Post: #1
Title: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: منوت
Date: 02-20-2003, 11:06 PM
Parent: #0
و أنا أفتش عن كلام يريح البال .. رأيتها .. نعم في (المتواجدون) ، إنها المبدعه سلمى الشيخ سلامه
مليون مراحب يا (أمو) .. و أهلا و سهلا فقد افتقدناك كثيرا
منوت
|
Post: #2
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: Elkhawad
Date: 02-20-2003, 11:14 PM
Parent: #1
مرحب بيك
استاذه سلمي
اتاخرتي علينا كتير
|
Post: #3
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: noha_g
Date: 02-20-2003, 11:19 PM
Parent: #1
مرحبا استاذة سلمى حبابك عشرة
|
Post: #4
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: Elmosley
Date: 02-20-2003, 11:29 PM
Parent: #1
سلمي بت الاذاعه ومن احسن الكتاب في الصحافه السودانيه
لا زلت اذكر لهفتي لقراءة صفحتها الاسبوعيه بالاتحادي ولكن ما اجمل برنامجها الاذاعي مساء الخير ياوطني
بالله صلحني يامنوت لو غلطت
عموما هي خريجة المعهد العالي للموسيقي قسم نقد
وبعد ده كلو جارتنا وصديقتنا في مدينة ايوا
مرحب بيك يا ام عزه
|
Post: #5
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: امبدويات
Date: 02-20-2003, 11:39 PM
Parent: #4
شتات شتات شتات اهلا ومرحب بالاستاذة
|
Post: #6
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: طارق اسماعيل
Date: 02-21-2003, 00:07 AM
Parent: #5
مرحب بيك يام عازة وبت عازة
بيتنا نور
ام ضفاير قودى الرسن وأهتفى فليحياالوطن
د.طارق
|
Post: #7
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: هدهد
Date: 02-21-2003, 00:25 AM
Parent: #4
الغالية دوما سلمى الشيخ سلامة
التحيات النواضر
زمن ، طولة، وشايف السنين عملاقة
دوما في الذاكرة وصلني سوالك عني
من ابعد حته في العالم
شكرا ليك ومرحب ، الف اهلا وسهلا
امين
|
Post: #8
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: Tumadir
Date: 02-21-2003, 01:47 AM
Parent: #7
دايرين كتابة ابداعية نسائية؟؟؟
امسكوا فى سلمى الشيخ
دايرين نكتة مسشموعة او مرئية؟؟؟؟
امسكوا فى سلمى الشيخ
دايرين جمعية تعاونية
امسكوا فى بابكر الشيخ
وبابكر الشيخ دة منو ؟؟؟ آبعرفو
المهم
اهلا يا
سلمى الشيخ سلامة، يا بلال عليا
وانا قاعدة قداما، يا بلال على
وما سمعتى كلامى من الاول
لكن ما مهم سمعتى كلام منو، المهم انك جيتى
|
Post: #9
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: ديامي
Date: 02-21-2003, 02:30 AM
أهلا بي سلمة الشيخ سلامة
هرم اعلامي كبير
واقسم بالله يا تماضر إنك فاكهة هذا البورد
|
Post: #10
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: Tumadir
Date: 02-21-2003, 11:08 AM
Parent: #9
ديامى حلفت؟؟؟
وكت حلفت خلاص ، حلفك بنعزو
المهم تكون فاكهة لذيذة مشمشة كدة ولا خوخة
ما تكون دومة ولا نبقة
انا جبت دوم من السودان اولادى قربوا يتفالقوا بيه
مرة عندى حلة بامية دايرة افركها، تكلت الحلة بالدومة
ومرة النتيجة وقعت من المسمار
دقيت المسار بالدومة
المهم ما اكون فاكهة مكنكشة زى الدومة الجبتها من السودان
فى المطار الضابط سالنى قلت ليه فاكهة سودانيية "مجففه" نادى البت بتاعة المصنفات الغذائية ، مسكت الدومة
ودقتها فى التربيزة تلاتة مرات
كع كع كع
بعد داك قالت
اتس اوكى
لا ياكافى البلا جابو ليها مايكرسكوب لا محاليل لا عبروها دومتى بى تكنلوجيتن يقولوا عليها
بس تلاتة ضربات
كع كع كع
اتس اوكى
ولوووووول من فاكهتنا
وزى ما قال المثل العملتو انا حسة دى ، الوطن بتعرف من دومتو
وشكرا يا ديامى لو قاصد فاكهة غير الدوم
|
Post: #11
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: عزيز
