Post: #1
Title: عيد سعيد متميز باللون الابيض
Author: مشتاق
Date: 02-11-2003, 10:25 PM
اليوم اول ايام ع الاضحى المبارك وبالرغم من الجليد القارص
والجليد يكسو الارض برداء ابيض رغم ذلك تمكنامن ذبح عدد 2 خروف واجتمعنا مع الاصدقاء
وتناولنامالذ وطاب من اصناف الشيه والمراره رغم الامكانيات العزابيه القليله
وكان جو من البهجه والشعور بالعيد رغم البعد عن الاهل والاصحاب
واردت ان تشاركونا الفرحه فانتم اصبحتم جزء لايتجزاء منا فالجميع مدعو غدا عندنا لتناول
الغداء فى تمام الساعه 3
وكل عام وانتم بالف خير
|
Post: #2
Title: Re: عيد سعيد متميز باللون الابيض
Author: hasan_6
Date: 02-11-2003, 10:29 PM
Parent: #1
اهلا مشتاق
كل سنه وانت طيب وبالهناء انشاءالله
السنه القادمه معيد وسط الاهل والاحباب
|
Post: #3
Title: Re: عيد سعيد متميز باللون الابيض
Author: bit barber
Date: 02-11-2003, 10:39 PM
Parent: #1
كل سنه وانت طيب يا مشتاق
لكن يعني نجيب بطانيه معانا في جوكم القارس ده
|
Post: #4
Title: Re: عيد سعيد متميز باللون الابيض
Author: Tumadir
Date: 02-11-2003, 10:47 PM
Parent: #3
كل سنة وانت طيب يا مشتاق
ونحن بى جاى الجو "قارص " نفس القرصة ، وفى جليد زيادة ماشى علينا ولم نتناول طعام المرارة الا مرارة فى الحلق ، وضحينا بى حياتنا ،
واستمعنا الى خطبة عصماء باللغة الانجليزية الفصحى وتناولنا طعام الونسة بالانجليزى مع الخواجات
وانتهى العيد قبل الساعة اتناشر وعدنا .... نتسقط فى التلفونات ونتلمس فى افراح الاخرين
ولا عزاء للمقاطيع
وكل عامن وانتن بخير
|
Post: #5
Title: Re: عيد سعيد متميز باللون الابيض
Author: وجن
Date: 02-12-2003, 01:59 AM
Parent: #4
عيد سعيد يا مشتاق
والقابله على أمانيك
تماضر العيد ما ببقى الأفى أهلنا
رد الله غربتنا جميعاً
|
Post: #6
Title: Re: عيد سعيد متميز باللون الابيض
Author: اسامة الخاتم
Date: 02-12-2003, 02:04 AM
Parent: #1
Quote: نتسقط فى التلفونات ونتلمس فى افراح الاخرين
|
لا عيد الا فى السودان
صباح العيد تورمت لوزتاى و اصاب امراتى النحيب
من كترة الاشواق تحول عيدنا الى هم
و فشلت كل محاولات انجاح هذا العيد السعيد
بالله لو حجينا ما كان اخير
لكم لحمة العيد
و لنا الخيبة و الاحزان
|
Post: #7
Title: Re: عيد سعيد متميز باللون الابيض
Author: ود شاموق
Date: 02-12-2003, 02:30 AM
Parent: #1
عيدك يا مشتاق انشاء الله بلون قوس قزح
تسلم بس عندي مواعيد الساعة 3 دي ما بقدر أصلكم
لكن العيد الجايي بتغدى معاكم كان ربك هون
تسلم يا ملك
|
Post: #8
Title: Re: عيد سعيد متميز باللون الابيض
Author: Tumadir
Date: 02-12-2003, 02:30 PM
Parent: #7
معليش يا اسامة الخاتم
عارفة شعور امراتك تماما
لهم اللحمة
ولنا الرحمة
|
Post: #9
Title: Re: عيد سعيد متميز باللون الابيض
Author: SAdo7
Date: 02-12-2003, 09:28 PM
Parent: #1
كل سنه وانت طيب مشتاق
والظاهر العزومه فاتتنا
لك ودى
|
Post: #10
Title: Re: عيد سعيد متميز باللون الابيض
Author: مشتاق
Date: 02-12-2003, 10:27 PM
Parent: #1
حسن 6
وانت بالف خير
والعيد الجاى عريس
بنت بربر
مايحتاج يابنت العم
فقلوبكم ادفا
وكل سنه ات طيبه
تماضر
وقفت امام كلماتك كثيرا مذهولا
لانماقلتيه مس شغاف قلبي
فترجم احاسيس لم اتمكن من شرحها
حتى اننى لم اعرف ان احرك الحروف
شكرا لك وكل سنه وانت متالقه
وجن
سعيد بالتعرف عليك
والسنه لجايه زى ما عايزه
اسامه الخاتم
والله صدقت
لاعيد الافى السودان
وكل سنه وانت طيب
ود شاموق
شنو يعنى عايز تزوق من العزيمه عشان
خروفك الفى سطوح ولا شنو؟
مرحب بيك فى اى وقت
ولك منى كل الود ياعزيز
وكل سنه وانت طيب
صدوح
العزومه مابس فى العيد
ونحن بيوتنا مفتوحات))
مساي وصباح
تقولى شنو وتقولى منوو)ه
والعيد الجاى برضو عندنا
وكل سنه وانت طيب
|
Post: #11
Title: Re: عيد سعيد متميز باللون الابيض
Author: OmDur
Date: 02-15-2003, 03:19 PM
Parent: #10
منير , مساءك فل
دى الفائدة من انو تكون معاكم بت بتعرف شئ
وياريت لو كنت بعرف شئ
لما سألنى ( جيرى ) عن الكمونية بيعملوها كيف
اتحرجت
اقلها بس لو كنت بعرف طريقة طبخها
كنت ريحتك من الاتصال بالقاعدة وكفيت شر الاسعاف
ما فينى فائدة , مش
مش بيقولوا الجايات اكتر !! ان شاءالله الجايات اكتر
واقرب الجايات تخريجك
وربنا يقدرنا ونعمل شئ
كل سنة وانت طيب
وكل سنينك خير
|
Post: #12
Title: Re: عيد سعيد متميز باللون الابيض
Author: مشتاق
Date: 02-15-2003, 04:09 PM
Parent: #1
الغاليه ام در
كيف تفولى كلام يالشكل ده
ده وجودك معانا يكفي
وعلى راي ابو حراز
قال كمونيه قال
والفائده انك معانا دائما
واسال الله ان دوام المراسله
وبالنسبه للتخريح اذا ربنا سهل
زى مااتفقنا الحفله عليكم
وكل سنه وانت طيبه
|
|