Post: #1
Title: ما ذا تفعل اذا ابتليت بجاره شمشاره......؟؟؟؟
Author: حنين
Date: 03-08-2003, 06:37 PM
ما ذا تفعل اذا ابتليت بجار او جاره شمشاااااارين؟؟
من ذلك النوع الذي يهبط عليك وانت تشرب شاي الصباح ليسألك فاطرين شنو ومتغدين وين؟؟
وحتى وقت قريب كنت اعتقد انو الناس الشمشارين ديل عينه نادره من البشر يجب المافظه عليها من الانقراض حتى يتسنى لسليطي اللسان امثالي ممارسه سغالاتهم عليها...ولكني انصدمت في قناعاتي مؤخرا واكتشفت انو يا حليلي ....في كميه من البشر لا هم لهم في الدنيا غير ملاحقه الشمار....المره تلفح توبها وتجري...والراجل نص عمتو في راسو والنص التاني جاري في الواطه وهو يجري لا حقا الشمار ...بل حتى الشافع يسيب ليكم عجلتو ويجري عشان يعاين هو التاني... حتى بدات اصاب بعقده انا زاتي من السؤال واتخيل انو أي زول بسالو بيقول في سرو:
اعوز بالله البت دي ما لها شمشاره كدا
تركب الحافله...وتكون المواصلات ماشه في امان الله وفجأه تلقى الحافله كلها كبيره قبل صغيرها قد انحلجت رؤوسهم واصبحت مثل اللستك المدور...ويصل الامر لدرجه انو البعض يقوم من حتتو ويطلع راسو ...واخنق فطس داير يعاين يعني داير يعاين...كل دا عشان لمن يمشي البيت يخش منفوخ زي الاسد ولديه من الشمار ما يجزب انتباه الجميع اليه
_ يا خي بالله الليله شفت حادس في شارع المطار...حكايه عجيبه خلاس...ما في زول طلع منو....يا خي الراجل فتشو فتيش تحت العربيه
وطبعا قد لا يكون الامر بتلك البشاعه لكن أي شما ر يرجى منو ان يقول والله الليله كان حيحصل حادث كعب خلاص لكن الله ستر...فكلمات زي الله ستر....جات سليمه...تضعف القيمه الشماريه للخبر
وقد ابتلينا بجاره شمشاره لم تفلح كل محاولاتي الشيطانيه في دفع شمارها بعيدا عنا ...كيف نحنا ما جديدين في الحله ودا في حد زاتو شمار جيد وتربه خصبه
واتمنيت انو لو كان عندنا شافع زي الرباطابي الصغير داك عشان يقول ليها في التحشر المتل تحشرك
ولقيت نفسي من غير ما اقصد اتعجب في خلق الله كثيرا واراقب تصرفاتها وحركاتها عسى ان استخلص منها معادله كيميائيه عامه للشمار...وامكن كان الله فتح علي بعدما اتخرج احضر لي دوا لمعالجه الشمار
واكتشفت ليكم انو احساس انك زول شمشار والناس شامنك احساس لزيز والله لكن ما أي شمشار شمشار وعشان تكون شمشار بمزاج مرخص له بمزاوله المهنه من الجمعيه العامه للشمار عليك بالاتي:
اولا لازم تكون ادهم صبري في زمانو او جاكي شان عصرو يعني بالعربي البسيط التقط والتقط والتقط وسخر حواسك كلها لاتقاط ميه خبر في نفس الوقت يعني لو بتتكلم مع زول اتكلم معاو بنص اضان واضانك التانيه مع الاتنين البتكلمو هناك براهم...وعينك على البت البتتوشوش في التلفون..وعينك التانيه على عصفوره الجيران فوق الشدره اياكم ثم اياكم بشعار دع الخلق للخالق
تاني حاجه يا اعزائي لازم تتمتعو بدرجه عاليه من سعه الصدر اللي بسموها الناس التانيين سغاله وتقله دم...فلازم تتقبلو ضيق الضحيه وحدراتو بطيب خاطر...وما تفكو كلو كلو حتى لو قام جعر وبكى عديل
