وا فضيحتـــــــــــــــــــــاه

السلام عليكم ورحمة الله تعالى وبركاته

شاءت الاقدار أن أزور (القرية السودانية) بالقلوبال فليتش فى مهرجان دبى للتسوق 2003 ولقد دهشت بما تم تصويره على انه يمثل السودان فى هذا التجمع العالمى الكبير فلا تنظيم يذكر ولا شئ يعرض سوى مناظر مسيئة ومعيبة للجيل السودانى الشاب الذى يأمل فيه كثير من الناس ان يغير وضع السودان فى يوم ما ..... اكشاك كاسيت سودانية كتلك التى فى السوق الشعبى الخرطوم وكشك آخر مليئ بالذباب لبيع عصير القريب فروت (الذى يصور على أنه المشروب السودانى الاول ) وكشك آخر به خمس أو عشر ثياب نسائية سودانية وخاتمة المطاف تمر على المنحوتات التى يقوم بها الاخوة فى شارع الجمهورية بالخرطوم من أوجه وخلافه هذا بالاضافة الى العصا السوداء والتى أصبحت علامه مميزة للثقافة السودانية على حسب قول البعض .. ويوم ان كان يوم السودان فى الغناء تم ذلك بالدلوكة ...

أقترح أن نحترم انفسنا ولا ندخلها فى كورنرز محرجة فيا أخواننا القائمين على أمر هذه القرية نرجو أن تحفظوا لنا ماتبقى من احترام باقى الجاليات العربية والاسيوية وتنسوا فكرة القرية السودانية ....

وللحديث بقية ....

شكرا عزيزي علي تنويرك ولو كان فعلا دي الصوره .... اضم صوتي لصوتك .... وراء اي لوحه جميله عمل شاق جاد نشط مستمر ولك مني ابلغ التقدير علي غيرتك ..... غيرة ابن البلد الاصيل

دايما فاضحيننا الناس ديل . كل ما يكون في بعثات فنيه - تقافيه
لازم يسوقوا ناس الفنون الشعبيه ديل كانه مايتم عرضه بتمثل السودان كله... صحيح هي جزء من عادات بعض اهلنا في سوداننا بس كمان مفروض حاجه تكون بتمثل كل البلد وليس الجزء .
غايتو والله حاجه تخجل وبرضو الناس دي مصرين عليها.

أبوظبى : أشاد سفير السودان بالامارات محيي الدين سالم لدى افتتاحه امس لجناح السودان في القرية العالمية بمهرجان دبي للتسوق 2003 بالتنظيم الجيد الذي شهدته القرية السودانية لهذا العام. وصرح السفيربأن مشاركة السودان في هذا العام تميزت بارتداء القرية السودانية ثوبا جديدا وجميلا لم تشهده من قبل ولعل المدخل يدل على ان هناك تطورا واضحا في الفكرة والمضمون حيث جسدت وبصورة حقيقية ملامح الحضارة السودانية المتمثلة في اهرامات البحراوية وقبة الامام المهدي وهو تجسيد حقيقي لملامح المجتمع السوداني، بفكرة ورؤية واضحة مما اكسبها حيوية اكثر .

(بدون تعليق)

سلام عليكم يا اخوانا وكل عام وانتم بخير

الحاصل هذا انا تحدثت عنه من قبل يعني من اول يوم لافتتاح القريه لانها لا تمثل السودان بل تمثل طبقه معينه عاوزه تعيش وتتاجر باسم السودان

يعني شنو حننانه ويعني شنو في السودان الواسع عصير قريب فروت ويعني شنو فرقه البلمبو كل سنة جايبينها مافي غيرها
وعربية جياد تعرفو انها اغلي من السيارات الموجوده هنا يعني احدث عربيه تويوتا بكاب هنا ارخص من جياد

وانتو عارفين انو في سوريين بيبيعو ريحه داخل القريه السودانيه

ولكم الشكر

هذا زمانك يا مهازل

فسوي زي ما دايرة

حاجة تجيب الرعاف

وياريت لو طلبو من السودانيين في الامارات تنظيم

القرية السودانية

لكان شكلها اجمل