رايكم يا حلوين في كلام هذا سجيمان

الحق يا بكوري...... منبرك... دقس واتلحس...اكلتو الارضة..... كلو من ناسك المتفلهمين ديل.... خالفين كرعينهم...وكلو واحد فيهم عامل فيها ابو عرام....ويقولو في جنس نضم لا في السما لا في الواطا........ ويجو بجاي عليك امانة تقول داخلين الوطنية امدرمان وشعب كمان....نسوانهم على رجالهم....يرجعو لاصلهم ولي حلاتهم....... يا ربي العيب فيهم و الله في البنبر بتاعك؟.....هنا ياكلو بايدهم الاتنين... ويشربو بالقرعة....ويرقدو فوق كراب العنقريب.....ويلبسو عراريقهم... ويدوبو ويشربو البقنية....ونسوانهم يزغردن بطول حسهن...ويسون في البنينة.....هوووي بن بن بين يا بينة......
دحين يا بكري يا اخوي قول لناسك ديل اليتعصرو في واطاة الله دي....... ويعرفو انو الناس كلهم ولاد تسعة....يعني عشان واحد بيعرف يلصق لو كلمتين مع بعض عامل فيها شاعر.....والغريبة الباقين يصفقو...والله واحد عندو غنيتين ليهن عشرين سنة.... ما عندو غيرهن شئ..وعامل لينا دلوكة في راسنا.........والله واحد زمان كان شغال في برنامج الاطفال في التلفزيون والله في الرادي...... ايام جنة الاطفال وعمكم مختار...وخلاهو ليهو تلاتين سنة.... يجي حسي برضو يتفقلص....
انت اظنك زولا عديل يا بكري....... دا حين ناسك ديل اهديهم وحدسهم براحة..........كدي.....والله اقولك خليهم يقومو يكجنوك ساكت..ويفرتقو منك

اســم
على
مســـمـى

الاعوج راي والعديل راي اخوي اسامه

عباس بارك الله فيك......... والله كنت ناوي... اجيب النضم دا كلو هنا.....بصرتو


الخاتم......... الخاتم هو الرسول صلى الله عليه وسلم........ والخاتم برضو البيلبسوهو في الاصبع........ والخاتم برضو حاجة تالتة..........اظنك انت مسمنك عليها

سجيمان

انت الخواض؟؟؟

انا قريتك فى سودان.نت
انت قلت شوفوا صورتى
ولما شفت الصورة

كانت صورة الخواض

دى سرقة ادبية؟؟؟ ولا صاح؟؟؟


قول الحقيقة وليك الامان

لا يا تماضر دي ما سرقة ادبية......خانك التعبير...... دي انتحال شخصية

السرقة الادبية هي الخلتني اعمل كدا

وضح يا حلوة؟

لا ما خاننى التعبير انا كنت بعمل كوميديا على الهواء

المهم، فى النهاية، انت خواض ولا ما خواض؟؟؟

انتي حتى الكلام البتكتبيهو بتنسيهو؟انت وجهتي لي تهمة..وتخطيتي السؤال دا.......... على اي حال.......انا سجيمان

اللى اختشوا ماتوا سا سجيمان
و انا طبعا ما فهمتك انت قاصد شنو
عشان مستواك عالى جدا
و سجيمان دى لا تحمل غير معنى واحد
و المعنى واضح من مشاراكاتك يا فتك

ما فهمتني؟....وكاتب ؟وبارز؟ واديب طويل عريض...و مثقف...وما فهمتني؟... الاخ مثقف من فنزويلا؟ امال الاختشو ماتو دي لزومها شنو؟......يمكن يا اخي شكرتك......... حسي....دا بدل تقول شكرا

سجيمان
و ماذا نقراء منك اذا اصبحت سجمان كامل؟؟

غريبة يا فالكون...ما دخلت ايدك في جيبك..... و قلت لي كل اناء بما فيه ينضح؟....
سلفها لاخوك اسامة دا........ يمكن يفلقني بيها... ويكون اتعلم النضم شوية

نعم العديل راى والأعوج راى....
لكن ما كل الأعوج راى ولا كل العديل راى.بمقياس عدم احترام الآخرين والتقليل من شأنهم..وملاحظاتى على الأخ سجيمان أنه متحامل على الكلمة النقية.والهادفة ويسعى الى الاثارة أكثر منه الى فائدة ما...يحاول دائما مخالفة الطرح العام فى شجاعة سايبرية لا أظنها تتوفر على أرض الواقع.ولا أدرى لماذا؟؟؟..كثير الاسقاطات ولا أدرى لماذا؟؟...فهو قد فسر حركات الصوفية بايماءات جنسية..وغدا سيفسر بنفس التفسير ...الجمباز...وحركات لاعبى كرة القدم وكرة السلة والسباحة..وركوب الخيل ...اعتقد أن تجاهله أفضل من الرد عليه أو التعقيب..
وسؤال برىء..هل الاساءة للأخرين هى رأى آخر؟
إذن ما الفرق بين الأدب وقلة الأدب
تحياتى
ودعزة

ود عازة.......... النمر بتاعي دا سيبيري يا ربي؟

C G Man


قريت قصة النمر؟...القال للنمرة...انتى النقط ليك جلدك أسود أسود شنو.؟...لووول
هو ما شاف عوجة نقرطتو..