وانا شخصيا ماعارفه ليه لكني اقع دائما في موقع الضحيه ويتم ممارسة الشمار على وجرت كل الحلول الممكنه في الاول كنت برد بسغاله منقطعه النظير على اسئله الشمشارين
_حنين العازمكم غدا منو
_بن لادن
حنين الجاكم امس منو
_الملكه اليزابث وكانت دايره ليها حته دكوه
_اسمعي امس ناس رقيه جوكم
_نهائي
وهي طبعا تكون عارفه انو ناس رقيه جونا وانا زاتو اكون عارفه انها عارفه
وللاسف لقيت انو اساليبي السابقه لم تثمر..بسبب طيبه قلوبهم الزايده عن اللزوم
قمت حكيت راسي وطلعت بنظريه جديده انا ماشه بيها حسه لمقاومه حجه زكيه الحشريه
_ازيك يا حنين
_اهلا حجه زكيه كيفك اخبارك شنو عامله ايه اسمعي انتي صحي ناس سليمان سافرو
_اي والله في دبي...قامو اولت امس انت اهلك هناك؟؟
_يا حليهم والله اها سحر خلصت امتحاناتا واللا لسه السنه صعبه شديد..وامس انت ناس المدرسه دي عندهم شنو ...حفله يا ربي...وبمناسبه شنو
ولاحظو معي تجاهلي المطلق لأسئلتها وعدم تبريد بطنها نهائي
ما ان اشاهد حجه زكيه تلوح في الافق حتى ابدا بعصر مخي وسؤالها عن كل ما يخطر على بالي....وبريها بطريقه مؤلمه...والحمدلله حاسه كدا انو جهودي احتمال كبير تثمر...قبيل وانا جايه من الجامعه شافتني ولمحتها بطرف عيني تحاول الزوغان
|
Post: #2
Title: Re: ما ذا تفعل اذا ابتليت بجاره شمشاره......؟؟؟؟
Author: wadazza
Date: 03-08-2003, 07:59 PM
Parent: #1
حنين
فعلا دا حاصل فى مجتمعنا لكن من ناحية تانية يدل على ترابط وصلة قوية بين الناس جيران وأصحاب...ويمكن عاطفتنا الجياشة كشعب بتخلى افرازات النفس تبدو كأنها حب استطلاع أو حميمية زايدة من اللزوم...
وفعلا فى ناس ما بفرقو بين خصوصية الشخص الممكن يسألوهو فيها..وبين الحاجات العامة الممكن يجاوبا بنفس رضية
والشمشرة خشم بيوت
والبيوت فيها ناس والناس عندهم جيران والجيران عايزين يعرفو...
تحياتى
ودعزة
|
Post: #3
Title: Re: ما ذا تفعل اذا ابتليت بجاره شمشاره......؟؟؟؟
Author: WAD ELGAALI#4
Date: 03-08-2003, 08:54 PM
Parent: #2
تعرفى يا حنين احسن حاجه تعمليها تحبى الزوله دى وتبدى تمشيليها فى البيت يعنى من الجامعه طوالى تركنى عربيتك فوق خشم بيتا وهاك ياغدى ومذاكرة وتلفونات لى كل
صاحباتك واصحابك والمغيرب كدا تاخديلك دش وتشربى شاى
المغرب معاها وتمشى لكن قبل ما تطلعى لازم تنسى مفتاحك
جوه وترجعى ليهو وبالمرة تستنى العشاء وبعد العشاء
ماتنسى تساليها من برنامجها بكرة شنو وعاملا شنو على
الغدا وما تنسى توريها انو حاتجى غاشياهم كل يوم من
الجامعه عندى قصة حصلت لى فى بيت اختى مع جارتا الشمشارة
لكن ما بقدر احكيها ليك هسى
|
Post: #4
Title: Re: ما ذا تفعل اذا ابتليت بجاره شمشاره......؟؟؟؟
Author: Habib_bldo
Date: 03-08-2003, 09:03 PM
Parent: #3
حنين أحسن حاجة تسويها
