الأسلحة الكيميائية وحقيقة استخدامها في السودان في منتدى ميديكس للحوار
|
|
 عــــــرس ابــــو الـــدردوق
|
اسلمي... تسلمي..... وان اسلمتي نعرس ليك حمدان ابوعنجة....جواب كتبو الخليفة عبد الله التعايشي... للملكة فكتوريا ... ملكة بريطانيا العظمى.... يغريها للدخول للاسلام بالزواج من ود ابعنجة.. اظنو الخليفة كان مبسوط من ابعنجة بسط شديد.... وبيفتكر انو جلالة الملكة كانت مبسوطة برضو وهايمة في غرامو... ود النجومي... اركب وسير...وامشي مصر... ومن هناك بوشيك جيب لنا فكتوريا من اضانها.... وتعرس ابو عنجة ولا على كيفها..... ديش ود النجومي سار...جبة مرقعة حربة وسيف...وجراب فاضي من الاكل...كل مؤنة عسكري داير يجيب ملكة بريطانيا عشان تعرس ابو عنجة....مشى الديش لمن فتر .... الجوع والتعب مطلع عينهم..... ماشين بغرب النيل.... هجمو على الناس اللاقوهم... في الدرب وعلي بيوتهم واكلهم... خطف ونهب...ماخلو بقرة ما ضبحوها هي وسيدها...وماخلو مرا والدة الا اكلو وشربو وشبعو و لعبو... وشالو شافعها المولود..وجدعوهو فووووق.. ولاقهو بالحربة.... كويفر يكبر يبقى كافر..ونخليهو يكبر ليه ويبقى كافر ويدخل النار...اخير يموت من حسي والجنة مضمونة....وكلو واحد في الديش... يحلم بببنات فكتوريا...وابوعنجة يضرّع..ويقدل في امدرمان.. ويعرض ويبشر... في حفلة طهارة سلاطين.....وراجي ود النجومي يجيب ... العروس بزفه..... ود النجومي.. ما رجع .. ولا رجع ديشو...ولا جاب فكتوريا
|
|
 
|
|
|
|
|
|
|
 Re: عــــــرس ابــــو الـــدردوق (Re: سجيمان)
|
سجيمان يا سجم الدواك لى حدهن
زفت فى زفت وكلو زفت
سؤال من ابو الزفت
من الذى قال
أنى قد رأيت المصطفى وانا على يقظة وقال لى ........... ?
غايتو يا سجيمان شيل شيلتك
هسع تلاقى الانصار والتعايشة الفى البورد
ضربو النحاس وسنو السيوف ورفعو الحراب
فى بوست كتبت الامام ابن الامام حفيد الامام
جانى تهديد عديل كدة
ودى وصلة البوست
هكذا حكم السودان
| |
|
|
|
|
|
|
|
|
|
Re: عــــــرس ابــــو الـــدردوق (Re: سجيمان)
|
العزيز سجيمان كتر خيرك والله
الغريبة الناس زى البتخجل من الحتة بتاعت المهدية والخليفة التعايشى وبيعاينو ليها من الشباك كدا ويمشو ومافى زول عايز يجيب سيرتها لا من قريب لا من بعيد ,,,,ممكن ياسجيمان سوال برى كدا العلاقة بين دولة الكيزان ودولة المهدية شنو ,,عليييك الله ماتقول لى الجهاد,,,مامعروف كل جائز لووووووووووول لكن لينا عقولنا البتميز
ودمت اخوى
اخوك ودالديم
| |
|
|
|
|
|
|
|
|
|
Re: عــــــرس ابــــو الـــدردوق (Re: wadaldeem)
|
يعني يا سجومي
تقعد ترد بيغادي والناس بيجاي واقفة صفوف
تجينا اخر الليل ترمي لينا كلمتين وتمشي
وتقول لينا متفلهمين
كونك تطنشنادي موش فلهمة
دي
مد كرعين كانو جوى جزمة شراباتا ما اتغسلن شهرين
موش فوق راسنا
جوى نخرينا الكبار ديل
| |
|
|
|
|
|
|
|
|
|
Re: عــــــرس ابــــو الـــدردوق (Re: سجيمان)
|
ابو الزفت ....... والله كلامك مافيهو عيب ولا غلط....... بعدين امام الديمقراطية دا انتخبوهو والله شالها ايدية؟
الشرير والبرتقالة.............الكلام مثبت بوثيقة خطية من التعايشي
ود الديم....اعتقد ان الامام المهدي قد اخفق في اختيار التعايشي خليفة اول له
قرجة.......... نخريكم الكبار اريتن بالون مان شو اليسوي ليكم التهاب جيوب انفية
لارك ....... الخليفة اظنو شايف...... نفسو كتير علي فكتوريا
| |
|
|
|
|
|
|
| |
سجيمان
أبوالزفت
garjah
ود شاموق
فيس بوك
تويتر
انستقرام
يوتيوب
بنتيريست