Post: #1
Title: قـــــولــــو مبـــــروك........... لي ودالمبـــــروك
Author: سجيمان
Date: 02-20-2003, 05:33 AM
Parent: #0
عارفة يا نهى....... اقضي لي سنة واجي راجع والعرس طوالي....ونبني عشة حبنا قشة قشة....ونروي حكاية حبنا رغشة رغشة......ونمشي مشوار حبنا ركشة ركشة ...... اخر كلام قالو ود المبروك..... وهي مسافر ...وصل..... ود المبروك..... فيزتو راعي......وهو خريج فنون ديكور.....قاال بس يصل كفيلو ويسلم عليهو ...ويمشي يكوس شغل قدرو وقدر شهاداتو.... وصل الكفيل...... الكفيل حلف بدينو وايمانو الا ود المبروك يقعد يرعى الغنم... لحدي ما الراعي الهندي يجي من اجازتو........ ستة شهور بس..... قبل ود المبروك يسوي كيفين عاد؟...تعال يا كفيل الجن قبال ما تتم الستة شهور ...موت......ود المبروك جاء لاخوان الكفيل.... الزول دا مات يا جماعة ..... دحين فكوني النشوف رزقي...... نط واحد منهم وقال لو... اصبر يا زول نحن لي حسي ما قسمنا الورثة..... اصبر لمن نعرف انت تقع في نصيب منو...؟..... قسمو الورثة.... ود المبروك من شقاوتو وقع من نصيب العجوز ام الكفيل الميت... العجوز بقت قدر ما يجنها نسوان يسلمنا عليها...تحدسن.. بالورثة...ونصيبها كم الف من القروش.... وعشرة نعيجات بوليداتن.... وعامل...وتكوريك لود المبروك عشان يتفرجن فيهو..... كان نائم ينهزوهو من نومو...... يتفرجن النسيوينات...ويرجع يتم نومتو.. وكان بقت زهجانة تكورك لود المبروك يونسها...... بياكلو شنو في السودان.......وبيعرسو كيفن.... وبيرقصو كيفن.. وبعدين يرقصو كيفن دي لازم يوريها بالحركة يكون كيف.... كان رقيص رجال والله كان رقيص نسوان...... غايتو جانا هنا كان عندو وجع فيقر... يكون من رقيص الرقبة يا ربي؟ وغايتو ود المبروك كان ونسها بقطع الرحط.... قطع شك يكون اتلوم في نفسو..... وكل صغيرة وكبيرة انتي يا دي العجوز دايره تعرفيها..حتى طهارة البنات سالتو منها.. ما بعرفو وصفها كيفن غايتو...........يا اخوانا دي ورطة شنو؟.....
يا خالة والله انا وراي مسعوليات.....ووراي عرس... وبت ناس بهناك خاتة ايدها فوق جضمها وراجياني.... د حين خليني النشوف لي شغل...... قالت لو شغل شنو؟ تسوي بو شنو؟ ماكل..... شارب ...... نايم ...... قايم...راقص.. ومتونس... وهدوم المرحوم كلهن مقاسك......غايتو وسّط لها اولادها...ويا الله انتي يا العجوز.... تفكي وليد الناس.......الاسبوع الفات للملمولو حق التذكرة...ورجع لخطيبتو نهى...... ايد ورا.... و.....ايد قدام.............وحيروي قصة حبهم.... رقصة...... رقصة
|
Post: #2
Title: Re: قـــــولــــو مبـــــروك........... لي ودالمبـــــروك
Author: Elmosley
Date: 02-20-2003, 06:18 AM
Parent: #1
حمد لله علي السلامه ياود المبروك
عقبال المعذبين زيك
|
Post: #3
Title: Re: قـــــولــــو مبـــــروك........... لي ودالمبـــــروك
Author: garjah
Date: 02-20-2003, 07:45 AM
Parent: #2
قمت لي جنك يا سجيمان
اخير حق امبارح
|
Post: #4
Title: Re: قـــــولــــو مبـــــروك........... لي ودالمبـــــروك
Author: ود شاموق
Date: 02-20-2003, 07:48 AM
Parent: #1
سجيمان الله لاغزا فيك بركة
دي عملية تعملها ود المبروك ما سمعك
الشماته كعبة انتا كفيلك دا هسع ما
بيموت قايلو خالد، تمشي زاتك تونس
أم الكفيل، وترقص مرة ومرة تحجي.
يا خوانا دا يكون من شنو ؟
غضب الله على السودانيين ؟ ولا رضاهو على غيرهم ؟
.
|
Post: #5
Title: Re: قـــــولــــو مبـــــروك........... لي ودالمبـــــروك
Author: wadazza
Date: 02-20-2003, 09:08 AM
كده تمام..طالما ما فيها دلدلة كرعين لووول...
تحياتى
ودعزة
|
Post: #6
Title: Re: قـــــولــــو مبـــــروك........... لي ودالمبـــــروك
Author: سجيمان
Date: 02-20-2003, 12:32 PM
Parent: #1
الموصلي ....... بارك الله فيك والله يسلمك..... لكن ود المبروك تاني ما ظنو يقطع البحر
قرجة......... الجن وينو حسي عليك الله؟..... الكليمتين المحشورات ديك
ود شاموق...... ود المبروك عند اهلو حسي وفوق عزو...الكلام الناس البيزوزو بالغربة
ود عازة.........دلديل كرعيكم اخير من رقيص الكفيل غايتو
|
|