تشيلي قشك على قول السعوديين وترحلي
تشوفي ليكي كوكب تاني
لأن كل حي وكل فريق لا يخلو من أمثال هؤلاء
والله أعلم حتى الكواكب التانية يمكن مأهولة بالنوعيات دي
|
Post: #5
Title: Re: ما ذا تفعل اذا ابتليت بجاره شمشاره......؟؟؟؟
Author: ba7ar
Date: 03-08-2003, 10:44 PM
Parent: #4
والله يا حنين انا اكتشفت انو الحياة من غير الشمشارين ما بتبقي
زمان كنت قطيم معاهم جنس قطامة
وسغالاتك دي كلها عملتها
لحدي ما بقو يزوغو مني زي حجة زكية
وبعد شوية كدة اشعر ليك انو في حاجة ناقصة
تراني انا كنت بكرهم ساي كده من برة برة
غايتو بعد مجهودات بسيطة كدة - لانهم علي الهبشة زي ما عارفة - قدرت ارجعهم يتشمشروا تاني
ياخ ديل لزيزين خلاص
ثم انا ما عنديش جيران
|
Post: #6
Title: Re: ما ذا تفعل اذا ابتليت بجاره شمشاره......؟؟؟؟
Author: garjah
Date: 03-09-2003, 07:10 AM
Parent: #5
حنين
كان عندنا في الحلة واحد قبضة...يعني شمشار...وكنا اثناء جلوسنا في الشارع بيجو ناس الحلة مارين وطبعا الواحد الماري بيسلم على القاعدين...السلام عليكم...واخونا القبضة الحكاية دي كانت بتزعجو جدا...لانها بتقطع عليهو حبل القبضة....والناس المقبوضين طبعا بيردو السلام...وعليكم السلام ورحمة الله وبركاته وممكن يكون فيها الوالد كيف...والوالدة انشاء الله تكون طيبة...واخونا كان يبدي غيظا واضحا لذلك.....
وكان انضمام بعض الناس للونسة المقبوضة بواسطة فرد واحد ...بيقتل الونسة....على حسب قول اخونا القبضة....فانضمام احد وجهاء الحلة وتواضعه للجلوس معنا يقتل الونسة وينحرف بها لكلام ومواضيع لا حيلة لاخونا القبضة على الخوض فيها......
ولنا عودة لعبدالوهاب القبضة
الله يطراهو بالخير
هو وناس اللستك الفي ركن شارعنا
|
Post: #11
Title: Re: ما ذا تفعل اذا ابتليت بجاره شمشاره......؟؟؟؟
Author: حنين
Date: 03-09-2003, 07:11 PM
Parent: #3
الغالي ود الجعلي
انشاء الله تكون لميت في زولك
وانا مستنيه حكايه جاره اختك الشمشاره بفارغ الصبر
سريع عليك الله عشان الشمار حرقني لوووووووول
|
Post: #9
Title: Re: ما ذا تفعل اذا ابتليت بجاره شمشاره......؟؟؟؟
Author: حنين
Date: 03-09-2003, 07:10 PM
Parent: #2
عزيزي ود عزه
والله فعلا بعض الشمار يدل على الترابط والحب....ومن الحب ما قتل
زمان كنت بكجن الشمشارين....لكن بصراحه انا حسه عارفه انو الشخصيه الشمشاره ليست بالضروره شخصيه سيئه
لكن في نوع شماااااار عجيب عجيب عجيب ومبالغه مبالغه مبالغه
لو عايز يوم بوريك نوع تجري منو عديل
|
Post: #7
Title: Re: ما ذا تفعل اذا ابتليت بجاره شمشاره......؟؟؟؟
Author: sentimental
Date: 03-09-2003, 07:35 AM
Parent: #1
حنيـــــــــــــــــــن
بصراحـــــــــــــــــــة كده انت برايــــــــــــــــــــــــــــــــــة . أنا ما قدرت أقراء البرية دى كلها عشان ما يجينى صداع او ارتكاريا انفاجطية مستقلبة من الوطيط المستعرض القشطليطى.