Date: 02-21-2003, 11:23 AM
Parent: #10
العزيزه سلمى أم عازه
شوقنا ليك طال
لك التحية والحب والتقدير
زمان الناس هداوة بال ونحن هدانا الترحال
مرحب بيك فى هذه الفسحه والتى هى فى شوق لرش عطرك المفرح وأبتسامتك التى لا تفارقك والنكته التى تأتى من عفو الخاطر وكتاباتك القصصية والتوثيقية وحواراتك الصحفية
كل ذلك نشتاقه بشده وننتظره بقليل من صبر وكثير من حب
الحبيب منوت لك الحب والشكر على هذه الهدية
أمنا فنيا أيتها الفاكهه اللذيذه أم ساريا لك الحب والتحية وانت ترسمين البسمه فى شفاهنا مع كل مداخله وسوف اقسم كما قسم بمحيك البدرى وقسم الاخ ديامى انك فاكهة البورد
ولكم الحب
عبدالعزيز خطاب
|
Post: #12
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: Tumadir
Date: 02-21-2003, 11:37 AM
Parent: #11
عزيز
تسلم يا صديقى
اعمل شنو اذا كان البسمة بقت ما تترسم الا فى الانترنيت
وانت وين بالمناسبة دى؟؟؟
|
Post: #13
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: HAMZA SULIMAN
Date: 02-21-2003, 11:54 AM
Parent: #12
اهلا بيك وسهلا ام عزه
والله زمان
ونحن صغار اتوسدنا ضل الضحوى
وفنجان قهوه كان دوار
|
Post: #14
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: ahmed akasha
Date: 02-21-2003, 12:27 PM
Parent: #1
اهلا يا سلمي
|
Post: #25
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: مارد
Date: 02-22-2003, 07:36 AM
Parent: #14
عشقت البورد ياسلمى لأن البورد ضماكى
مرحباً أم عزة .. صاحبة مواقف ورسالة .. وقلب نقى .. وقلم متمرس
التوقيع ..الولد الشقى .. الماشى هناك
|
Post: #15
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: KOSTA
Date: 02-21-2003, 12:36 PM
Parent: #1
سلمى الشيخ سلامة
اسم يدوزن فى عصب الزمن الهارب
عندما ياتى هذا الاسم ..اتذكر اذاعتنا الحبيبة و موسيقى برامجها التى تداعب فيك البساطة و الاناقة و الالق السخى
يذكرنى الاسم بالمسيات الهادئة التى يناجيك نسامها بطرف الحبيب ذاك الذى لا يأتى
سلمى : نهفو لان تخففين بابداعاتك من غلواء و هجير غربتنا القسرية هذه
منوت
شكرآ يا ذوق يا جالب الفرح من رحم الغيب و التغابى
تماضر
الدوم ما أندك لكن
ذكرتينى بدومتك ثلاثية الموسيقى الاختبارية هذه ذلك الفلاتى الذى ما ان يغيب عن عياله لفترة حتى يدخل على عليهم بالدوم و النبق و اللالوب الطازج ... فأدمن الاطفال ذلك .. و فى احدى المرات جاءهم خالى الوفاض : فتصارخوا حوله ان اين الدوم ؟ اين اللالوب ؟ و اين النبق ؟
انتهرهم والدهم : و الله انتو يا اولادى اتعودتوا على السكريات دى تانى ما بتخلوها
اها جاتك فردتك سلمى ... فليتضاعف الابداع
|
Post: #16
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: حسن الجزولي
Date: 02-21-2003, 01:53 PM
Parent: #15
ذات الرداء الابيض الناصع
قصه قصيره
سلمى الشيخ سلامه
لمريم ملامح الخريف فى النداوه .. وجهها دائم النعومه بشلوخها المرصوصه كخبز خرج للتو من الفرن مكسو بلمعه لاتضاهى.. ورائحة الطلح التى تفوح منها دائما من يديها .. خاصة التى يختلط فيها العطر النسائى والطلح .. وثوبها الابيض الذى كان مدعاة لضرب المثل , حذاؤها الابيض ايضا المغسول دوما والمضروب بالجير ليحافظ على نصاعته .. تترنح فى رشاقة صبيه رغم بلوغها منتصف العمر الرائع يمنة ويسرى .. غادية ورائحة كنحله .. دائما تترك خلفها متسع للعطر الذى ينفذ .. حامله بيدها صندوق (التوليد) الفضى الحاوى المقصات المعقمةوالبنج والعصب والحقن البلاستيكية والحديديه المعقمة ايضا والملفوفه بشاش ابيض , يدها اليسرى تحمل (الكفتيره) البنيه المغسوله جيدا والمعقمه ايضا .. ودائما .
