Post: #1
Title: كلام خارم بارم....ما تقروه
Author: حنين
Date: 02-02-2003, 10:36 PM
اول خارم بارمه
الساعه تقترب من الواحده....ولا توجد ادني مؤشرات باقتراب النوم....لي اكتر من نص ساعه في السرير اتقلب بجاي وبجاي ....افتش عن وضع يريحني...حتى تمنيت ان اكون كتله هلاميه ما فيها عضام
قمت ...عملت عزو على المطبخ في نص الليل...امي جات جاريه وهي تظن ان الكديسه اللعينه قدرت تخش حصنها المنيع...نظرت لي عندما لقتني بكاملي في التلاجه...لا يظهر من بجامتي ذات الارانب الزرقاء الا ارنب صغير ياكل الجزر....
دخلت بكاملي جوا التلاجه وضربت بكل قواي العقليه والغير العقليه
جعانه...لا ابدا...بس دايره اتخمد انوم...وبعد داك لقيت قزازه كولا بااااارده شربتها وانا اتخيل نفسي بشرب شي تاني....برضو قلت اغش نفسي امكن اقدر انوم..لكن باين جابت نتيجه عكسيه
|
Post: #2
Title: Re: كلام خارم بارم....ما تقروه
Author: حنين
Date: 02-02-2003, 10:42 PM
Parent: #1
وبعدين....بكره شغالين لاب من الصباح
مساكين الارانب والفيران الحيطعنووحيموتو ...كميه من الوحشيه....قالو لينا عشان العلم والناس قالو
اول مره شفت استاذ الماده دي كسرني عديل
اسمر زي الليل دا...اتخيلتو طالع من واحده من الغابات الاستوائيه...لابس في نصو جلد نمر زي ماوكلي واللا طرزان
...شايل في ايدو اليمين صيد اليوم....خمسه فيران من ضنبتهم...يبتسم بوحشيه...وفي ايدو اليسار بدل حربه...حقنه طويله فيها الدوا الشغالين بيو
وخاتي رجلو على جثه ارنب
ضحكت باعلى صوتي...وصحيت وهو قدامي وبيقول لي
بره...بره يا دكتوره
|
Post: #3
Title: Re: كلام خارم بارم....ما تقروه
Author: حنين
Date: 02-02-2003, 10:52 PM
Parent: #1
لا ادري لماذا تزكرت فجاءه استاذنا بتاع علم الحيوان في سنه اولى
يا ربي في زول فيكم بيشوف توم اند جيري واللا انا عندي طفوله متاخره براي...
شفتو الثعلب الفي توم اند جيري داك لمن يشوف بت اسفه اقصد ثعلبه كيف عيونو بتطلع من مكانها وبتبقى فيها قلوب بدل السواد
كان استاذنا داك بيزكرني بيو بصوره مبالغه....بيتكسر في كل بت حلوه....مره كنت شغاله وشفتو بيتكلم مع واحده.واااااااو منها
لمن تمشي خطواتها بتقول...انا بت ...انا بت
اها...كان بيقول ليها لو اتاخرت تاني انا بجلدك...