وكمان قاليها:أكيد كنتى مع الفيل واتراششتو باللبن أقصد بالزيت الراجع...
نتمنى تكون فاعل اكتر وتبعد من الاسقاطات الغطست حجرقبيلة لازواندا...وما تسألنى من القبيلة دى شنو

تحياتى
ودعزة

ود عازة.......... سمح




علا اسقاطات الجن دي ما عرفتها؟

انت عارفا عرفة شديدة كمان..
ومشكلتك انك بتحاول تتخلى عن مواهبك الأصلية وتدعى عدم الثقافة..
وبتحاول تسقط محاولات التخفى دى فى كتاباتك وعشان كده بتحاول تلوى عنق كتاباتك وتوديها لى الجهة المتعمدة من الاثارة اللفظية..وكذا موضوع يشهد..انت بتنازع نفسك بنفسك
تحياتى

احمدك يا الله........ لقيت لي زول طلعني مثقف....

سلام ياشباب

في ناس انناس
وناس ناس
وناس أذية للناس



Ridhaa

كدى خليكم من سجيمان وكلامه
وكلام كل الحُساد
ديل ناس الما بتلحقه
لكن تعالوا شوفوا هل نحن فعلا بننصر الناس
ونسينا نصر الله

شوفوا الكلام الجاى دا برضو من ناس البورد التانى


والله ماقلتا الا الحق ناس البورد التاني كل واحدفيهم داخل لابس جلابية دون كيشوت و نظارة افلاطون .ويقولوا ليك منبر والاشتراك فيهوا انتقاءي وصفوي
انتاعارف
انوا اكان الواحد فتح خشموا في محمود محمد طه تلقي
الف واحد يجي ناطي ليك لكن كان اتعديت علي الدين او
الرسول مافي اى زول حايتكلم معاك






ومن هنا برضو
أُحِّى أختنا رمانه
وأقول ليها كل سنه وإنت طيبه
فقد دافعت عنا دفاع مستميت
ضد كل الحُساد
رمانه
أنت جوه قلوبنا دمت يا حبيبه
على فكره أُعذرينى فقد أضعت شيئامهم يخصك
أرجوا أن تعيديه لى

وجن.......... من شر حاسد اذا حسد

لم يكن كلامى لإثاره المشاكل
وتعكير صفو بيتنا الجميل
ولكن لآذكر نفسى ولآخرين أن حدود الله
والرسول صلى الله عليه وسلم
وحدود الدين يجب أن لا تُنتهك
لكى نشد على آيدى كل القابضين على الجمر
وليعلم الجميع أن من يُدافع عن حدود الله
لا يُشترط أن يكون تحت آى مُسمى
ولنعلم أن من ندافع عنهم اليوم وندافع عن فكرهم ومعتقداتهم
هم آول من سيتبرئ منَّا يوم القيامه
ويبقى وجه ربك ذو الجلال والإكرام

إخوتى جاء فى الحديث الشريف عن الرسول صلى الله عليه وسلم(أن الحلال بيِّن وإن الحرام بيِّن وبينهما أمور مُشتبهات
لا يعلمهن كثير من الناس
فمن إتقى الشُبهات فقد إستبرئ لدينه وعرضه
ومن وقع فى الشبهات وقع فى الحرام
كالراعى يرعى حول الحِمى يُوشك أن يرتع فيه
الاَّوإن لكل ملكِ حِمَى الآ وإن حِمَى الله محارمه)؟

مفروض نحن كأمه مُسلمه يجب أن تحمد الله
ليل ونهار أن فضلنا على العالمين بنعمه الإسلام
وأن وجدنا على الصراط المستقيم
قرأننا فى يدنا وسنه نبينا تحت أيدينا
والحمد لله وبفضل الله أن ولدنا على الفطره
ووجدنا كل سُبل العباده مهيَّأه أمامنا
وبُعث فينا محمد صلى الله عليه وسلم
فلماذا نلوث أنفسنا بأفكار ومعتقدات وآرآء مهما إرتقت
ومهما خلَّدت لذكرى أصحابها فهى ليست مُنزله ولا شريعه تُتبع

