الشوق قيساب نوريقو متين...يازول يازين انا شفتك وين

الاخ ياسيكو
احيي ابداعك
الله الله علي صديق احمد
بعدين عنوان البوست دة صعب علي كثيرين فهم معناه وكمان معانا طير صعيد من الشايقية برضو الامر يحتاج لشرح لهم وابو يسرا برة الكلام دة

ابويسرا
سلام
يبدو ان مناخ البحر الابيض المتوسط لعب في البنية اللغوية عندك
عموما الشكر للاخ حميد الذي احيا المفردات الشايقية العتيقة ويحضرني في هذا المقام قصة حكاها لي احد الاصدقاء انه ذات يوم عندما كان يتغني المرحوم الرائع مصطفي سيداحمد
وعندما قال
صمصونايتك زمزمية
،كودن شبر
،وتحتصر (لكونشبر للحن) سمع صديقي احدي بنات الصعيد تقول والله هذا الشاعر خطير شاف كل الكون دا شبر واحد بس
لاباس
علينا ان نوصلهم تلك اللغة لربطهم بالتراث
والعنوان عبارة عن استعارة شايقية ( اوسمه تشبيه بليغ )تشبه الشوق بالقيساب ، والقيساب هو مجموع سنابل القمح او الذرة او اي محصول في مكان واحد استعدادا لدقه واستخراج البذرة منه او الحبوب وهذا يكون عن طريق النوريق(النورج) سواء بالحيوانات او الالات الحديثه وبالطبع يوم النوريق تكون قمة فرحة الفلاح لان ذلك حصاد مسرة من التعب والترقب ومن ثم حل الديون والاكل والشرب

تهانينا اخي ياسيكو على العمل الجديد( استاذاً باحدي جامعات كلفورنيا) وامنياتي لك بالتوفيق

تسلم يا حبيب وشكرا وعقبال ليك السمح
ودعني شاكرا ان اصحح المعلومة ،حيث انني اعمل بأحد المعاهد بمدينة مونتري بولاية كاليفورنيا وليس بالجامعة
لك الود

الأخ ياسيكو
التهنيئة موصولة بالموقع الجديد والعمل الجديد ونرجو أن يطيب لك المقام
والشوق قيساب
بالنسبة للكون شبر فهي ليست لضرورة لحنية ولكننا اهل نوري نقولها كهذا كون شبر

yasico


لك التحيات والاحترام

أيها التربال المودرن

أبويسرا دا ما كسر اللبقة عمرو كلو وبعد دا يجى يقول طير صعيد

أبويسرا تعرف الجراولة؟؟

الاخ ياسيكو
اسمح لي ان اهدي توقيعك في المنتدي لاخونا ود العجمي

باسيكو، ابو يسرا، العجمي
الشوق كيمان دا حصادو متين يا زول يا زين انا شفتك وين

اخي جمال
جاك ود اخت تاني
امسك ود العجمي

ود العجمي وابو يسرا
السراكم ما ضراكم
واتمنى ان اسمع منكم كل خير

شكرا ياابو الديوم(ديامي) م
وواولاد اهنلنا في نوري حسبما قال ود العجمي ترابلة مودرن وذاك يتشكل في ذاك المخلوق العجيب حميد
الذي جمع تراثا لا حول لنا به ولا قوة
لك ولهم الود

وياود العجمي
سلام
ابويسرا دا يروب الموية تقول ما يعرف اللبقة
انت ما ادوك ادب الجلوس في حرم الشيوخ
يلحقنا وينجدنا كمان

ابويسرا
انا ومالي وتوقيعي لشيخي
تسلم

بيسpeace
مرحبابك يا رائع
اسرة بعضها من بعض
والولد خال
لخالك الرحمة
ولابنائه وعلى راسهم جميل كرار
السلام
لك الود

yasiko
يازول يازين انا شفتك وين

ربنا يديك الفي مرادك وياكا البنجيك من الم الغربة وجع المسافة راحة وساحة مولد وحفلة طنبور
وبنية رقاااااااااصة

وسفر لي زمن جميل
مني المني

السلام الاف يازول ياسمح جدجد
عبدالله جعفر

تسلم يا ود جعفر برا وبحرا وجوا
لا يعرف الجمال الا الجميل
كلانا في الهم سوى
وما اجمل الاستراحة والمقيل في ظلال انغام الفنان صديق احمد
ويكون صانع الظل الشاعر حميد
فالكلمة والنغم هما الصاحب في السفر والبعد
رد الله غربتك

