زائر منتصف الليل

ارى نجوما تحترق و اخرى تولد من جديد
ارى الضوء ينساب بين اروقة البيوت
ارى سيلا من مياه النيل
و اشلاء مدن
يزورنى الليل وحيدا
اتكى على ذاكرةاللا مبالاة و انطلق
نحو فضاء الامنيات
احشو بندقيتى و انتظر عدوى
الملم حاجاتى .. اهمس فى جنبى فتنطفى الشمعات
هكذا اقبع و حيدا
اتامل قدرى المحتوم
اتعلق بثوبى و اجتر ذكرى ايامى
لا زلت انتظر عدوى
لم يات
و لن يات اليوم
هكذا اعلن صاحب المذياع
ارمى سلاحى خلفى و اشد لحافى
اتغطى و انام
اغمض عينى و احلم
احلم ان اسراب الذباب
تعود
تناور ثم تهاجم فؤادى
اصحو مفزوعا
اتفقد بندقيتى
الملم اطرافى
و انتظر

يا اسامة الخاتم
تلك النيازك

التى تحترق
تحمل فى الرماد الذى يتساقط على كوكبننا
لمسة رماد



نحس باننا نحترق ولكن رمادنا يطفى تلك الجمرة التى تحاول ان تشتعل
ولكن
تخبو فينا بكم مهزوم

واتحسر
فلا
صديق تسر النفس طلعته
ولا عزيز يرى ما بى فيكتئب

اخواني الاحباء

سلام مبارك وبعد كان لنا صديقا حميما استلم رساله في حضورنا في القاهره العجوزه ويدعي الاخ مختار دفع الله فكا هذا رد الرسالة



تَانى كاتب لىَّ خبارك

انتَ قَايْل انّهُ لِسَّه

قَلبىِ تايهُ في مَدَارَكْ

دِىِ الدِيَارُ خَلْيتَها ذَاتَها

لَمَّاَ ضَاقت بَىْ ديارك

والبعاد الشايفو قاسى

ما زمان كان باختيارك

انت فاكر بنسى جُرحك

جيت تنمق فى اعتذارك

لما رحت تجور عليا

ورحت ابعد عن مسارك

تانى كاتب لى خبارك

***

الجواب الجاى منك

عندى صار ماليهو قيمه

والهوى الكان بينى بينك

عدى بالشوق والهزيمة

وهسَّه لمّا طريت هوايا

وقصة الذكرى الأليمه

جاى تانى عشان تعاود

للحكايات القديمة

***

ويبقى ردى على جوابك

يا جميل الرجعه لا...لا..

كونى ارجع ليك تانى

ألف مليون استحاله

ما الفراق انت البديته

يوم حرمت الروّح وصالا

وانت عارف البادىء أظلم

وايه لُزوم يعنى الرساله

***

والكلام الفى جوابك

كان بيعدِّى على زمان

قبلما تغدر عيونك

وقبلما يخونى الزمان

انت قايل قلبى بنسى

فترة الذّل والهوان

لا..لا..لا..لا

دىِ الكرامه العِندى أغلى

من عيونك والحنان

***

انت قايل انى ممكن

ليك أرجع تانى مرة

لا..لا..لا..لا

دَا الجرح ممّا استمر

لو حصل طيفك غشانى

ومرة في ذاكرتى مره

ببدا ينزف تانى مره

وتانى مرة وتانى مّره

يا حليل أيام عيونك

كان بتلهمنى المسره

***

أصْلُو كان خادعنى لونك

والبريق الفى عيونك

والكلام القلتو ليّا

كان بيخدع فينى زيفو

والجُرح في قلبي نوسر

وديمه زايد في نزيفو

.... وكنت برضو....!!

ممكن أهديك نور عيونى

شان عيونك منّى يرضو...!!

وأصلى حاسس طول سنينى

إنو أشواقى وحنينى

نقطة الضُعف الى فينى

***

الاّ هَسّه

إنت أنسى..

وحقو تنسى

إنو كان بيناتنا قصه

واصلو ماتعشم عيونك

انى بهواك انت لسَّه

***

انت لو فاكرنى بحزن

شان فراقك او جفاك

تبقى موهوم في عواطفك

اصلو قلبى زمان نساك



وابتديت انساهُ ليلكْ

والسنين الرّاحو ديلك

وانسى جور كُل الاماسى

الفيها كم قاسيتو ويلك

وانت لو فاكرنى بحزن

شان فراقك يا حليلك

يا حليلك..يا حليلك

يااسامه اكتب حتي يبين لليل صاحب

يارا
لا زلت اجمع أسلحتى
و ازرع أزهارى

يا سمير
رد صاحبك في السلك لاكين