Post: #1
Title: الدايات حد نازل
Author: omdurmani
Date: 03-11-2003, 10:36 AM
عمري العمير..بركب بص الموردة امدرمان....محطة الديات اصلو ماشفت واحد نزل فيها....الحكاية شنو....ناس تنزل بعدها بخطوات وناس تنزل قبليها...لكن الكمساري لمن يكورك بصوت عالي لا يخلو من مرقة....الديات حد نازل.......
......................
يعنى الناس بطلت تلد.....ولا شنو....
......
وكلمة السر........معاي ما راجع....دي للناس البعرفو الجكو
|
Post: #2
Title: Re: الدايات حد نازل
Author: garjah
Date: 03-11-2003, 11:17 AM
Parent: #1
طوااااالي يااااا
لو في كورة في دار الرياضة
البص براهو بيقيف
بس يا امدرماني
العايزة تلد دي
لو ما عندها حق التاكسي
الوالده ليها شنـــــو ؟؟؟
|
Post: #3
Title: Re: الدايات حد نازل
Author: omdurmani
Date: 03-11-2003, 11:28 AM
Parent: #1
صاحبي في الابتدائي......سالو استاذ الدين...وهو زول صعب.......يافلان....الرسول ولدو وين.........
صاحبي قال ليه بسرعةوبثقة..في الدايات يااستاذ
|
Post: #4
Title: Re: الدايات حد نازل
Author: شرير والبرتقاله
Date: 03-11-2003, 11:53 AM
Parent: #3
ظهيرتكم
بنكهة
التتفن على
مساطب في دار
تحمل كل عبق وصندل
الســــودان
...
.
قالوا في اثنين ضاربين الشديده لحدي هنااا
مخططين عشان يخشوا الكورة في دار الرياضة امدرمان
وعلي حسب السطله نزلوا في الدايات
ومن غير مايلاحظوا تووووش انزغموا
في الدايات ..
اها طوالي لاقتهم ليك لافته كبيره
مكتوب عليها
التطعيـــم ضـــد الجدري
قاموا عاينوا لبعض كده
وصففقوا ايديهم وقالوا لعبض
والله ماعارفين الايام اتحاد الكوره
بجيب الفرق دي من ويــن ؟؟؟؟
|
Post: #5
Title: Re: الدايات حد نازل
Author: أبوالزفت
Date: 03-11-2003, 01:11 PM
Parent: #1
اهديك برتقال البحر المتوسط كلو
حلوة يا شرير
غايتو انتزعت منى ضحكة
|
Post: #6
Title: Re: الدايات حد نازل
Author: أبو رزان
Date: 03-11-2003, 09:27 PM
Parent: #5
قالوا واحد
أيام الزحمة
ومنغمس جوا البص وهو قصير
وبعدين
هو كان نازل حلة كوكو
وتابق بالشباك لقى نفسوا فوتوه محطتين
وقعد يكوروك في الكمساري
انا بقول ليك حلة كوكو
لو ما سامع ما شامي
هااهاهاها
بايخه
|
|