولادك .. بناتك رجالك ...
تخاطب خيالنا .. نغير نبدل ظروفك...
اسمك بطاقة .. كبيره وعريضه ...
تزين صدورنا.. تعجب البشوفك ...
بريدك ..بريدك.. بعزك …
واقبل ..اقبل ترابك...
اسماء صديق الطيب الجنيد
مسقط عمان
24/4/2002
التحية ليك اخى ود عزة يا رائع والتحية لكم جميعا ..
القومه لى وطننا الغالى
|
Post: #21
Title: Re: عضو جديد ....بالله شيلوهو فى حدقات عيونكم...وصية منى
Author: wadazza
Date: 03-18-2003, 06:15 PM
Parent: #19
soma
شاعرة بعمق الوطن...ودوما كلماتك تحمل نبض السودان وملامحه وصباحاته البهية
ولى قدام
تحياتى
ودعزة
|
Post: #22
Title: Re: عضو جديد ....بالله شيلوهو فى حدقات عيونكم...وصية منى
Author: intehazy
Date: 03-19-2003, 09:00 AM
Parent: #1
لما تغيب عن الميعاد نفتش ليها في التاريخ
واسأل عنها الاجداد واسأل عنها المستقبل
اللسع سنينه بعاد نفتش ليها في اللوحات
محل الخاطر الما عاد فى الاعياد
وفي افراح عيون الناس وفي الضل الوقف ما زاد
وبعدين يا صباك الغرور
نحن نملك التغيير في زمن الضياع
ونزرع الفرح في نفوس اطفال جياع
رحيل
|
Post: #23
Title: Re: عضو جديد ....بالله شيلوهو فى حدقات عيونكم...وصية منى
Author: intehazy
Date: 03-19-2003, 09:00 AM
Parent: #1
هذا المقطع اهداء الي اللذين نثرو احرف واضافوا الق لهذا البوست فحجبت احرفهم بريق احرفي فذابت خجلا وتوارت حياءً اليكم اكتب
لوحة وطن في عيون طفلة
طفلة حلوه وشايله لونا
ترسم الوطـــن الشباب
كل خط فـي اللوحة باين
من دموع الطفلة يحــكي
النفـــوس تبقي السـحاب
القلوب تبــــقي الاراضي
نزرع الوطن اليباب
راسمه في اللوحة القماري
فيهــا وش النيـــل حزين
الضفــاف كان لونـا احمر
الشدر كان لونــا اصفــر
الجباه عـــــرقا بيضـاري
حمـرة النيـــل واصفرارة
راسمه جوه اللوحه طفــــله
الفـــرح في عيونـــا صــفق
ادت الامــــواج بسيــــمـة
غـــير النيـــــل انحدارو
شله من اطفــــال مـــدارس
في نظـــــــــام ماشين سوا
رددوا الخيـــــــــر بالوتر
التــــــرابله هنـاك كبار
شتتو العيــــــــش للمواسم
العيـــــــــون شايــــلات بطر
الزمن فـــي اللوحـــه بشـــر
الجروف فتحت مــــداهــــا
الغيـــــــــوم شايــله المطر
من بعد في اللوحــــة عامـــل
الايـــــــاد علـــــي السنابل
ودع الليــــــــل الفتــــــر
وخــــــــدر الارض اليبــــاب
اليكم يا من كان الوطن بين الحنايا بعيدون عنه قريبون منه بعيدون بعد المسافة قريبون اذ انه في الوجدان اهدي اليكم هذه اللوحة
تقديري واعزازى لهم
ود عشمانة
|
Post: #24
Title: Re: عضو جديد ....بالله شيلوهو فى حدقات عيونكم...وصية منى
Author: intehazy
Date: 03-19-2003, 09:01 AM
Parent: #1
هذا الذي يحدث يحزنني وكثيرا ما اسال لماذا فيرجع صدا الصوت سؤالي ولا اجد الجواب فتزداد مساحة الحيرة داخلي وتمتد كربوع بلادي متي سنصل الي نهاية لهذا الراب ...سمعت انه في امريكا قد انتهي بمقتل احدهم اخاف ان يصل الامر لهذا المنحا فلقد ارتفعت وتيرته وزاد عن حده ...وصل الامر الي الخروج عن الادب والحشمة في مساحة نطل منها نحو العالم...فهل هذه هي تقافتنا وهل هذا هو ارثنا الذي نفخر به متي سنحكم منطق العقل لنخرج من هذا النفق الضيق الي رحاب اوسع ...الي فهم ووعي لما يجب وما لايجب ...ما زال البعض يرمي في ذلك الاتون المتقد جذوة كلما اوشك ان يخمد وينطفئ هل افلس هؤلا ولم يجدو ما يكتبو فيه ...لا اعرف الي اين سيصل بنا الامر...الرجل ظل ناقد لنا مسفها لكل ما تخط الايدي فاذا ما مدح احدهم في شىء اعجبنا منه كان في نظره نفاق وتملق انتقد ولم يقدم موضوعا ابدع في نقده وتفنن وامتاز فيه بطول النفس والانأ والصبر ساعدة البعض عندما ظلوا يردوا عليه..كلما زاد من حدته قاصا لبعض المواضيع كدليل فيما ذهب اليه فهو لم يرعي حتي للذين تحدثوا معه بلغة العقل ومنطق الحوار فهو من هنا له رأي في كل من هو في هذا البورد الا في شخصة..جلس ممثل للاتهام وقاضي وجلاد...فماذا ترك لكم ...سيظل هذا الجدل مستمر ولن نصل الي نهايه له ..على انه يمكن ان يفخر بان هذا البوست هو افضل ما قدم فما زال يتصدر قائمة الريادة بعدد المداخلات فيه وكونه وفي كل يوم تكون هنالك مداخلة وهذا يعد ابداع..ارجو ان يكون قد استعد لنا بواحد في نفس المستوي ولا فالويل لنا مما يضمر
ارجو ان يجلس ويصل بنفسه لنفسه
لازال لدينا ذلك الامل
ديك الجن
ود عشمانة
|
Post: #25
Title: Re: عضو جديد ....بالله شيلوهو فى حدقات عيونكم...وصية منى
Author: intehazy
Date: 03-19-2003, 09:04 AM
Parent: #1
صابك غرور
أسيل
أبو بشرى
رحيل
ديلا من البورد التاني
من هذا المنبر
العزيز ود عزة و الباقين
إن العين لتدمع بدموع الفرح حين تقرأ ما تكتبون
و إن القلب ليحزن عندما يحس بما تحسونه
و لكنكم يا عجبي
أنتم مخلوقات غريبة
منكم دائي يا أطباء الكلم
و لكنكم و يا سبحان الله تداوون جراحنا و آلامنا
بنفس المبضع
و الله دركم
|
Post: #26
Title: Re: عضو جديد ....بالله شيلوهو فى حدقات عيونكم...وصية منى
Author: intehazy
Date: 03-19-2003, 09:05 AM
Parent: #1
علمي عيوني السفر..مالبسافر في عيونك سكتو بتبقي سلام...رحمة الله ذلك المبدع الذي رحل عنا وما زال فينا
انتهازي
تغار الكلمات
تغازل الوجدان
نتمني ان نكون بعض الذي قلت عنا
لكننا ما زلنا نغتبس ونضىء تلك الجذوة فينا منكم
ديك الجن
ود خالتك عشمانة
|
|