Post: #1
Title: تتناوشني (الدبرسه) .. أعمل شنو
Author: منوت
Date: 02-24-2003, 06:28 PM
لو كنت مكاني تتناوشك (الدبرسة) من كل جانب .. ماذا ستفعل ؟
أحتاج (مدمرات) تفك دبرستي .. فهل من معين ؟
منوت الغارق دبرسةً
|
Post: #2
Title: Re: تتناوشني (الدبرسه) .. أعمل شنو
Author: garjah
Date: 02-24-2003, 06:35 PM
Parent: #1
قلت لي بتحس بي شنو يالضبط كدة؟؟
والحالة دي طوااااالي والا مرات مرات؟؟
|
Post: #4
Title: Re: تتناوشني (الدبرسه) .. أعمل شنو
Author: الجندرية
Date: 02-24-2003, 07:01 PM
Parent: #2
حلها العرس
امي زمان كانت بتقول دي نفسيات العذار ى
يعني بالبلدي مرض حامد
عرس وشوف تاني كان تلقى وقت للدبرسة
|
Post: #3
Title: Re: تتناوشني (الدبرسه) .. أعمل شنو
Author: zumrawi
Date: 02-24-2003, 06:56 PM
Parent: #1
اخوك مابعيد من الحالة ويمكن الغربة وكمية الفراغ الناتج من عدم وجود علاقات اجتماعية حقيقية يكون السبب غايتو بتصبر شوية بالشغل والبورد اما قراءة فصارت قليلة المعنى لعدم وجود من تناقشه في الكتب
|
Post: #5
Title: Re: تتناوشني (الدبرسه) .. أعمل شنو
Author: zumrawi
Date: 02-24-2003, 07:30 PM
Parent: #1
ياالجندرية عرفنا الليمون يمكن يعرس نحن اللسة طلبة ونزلت علينا هموم الناس الكبار نسوى شنو
العرس بدرى عليهو والدبرسة حاصلة هل هنالك حل اخر
|
Post: #6
Title: Re: تتناوشني (الدبرسه) .. أعمل شنو
Author: الجندرية
Date: 02-24-2003, 07:36 PM
Parent: #5
الكلام دا ما معناه المعرسين / ات ما بدبرسوا
بس الاسباب مختلفة
حقتكم دي زي ما قالت امي
مافي حل ليها غير العرس
|
Post: #7
Title: Re: تتناوشني (الدبرسه) .. أعمل شنو
Author: Modic
Date: 02-24-2003, 08:53 PM
Parent: #1
أشتري ليك حبوب ديبرشن ..
رغم اني ما مقتنع بيها 
و أضرب بيها الدبرسة و فجرها ..
بــس
مــودك
|
Post: #8
Title: Re: تتناوشني (الدبرسه) .. أعمل شنو
Author: HAMZA SULIMAN
Date: 02-24-2003, 09:03 PM
Parent: #7
يا منوت
وانت بكل هذه الروعه كيف تسللت الدبرسه لك
موتوا كمد يا العزابه
الى اخر الغنيه
وركز على كلام الجندريه
|
Post: #9
Title: Re: تتناوشني (الدبرسه) .. أعمل شنو
Author: Elkhawad
Date: 02-24-2003, 09:16 PM
Parent: #8
منوت
اعمل عصير ليمون
لوووووووووووول
كلنا في الهم شرق
|
Post: #10
Title: Re: تتناوشني (الدبرسه) .. أعمل شنو
Author: noha_g
Date: 02-24-2003, 09:16 PM
Parent: #1
قال لها
سلامتك من الحمى و النيران
و إنتي تبري من الألم البلم الجيران
دحين سلامتك من الدبرسة
و واحدة بتها قالت ليها أنا مدبرسة
قالت ليها يا بت هوووووووي فتحي عيونك
أصلها قالوا البت من تبدا تقول أنا مدبرسة و كدا بتكون فكرت في العرس
هسي تكون على قولة الجندرية
قامت بيك العزوبية
و الا سقاية الليمون وقفوها؟؟؟
|
Post: #11
Title: Re: تتناوشني (الدبرسه) .. أعمل شنو
Author: شرير والبرتقاله
Date: 02-25-2003, 07:05 AM
Parent: #10
صباحاتكم
بنكهة القرنفل
انت مع بوش
ولا
قريب من بلاد صدام
؟؟
ولا اقول ليك
تعال اجتماع بورداب جدة
في المطار القديم
قالوا الدكتوره
ح تفتح شباك الطياره
وترشنا بشوية شماراااات
تعال احضر الرشة معانا
ولومني لو جاتك الدبرسة
تااااني
..
