Post: #1
Title: لا عيد الى هناك
Author: اسامة الخاتم
Date: 02-12-2003, 02:06 AM
لا عيد الا فى السودان
صباح العيد تورمت لوزتاى و اصاب امراتى النحيب
من كترة الاشواق تحول عيدنا الى هم
و من كترة الهم تحول عيدنا الى يوم وعيدنا
و لم يزدنا الاصرار على الفرح سوى المزيد من االقرح
و فشلت كل محاولات انجاح هذا العيد السعيد
بالله لو حجينا ما كان اخير
لكم لحمة العيد
و لنا الخيبة و الاحزان
|
Post: #2
Title: Re: لا عيد الى هناك
Author: sharnobi
Date: 02-12-2003, 03:22 AM
Parent: #1
اسامة الخاتم
كل عام
ما قريت هذا البوست نزلت ىخر بنفس المضمون
متضامن انقله
الى هنا
ومعذرة
اصابنى القسيان
مكرر
يوم عادى جدا
قمت كالمعتاد ذهبت للعمل
اديت واجبى فى الحصة ادرس عن مايكروسفت
win9X
about the register and *.ini files
how to start win
والغصة فى الحلق وينو الخروف وينه المرارة والكبدة النية
وين كورقيون آين نلا
وكل عام وانتم بخير
sad and sadness
الحزن يعتلى جهاز البروجكتر.. ويظلل البورد..
واتخيل اطفال القرية بالجديد
وحرارة الذبيحة
والكاشاد
والكل يطوف من بيت لبيت
وانا ادور بين الادراج والطلبة افتش فى عيونهم عن اهلى
لحظة
ورغم هذا
فكل عام وانتم بخير
والشربوت
والدكاى
غصبنا عن عين نا اكسورت7
وناس بشوفو ا فى العادات الحرام
اشتقت قيام الصباح وزيارة النيل والاستحمام وغسيل البوبلين والعمة والتنشيف بالهواء بدل المكوة
اتذكرت الخالات والعمات والذهاب للمقابر ومعهن جريد النخل والابريق
اتذكرت التسارع للصلاة فى الساحة..
وصوت خالى المرحوم شيخ سعيد وهو ببحته وتقطيع الحروف
واقامة ياسين عثمان
اذكرت الشربات والحلوى والسفينة فى حوش الجامع
وجمال على
واتذكرت المرحومة عمتى سكينة
ومش على سالم
والرجوع المستعجل للضبيحة
واتذكرت
الكاشاد وهو تحمير اللحم والكرشة فى الصاج لتركه لايام
|
Post: #3
Title: Re: لا عيد الى هناك
Author: Elkhawad
Date: 02-12-2003, 03:39 AM
Parent: #2
اسامه وشرنوبي كلنا في الهم
بنغني معا ابو الزيك
|
Post: #4
Title: Re: لا عيد الى هناك
Author: sharnobi
Date: 02-12-2003, 03:45 AM
Parent: #1
خواض
فنان
وكل عام وانت اكثر عطاءا
|
Post: #5
Title: Re: لا عيد الى هناك
Author: ود شاموق
Date: 02-12-2003, 03:51 AM
Parent: #1
الغالي أسامة
لاتحزن
موت الجماعة عرس
كلنا معاك ميتين بالحيا
أخير انتا المعاك أهلك
أنا والله في بلد
عجيبة غريبة رهيبة
وما رهيب الا الشيطان
حاولتا البكاء صباح العيد
فاستعصت الدموع
وتحجرت في المحاجر
ربنا يديك العافية
وعيدك الجايي على مناك
وما يكون خاطرك إلا طيب
علاء
|
Post: #6
Title: Re: لا عيد الى هناك
Author: SAMIR IBRAHIM
Date: 02-12-2003, 04:00 AM
Parent: #1
اخي الحبيب ود شاموق وكل البورداب كل سنه وانتو طيبين
الحال من بعضو ياخوي قمنا من النوم ...وذكري ام درمان وايام العيد السرفر lan and wan الذي لم نحظي بالاحتفال به منذ خمسه عشر عام في السودان ...العمل و وذكريات اهلنا من الراكوبه والبورد هي التي رسمت البسمه في وجوهنا
الحال من بعضو وكل سنه وانت طيب
|
Post: #7
Title: Re: لا عيد الى هناك
Author: Arbab
Date: 02-12-2003, 02:46 PM
Parent: #6
انا عشان الجرس دى قررت اكون نباتى قبل اسبوعين ....
