Post: #1
Title: اخوانا صحي أحمد بدير دقسوه في السودان
Author: Yassir7anna
Date: 02-22-2003, 11:19 AM
Parent: #0
والله انا سمعت الخبر ده أمس في قعدت ونسة سودانية وما متأكد من مدى صحتو
فبالله لو في اي واحد عندو فكرة عن الموضوع اذا كان صحيح ام خطا بالله اليورينا، لأنها لو بقت صح دي تبقى كارثة
|
Post: #2
Title: Re: اخوانا صحي أحمد بدير دقسوه في السودان
Author: Eima
Date: 02-22-2003, 12:32 PM
Parent: #1
ياسر
تحياتى
الكلام للاسف حقيقة والصحف السودانية كلها نشرت الحكاية وبالصور وحتى الاجهزة الرسمية وقعت فى فخ احتيال "المنظم" لعرض المسرحية لانو اخذ من وزير الثقافة خطاب يفيد تبنى الوزارة لعرض المسرحية فى اطار الخرطوم عاصمة الثقافة2005 المهم ياصديقى طلعت الشركة المزعومة وهمية وليس لديها عنوان ولا مقر فقط اوصاف لشخص وقور مهذب وملتحى حسب ما جاء فى الصحف اكتشف احتيالحه فى اليوم الثالث لعرض المسرحية بعد ما رجع شيك قاعة الصداقة , وبعد داك كانت الولولة ,واحمد بدير والمنتصر بالله و33 من اعضاء الفرقة واجهوا الاحتجاز فى فندق قصر الصداقة بسبب مستحقات الفندق وامكن يكونوا عيدوا فى الخرطوم فكرتنى اتابع باقى القصة اصلو خليناها ومشينا
عيدنا فى الاقاليم
انشاء الله الجماعة يكون عندهم باقى الاخبار
إيمـا
|
Post: #3
Title: Re: اخوانا صحي أحمد بدير دقسوه في السودان
Author: Yassir7anna
Date: 02-22-2003, 03:08 PM
Parent: #1
إيما
الف شكر ليك علىالتوضيح
والله فعلا حاجة محزنة جدا انو انسان يستطيع ان ينصب على دولة وعلى ضيوف على البلد في وضح النهار وبهذه الصورة
مهزلة والله وده كل ح يصب في سمعةالسودانين التي بدأت تتحول الى الاسوء بسرعة مريعة جدا
فجد شي محزن حقا
لك تحياتي
|
|