فى المركز الصحى يكون وجودها فى الصباح وبنفس الهيئة لا تتغير .. سوى انها تخلع الثوب الابيض الناصع ليتبدى الفستان (اب كسر) المنشى والمحذق فى خاصرتها النحيله وهى التى ولدت اكثر من مرة .. والطرحة ,البيضاء الناصعة التى تلفها حول رأسها وجيدها الرقيق الناعم .
كل البنات كن يجلنها ويصفنها بأنها حفرة الطلح المتحركه .. قالت لهن حين سألنها عن السبب المباشر لدخانها الابدى .. انها بتقرف من ريحة الدم .
.....................
استقبل الصديقه الظريفه سلمى الشيخ بقصتها الجميله هذه والتى اخترتها لكم من مجموعتها القصصيه قبل الاخيره ( ابن النخيل ) .. فمرحبا يا ام عزه
حسن
|
Post: #17
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: الجندرية
Date: 02-21-2003, 05:45 PM
Parent: #16
ياسلام والله دا خبر بي مليون جنيه
ولا دينار
ولا هو آخر عملة شنو ؟
ايدكم معاي نفتش امال حسين
وباقي البنات القصاصات ديك
|
Post: #34
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: Tumadir
Date: 02-22-2003, 11:48 PM
Parent: #15
كوستا
لوووووول من السكريات الفلاتية
اول مرة اشوفها
شكرا على الضحكة
|
Post: #18
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: Faisal Salih
Date: 02-21-2003, 07:25 PM
Parent: #1
مرحبا سلمى الشيخ سلامة
مرحبا ...صديقة في الزمن الصعب
مرحبا سلمى ...واحدة من الصامدات في وجه الفقر والإملاق وتقاسم سندوتش الفول والطعمية في ليالي ونهارات القاهرة الجميلة في التسعينات
مرحبا سلمى وهي تصارع المستحيل وتسعى بين إذاعة وادي النيل وجريدة الاتحادي لتكتب وتذيع وتخرج لتجدملاليم تقيها من مطاردات صاحب الشقة
لكنها رغم كل هذا تجد وقتا للكتابة الإبداعية ..والمثافغة في البستان ودار الاتحادي ومنازل الأصدقاء...وتجد وقتا للضحك النظيف
وصناعة النكتة
مرحبا بك سلمى وبالزمن الجميل الذي تنثلينه وتحملينه معك أينما حللتي ...وتحياتي لإبراهيم علي ...الولد الذي مازال مصرا على نقائه
فيصل محمد صالح
|
Post: #19
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: Soumeta
Date: 02-21-2003, 09:45 PM
Parent: #1
مساكم الله بالخير...ومساء المعرفةِ و الفن و مساء الخير يا وطني
في نواحي الليل نشدتك اقصي حته من السكون..