جاني احساس انو بيتمنى يموت ويجلدها....عاد زي دي بجلدوها
فجاءه اختفى سواد عيونو وجات محلو قلوب حمرا حمرا
حاولت اهز راسي لكن والله القلوب ما اختفت
ليوم الليله لمن اتخيلو بتكون عيونو قلوب قلوب
|
Post: #4
Title: Re: كلام خارم بارم....ما تقروه
Author: حنين
Date: 02-02-2003, 11:06 PM
Parent: #1
يا اخوانا حصل اتخيلتو الناس عندها ضنبه وقرون لووووول
يا ربي الكولا ديك كانت كولا واللا شي تاني
ما الناس الاشرار بس العندهم قرون لا ابدا حتى الطيبين كل زول حسب وشو
انا مثلا عندي قون صغيره ومدوره عشان ما تطلع من تحت الطرحه وتعمل لي فضيحه غي الجامعه لكن لييه فضيحه كل الناس عندهم قرون....اها طيب نقد ليها دورتين في الطرحه
في ناس قرونن طويله ومقلوزه زي المسمار
في ناس قرونهم متشعبه زي الغزال
وناس متنيه لجوه
وناس فرد قرن في نص الراس
اها عاين للمرايه تلقى النوع البعجبك والماشي معاك
اما الضنب ...ضنب ارنب...ضنب طويل وملولو
والحناكيش ممكن يختو ليو فيونكه وتطلع موضه في لجامعه
_ها يا فلانه ضنبك دا عملتي ليو ميج وين
اما تجار السوق ديلاك عندهم ضنب تمساح
استغفر الله...ربنا خلقتنا في احسن تصوير
|
Post: #5
Title: Re: كلام خارم بارم....ما تقروه
Author: حنين
Date: 02-02-2003, 11:19 PM
Parent: #1
حسه فتحت اون لاين ولقيتكم قلكم هناك
بالله البوس هنا ..وووووب عليك الله يا بكري ما ترفدني
انا زول عاقله والله ....واللا شنو يا جماعه
عملت ليكم وجع وش مش كدا.....برضو ما قادره انوم
|
Post: #6
Title: Re: كلام خارم بارم....ما تقروه
Author: حنين
Date: 02-02-2003, 11:29 PM
Parent: #1
يا اخوانا البت البرايه دي ما تمشي تنوم
معليش استحملوني...ما انتو ناسي واهلي ومجبورين علي
واللا حسه اقول ليكم حردانه ونبدا التحانيس
تاني زول يقول حردان بجضمو عديل كدا...واللا بجلدو جلده الاستاذ للبت ديك
والله يا اخوانا انا لمن زول يحرد بحسو طلع من جوه قلبي....نحنا اسره واحده مش كدا...نزعل نتشاكل ...نشد شعر بعض...لكن في النهايه اخوان اخوان
ما عارفه الدقيقه دي مشتاقه لشيري وبت قضيم شديد يا ريتم كانو هنا اون لاين
اكون اتعاديت منهم في الهترشه بتاعه الليله
بتخيلهم زي بتين شيطانات عندهم ضفايره واقفه ومحشورين في الركن بتوسوسو وبضحكوا
انا طبعا عندي تخيل لكل واحد منكم يوم حاقول ليكم
عايزين عينه
اها زوله بتذكرني بسنفوره جميله
تمبس يا حليلو بسنفور حالم
اكمل واللا بتجيب ليها زعل
انا بخااااااف من الزعل
|
Post: #13
Title: Re: كلام خارم بارم....ما تقروه
Author: tmbis
Date: 02-03-2003, 04:38 PM
Parent: #6
يا حنييين
معقولة عليك الله بعد الكلام ده
كللللللللو
والهضربه دي ... ما نمتي
انا حسع قريت الصفحه الاولي دي الاولي بس عيوني زغللن
اها تاني لما تجيك الحاله دي .. عليك بالقرض ...ااي القرض
|
Post: #7
Title: Re: كلام خارم بارم....ما تقروه
Author: حنين
Date: 02-02-2003, 11:46 PM
Parent: #1
ايوووووي يا جماعه باركو لي اخيرا حسيت بالنعاس
يا اخوانا العفو والعافيه
من كل الناس الاون لاين
Who's Online
There are 37 users online, » 17 Members, 20 Guests
»abdel abayazid
»Amjad ibrahim
»bint algazeira
»Deng
»Elkhawad
»Ishraga Mustafa
»Kudouda
»Mutwakil Mahmoud
»omarmahdi
»SAdo7
»sharnobi
»Tabaldina
»WAD ELGAALI#4
»بت القبايل
»بكرى ابوبكر
»نصار
والناس الحيخوشو كمان
بس انا نصحتكم قلت ليكم ما تقروا وانتو الماسمعتو كلامي
|
Post: #9
Title: Re: كلام خارم بارم....ما تقروه
Author: Elkhawad
Date: 02-03-2003, 00:10 AM
Parent: #7
حنين انتي في ولا مشيتي تنومي
هحلام سعيده مقدما
عارفه انا بحب الكلام البارم وخارم
وعندي كميه من النقه كنتا ناوي ابري بيها الناس في البال توك لكن هو عرفني وقام ابي يفتح لي الباب خالص اها جيت البورد ودخلتا في بوست استاذ سيف وغتستا لي اضني في نص الكلام وطلعتا النضاره عشان اركز وما انعس .. اها مرقت البوست داك لقيت الجمله بتاعه خارم بارم دي
ومن زمان بستعمله وما لاقي ليها تفسير حرفي .. يعني هي بستعملوها كامله لكن اذا قسمنها بتدي تفاسير تانيه .. اها انا داير اعرف اصلها شنو
يلا خرمي بي جاي ولا بي جاي وابرمي لينا تفسير ليها
وكلام الفيران والارانب ده ذكرني زمان وانا صغير كان ود خالتي بقري طب وبقمو يخدرو الضفادع بالتنباك .. اها المشكله انو كان انصار سنه وانا طوالي بشاغلو يا شيخنا القصه دي كده حرام كيف يعني تكون جلابتك قصيره وتمشي لي بتاع التنباك تقول ليه اديني كيس صعود .. شكلها كده ما جايه اصلو
اها المره الجايه نشوف نملتك وكيف ممكن نشرحه لنو شكلها لذيذ
|
Post: #10
Title: Re: كلام خارم بارم....ما تقروه
Author: omdurmani
Date: 02-03-2003, 03:55 AM
Parent: #1
اختى حنين:
لقيتك بتطردى الناس قمت خشيت....اصلوا انا كدا...دبيب ما بامشي الا الحفلات الما معزوم فيها...