هذا كان موضوعى الأساسى الذى أردت أن
أطرحه منذ أن وقعت عينى على مقالكم المحترم
ولو كان قصدى غير ذلك لنقلت ما قرأته من الأول
لكن من الأول وجدت بوردكم يفتقد الإلفه والمحبه والأخوه التى ينعم بها
هذا البورد ولله الحمد مما يجعل الكل يرتاح للخلود إليه لذلك عرفت
أن ما يُقال هناك من باب الحسد ليس الإَّ
ولكن الظاهر أن الشيطان شاطر حاد بى عن ما أردت قوله
وأنزلق لسانى الا حيث لم أشاء
فأستغفر الله العظيم ..وأعوذبالله من الشيطان الرجيم
وبرضو من شر حاسد إذا حسد

وجن......... انا ما عارف انتي بتتكلمي عني والله عن شخص تاني.....لو كان عني وعن مقالي.... لم اتطرق لحدود الله من بعيد او قريب والمقال امامك بشحمه ولحمه......لو كان عن شخص اخر فاعذرني.....انا احي فيك شجاعتك... التي يفتقر اليها كثير من الرجال

الأستاذ وجن

تحية طيبة

لقد استغربت لكتابتك التالية:

Quote: انتاعارف انوا اكان الواحد فتح خشموا في محمود محمد طه تلقي الف واحد يجي ناطي ليك لكن كان اتعديت علي الدين او الرسول مافي اى زول حايتكلم معاك

أنا أعتقد أن معرفتك بالأستاذ محمود محمد طه مستقاة من الجهات التي شوهت صورته في أذهان الشباب، وهذا أمر مؤسف.. ارجو أن تقراي في هذه الواصلة التي تحتوي على كتبه.
http://www.alfikra.org/books/index.htm
وهو يدعو إلى اتباع طريق النبي صلى الله عليه وسلم..
هذا أقل ما يمكنني أن أقوله في هذه السانحة..
ولك الشكر والتقدير

يا أُستاذ ياسر
أولا دا ما كلامى
تانيا
شكرا على جهدك
ثالثا
لم يشوه أحد نظرتى لذلك الشخص
قرأتك مواضيعكم منذ أول بوست فتح فى موضوع الفكر الجمهورى
ومعرفتى به إستقيتها من حواراتكم
حواراتكم حوارات راقيه لا شك فى ذلك لكن تفتقر للحجج
لذلك للأسف لم أقتنع بكل ماجاء فيها
وصاحب العقل يميز

يا صديقي العزيز سجيمان

سلامي وودي

يا جماعة أنا داير أقول ليكم أن سجيمان ليس قصده الإساءة ولكنه يرمي إلى النقد بطريقته الخاصة، وأنا أفهمها وأعتقد أن المشاركة في الحوار بدون الشعور بالاستفزاز أولى ..

سجيمان أنت قلت:

Quote: الحق يا بكوري...... منبرك... دقس واتلحس...اكلتو الارضة..... كلو من ناسك المتفلهمين ديل.... خالفين كرعينهم...وكلو واحد فيهم عامل فيها ابو عرام....ويقولو في جنس نضم لا في السما لا في الواطا........ ويجو بجاي عليك امانة تقول داخلين الوطنية امدرمان وشعب كمان....نسوانهم على رجالهم....يرجعو لاصلهم ولي حلاتهم....... يا ربي العيب فيهم و الله في البنبر بتاعك؟.....هنا ياكلو بايدهم الاتنين... ويشربو بالقرعة....ويرقدو فوق كراب العنقريب.....ويلبسو عراريقهم... ويدوبو ويشربو البقنية....ونسوانهم يزغردن بطول حسهن...ويسون في البنينة.....هوووي بن بن بين يا بينة......

يا أخي كل فولة وليها كيال.. وكل بورد وليهو طريقة.. بنفس الطريقة كل مطعم ليهو طريقة.. يعني أنا مثلا ممكن أذهب إلى مطعم شعبي وأطلب شريفة "وهي ملاح خدرة بالكسرة" وأستمتع بها أكثر من أي طبق، وقد أذهب إلى الأكل في فندق مع بعض الأصدقاء وأستمتع أيضا بأطباق لبنانية أو حتى ماليزية.. مش لازم أجد في الفندق الكبير شريفة؟؟ إيه المشكلة؟؟

صدقيقي وعزيزي الدكتور....... ياسر.....

كيفنك؟


يعني انت اتفقت معاي انو البورد دا للناس المتفلهمين.......او استولو عليهو المتفلهمين........او العاملين فيها متفلهمين....لانو بيجو بهناك..... وزي ما قلت انا بيمصلو البدل والقمصان.... ويلبسو العراريق ويقعدو يصوطو مع الصايطين........

العزيز سجيمان

قولك:ـ

Quote: يعني انت اتفقت معاي انو البورد دا للناس المتفلهمين.......او استولو عليهو المتفلهمين........او العاملين فيها متفلهمين....لانو بيجو بهناك..... وزي ما قلت انا بيمصلو البدل والقمصان.... ويلبسو العراريق ويقعدو يصوطو مع الصايطين........