في الماسافات البتعصي علي العيون تايه ندهتك...يا المرسله بلتواريخ الفتيه
طلي بينات المسافه و بوحي بالسر المصون
و بعد داك يدخلو سمندل بمقطوعة لي في المسالمه غزال...يا ورده من الشوك
نورتي يا أُمو...لكي كل الحب
سوميتا
|
Post: #20
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: تراث
Date: 02-21-2003, 09:56 PM
Parent: #19
تحايا خاصة وحميمة لى سلمى الشيخ سلامة
تحايا محتشدة بذكريات الأيام الجميلة ، واخرها ذكريات ذلك المكان الجميل المنجل الرائع خلف قاعة الصداقة ، حيث قبع أهم مكان في عاصمتنا الجميلة ، اعني اتحاد الكتاب السودانين ، نتمنى ان نعود الى هناك جميعاً ظافرين ومنتصرين وان يعود الوطن كما نتمناه .
عثمان تراث
|
Post: #21
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: moniem2002
Date: 02-21-2003, 10:09 PM
Parent: #20
الف مرحب بالاستاذة
سلمى بنت الشيخ سلامة
لا زلنا نحمل معنا ذكريات القاهرة
بكل تفاصيلها الرائعة
كانما نحن الان بحضرة المجموعة الرهيبة
بزهرة البستان
هل لنا حتى لو جلسة واحدة مرة اخرى
بهذا المقهى الثقافى
وبحضرة العزيز مارد
اتمنى ذلك
|
Post: #22
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: بكرى ابوبكر
Date: 02-21-2003, 10:53 PM
Parent: #21
|
Post: #23
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: Yahya Fadlalla
Date: 02-21-2003, 11:14 PM
Parent: #22
اقول الكلمة ما تاهت
خلاص في الضلمه
و اناجي الليل
ده ما ليلا طويل
يا سلمي
وين انتي غاطسه اظهري فانت كائن لا تحتمل غطسته
|
Post: #24
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: waleed500
Date: 02-21-2003, 11:15 PM
Parent: #22
سلمى الشيخ سلامه زمن والله
من اواخر 94 فى القاهره لا حس لا خبر
اين انتى ووواين ايامك وفى اى بلد حاليا
كمان برحب بيك بشده واقول الف اهلا وسهلا بيك
|
Post: #26
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: Dafi
Date: 02-22-2003, 08:52 AM
Parent: #1
آآآآ في البدايه الواحد..بيشكر الاذاعه السودانيه,..علي اتاحتها لنا هذه الفرصه..ووووووو..وبحب ارحب بالاخت..سلمي..في منتدانا العامر
انتو الزوله دي وينها!!!!؟؟؟
والاغنيه دي..زارعنها وين في البوست ده!!!؟؟؟
يا جماعه انا عايز احفظها ..في الهارد ديسك الليلي...الزول الشفت الزرعها ده..يتصرف لينا شويه
وااااااا في الختام..لا يسعني الا ان اتقدم بجزيل الشكر..لكن من ساهم في اخراج هذه الحلقه..ونشكركم اعزائي المستمعين علي حسن المتابعه..والي لقاء
|
Post: #29
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: Dafi
Date: 02-22-2003, 09:51 AM
Parent: #27
شكرا لك يا فريــــــــق الانقاذ
كده انا بقيت بحب بوردينك.ده شديـــــــــد
|
Post: #28
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: Ahmed satoor
Date: 02-22-2003, 09:19 AM
Parent: #1
مرحبا سلومة أم عزا
شوق شديد ، ديرين كتاباتك الحلوة ويلا إبتدينا.
معاكى ساتووور -كما كان يحلو لكى ان تنادينى
|
Post: #30
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: zumrawi
Date: 02-22-2003, 05:55 PM
Parent: #1
مرحب بالقاصة الرائعة صاحبة القلم الحاذق وسليلة اسرة الشيخ سلامة المبدعة والفنية....