يعنى مضرب عن العيد الما فى السودان
اه من الدكاى يا شرنوبى ..اه !!
وبرضو كل عام والجميع بخير .. والقابلة كلنا فى الوطن .
اسامة وين المرارة .. الليلة تانى يوم ومافى مرارة جات فى البريد!! ..انا مضرب عن الشية بس
قال الخروف ما يضبحوه فى البيت قال !!! الانو شنو ؟ مفروض يخدروه الاول !!!! شوف الدلع الفيه الخروف
!!!!!!
|
Post: #8
Title: Re: لا عيد الى هناك
Author: الجندرية
Date: 02-12-2003, 06:30 PM
Parent: #7
اسامة
وشرنوبي
والجميع
ربنا يرد غربتنا جميعاً
وكل عام وانتم / ن بالف خير
|
Post: #9
Title: Re: لا عيد الى هناك
Author: almohndis
Date: 02-12-2003, 08:24 PM
Parent: #8
الاخ اسامة
كل عام وانت بخير
وربنا ايدك العافية
وان ربنا مدا فى الايام
الامور بتتعدل
|
Post: #10
Title: Re: لا عيد الى هناك
Author: Elmosley
Date: 02-12-2003, 08:28 PM
Parent: #9
انا عيدي قضيتو مع شريط ربشع الرسلو لي عزيز خطاب الوفي
وعملت من عربيتي بيت بكاء علي الزول العبقري اللي ما اوفيناهو حقو
|
Post: #11
Title: Re: لا عيد الى هناك
Author: SAdo7
Date: 02-12-2003, 09:33 PM
Parent: #1
اسامه كلنا فى خندق واحد
كل سنه وانت طيب وربنا يحق لك كل
الامنيات
ولك ودى
|
Post: #12
Title: Re: لا عيد الى هناك
Author: ابويوسف
Date: 02-13-2003, 07:42 AM
Parent: #11
براك عارف وبي ادرى
سنين راحوا والحال
ياهو زاتواااااا الحال
وفي جواي صدى الزكرى
الحبيب الخاتم
كل عام وانت بعافيه
والله يعوضنا خير
ونضبح الخروف في نص الشارع
ونضحك مل شدقينا
|
Post: #13
Title: Re: لا عيد الى هناك
Author: ABUKHALID
Date: 02-13-2003, 08:37 AM
Parent: #12
اسامة اتلومنا معاك
عيدنا مسيخ
اللحمة زى واجب material science
الmaterial science
ثقيلة
اكل نوم تخمة
الاولاد مشغولين بالتلفزيون
لاجد يديهم عيدية
ولاعم يقول للواحد لو عمل حاجة بطهرك
اهو عيد
نحن راجعين
بدون حلم
ده الواقع
شايلين اهلنا
ومشتاقين
كل سنة انت وخالد وامه بخير
|
Post: #14
Title: Re: لا عيد الى هناك
Author: اسامة الخاتم
Date: 02-13-2003, 11:08 AM
Parent: #1
الى الجميع
كل سنة و انتم طيبون
و آه من الدكاى يا شرنوبى و كيف هو وجع البعاد يا ود شــاموق
و يا ارباب المرارة دة الا تعمل ليها استنساخ قال نباتى قال
و يا صاحبى ابو خالد" العيد ما عندكم لكن الجايات اكتر
الخواض الحانك فى السلك
عزيزتى الجندرية و انتى بخير
ايها المهندس ارجو ان تنتابنا الافراح اليوم قبل غدا
و يا ابو يوسف ان شاء الله نضبح ناقة فى نص الخرطوم يوم الرجعة
سادوح كتر خيرك
و يا عزيزى الموصلى معـــليش
و للبقية لا عــيد الا تحت اثواب الوطن
و كما كتب محمود درويش:- بلد اتى.. بلد ذهب .. بلد سيأتى ثم يذهــب
لكم الياسمين و للحاقدين الرماد
|
|