اصبحنا بى الله يا بت!!!!!!!
|
Post: #8
Title: Re: ما ذا تفعل اذا ابتليت بجاره شمشاره......؟؟؟؟
Author: waleed500
Date: 03-09-2003, 05:27 PM
Parent: #7
الاستاذه حنين
تحياتى
الشمشرة انواع لكن جنس شمشرتك دى تب ما شفتها
هنالك شمشرة ساخنه يعنى لو جبتى خبر خطوبة فلانه على فلان دى عندنا اسمها شمشرة ساخنه
وهنالك شمشرة محبطه متل طلاق اختنا زنوبه الدغلوبه من زوجها ليلة امس
وهنالك شمشرة بايته متل سفر عواطف بت ناس محمدين السافرت ليها ثلاثه ايام لى ابوظبى وجبتى لينا خبر سفرا اليوم
وهنالك شمشرة مافى ليها داعى كونك تجى تسالى من صباحة الرحمن ... وليد سيارتك فاضيه توصلنى معاك الجامعه وانتى تعلمى بانها مليان من قبل ما تصبح الواطه
وهنالك انواع تانيه من الشمشره سوف اعود مره تانيه
لو ما عندك مانع طبعا
|
Post: #10
Title: Re: ما ذا تفعل اذا ابتليت بجاره شمشاره......؟؟؟؟
Author: alhabeb
Date: 03-09-2003, 07:10 PM
Parent: #8
لووووووووووووووووووووووول
فوق الحله ديك انا تانى ما بجى والشمار كتير انا ما بجى
ااها
لووووووووووووووووووووووووووووول
لوووووووووووووووووووووووووووووول
|
Post: #12
Title: Re: ما ذا تفعل اذا ابتليت بجاره شمشاره......؟؟؟؟
Author: حنين
Date: 03-09-2003, 07:16 PM
Parent: #1
والله يا حبيب بلدو...بما انو ما في طريقه للطفشاني احسن الزول يتعود بس والله انا خايفه اتعود كتير
|
Post: #13
Title: Re: ما ذا تفعل اذا ابتليت بجاره شمشاره......؟؟؟؟
Author: حنين
Date: 03-09-2003, 07:26 PM
Parent: #1
الاخر بحر.....صدق لمن حاجه زكيه تغيب عننا يوم انا بقلق عليها جد.....بقول يا ربي عيانه
عمو قرجه.....مره عملنا رحله في الجامعه....وكان عندنا زميلنا شمشاره او قبضه حسب كلامك....اها لعبنا ليك لعبه فكرتها انو الناس كلهم تكتب اساميها في ورقه وتطبقها ويجي زول زول يسحب ورقه عشوائيه ويوصف في شخصيه صاحب الورقه دي من غير ما يعرف هو منو وفي النهايه يفتحها ويعرف الاسم
اها لمن جا دوري مسكت الورقه وقلت ليهم الزول الفي الورقه دي زول شمشار وما بيخلي زول في حالو........زول قبضه
اتخيل المسكين اسمو من اليوم داك....محمد قبضه
يا سنتمنتال مالك علي مره شمشاره ومره برايه انا كان قبلت عليك بتبقى سنتي بس لووووول
وليد تعال راجياك في انتظار انواعك من الشمشار
الحبيب
انا شخصيا عارفه لي زول براي اكتر مني وانت زاتك عارفو اقول واللا بلاش لووووووووول
|
Post: #14
Title: Re: ما ذا تفعل اذا ابتليت بجاره شمشاره......؟؟؟؟
Author: النسر
Date: 03-09-2003, 07:46 PM
Parent: #13
حنين
احسن حاجة يعملها الواحد فينا ان يترك وراءة ريحا وعطرا طيبا خوفا من نمل النميمة
|
|