بس العرس !!!! احسن تكون مع جيش صدام
منو..يعني بالبلدي كدا
ارسم شخيط واقيف بعيد
وقول بري من جكتو
|
Post: #12
Title: Re: تتناوشني (الدبرسه) .. أعمل شنو
Author: yasiko
Date: 02-25-2003, 07:28 AM
Parent: #11
Dear Manoat
An English saying says: An apple a day keeps the doctor away.
ِAnd Chinese saying says:
An onion a day keeps doctor, all people and (depression) away.
اذن عليكم بالعرس او البصل فاحدهما لكم وجاء
|
Post: #13
Title: Re: تتناوشني (الدبرسه) .. أعمل شنو
Author: منوت
Date: 02-25-2003, 05:12 PM
Parent: #1
أبو عصايه .. قرجه الحبيب .. الحاله مرات مرات ، لكنها المره دي بقت طوالي .. ما تديها (لكزه) من عكازك ده .. إمكن تتفك
جندريه يا حبيبه يا تراثيه
العرس حل معقول .. لكن كيف يكون و الليمون مازال في مرحلة الإزهار ؟
زمراوي يا ايها الولد الراقص على نجيمات الليمون .. أصبت ، و ربما الغربة و فقدان العلاقات الاجتماعية الحقيقية الحميمه هي معضم اسباب الدبرسه .. تسلم فقد أصبت مقتلا
عمو مودك ، الحبوب دي ألقاها وين ؟ بس دلني و خليني أجربا إمكن تنفع
فارس الغناء الليموني الحلو، حمزه ، الدبرسة اللعينة تسللت برغم حصارنا لها بكل القيود الإبداعيه .. نعمل شنو و البرد يسكن المفاصل و الدواخل
خواض .. صدقت يا حبيب ، كلنا في الدبرسة منوت ، و الليمون له ميقاته و فعله المؤثر
نهى البهية .. حمد الله على سلامة العوده من ديار الليمون .. ظل العزوبية مازال قائما إلى أن يورق الليمون المدمر لجينات الدبرسة و أخواتها
يا آكل البرتكان، أيها الشرير
ما تديني (عضه) في البرتكان ده عشان أكون شرير و أقتل الدبرسات
أنا مع جيش الليمون ، و جده بعيده زي ما بوش كمان أبعد ومنوت أكثر بعدا
ياسيكو يا أبا جمانه .. التفاح جربناهو .. و البصل ما بنريده إلا بالليمون مع المراره أيام الأضاحي .. و الدكاتره حا نسرحهم بس بعد إيراق الليمون المنوتي .. يعني ليمونه كل يوم أو ساعه أو دقيقه أو ثانيه أو لحظه ، تكفي وجاءً لكل دبرسات العالم المنوتي الحالي
يسلم الجميع ، و يبدو أن كلامكم بدأ يحاصر دبرستي .. أحتاج المزيد
منوت السعيد و الكثير بأصدقائه
|
Post: #14
Title: Re: تتناوشني (الدبرسه) .. أعمل شنو
Author: wadazza
Date: 02-25-2003, 05:23 PM
Parent: #13
ذو الايراق
بقدرما تملكتنى الدبرسة فقد تملكتها...ليت هذه الدبرسة حبيبة ليمونية اذا لما فارقتنى لحظة لووول...
اتخيل انا حاسى بنفسى ماعندى جديد ...وماقادر حتى أكتب زى ما شايف وبقيت ما زى زمان...أنا خالى الوفاض والليمون
لكن البسألو كلو بقول مدبرس...يكون ده من شنو؟
وحتى لو لاحظت حتلقى الدبرسة دى عاكسة ظلالا فى البورد الجميل..
