Post: #1
Title: العزيز الموصلي يعني ايه سلم خماسي
Author: Amjad ibrahim
Date: 02-11-2003, 00:46 AM
الاستاذ الموصلي
معليش سؤال بسيط
الواحد دايما يسمع الموسيقى السودانية مبنية على السلم الخماسي،
و قدر ما سألت ما لقيت لي جواب شافي،
يعني الواحد بفرزها من السمع من الموسيقى العربية، و مرات بحس انو الموسيقى الصينية بتشبه السودانية، لكن حقيقة ما عارف الفرق بين السلم الخماسي و السباعي مثلا؟
سؤال زيادة هل الموسيقى الاوربية مبنية على السلم السباعي؟
تحياتي و كل سنة و انت طيب
|
Post: #2
Title: Re: العزيز الموصلي يعني ايه سلم خماسي
Author: Elmosley
Date: 02-11-2003, 01:03 AM
Parent: #1
عزيزي امجد
شكرا علي اسئلتك المفيده
اولا المقام الخماسي من حيث عدد الاصوات فيه
خمسة اصوات لذا سمي بالخماسي
ولكن الخماسي نفسه نوعان
وهو النوع الاكثر حضورا في بلادنا
خصوصا في الشمال والوسط والجنوب
وهذا النوع خالي من ما يسمي بنصف
الدرجه الصوتيه المتعارف عليها في السلم السباعي
وهو النوع المتواجد في غرب السودان وشرقه
وبرغم انه من خمسة اصوات الا انه يتميز
بوجود نصف الدرجة الصوتية الموجودة في السلم السباعي
والموسيقي في اسيا عموما تشبه
السودانيه لوجود هذين السلمين
في موسيقاها الشعبية
اما الموسيقي الغربيه فتتميز بتعدد المقامات فيها
بما فيها السلم الخماسي نفسه
والان تعدت مرحلة السلم الي ما يسمي اللا مقاميه اي عدم وجود سلالم علي حد تعبيرتا السوداني
|
Post: #3
Title: Re: العزيز الموصلي يعني ايه سلم خماسي
Author: Amjad ibrahim
Date: 02-11-2003, 12:58 PM
Parent: #1
سلام جميعا
الاستاذ الموصلي
الشكر الجزيل ليك على التوضيح
تحياتي
|
Post: #4
Title: Re: العزيز الموصلي يعني ايه سلم خماسي
Author: Abdel Aati
Date: 02-11-2003, 04:23 PM
Parent: #3
الاستاذ الموصلى
والله ما عايزين نستغلك ؛ ونحولها الى درس موسيقى
لكن لو شرحت اكتر ما هى الدرجات الصواية ؛ وما هى نصف الدرجة ؛ تكون ساعدتنا
وهل استخدمت انت السلم الخماسى فى ايا من اغانيك
وهل الموسيقى الهندية مثلا تستخدم الخماسى ام السباعى
عادل
|
Post: #5
Title: Re: العزيز الموصلي يعني ايه سلم خماسي
Author: Elmosley
Date: 02-11-2003, 07:47 PM
Parent: #4
عزيزي عادل
الاختلاف بين الدرجه الصوتيه ونصفها اختلاف مقدار واختلاف طعم
فاذا اخترنا لغنيه مثلا زي عزه الخليل
فان كل درجاتها الصوتيه هي من نوع الدرجه الصوتية الواحده
واذا اخترنا مثلا بلادي لسيد درويش
ففيها بعض انصاف الدرجة الصوتيه مع ودود الدرجه الصوتيه الكامله
واختلاف الطعم والتذوق للاثنتين يدللاننا عن الفرق حسا
والشرح الامثل يكون بالسمع
اما الموسيقي الهندية
ففيها النوعين مع وجود بعض الارباع
|
|