بصراحة....كلامك خارم بارم....وما بودي ولا بجيب...اكضب..
وخيالك فنان واعد ....
لكن لذيييييذ.....وانا جد اكتشفت زول لذيذ..
|
Post: #11
Title: Re: كلام خارم بارم....ما تقروه
Author: حنين
Date: 02-03-2003, 06:41 AM
Parent: #1
العزيز الخواض:
انا بعد ما كتبت الكلام دا...مشيت نمت طوالي ...والليله اول ما صحيت جاني احساس غريب اني امس هببت في البورد هبابيه عجيبه ...جيت جاريه قلت اقدر حجمها
ضحكتني حكايه تمباك صحبك...اقول ليك تمباك صحبتي كمان
اها صحبتي ديك برضو كانت بتخدر بيو الارانب و كانت بتمشي لحارس العماره بتاعم وتقول ليو
_ يا عمو عليك الله سفه واحده بس
والراجل يعاين ليها ويهرز راسو ويديها
ولمن كتره الحكايه ...قام وقف ابوهاوهو طالع وقال ليو
_والله يا استاذ انا ما عارف اقول ليك شنو....والله بتك بتسف
اها اما عن التنظيرات بتاعه خام بارم دي...فاذا كانت خارم دي بمعنى خرمان
وكانت بارم بمعنى خارم اللي هي بمعنى خرمان برضو يييييييك معناها الشغلانه باظت خلاص
لووووول
ياسلام عليك يا زووووق يا سمندلاوي
توم اند جيري مره وحده
اها انا نفسي في مليون دولار لووووول
متشكرين ومقدرين
الغالي امدرماني :
شكرا على تحشرك...اهو نحنا بنرحب بالتحشر المثل تحشرك دا
وانت اللزيز يا عسل
|
Post: #12
Title: Re: كلام خارم بارم....ما تقروه
Author: sentimental
Date: 02-03-2003, 06:43 AM
Parent: #1
حنين... مالك يا بت !!! انت شاربة حاجة كده ولا كده!!?? قرون شنو انت ما عندك قرونك لكن مشكلتك البرى انت براية جد ومش براية عادية شفتى زى البراية البتكون في مكتب المدير العندها يد زى الفرامة.
فى ذمتك في زول بقوم نص الليل ويخش البورد والتلاجة!!! لا وكمان شنو يقعد يبرى ويبرى لحدى ما يطلع ...... الناس المساكين ديل....
استغفر الله
|
Post: #14
Title: Re: كلام خارم بارم....ما تقروه
Author: حنين
Date: 02-04-2003, 07:51 AM
Parent: #1
كلام في الصباح:
اتبتم بالفعل انكم شعب شمشار
لووووول
مع حبي
|
Post: #15
Title: Re: كلام خارم بارم....ما تقروه
Author: sentimental
Date: 02-04-2003, 08:37 AM
Parent: #1
وهو غير الشمشرة دى فضل لينا شنو. ما زال الرجل يشمشر ويشمشر حتى يكتب عند الناس شمشارا . والشمشرة هى اسم فعل من شمشر يشمشر شمشرة وهو شمشار وفى رواية اخرى جمجار بالجيمات المفخمة او المفخخة والجيمات هو امتحان مشهور يؤديه الطلاب الراغبين في الدراسة بامريكا والدول المجاورة.
