Post: #1
Title: لماذا تتجمل المرأة...اي لماذا تستعمل الزينة....
Author: omdurmani
Date: 02-12-2003, 11:57 AM
سؤال وجيه:
......................
لماذا تتجمل المرأة...اي لماذا تستعمل الزينة....اتمنى مداخلات السيدات....وهل تختلف مقاييس الجمال...وهل اجمل المرأة الاوربية البيضاء ام الافريقية السوداء....
وعلي ماذا تعتمد مقاييس الجمال للمرأة...
..............
it is just a questin to see if the african black woman is really suffering when a black african look for a lighter woman or white woman to marry ...
|
Post: #2
Title: Re: لماذا تتجمل المرأة...اي لماذا تستعمل الزينة....
Author: ensana
Date: 02-12-2003, 02:24 PM
Parent: #1
تتجمل المرأة في رايي و دا بختلف من امرأة لاخرى ..تتجمل المرأة من اجل المرأة..من اجل حبيبها..من اجل ارضاء غرورها..من اجل لا شىء...لاجل الذهاب لمناسبة معينة...
الجمال نسبي
|
Post: #3
Title: Re: لماذا تتجمل المرأة...اي لماذا تستعمل الزينة....
Author: الجندرية
Date: 02-12-2003, 03:34 PM
Parent: #1
امدرماني
يعني انتو مابتجملوا
ما تراكم
تحفحفوا في شنوباتكم
و تغيروا في حلاقت شعركم
وتكوسوا في البنطلونات القيافة
اها لشنو ؟
|
Post: #4
Title: Re: لماذا تتجمل المرأة...اي لماذا تستعمل الزينة....
Author: omdurmani
Date: 02-13-2003, 12:18 PM
Parent: #1
سألت عن جواب لمسألة....ولم اجد سوي الصمت...والصمت اعلام بوجاهة السؤال...واجابات مبهمة..
................
الشاهد ان المرأة قد تتالم وتتعذب في سبيل ان تبدو جميلة...ففي السودان مثلا...يثقبون ادنى الاذن لوضع الحلق...والانف لوضع الزمام...وكذلك يستعملون خليطا من السكر والشمع لازالة الشعر الزائد...وغيرها...وكل هذه اشكال من الالم....الذي يهون لتحقيق الزينة المطلوبة..........ويظل سؤالي قائما لماذا.....
سافدم وجهة نظري لاحقا...والفرصة متاحة للسيدات...ثم السادة.........اعتقد ان انصار الجندر هم الاحق بطرح رؤيتهم.......
|
Post: #5
Title: Re: لماذا تتجمل المرأة...اي لماذا تستعمل الزينة....
Author: solara
Date: 02-14-2003, 09:27 PM
Parent: #1
..
.
عملو استفتاء؟التجمل يكون لمن؟النسبه الكبيره للرجل و المتوسطه للمجتمتع و الاقل و لحدي الان اتزكرا كانت 2% للمراه.....لنفسها
منو بعلم المره كيف تكحل عيونا و لا تسرح شعرها و لا تزين نفسها
دي فطره من عند الله لينا....عشان كده التجمل غريزه فيناوما بشرط اكون لسبب...........
انا عشان اكون واقعيه معاك..عن نفسي انا بتجمل لنفسي و للرجل و لغيري.....
الجمال على حسب ما اعرف العيون و الشعر....
ده المعروف لكن في الاول و الاخر بتبفي حاجه نسبيه
المراه الاروبيه جمالها بارد...ما فيهو حركه...
والافريقين ما عندهم جمال مميز و ملفت...لكن معروفين بالبشره و اللون.الصافي......حتى اقول ليك زي الابنوس...
تحياتي
Solara...
|
Post: #6
Title: Re: لماذا تتجمل المرأة...اي لماذا تستعمل الزينة....
Author: altahir_2
Date: 02-17-2003, 11:05 PM
Parent: #1
اخوي امدرماني بصراحة شديدة كلنا بنتجّمل
لكن مايميز المرأة ان هذا الشئ رصيد لا غني لها عنه والا لاصبحت شيئا أخر الا اذا حباها الله بجمال لا تحتاج معه للتجمل , او كانت اهتمامتها لا تضع الرجل في دائرة حساباتها
|
Post: #7
Title: Re: لماذا تتجمل المرأة...اي لماذا تستعمل الزينة....
