Post: #1
Title: (2) تكمله اورنيك 8
Author: Yara
Date: 03-16-2003, 00:20 AM
حيث اننا كنا ملزمين بالذهاب الي مستشفى سوبا لتكمله يوم العمل هناك ,تبرع زميل لنا يسكن بالصحافه بمتابعه حسن
علي ان نحضر انا وزميلتى فى اليوم التالي خارج ساعات العمل العاديه
حتي يتمكن هو من العوده الي
سوبا ,وهكذا نضمن وجود اهتمام متواصل وكان .... نفذنا خطتنا الصغيره وهمنا الاكبر ان نستشير البوص هناك في سوبا , ونعرف اللي ح بحصل شنو بخصوص التحويل للخرطوم ؟ وكل التفاصيل التانيه المتعلقه بعلاج ؟حسن
لا ادري تماما كيف مر علينا ذلك اليوم ؟؟؟
كان يوم ضبابيا للغايه !!! كانك في كابوس كبير ... انت عارف كويس انو كابوس... متاكد من دواخلك انو لازم يكون كابوس !!! شنو يعني اللي بيخلي طالب ثانوي , في قلب الخرطوم, والشوارع مليانه بالناس ... شنو اللى بيخليه يضرب رصاص , ويجى المستشفى بالذات في اليوم اللى انت فيه نبظشى؟؟؟ و بالذات فى كتاس ابراهيم مالك من دون المستشفيات؟؟؟ لازم يكون كابوس!!!
خصوصا انو ابراهيم مالك كان مرفوض كفكره من دكاتره سوبا.. وبالتالي الاخصائين كانو رافضين يغطوا النبطشيات معانا !!! وعليه لايوجد اي زول سينير في الحوادث!!!!؟؟؟ مما يؤثر علي ارواح البشر يبقى ده شغل الكوابيس زاته!!!
هذا ما كنت اطمئن به نفسي... و بص الميز يترنح كالسكران ... لينتشل نفسه بعد شهقه كبيره رافعا زاته من الحفر
والمطبات الى ان يتوقف امام باب المستشفى...
نزلنا انا وزميلتي واتجهنا بخطي حثيثه نحو
العنبر نتلهف لرويه حسن والاطمئنان ولمتابعه موضوع التحويل حيث انو الطبيبات اللى اشتغلوا معانا العملبه كانوا قد قاموا ببعض الاتصالات باخصايئ العظام والاعصاب في الخرطوم
كل هذه الا فكار وملاين غيرها تدور براسنا ونحن في طريقنا لسرير حسن .
لم نلحظ الهدوء غير العادي المحيط بالمكان حيث عاده مايكون هناك اصوات وكلام وناس حول سرير حسن .... وعندما وصلنا ولدهشتنا.... كان السرير فارغا تماما؟؟؟؟
قبْلنا علي يعضنا البعض نتسأل ؟؟؟
وين حسن ؟؟ ياربي حولوه
الخرطوم؟؟؟ ولا سرير تانى؟؟؟ ولا شنو؟؟ عندها احسست باحساس الكابوس مره تانيه...
وثالثه... ....وطوالي ...اصبح احساس ملازم... احساس المصيبه لما تكون عارفها جايه جايه.. بيكون مختلف عن
احساس المصيبه المفاجاه ....
التقل جاسم علي الصدر ... بي غشاوه في العيون بي
انو دموعك جايه جايه مهما حاولت تجهجها.. احساس
. تتمنى انو يكون مجرد احساس
|
Post: #2
Title: Re: (2) تكمله اورنيك 8
Author: nazar hussien
Date: 03-16-2003, 07:20 AM
Parent: #1
اتجهت علي الفور الي استراحة الاطباء لاسأل الطبيبة الكانت مناوبة
وبخطي ثقيلة اجر نفسي جر حتي وصلت الي الاستراحة
وهي ملاصقة للعنبر الراقد فيه حسن ولكن يومها احسست بان الاستراحة في سوبا من كثر الخوف والتوجس والترقب والقلق واحساس الله يكضب
الشينة
الا ان الاستراحة ولغير العادة كانت خالية
|
Post: #3
Title: Re: (2) تكمله اورنيك 8
Author: Yara
Date: 03-16-2003, 03:00 PM
Parent: #2
نهايه القصه في البوسط القبل ده عنوانه
تكمله اورنيك 8 ) اسفه علي التنطيط )
|
|