|
Post: #16
Title: Re: كلام خارم بارم....ما تقروه
Author: sentimental
Date: 02-04-2003, 12:27 PM
Parent: #1
this post was edited by SENTI BIN MINTI AL NAHYAN for unknown reasons.
|
Post: #17
Title: Re: كلام خارم بارم....ما تقروه
Author: أبكر آدم إسماعيل
Date: 02-06-2003, 10:05 PM
Parent: #16
إنت متأكدة يا حنين
إنو ما كان شايلك حمار النوم؟؟؟؟
أبكر آدم إسماعيل
|
Post: #18
Title: Re: كلام خارم بارم....ما تقروه
Author: dreams
Date: 02-06-2003, 10:37 PM
Parent: #17
هههههههههههههههه والله صدقت يا ابكر
ياهوووووو ذااااااتو
لكن لذيذة يا حنين
تسلمى
|
Post: #19
Title: Re: كلام خارم بارم....ما تقروه
Author: WAD ELGAALI#4
Date: 02-07-2003, 06:18 PM
Parent: #18
والله يا حنين انا شاكى تكونى شربتى كولا بعدين انتى زولا صيدلانية تشربى كولا عشان تنومى ما بناقشك لكن يا عملاة الحناكيش
لكن والله بالجد عجبتنى هضربتك حتى انى قريتا كم مرة
ورتبتها وحفظتها عندى
عليك الله كل ما تحصلك الحالة دى اكتبى هضرباتك دى اوكى
والله اقولك تانى اذا حصلتلك اضربى لى تلفون والله احجيك
تلاتة حجوات اذا مانمتى تلفونك مرجوع
لك تحياتى عزيزتى حنين
بالمناسبة انا معجب من زمان بى اسمك لكن خايف من حبيبتى
وكمان خايف من ناس ابحراز يقولو مكسر
غيتو الله يكضب الشينة لكن....
|
Post: #20
Title: Re: كلام خارم بارم....ما تقروه
Author: حنين
Date: 02-07-2003, 07:54 PM
Parent: #1
الاعزاء:
استاذ ابكر
دريمز
ودالجعلي
غايتو كان حمار النوم ماعارفه....دي تبقى مشكله جديده كمان...الليله الحمار عزمني كولا ووداني البورد....بكره يا ربي وين؟
|
Post: #21
Title: Re: كلام خارم بارم....ما تقروه
Author: alhabeb
Date: 02-07-2003, 09:09 PM
Parent: #20
لا
كدى
قولى
لى براحه كده
وفى اضانى دى
لا دى
انتى
كنتى
شاربه شنو
وبصراحه كده
؟؟
غير الكولا
ما بكلم زول؟؟
|
Post: #22
Title: Re: كلام خارم بارم....ما تقروه
Author: حنين
Date: 02-07-2003, 09:21 PM
Parent: #1
لووووووووول يا حبيب
الله يجازيك
انا مره واحده بس ضقت الشربوت وفي حين انو باقي الناس كانو بيشربو كبايه واتنين وعشره وناس كمان مالين جك وعاااااادي كمان
كنت انا بعد الجغمه ديك واقفه في الركن واضحك براااااي
لوووووول
|
Post: #23
Title: Re: كلام خارم بارم....ما تقروه
Author: alhabeb
Date: 02-07-2003, 09:31 PM
Parent: #22
ههههههههههههههههههههه
هههههههههههههههه
والله الله يجازيك انتى يا حنين
لووووووووووووووووووووووووووول
|
Post: #24
Title: Re: كلام خارم بارم....ما تقروه
Author: حنين
Date: 02-07-2003, 09:38 PM
Parent: #1
عارف يا حبيب شكلي مصابه بنوع من الشيزوفرنيا بيجيني نص الليل وحسه الساعه ماشه لاتناشر وحاسه ببدايات تحول
الراس بدا يتطاول والقرون مدت راسها وما قادره اقعد في الكرسي عشان الضنب بدا يضايقني و..............هوووي يا حنين احسن ليك تمشي تنومي
|
|