Post: #1
Title: الارهــــــــاب...........ورا.........الــــــدولاب
Author: سجيمان
Date: 02-22-2003, 05:03 AM
زمان وانا طفل في المدرسة الابتدائية...... كان في واحد حاقر بي حقارة شديدة خلاص...يقاسم معاي سندوتش الفطور...ويقعد في قعر النيمة في المدرسة ويرسلني اجيب لو موية من مزيرة المدرسة.... مرة عشان يغسل ايدو ومرة عشان يشرب....ومن المدرسة للبيت انا اشيل ليهو شنظة الكتب حقتو...لحدي خشم بابهم......والصباح لازم اغشاهو وانتظرو لحدي ما يلبس.. ونمشي المدرسة سوى......اكتشفت صدفة انو اخونا دا اكبر خواف في الدنيا....وبخاف من الكدايس..جنو وجن الكدايس...ماشين... بعند الحيطة نص النهار وكالعادة انا شايل الشنط وهو ينطط ويتمختر قدامي..مرة يجري ومرة يقدل... فجأة جات كديسة ناطة من الحيطة وما تنط الا فوق زولي دا..... وزولي يصرخ باعلى صوت عندو .....ويقوم جاري.. جري شديد ...وهو يعاين وراهو ويصرخ..كديسة كديسة.....وصل بيتهم...ووصلت انا وراهو شايل شنطتو..دخلت... بيتهم لقيت زولي مدسي ورا ضهر امو ...امو تعاين لي وتضحك وتقول لي انت ما عارف الزول دا بيخاف من الكدايس؟..............يخاف من الكدايس وعامل لي فيها... داموك..... طيب
واروح اكوس لكديسة عشان اربيها..واجيبها..... ويجيني هو في البيت...واجي انا علي غفلة شايل الكديسة..واجدعها فوقو..... ويصرخ ويجري....وتاني يوم..... ونحن راجعين من المدرسة...هو شايل الشنط...وانا اتمختر واقدل قدامو ....وكل ما يحاول يتمرد عليّ اذكرو...بالكديسة اللابدة ورا دولابنا الكبير.......وكيف انها كبرت......وبقت قدر الضربة......وهو الغبيان ما عارف انو انا بخاف من الجندب..........
تفتكرو في علاقة بين الكديسة بتاعتي وبين.. بن لادن..؟
|
Post: #2
Title: Re: الارهــــــــاب...........ورا.........الــــــدولاب
Author: SAMIR IBRAHIM
Date: 02-22-2003, 05:46 AM
Parent: #1
لقد سالت نفسي هذا السؤال مرات عديده اخي سجيمان لا اود ان اكتب باللغه الانجليزيه ولكن اعذرني عربيتي ركيكه شويه ....لقد سالت نفسي هذا السوال مليون مره ...لماذا الفعله السوداء التي فعلها بن لادن ؟؟؟؟؟ لقد خدم مصالح الغرب ودمر الدول العربيه اقتصاديا وسياسيا؟؟؟؟؟ عموما لا اود ان اخوض كثيرا في هذا الموضوع لكن الله غالب
الشحات
|
Post: #3
Title: Re: الارهــــــــاب...........ورا.........الــــــدولاب
Author: garjah
Date: 02-22-2003, 07:25 AM
Parent: #2
حلووووووووقك
ابو الزنان
قطع روووقك
ــــــــــــــــــــــــــــ
واحد يجي يلعب معاك في بيتكم
وانت تكون ما عايزو يلعب
تقول ليهو اطلع من بيتنا
ببساطة شديدة يقول ليك
موش بيت الله ما طالع ولا اي حاجة
ابوك كان بيلقاهو وين لو ما الله اداهو ليهو
تقوم
تلعبو وتجيب ليهو ليمون كمان
ـــــــــــــــــــــــــــــــــــــ
تحكي نكتة بالنهـــــــار
ينطو ليك في حلقك
حبوبتك بتموت
ما تحكي نكت بالنهار
لو بالطريقة دي يا سجومي
تكون انت قرضت القبيلة كلها
هههههههههههههه
|
Post: #4
Title: Re: الارهــــــــاب...........ورا.........الــــــدولاب
Author: سجيمان
Date: 02-22-2003, 09:32 AM
Parent: #1
الشحات........ نعم اوافقك الرأي.....ولسة التمن ما اندفع
قرجة.......... مالو كلامك بقى منيل بنيلة زيّي كدا..... الله يستر عليك غايتو... انا الفيني اتعرفت
|
Post: #5
Title: Re: الارهــــــــاب...........ورا.........الــــــدولاب
Author: koky
Date: 02-22-2003, 12:45 PM
Parent: #4
سجيمان؟؟
والله اظنها حكاية الكديسة دى مأثرة فيك لحدى هسى
ودا واضح من بوستاتك
بتاع الضرس
والمتصوفة
ومرة تقول الناس مفلهمة
وغايتو
ود عزة جاااااااااااااك
|
Post: #6
Title: Re: الارهــــــــاب...........ورا.........الــــــدولاب
Author: SAMIR IBRAHIM
Date: 02-22-2003, 02:22 PM
Parent: #1
انا غايتو ما بقرف البوستات القديمه بتاعتك لكن اعتقد اسامه بن لادن مدسوس
|
Post: #7
Title: Re: الارهــــــــاب...........ورا.........الــــــدولاب
Author: سجيمان
Date: 02-22-2003, 04:56 PM
Parent: #1
كوكي......... زمان كديسة لكن حسي شوف انظر يمين الشاشة
سمير....... كمان انا بعتقد انو بن لادن مدسي ما مدسوس
|
|