ما نحنا تبنا

بسم الله الرحمن الرحيم

السلام عليكم ورحمة الله تعالى وبركاته

اعزائي ارسل لكم هذه القصيده بعنوان



ما نحن تبنا


كل ما نقول نحن تبنا في طريق الحب ضهبنا

من رحيق الشوق شربنا ومن شقا الاهات تعبنا

نلقى زول يدخل قلبنا تاني للريد استجبنا






نحن في الحب كم غلبنا وفيهو ياما زاد غلبنا

فيهو كم دمعات سكبنا وفيهو لعقولنا انسلبنا

فيهو كم اهوال ركبنا وفيهو بالفقرا انكتبنا




سطعت شموسو ضوت دربنا ومن حديث الريدطربنا

من يكون ذاتنا وحبيبنا وانت حادينا وطبيبنا

ما تسيب العين تصيبنا وبالفرح نبلغ نصيبنا

وفي حب يا أخوانا أكتر من كده يا دكتور ما إتكسر المرق عديل وإتشتت الرصاص - والرصاص لأخوانا وأخواتنا المتحنكشين هو عبارة عن الخشبات الأقل سماكة من المرق في السقف والتي توضع في وضع معاكس لوضع المرق وتوجد غالباً في السقوف البلدية في بيوت الزبالة وأخواتها وهي التي تشبه فيما تشبه المراين جمع مرينه التي يتوسدها سقف الزنك في بيوت الإشلاق وجمهور البروليتاريا ، شفتو أهو قمت طلعت من موضع قصيدة الدكتور والجرسه والتوبه ، وأنا برضو بقول التوبه يا حبوبه هو فضل حبوبه في الدنيا ما زمان إنتهن.

عزيزى دكتور السراج
لشعرك عطر البخور وعمق البحور
لحضورك بهجة الربيع وصدق البطانه
ذلك انت كلما كتبت اهتزّت أغصان الشوق طرباً بكلماتك النديّة
دمت متألقاً
ننتظر جديدك
الله يحفظك يارب

يعنى طبيب ناجح وشاعر ملهم ...القصيده جميله بس أوعى تكون جديده وجات بعد أختنا عشان مانقوم نقلبها معاك !مع تحياتى لكم جميعاً وأم آلاء وآلاء...