ياسيكو ايها الجميل المتالق
في زحمة الدنيا تعطرنا يكل ما يريح القلب ويشرح الصدر
وانت عارف الشوق زي الشوك
ولا تعاكسيني انا يا ظروف
البلد مشتاق ليها اشوف
شكرا ليك يا زاهي

hassan 6
تشكر يا رائع
اعرف احساسك بالكلمة من خلال كتاباتك فلك التقدير
ونعم الشوق متل شوك الكتر طعن الجسم لامن خدر
السلام يقشاك اينما حللت

ياسيكو يا بعض اهلى

اننى احببت من المدن والقرى ماجعل اقامتى قلقة

ولقد تلاشت ايام كثيرة من ذاكرتى.... لكن هنالك ايام

اخرى بقى منها ضوء باهر


يباغتنى فى جميع اللحظات التى اكون فيها على مقربة من نفسى

وكانت ومازالت تلك الايام تشدنى الى ما كان لى فيها

ومعها....والغريب اننى لا اطرق بابها بل دائما هى التى تفتح لى...


اما انا فأفتح لها قلبى... لأننى اشتم منها رائحة البرسيم و اللوبى

والعرجون والزيفة وطيبةاهلى...اتمنى ان تتكرر فان جارت ايامى دونها


فالجحيم عندى اشهى من الفردوس......ز


ولا متين ايد الغبش تتمد ولا قدام ولاقدام

تتش عين الضلام بالضوء

سعدت بصحبتك وصحبة النغم الشجى مستصحب معى الصديق الرفيع عبدالله

جعفر ووجدت العزيز حسن6 يشبل فى الدارة

ودمتم

رغم زمن الحزن

ابن النخيل

Quote: والغريب اننى لا اطرق بابها بل دائما هى التى تفتح لى... اما انا فأفتح لها قلبى... لأننى اشتم منها رائحة البرسيم و اللوبى والعرجون والزيفة وطيبةاهلى

يا ابن النخيل
سلام
كلامك دا
ما ياهو ذاتو المجنن بوبي
ما احلى ثالثوكم انت وود جعفر وحسن6 فانكم تذكرونى السبعة الكرام المشاهير في القرير
تحلون اينما يحل النغم والكلم الجميل وتطربون حتى الثمالة ولا حد شرعي يقام عليكم
ما اجمل شرعكم
الذي لا تُمس فيه مشاعر الاخرين بل يجعل اشواقهم (رهينة المحابس العديدة) تتأجج ويجعل صاحبها يتذكر قول ذاك الرحمن الذي يسير على قدمين بين الناس ، الشاعر عبد الله محمد خير ، حين قال
اطل القيف تُلوت الليل ومرات اطلع الساقي
لا في مرور يقول لي اقيف ولا دورية بتلاقي
وبدل رديف هدوم الصوف كفاي سروال وعراقي
ولكن اجد نفسي بعد الصحيان من سكرة احلام اليقظة قابقاً في ذاك الليل الذي تغن له النعام ادم رحمه الله في احدى خالداته
قولن ليهو ليلو طويل طولن يجنن
لا قمرا طلع في سماهو لا نجمات يضون
وهو ذاك الليل الذى عانى منه امرؤ القيس حين قال
وليلٍ كموج البحر ارخى سدوله علي بانواع الهموم ليبتلى
فلما تمطى بصلبه واردف اعجازاً وناء بكلكل
قلت الا ايها الليل الطويل لانجل بصبح وما الاصباح منك بأمثل
واخيرا تجدني اتمثل قول حمد سعيد حين رد على نديم فكره السر عثمان ، الذي استنجد به ذات مرة ، قائلاً
حُـمَّـد سعيد شن عندو ليك يا السِّر
بلا ألماً انطوى انترجم بقالو شعر


تجدني الان تهت في الاشواق ولا شايف ولا بسمع

عوافى
ياالكتوف المايله من أثر الطوارى
اصحاب المشية الواحدة واللكنة الحنينة والكلام المقلبن بين الجد والهزل . والتعفف عن الحروبات والخصومة الفاجرة
يا أهلى البقيف فى الدارة واتحزم واقول للدنيا ديل أهلى

