من كم دور ومن كم يوم انا العيني جفاها النوم شحنه قلبي بالكولوم أقاوم في السهر بالاوم وشدة ريدي بلامبير فرق جهدك .. علي كتير بعد لمسات حنان الريد بقت شحناتي .. بالتأثير ادور في بعدك البؤري وزي ماجارت ..الايام علــــــــــــي جوري اشعه طيفك الحالم تكسر جوه منشـــــــــــــــوري عدسات عيونك اللامه يشع نورن ياسمحه بنات الحي تذيد من جازبيتك لــي تذيد في انعكاسه علي يالصلاح رجال الفيزياء شـــدو الحيل خوتكم تكون نافعه وقوتكم تكون دافعه ودعواتكم تجينا عديل .... يا امـبير ويا ناس جــول انا الولهان انا المكتول وفاقت طاقتي الفين جول حرارتي الكامنه بالتصعيد ومـــــــأبيه تذول انشتياين يجر في سبحتو بالفتون وياجاليلو بي منظارك الموزون ... دعيتكم جمله يالصلاح تلمو شملنا في ثانيه واشوف .. السمحه متفايه شايل الكاميرا في يدي عشان مالتقط صوره اشعه وجنتك تسقط علي حدقاتي مكسوره وشامه خدك الوردي يشع نورة اقيفي موازيه لي قلبي ورجاي ماتقيفي في البؤره عشان صورتك تكون واقع وماتكون لي خياليه علي محور رموش عيني وقفته تكون عموديه ومن مركز تكور حبنا الازلي اشوف صورتك حقيقيه واقطاب ريدنا تتجازب بوحدات مغنطسية واسال ربي يالسمحه مع الحركه الجزيئيه نعيش في فرحه ننسي الناس ننسي الدنيا ننسي الكون تكون كلماتنا بالفوتون واشعاعاتنا بالنيون وعزم القوه لينا عيون والوان طيفنا الفيم لون اختف الكتروناتك واهديك انا برتون نعيش في زره متعادله ننســـــــــــي الدنيا ننســـــــي الناس ننسـي الكون
الحبيب الخواض اول حاجة بتمني إنو ربنا إحقق ليك دعوة الدكتورة زولة وتنتبه لوصية الدكتورة نها...والله الدكاترة ديل سرهم باتع بعدين واضح إنه الناحية الموسيقية للكلمات كانت تمام بدلالة شهادة الموصلي اها بعد داك نجي للهندسة ؛ فعلي حد علمي إذا واجهتنا مشاكل مستعصية في اي ناحية نظرية علمية فعادة ما نلجأ للخبرة الواقعية كما قال المهندس انور الملك يعني بالعربي كدا القصيدة الأكاديمية العلمية الروعة دى لو ما جابت نتيجة صحيحة و مرضية وفعالة إذن أنصحك بالتمعن فى الخبرة الكامنة فى الملف الصوتي المرفق و دايمآ إتزكر إنو لحظة إندماج و إنصهار العلم مع الخبرة تكون تلك بداية النجاح او ما يعرف عند الإقتصادين بنقطة الإنطلاق Take Off Point إلي رحاب التنمية وهذا ينطبق علي كل المدارات حتي العاطفي منها
