الرجااااااااااااء الافادة مع بالغ الشكر

الكلمات التي جاءت من صاحب السمو الملكي ولي العهد الأمين حفظه الله تعالى .. جاءت بعد تخبط واضح
من الطاغية القذافي الذي تجاوز كل حدود النقد والأدب والذوق العام
فردّ عليه أسد آل سعود بكلمات بسيطه معبرة مغزاها واضح للناس بس البفهمو
المملكة العربية السعودية مسلمة .. المملكة العربية السعودية ليست عميلة للاستعمار مثلك ومثل غيرك ..
مين جابك للحكم .. قل لي الصحيح .. من جابك للحكم ..
لكن .. لا تتعرض لأشياء مالك فيها حظ ولا نصيب ..
والكذب إمامك .. والقبر قدامك ..

الكذب أمامك والقبر قدامك ..! )) ......!!!!؟؟؟؟ ممكن تفهموني معني العبارة البليييييغة دي شنو......!!!!!!؟؟؟؟؟ الأمير عبد الله عنده دكتوراة فخرية وأناحى الله متخرجه من الاحفاد, أكيد مافي امل انو أفهم كلام المثفين ديل ممكن تتكرمو وتوضحو لي ..!!؟؟؟

صباحاتك
بنكهة
قشر البرتقال


معناها
الله يكضب الشينه

كويس انو قال ليه كده
ماقاليهم
ادوهو خروج نهائي
؟؟

سلام جميعا
الاخت ميادة ولي العهد الملكي شنو و اسد آل سعود شنو
انا احترم رأيك و امتنانك للبلد اللي انتي فيها لكن عليك الله استخدمي لغة محايدة، و ما في داعي للغة التلفزيون السعودي حفظه الله و غيره، بالمناسبة انا ما عندي اي حاجة شخصية ضده او غيره لكن لا تستهويني عباراتهم التي نرددها لا شعوريا،
اولا عمالة السعودية لامريكا واضحة و ما محتاجة اثبات من القذافي او غيره و عليك بكتاب رفعت السعيد الذي يكتب فيه عن جزء ضئيل فضائح آل سعود موثقة بالصور و ما خفي كان اعظم
بعدين من متين كان في ملك في الاسلام عضوض يورثه الاباء للابناء ده ما استهبال عملاق في حد ذاته، على كل حال لا فائدة في الاتنين قذافي و غيره و تبقى الحرية و الديمقراطية و حقوق الانسان في التعبير، كأسمى قيم انسانية على الاطلاق
تحياتي

قال ليهو بالدارجى السودانى ... شكيتك لى الله والرسول وخليتك لى الله كان بهتنا .. الله يبهتك
الى اللقاء فى قمة قادمة

الشرغوف

سلام الله عليكم ، يا امجد شكلك مافهمت المقصود من كلامي، اتمنى انك تقراهو تاني ومتاكدة انك اذكى من كدة

سلام جميعا
الاخت ميادة، و الله لا اذكى من كده و لا ابو النو، تعرفي انا قريت ليك راي تاني في بوست مختلف و يا داب فهمت بعد داك قصدك شنو، المخ تخين بعيد عنك، على كل حال معليش و امسحيها لي في وشي الواحد الايام دي نفسو مسخن يرد على الكلام قبال يفهموا كويس، و قديما قالوا فهم السؤال نص الاجابة
تحياتي لك مرة اخرى و ارجو تقبل فائق اعتذاري
تحياتي
امجد

حمدالله على السلامة، حقو الواحد يزغرد

الاخت ميادة
السلام عليكم
لله درك
والله حاجة جميلة ..انا لو تصدقي لحدي امبارح كنت بفتش في كتب البلاغة والأدب والنقد ..وحتى الفلسفة بحثا عن شي مشابه
لكن اميرنا ولي العهد طال عمره وقصر في عمر باقي الشعب السعودي ..ابلغ من ان تجدي معاني كلامتو في كتب الكتاب العاديين ديل زي نجيب محفوظ ولا عبد الله الطيب ولا غيرم
طبعا المعنى واضح
بالله تقولو لي عرب ....يا حليل ايام قريش
ولك التحية مجددا

ميادة

Quote: صاحب السمو الملكي ولي العهد الأمين حفظه الله تعالى .. الطاغية القذافي

ضحكتينى
انت دخلتى محل غلط
الناس هنا....تبع
امير المؤمنين الفريق الركن عمر حسن احمد البشير...هداه الله
وبابا العقيد جون قرنق دي مبيور الاول

يابلير انا بتاوق ليك في الشات وانت بهنا!!!بعدين احنا ماعرفنا روحنا مع منو ولا منو، غايتو بس ربك يدينا خيرهم

يعنى الكضب حرام
وى وى وى
و القبر قدام
وىىى وىىى
ولا انا غلطان
اتزكرنا لعب زمان
بس داك كان لعب

ميادة

جهتين فقط ممكن يجاوبوا ليك سؤالك دا
مستشار سمو الامير للغة العربية والشئون الدينية
لانو انا متاكد انو سموه مافاهم كلامو القالا(هاكى الدكتورة الفخرية دا)

ناس الشئون الدينية بالبورد(الكيزان...اقصد كبابى البيركس )اصلوا
قالوا هم ما كيزان....بس خوفي يقومو يشرعو فيها

اما بالنسبة لسؤالك ..

سالت حبوبتى عن معنى كلام اسد الله فقالت:الرجل مخرف ولا عوير
سالت جارنا الفكى ابكر فقال: الله ورسوله تعلم....ابكر لا تعلم


مبـــروك عليكى شهادة الاحفاد...وعقبال الدكتورة الما فخرية

الاخت ميادة
بالضبط هسع انتي واكارم القوم(المعاك هنا)بتتكلموا في ما ليس لكم فيه حظ ولا
نصيب ..
الشق التاني من القول لايعني الا الذين لهم حظ ونصيب ولذلك الاجابة قد لا تفيدك..او في الحقيقة لا تعنيك..
ويسعدني انك تتحدثي في الشي العندك فيه حظ والعندك فيه باقي نصيب...


يا مثقفة يا خريجة الاحفاد .

الأخت / مياده السلام عليكم ورحمة الله وبركاته ،،،
حقيقة يتمتع السودانيون بروح فكاهية عالية وتعليقات ساخنة جداً وعند قرائة تعليقك هناك سطور خفية استطعت أن أترجمها و لكن يجب علينا تحليل الشخصية أي كانت قبل البدأ أو الشروع بالحكم عليها فصاحب السمو الملكي الأمير عبدالله رجل من اصل بدوي فتكوينة و شخصيته وحتى ملامحه تعبر عن بيئته الحقيقية و رده و كلامه ينم عن بيئته و التي عاش و تربى بها فهناك عبارات و كلمات تضم بظاهرها الرحمة وبباطنها العذاب وبتعبير و لي العهد بمفهومه البدوي جائت من صياغ الحديث المسترسل و بحالته الإنفعاليه و التي كان بها و أعتقد و برأي الشخصي بأن كلمته و حكمته و التي قالها ليس بها أي نوع من التشويش و التي يجعلك تطلبين الإفادة و لكن هناك سؤال محيرنى جدا؟؟؟ إذا كانت العبارة غير مفهومة فلماذا لم يطلب حضور القمة التفسير" أم أن كلام القمم مدهون بزبدة " وبما أنك خريجة الأحفاد فانت أهل لتفسيرها
وشكرا ،،،
خالد زمراوي