|
Post: #31
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: فتحي البحيري
Date: 02-22-2003, 08:22 PM
Parent: #30
الاستاذة سلمى
تحية واحتراما
وعل ذكر الأسرة يا صديقي ياسر
أنا المغيرةالشيخ دفعتي
واحمدالشيخ(حموديكا)صديق عزيز
وغبائي االشديد
لفترات طويلة اعرف الثلاثة
ولم أدر
أن الاسم يعني الأخوة الشقيقية
والله يدي العافية
لاكين
هي سلمى وينا؟؟؟
|
Post: #32
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: النسر
Date: 02-22-2003, 10:54 PM
Parent: #31
الف مرحب بيك وبيتنا نور
|
Post: #33
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: anwar abu gaidaa
Date: 02-22-2003, 11:28 PM
Parent: #32
سلمى الشيخ وراما هوى؟؟
والله بعد ده يا بكرى انقلاب ثقافى عدييييييييييييييييييييييييييييييييييييييييييل؟؟
حبابك
النا س ما خلت لينا زاتو كلام نقولو
علا انا ضابح ليك طب؟
ابقى لا داخل
هوى يا البنيات زغردن
جاتكن سلمى
انور عبد الرحمن
|
Post: #35
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: altahir_2
Date: 02-23-2003, 00:54 AM
Parent: #1
يا اخوانا بعد غيبة اراها طويلة بعض الشئ ارجع والقي كل الإبداع في هذا البورد يكتمل بإنضمام سلمى الشيخ سلامة اليه .انا لم يسعفني الحظ بالتعرف عليها شخصيا, ولكني ربما كنت اكثر الذين عرفوها من خلال إبداعها. واراني عاجز عن التعبير يا استاذه سلمي كل التحية لك , والف مرحب بيك في دار كانت تفتقدك حقيقي. والأن البورد اصبح يضم الام وبنتها او العكس
|
Post: #36
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: salma salama
Date: 02-23-2003, 04:12 AM
Parent: #1
ألأحباء
آُحييكم وأمسح علي روحي أتحسس إن كانت ماتزال هنا، أجدها ملتصقة إليّ تبحث عن أرواح أُخري لكم أفتقدها، أصدقاء تاهو ما وجدتهم، أحباء كانو يملؤن وهاد القلب، أشتهي الآن جلسة ريد تضمني و إياهم جميعاً..أضحك نعم أضحك فالضحكة صارت أقصي طموحات الكائن في نهار متعب أو ليل متقلب الأمزجه الطقسيه..أو بإختصاركل شئ لكل شئٍ صار طعم مختلف حتي طعم الضحكة حين تمر بلهاتك تحس حموضة خفيه تتبعها..حموضه فتح الرحمن..
أهفو للقاء الأصدقاء بأجمعهم فكرت في جمعية..تعاونيه للكاتبين و الكاتبات.الكاتبين هذه تذكرني بوحده معانا في أيوا بتخاف من الكلاب فمشت لي بيت ناس أصحابم عندهم كلب قام الكلب نجر نجر فيها لمن دخلت تسلم علي الناس أول حاجه قالتا إزيكم كلبين ؟
أجدني بعد كل هذه السنوات من الغياب البعاد الوحشه أحس أني ما زلت مزروعة إلي ذلك الفلك المسمي الوطن..كل ما تباعد بينا عوارض ألقا هواك يا السمحه مكني...يتمكن مني ذاك الحب كلما مررت علي شريط الذكريات في ذاكرتي كلما إنزرعت في باص أو عربيه أجدني أري ذاك الوطن المتسع الذي زرعته من أقصاه إلي أدناه..مشيت في ترابه..لمست معني أن تقعد مع ستات الشاي أو تصادق الشماشه و تكون أحياناً منهم و أن تعود بعد ذلك لتناطق في الندوات..أحب ذلك الولد/الوطن بكل تفاصيله. أشكركم أيها المنزوعون مثلي عن سياق الوطن لكننا نلتقي كلما كانت اللقيا متاحه علي سلك التلفون أو علي أجنحة الفجر ترفرف فوق أعلامك. أو علي صفحات الأنتر/منوت أونت أيهما الأسهل..شكراً مرةً أخري علي هذه الروح الرائعه.