يا الحنينين الولوفين. عوافى عليكم عوافى
لى طواقيكم طواريكم سواقيكم اناقيكم تميراتكم بوابيركم سواقيكم
ولى جداولكم وتمركم الروكة ومشركم والبركاوى والجاوة والمدين
- تمور الأكل وتمور البعيد- أحييكم جميعا وبالجد البوست دا هيج الشجن وانا القابع هنا على بعد أميال من تلك الجنات فما بالكم بكم أنتم ؟ الله يكون فى العون

ياسيكو .. لو عندك هذه رائعة محمد سعيد دى عليك الله أنزلها لينا فى بوست بصوت المبدع ود جبارة

بالمناسبة التوقيع الذى أهداه لى شيخك أبويسرا كان مناسب مع طعم الدعابة الخاصة بى أهلنا هناك يعنى كلام مقلبن لا يخلو من وداد حميم

يا أخوانا وين أبو عثمان

صديقي النبيل / ياسيكو
تحية الود
ومبروك الوظيفه الجديده وشايفك لامي طير الصعيد حولك ناس ابويسرا وقريبنا ود العجمي
وديل كانو بيجوا البلد لحش التمر مع امهاتهم ولو طعنتم شوكه ساكت الحجه تقوم
تخياتي وودي

ابوعثمان

مشيخة ود عبدكاشف

تشكر يا اخ ياسيكو
يبدو ان هناك تمرد شايف ود العجمي كتب شيخك وليس شيخي
وكمان ابو عثمان رجع بنا للوراء الى عهد عبده كاشف ومشيخته ونسي ان القوات الامريكية داخل بغداد
مالهم يريدون ان يرجعوا بنا الى الوراء
بالمناسبة لي اتباع كثر من جكس البورد

Quote: يا الحنينين الولوفين. عوافى عليكم عوافى لى طواقيكم طواريكم سواقيكم اناقيكم تميراتكم بوابيركم سواقيكم ولى جداولكم وتمركم الروكة ومشركم والبركاوى والجاوة والمدين - تمور الأكل وتمور البعيد

ياسلام ياود العجمي
كنت قايلك طير صعيد
الا ان الكلمات اعلاه تنبيء بحامل معرفة وليس كما كما قال الرجل الظريف الذي لا يتكلم الا قليلا ،ابوعثمان
انكم تاتون لحصاد البلح
اتدري ان اهل الخرطوم اصبحوا لايذهبون لموسم الحصاد لان مدخلات الانتاج اصبحت اكثر من عائدة بل تراهم يستلفون حق الرجعة للخرطوم
رحم الله ذاك الموسم الذي استبدل بهجرة عكسية للمدن الاخرىز
اعدك بالبحث عن رائعة ود جبارة

ابوعثمان
لك الود والشكر على الطلة
طلة ملوك واحات شيخي ابويسرا الذي يتهمك بالرجعية
واعتقد ان عيون الشيخ عبد الحميد تلاحقك ايضا في الغربة

ابو يسرا
لك الود
يبدو ان ود العجمي على قدر لا باس به من مفردات الزراعة وان كنت اشك انه اطلع على كتاب القاضي الدكتور ابومدين الطيب الذي عنوانه
العرف والارض في المديرية الشمالية
حيث انه اورد كلمة(مشرق) بالكاف فهو بالطبع لم يحاحي الطير عن المشرق انما ارسل له في الخرطوم
فهو من طير الصعيد وليس من عصافير او بلابل الصعيد
فاهلا به

ود العجمي طير صعيد ولكنه دائم الذهاب للبلد كل عام هذا قبل زواجة
اما بعد ما بقي من امدرمان الداخل الداخل الله اعلم تاني يرجع البلد

up

الأخ ياسيكو

الاخوة ود العجمي ابويسرا ابو عثمان وكل الجمع الكريم
تحية صباحية ندية لكم وانتم تعيدوننا لايام اظنها خلت ولن تعود
شكرا اخي ياسيكو وانت تفتح هذه الطاقة لنطل نحن من قاطوع الغربة بدخانه وحرارته على فسحة الديوان الكبير وهواها العليل

ولكم التحايا

شرووم
يا قومة بدري وفوتة الدار
من اجل حلم راجنو صغار
ياتو محطة غشاها قطار
اندهده فيها وقضى نهار
حس العمال تحت الامطار
الربط الخط مافك الخط
يا كم في الخط يا كم تنفار