Post: #1
Title: يا أخوانا: البلقى شيري يوصل ليها الأمانة دي
Author: serenader
Date: 02-26-2003, 08:52 PM
صباحك نور
جناح عصفور.. فراشة تدور
يا عنب معصور
يا عجب.. يا تعب.. يا دهب مصهور
زمانك مظلل بالسحاب والزين
زمانك معطّر بالطلح والنيل
وموعود بالوصال واللين
خديني معاك
من الزمن القديم لزمنك الضحاك
لي عالم محتفل بي بهاك
لي ناس مستمتعين سعدا، ولي زمن ضحاك
تتعود عيونا النور
ونجلس في حرير قمرا قصاد بللور
ولما الصبا تتعتق في الدنان
بتنبت لينا جنحات الفرح
نطير وندور
في بروج النغمة والطنبور
نهاجر في عروق النور
في زمن مسحور
ونرتاح في ضرا عمرك دهور ودهور
...وتاني يا
..يا زمن.. يا عنب.. يا دهب مصهور
محمد المكّي إبراهيم
|
Post: #2
Title: Re: يا أخوانا: البلقى شيري يوصل ليها الأمانة دي
Author: nazar hussien
Date: 02-27-2003, 07:04 AM
Parent: #1
سريندر العزيز
دي بدفعو عليها جمارك ولازم تكون مظرفة عشان الواحد يوصلها
انت قايل الوصل ساهل كده
بتكون شايف زي سبعتاشر واحد مرو عليها
وكلهم كانوا اما شايلين امتر من وزنهم او ما عارفين العنوان او دايرين حق الجمارك او ما مسافرين علي الخطوط السعودية
اما انا فعاوزك تظرف الوصية وتديني حق الجمارك
بوصلها انشاء الله
|
Post: #3
Title: Re: يا أخوانا: البلقى شيري يوصل ليها الأمانة دي
Author: serenader
Date: 02-27-2003, 12:16 PM
Parent: #2
يا سلام عليك يا ود حسين، إنت الفيهم والله.. الشباب كلهم يخشوا عليها ويمرقوا بدون حتى مجاملة. المهم، شاكر عرضك، ودي المحرية فيك
بالنسبة للجمارك، فبعد هرش الرأس، وكشكشة الجيب، عثرت على تسجيل ماستر لواحد مخستك كده بقلد فنان ما بعرف اسمو، وبقول
سلمتك خطااابي يا ساعي البريد للسافر وطول في بلداً بعيد.. ترم ترم
والحساب يجمع
|
Post: #4
Title: Re: يا أخوانا: البلقى شيري يوصل ليها الأمانة دي
Author: shiry
Date: 03-04-2003, 03:48 PM
Parent: #3
مية مسا
على الناس
المدهشة
طبعا زي انا عاملة بت بتشبه البنات
وبتخجل يعني
واقول ليكم
افرحتوني
جدا
اخواني
serenader
نزار حسين
لكم مني
ضحكات البنفسج
وانفاس الياسمين
سلمتم للسؤال
وسلمتم اكثر لطلتكم علي
|
|