Author: Dafi
Date: 02-18-2003, 08:18 AM
Parent: #1
شريف يا اخوي
تتجمل المرأه..كي تصبح جميله
تتزين المرأه..عشان تبقي..زينه..وتعجبك
مع اني عارفك..ما بعجبك العجب...ولا..ابو حشيش زاتو
|
Post: #8
Title: Re: لماذا تتجمل المرأة...اي لماذا تستعمل الزينة....
Author: حنين
Date: 02-18-2003, 09:01 AM
Parent: #1
تتجمل المراه....لانها مجبوله على حب الجمال.......
طيب انا اقول ليك قصه
كنت في الصيدليه مع احد الزملاء...وجاءت بت عندها ملاريا وحالتها تقول حسه دي بتقع وتفرفر وتموت قدامك... دايره حقن...وطبعا ترك الدكتور كل ما في يده لتحضير الدواء عشان المسكينه تمشي سريع رغه انو كان قدامها خمسه مرضى على الاقل لكن حالتها كانت صعبه...وبينما هو يناولها الحقن عاينت كده لعلبه كريم وقالت:
_ دكتور...اح...اح....دا بكم
نحن بندور الجيهه يا ولدي...بندورها بالحيل
|
Post: #9
Title: Re: لماذا تتجمل المرأة...اي لماذا تستعمل الزينة....
Author: Dafi
Date: 02-18-2003, 09:15 AM
Parent: #1
loooooooooooooooooooooooool
looooooooooooooooool
بالغت عديييـــــــــــــل يا حنين
في دكتور..اح اح دي بي كم....لوووووووووول
|
Post: #10
Title: Re: لماذا تتجمل المرأة...اي لماذا تستعمل الزينة....
Author: Raja
Date: 02-18-2003, 06:06 PM
Parent: #1
أمدرماني العزيز
ما عايزة أدخل معك في جدل فلسفي عن معنى الجمال!! لكن لو في اتنين اتفقوا على أن اللون الأبيض هو الأجمل فبالتأكيد ما حيكونو منصفين لأننا جميعا نعرف ان هنالك بلا شك مليون إمرأة سوداء اللون جميلة،، ولا أظننا نختلف عن جمال نساء القرن الأفريقي أو تاهيتي وانا هنا لا اهضم نساء بلدي حقهن في الجمال.. وعموما مسألة الزينة دي مسألة جمالية وكل زول عايز يشوف صورته حلوة في المراية أولا ثم عيون الناس،، وبالمناسبة المكياج فن راقي لأن الوجه الحزين يمكن أن يصبح باشا بمجرد ضربة فرشاة أو قلم كحل ، والعكس صحيح
بلاش تخلينا نتكلم اكتر من كده يا امدرماني
|
Post: #11
Title: Re: لماذا تتجمل المرأة...اي لماذا تستعمل الزينة....
Author: Tumadir
Date: 02-18-2003, 06:32 PM
Parent: #10
قد يستعجب الكثيرين اذا علموا ان ثقافة التجمل والتجميل عند النساء او بينهن هى شىء شخصى وليس له علاقة بالرجل
انها تتزين لكى تبدو جميلة
جميلة لمن؟؟؟
لايهم
جمالها اولا، ثم بعد ذلك فليتنافس المتنافسون
النساء فى مجتمعات مغلقة لا يطل عليها رجل ، يتزين
والمراة المتزوجة تتزين
وغير المتزوجة تتزين ، الصغيرة والكبيرة
يتفقن على فكرة التجمل والصحة والنظافة والمظهر الجميل
طبعا ثقافات مختلفة=مفاهيم جماليه مختلفة
وقد تحادثت كثيرا مع صديقاتى الامريكيات والزينة لهن عندها معنى واضح وصريح
to feel good about myself.
ببساطة ومباشرة ووضوح
امارجل جبال النوبة الذى يتزين ويعدى يومو امام المراة يصبغ ويوشم جسده العريان بينما امراته مدروشة تدق الفندك وتزرع وتبنى المنازل له ولاسرته،
هذا هو الذى يثير التساؤل
هل يتمنى كل الرجال ان يكونوا مثل هذا النوباوى النرجسى وان الثقافة الذكورية ظلمتهم بوضعهم فى خانة الخشونة وحرمتهم من الزينة؟؟؟
السؤال محول للرجالة
|
|