Post: #1
Title: ان شا ء الله كل يوم يموت.......زول
Author: سجيمان
Date: 03-12-2003, 12:37 PM
قلت له الجماعة في السودان...... يرقدو ويسمعو النشرة...من الرادي...ويركزو علي الوفيات......واي زول غليد يموت كل واحد يدرع جلابيتو في رقبتو ويمشو بيت البكاء ان شاء الله وين وين.....واول ما المذيع يقول... مات فلان الفلاني ويقام المأتم بمدينة النيل والله مدينة الرياض....يقولو دا الكلام..!....ويتسابقو علي بيت البكاء........اما لو كان في امبدة والله الحاج يوسف....... ما بيجيبو خبرو ويرقدو في رقادهم.... دا كلو عشان البكيات الفي الرياض والنيل والطائف وما شابهها.. عشان العضة بتاعتهم مكلفة.... والصينية يجو شايلنها اتنين...و البستي كولا...والشاي المنعنع.... وقاعدين يجيبو طباخين لبيت البكاء...... اما ناس امبدة والحاج يوسف.... عندهم شنو بلا الخُدرة...وملاح الورق...والصينية يقعدو فيها عشرة يتدافرو.........و كان شفت ناسي ديل.. طفيليات البكيات.......سمان والجضوم ما جضوم والكروش ما كروش.......
قال لي انت في دا..... والله السودانين الكاسرين كرونا في اديس ابابا.... اكتشفو حاجة جديدة............الحبش لما يموت لهم زول..... بيقدمو بدل الشاي.... خمرة....وكلو حسب وضع الزول الاجتماعي........ تبدأ من العرقي وتنتهي عند الويسكي والانشا.......اها..... يا زول ناسك ديل بقو بس متابعين..... اخبار الاموات.. وبيوت البكيات.. ومرات يمشو الاستباليات.....ويشوفو لو في زول حالتو خطرة....والله يشوفو حادث في الشارع..... يباروهم من محل الحادث لحدي بيت البكاء.... ويتكسرو هناك....... الكباية ورا الكباية.......ويجو نص الليل راجعين اهلهم.....مطينين....... ويغنو في السراي السراي..... الجافو النوم وعقدو الراي
|
Post: #2
Title: Re: ان شا ء الله كل يوم يموت.......زول
Author: دباش
Date: 03-13-2003, 10:59 PM
Parent: #1
والله ده الشغل
بالمناسبة بكره عندنا فاتحة فى اديس خليك جاهز
|
Post: #3
Title: Re: ان شا ء الله كل يوم يموت.......زول
Author: Abdalla Gaafar
Date: 03-13-2003, 11:13 PM
Parent: #1
الاخ سيجيمان
ليك وحشة
سلام
وعليه تكون نشرة تمانية واحدة من ادوات مكافحة الجوع في الخرطوم واصلو كان الناس مابمرقوهازكاة للمساكين اخير المساكين يقلعوها في فراش البكا وطبعا جماعة الضواحي الما بدوروا يمشوا ليهم الجماعة يكون هم زاتم ماتو من الجوع
لك التحية والود
عبدالله
|
Post: #4
Title: Re: ان شا ء الله كل يوم يموت.......زول
Author: سجيمان
Date: 03-14-2003, 07:07 AM
Parent: #3
دباش........... اديس ابابا .... نمشي ليها بعدين بعد ما يفنشونا من هنا....... نمشي نكسر كرونا هناك مع الجماعة........ ولازم نشوف بيت يفتح علي المقابر على طول...
عبد الله جعفر......... والله تصدق احسن وسيلة للتكافل الجتماعي.....بيوت البكاء
|
Post: #5
Title: Re: ان شا ء الله كل يوم يموت.......زول
Author: البعيو
Date: 03-14-2003, 07:51 AM
Parent: #1
اهلا بيك سجيمان
ناس الميتات ديل سوداتل ادتم مقلب بعد تصليح التلفونات والنشره المحليه دى بقت زى قلته.....وبعدين جو انصار السنه وتمو الباقى بالعزا بالمقابر... بس اكسر كرونتك دى وخليك بهناك
|
Post: #6
Title: Re: ان شا ء الله كل يوم يموت.......زول
Author: سجيمان
Date: 03-14-2003, 09:16 AM
Parent: #5
البعيو............. ان داير تتفشا...... تمشي الحبشة........... الشراب انيشا......و الزغني عشا
|
Post: #7
Title: Re: ان شا ء الله كل يوم يموت.......زول
Author: shiry
Date: 03-14-2003, 12:36 PM
Parent: #6
ٍسلام مربع
يعني انقسم الناس الان
الى نوعين
مباريين البكيات
ومباريين الحفلات
ولا ثالث لهم
وعجبي
!!!1
|
Post: #8
Title: Re: ان شا ء الله كل يوم يموت.......زول
Author: اللورد
Date: 03-14-2003, 12:44 PM
Parent: #1
فى المبارين الفتات
فى ضرايح الشيوخ
ديل برضو يحمدو الله يضربوا فى السلايق ساكت
لو فنشوك يا سجيمان تعال الضرايح
لكن المشكلة الفتة والرز ما فى غيرهم ما كمان ناس زاهدة
|
Post: #9
Title: Re: ان شا ء الله كل يوم يموت.......زول
Author: سجيمان
Date: 03-14-2003, 06:20 PM
Parent: #8
لا يا شيري في تالت...... مبارين الريال والدولار
يعني لو فنشوني.... من الكبسة الي الفتة يا اللورد......... الله كريم علينا
|
Post: #10
Title: Re: ان شا ء الله كل يوم يموت.......زول
Author: الشماسي
Date: 03-14-2003, 07:35 PM
Parent: #1
سلااام سجيمان
قلته لي كيف يافرده
اديس ابابا
|
|