لكنني سعيدة أني بينكم أعجبتني يا صديقي حسن القصه كأني أقرأ قصة لأحدٍ ما..أتذكي خالتي فاطنه الرضي وهي قابله تعيش في الأبيض..قابله للتوليد طبعاً مش لأي حاجه تانيه.. مازلت ياني زاتي أحب السربعه و النكته.. كلما جاءت كلمة السربعه طار إلي ذهني عميري أفتقده الآن كما يفتقد الأطفال إبان فقر قاسٍ طعم اللبن يضاف إليه في ذاك الفقد مصطفي سيد أحمد غني لعميري مكتوبه في الممشي العريض و الآن أحمد ربشه الذي غني لعميري يا مقطعاً حلواً بكل قصائدي.. لعمري فإنه رغم قصر المساحه الزمنيه التي أمضاها في السودان لكنه إستطاع دون عنيف جهدٍ أن يضيف إلي فصيل الغناء السوداني الكثير من تطريب و أسألو يوسف الموصلي و حمزه سليمان و أنور عبد الرحمن و سيف الجامعه السربوع الأعظم..أندلق الآن كأني جان.. جان و الكريسماس..أتوهج الآن بكم أيها الأصدقاء مساكم ألله بالخير أينما كنتم.. شكراً لهذه التكنلوجيا التي إستطاعت أن تقرب البعيد فالنقترب بقدر ما نستطيع بإتجاه الحياة و العطاء للآخرين
سلمي سلامه
|
Post: #37
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: soma
Date: 02-23-2003, 04:34 AM
Parent: #1
يا نوارة الشدرة الطارحة البكره ..
يا مرسومة بقندول عيش ورزازة مطرة
يا بت بلــــــدى
حبااااابك وحباااب اليوم السعيد الليلة جابك .
ليك وحشة .وكل سنة وانتى طيبة .. ومن اخر مره التقيناك فى البالتولك ما شفنك تانى ..حمد الله على السلامه ..
والتحايا موصولة للحبيبة سوميتا
|
Post: #38
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: zumrawi
Date: 02-23-2003, 06:27 AM
Parent: #1
سلمى الشيخ
تحية ومرحب للاطلالة الرائعة اما السربعه فقد تهنا فى متاهاتها سنين عددا وها نحن في الاغتراب والابتعاد لوووول
نشتاق لزول نونسو ويونسنا خليك من السربعة عليعو سربعة ونص وخمسة دقائق
علمت بمجيئك الى امريكا من القاهرة ولم تتح لى الفرصة
فى التعارف ربما فى المناسبات القادمة....
فتحى البحيري
ياصديقي الاحد
اعوزك الان في هذا الليل البهيم الكمبيوتر صامت لايبادلنى الحديث والبيت خلا حتى من العصافير البتكشف
سر صباحات الغنا..
احمد سلامة اذكره منذ منتدى الريح واذكر مثابرته الادبية وايضا المثابرة الاكاديمية...
|
Post: #39
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: منوت
Date: 02-23-2003, 03:54 PM
Parent: #1
أمو جات .. أمو جات .. أمو جات
أها يا بنات
أمو جات .. أمو جات
ست الستات
أمو جات
و يا أولاد
أمو جات
تعالو نغني
أمو جات . أمو جات
منوت السعيد باقتناص أمو (سلمى) فهل هناك أثمن من اصطياد ليمون الكلمات ؟
أمو جات
|
Post: #40
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: الجندرية
Date: 02-23-2003, 07:13 PM
Parent: #39
وأنا
وأنا وأنا يا منوت
منتشية عديل كدي
|
Post: #41
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: Walid Safwat
Date: 02-23-2003, 07:50 PM
Parent: #1
We keep adding and piling up the talents...
We trip on the road to recovery
We cry as we get stuck in bends
How can it be so near yet so far for discovery..
|
Post: #42
Title: Re: تعالوا نرحب بالقاصة و المخرجة الإذاعية و المسرحيه سلمى الشيخ سلامه
Author: يحي ابن عوف
Date: 02-24-2003, 05:32 AM
Parent: #41
الف مرحب بالاستاذة
سلمى بنت الشيخ سلامةاضافة ثرة
طبعآ أنا مشغول مع الشيشة والضمنة فى جى جى قولت لسامى أرحب ببنت
الشيخ وأجى أكمل عشرة الضمنة
|
|