لا أنا لم أقصد أن هذا المنبر به ناس متفلهمين وإنما به ناس فاهمين.. وبنفس الطريقة المنبر التاني به ناس فاهمين لكن هو منبر مفتوح أكثر من هذا ، وهذا من حسناته وكذلك من سيئاته.. البورد الآخر شعبي ومليان بالناس من كل الاتجاهات والاهتمامات لأن الدخول إليه غير مقيد..
أما هذا البورد فإن كونه مقفول من حسناته وكذلك هي من سيئاته.. أما الناس الفاهمين ففي كل بورد سوداني موجودين..

ولك حبي وسلامي

العزيز الدكتور ياسر......... صديقي عفيتك منها.... قد يتهموك
بمخاواة الغبش...........

كلامك صح...ماية الماية........ الفاهمين هنا في والما فاهمين في.....وعاملين فيها فاهمين...وحامين الفاهمين يفهمو الناس الفاهمنو.....وهناك كلهم في.....لكن كل زول بيعرض في دلوكتو

سى جى مان
أنا بعتبر ان آى واحد بكتب فهو بعبر عن وجهه نظره
سواء الكلام دا عجبنا ولا ماعجبنا ما خلاص
دى وجهه نظرك وأنت حر فيها
ولو دافعنا عن نفسنا برضو ما بفيد ولا بغير من نظرتك فينا
لأنك خلاص حكمت علينا وإنتهيت
نحن عارفين نفسنا شنو
ورحم الله إمرى رحم قدر نفسه
لكن المشكله يا عزيزى
أن يجى واحد هو زاته ما معروف شنو
ويقول عننا الكلام الموجود فى بوستك
فلو الكلام دا فينا يبقى إغتابنا قبل كل حاجه
ولامافينا يبقى بهتنا
وكل واحده ألعن من التانيه

لكن الموضوع الإطرقته ليهو وهو المشكله العُظمى
لو نحنا فعلا إتغاضينا عن كل ما يدور فى هذه الساحه من دفاع مستميت
ضد كل من هو خارج عن الملَّه ورفعنا شأن قوم لم يذيدوا الدنيا الا جهلا
وكفراً وظلاماً

ربنا إنك إن تزرهم لا يلدوا الا كافرا فجارا

ولو نحنا فعلا إذا واحد إتكلم عن الرسول صلى الله عليه وسلم
وعن الدين لم ننبس ببنت شفه
وهذا ما آثار حفيظتى يا أستاذى
عندما قرأت مقالك وفى رد من الكجك جاء هذا الكلام
غضبت من كلامه وإشتعل قلبى غيظاً من كلامه
لكن فعلا شايفه العديد من الإخوه يمجدوا فى بعض الشخصيات
الحقيقه عندما كنت أتابع المقالات التى تمجدهم كنت أتوق لمعرفه
تلك الشخصيات ولنيل حظ أوفر من ثقافاتهم
ولكن وبنظره فاحصه لما ورآء السطور لم أعقل أن هناك جهل فى الدنيا لهذا المستوى
مهما كان ما وصلوا إليه من علم ومن عباده ومن ومن........
فيكفى أن لى عقل يميز بين الحق والباطل
ومن تلك اللحظه آليت على نفسى أن أُقاطع تلك البوستات
عملاً بأضعف الإيمان وهو إنكار القلب
ولكن كان لابد لوقفه ليعلم الكجم وآمثاله أن نصره الحق
والدين والله فوق كل شى
والحقيقه أن نصره الله تحتاج لآكثر من ذلك فليفق
أصحاب الحجه وليجادلوهم علاَّ الله يكتب على أيديهم الهدايه
"إنك لآتهدى من أحببت ولكن الله يهدى من يشاء"
وأن لم يتحقق المُراد يكفى أن يعلم الجميع أن بين ظهورنا
أحفاد ابوبكر والفاروق
قال تعالى " كنتم خير أمه أُخرجت للناس تأمرون بالمعروف وتنهون عن المنكر"
صدق الله العظيم

والله من ورآ القصد

قال رسول الله صلى الله عليه وسلم

فروا من المجذوم كما تفرون من الاسد


صدق رسول الله ص



Ridhaa

وجن........ شكرا....... فهمت وجهة نظرك

الحمد لله انك فهمت واحد مننا يا اخ سجيمان

عباس........ اتاريك انت شايلة معاي؟ وانا اعرض فوق بوستك سااااااااكت........خسارة حبي ليك........ يا قول وردي

سجيمان والله انا زول لا بتاع شيل ولا اي حاجه انت اخ كريم وصديق كريم

يا ابن بلدي مافي حاجه تخلينا نشيل من بعض

وعلي العموم انا اسف اذا انت افتكرت اني شايل منك