ياليتنى أعرف مكان اقامة هذه الدبرسة أو أملك عنوانا لمراسلتها كنت سأقول لها
ابتعدى عن هؤلاء الجميلين فى هذا البورد
وكنت حأزيد:
أخرجى يا دبرسة يا ما ليمونية
يا كافرة يا نصرانية
اخرجى من مزاجنا ...من بوستاتنا.....من أقلامنا
يكون من شنو؟؟؟
تحياتى
ودعزة
|
Post: #15
Title: Re: تتناوشني (الدبرسه) .. أعمل شنو
Author: منوت
Date: 02-25-2003, 06:19 PM
Parent: #1
يا بن أمنا ، للإجابة عن سؤالك المحوري : الدبرسه دي من شنو ؟ دعني أحيلك إلى (جدتي) بت الحاج .. فلها كلام ليموني يفك حبالنا عنها ويربطنا بها
فقد كانت (بت الحاج) ليمونية بطبعها
تقول دائما : يا خطّار .. يا خطّار
ده عمي أخو أبوي .. ببحتنا بحت الفار في النقار
عشان قندول أكلو الزرزور
أبوي (صقير) ما شفتو ؟
و يا قمرا .. أقلبي السنسنه الحمرا
شوفي مين راجع
و ربما الوطن هو الهاجس ، و المعادل الموضوعي لدبرسات الشتات
و لكن أهل الريف يهجرونه إلى المدن الريفيه
و أهل المدن الريفية .. يغادرونها إلى الخرطوم
و أهل الخرطوم يهاجرون إلى القاهرة
و أهل القاهرة في إنتظار قطار (التوطين) إلى واشنطون و سدني
فإلى أين يهاجر أهل سدني و واشنطون ؟
|
Post: #16
Title: Re: تتناوشني (الدبرسه) .. أعمل شنو
Author: zumrawi
Date: 02-25-2003, 07:47 PM
Parent: #1
ياسيكو منوت من مدرسة الليمون مااظن يجرب ليك البصل
منوت صدقت ناس واشنطون يمشوا وين ياخى ده مقلب كبير الاخدنا في البلد الاسما امريكا وطلعت مابتفع الا لى لقيط القروش لكن اى زول جارى فى حالو وزيف وخداع وانانية
حتى فى شكل العلاقات الاجتماعية تلقى لوصادقت ولد ولابت يكون حاجزك حجز...
للذين يتنعمون بوهطة الخليج هنا المئات فى بلاد العم سام يذوقون مرارات الغربة وملل اللحظات التى لايحلها شئ
بل تزيد الاخبار القادمة من السودان ...الطين بلة ....
منوت لو انت فى واشنطون او فى امريكا عموما ادينى تلفونك عشان اتصل بيك ياليمونىانت (الاخيرة ده عشان الحجز )
|
Post: #17
Title: Re: تتناوشني (الدبرسه) .. أعمل شنو
Author: dreams
Date: 02-25-2003, 10:02 PM
Parent: #16
وجبة دسمة
تتكون من 2 كيلو موسيقى
+
شوية شوربة شعر
+
سلطة بوستات بوردية
وما تنسى التحلية بى فيروز
وتحبس بى شاى ست العينين عطر الصندل
اهم شئ المقادير عشان الطبخة ما تتلبك
كلمنى كان نفعت عشان اعملها
تسلم
|
Post: #18
Title: Re: تتناوشني (الدبرسه) .. أعمل شنو
Author: ديامي
Date: 02-26-2003, 03:07 PM
Parent: #17
استمع إلى هذا المقطع ، ستفك الدبرسة إن شاء الله ، لو ما نفع شوف حل الجندرية
|
Post: #19
Title: Re: تتناوشني (الدبرسه) .. أعمل شنو
Author: ديامي
Date: 02-26-2003, 11:48 PM
Parent: #18
الأخ منوت
تحياتي
استمع إلى هذا الابداع ، فقد رأيت أبيات هذه الأغنية وقد زين بها الأخ حسن دوكه مقالا له في موقع سودان نايل
بالمناسبة : هل تعرف الأخ دوكه ؟؟؟؟؟
|
Post: #20
Title: Re: تتناوشني (الدبرسه) .. أعمل شنو
Author: ديامي
Date: 03-03-2003, 05:19 AM
Parent: #19
فوق
|
Post: #21
Title: Re: تتناوشني (الدبرسه) .. أعمل شنو
Author: Elmosley
Date: 03-03-2003, 01:41 PM
Parent: #20
يالفكيت دبرستنا اريت دبرستك تنفك
|
Post: #22
Title: Re: تتناوشني (الدبرسه) .. أعمل شنو
Author: منوت
Date: 03-08-2003, 06:12 PM
Parent: #1
زمراوي
ديامي
دريمز
موصلي
عاطر التحايا الليمونيه من منوت (المشعلق) بين أغصان الآني و الذي يأتي
بكم ، تفككت حبال (الدبرسه) و ما زال الليمون عصي الإيراق
أحبكم كما الحلم
منوت
|
Post: #23
Title: Re: تتناوشني (الدبرسه) .. أعمل شنو
Author: solara
Date: 03-08-2003, 07:04 PM
Parent: #1
..
.
استهدى بالله و صلي على النبي...و ما تشغل بالك بالدربسه لانها حتزيد
والله كريم
تحياتي
Solara....
|
|