لهذا تركت لعب الكوشتينة

يبدا الرفاق بتوزيع الاوراق, ترتعش الايادى و هى تمسك الورق
هذه ستة و هذه بت و دا آس اسود
تتوالى الاوراق و يزداد التوتر
تنتهى اللعبة الاولى و لكن يبدأ الصراخ بين الرفاق
- ياخى دى لعبة تلعبها
_( مفروض تنزل هنا يا كيشة
- ياخى انت بليد , دى لعبة تلعبها
_ و تتدخل بعض الاصابع الضيقة فترمى الورق على و جوه الآخرين
يزداد التوتر و المهاترات و يرتفع ضغط اللعيبة و يبدأ الصراخ و ترتفع الاصوات
ينسى الكل ان هذه لعبة للتسلية
لهذا اقلعت عن لعب الورق
لا لشى الا لمنع هذا التوتر
يا ليت الكلام فى صلب اللعبة او لتطويرها و انما هى مكابرة و يتحول الامر الى شتائم و بدون اى سند موضوعى
لهذا تركت لعب الكوشتينة
الى متى يظل السودانيون هكذا
و ما اشبه البورد الآن بلعب الكوشتينة

لكم الياسمين
و للحاقدين الرماد

والله ياود الخاتم يابو النسب

الواحد احتار فى رويحتو دى

غلبنا البنسويهو

نسال الله الاصلاح والاعتدال

اخوك بكرى

آمين يا سمندلاوى

عارف يا اسامه
قدر ما حاولت اتعلم الحاجه دى فشلت تماما
الي ان اتهمت نفسى بالغباء
لكن حينما اري اللعيبه يتنابزون بالالقاب بئس الاسم الفسوق بعد الايمان
احمد الله علي غبائى الذى منعنى ان اتعلمها
غايتوا
الله يصلح الحال ويكون الحوار راقيا موضوعيا
لا تجزن على البورد فهذه لحظة مخاض وبعده المولود
بكل الحريصيين والجادين والمبدعين امثالك
ستعود الاشياء سيرتها الاولي
مع محبتى

أســامة
صــارت منتدايــاتنا كلــها واحتــراسا أقــول غالبــها لعبــة كوتشيـــنة وحريق كمــان
يشـــتعل ويشـــتعل لا ليضــئ ولكن ليُفنــي مجــالات الحــوار الطيـــب والتنــاول اللطيــف لأطــراف الحــديث فبــدل تنــاول أطــراف الحـــوار صــار الأمــر تنــاول أطراف الشــجار ... كما ورد على لســان صديق
متـــي يحســن بعضــنا أدنــي ســلوكيات الليــاقة في الحــوار واحتـــرام العقــول متلقيــة كانت أم مُرسِــلة

الله كريــم والعنــد الله ما بعيـــدة
لم يبق لنــا ســوى أن نــأمل في ذلك

and remember Osama if there is will there is a way

وتحــايا رائعــات من صلحــة

الاحباء اسامة الخاتم وسمندلاوي(بكري)وبت الخليل
تحياتي لكم جميعا
كدي روقوا وقولوا بسم الله الحال دا زي عدي ليهو مده . وابتدا البورد يرجع لي حالته الاولي عشان كدي اتجاوزوه . ولا في جديد نحن ما جايبين خبره؟ لكم خالص الود والمحبه

الحبيب حسن سته معليش والله المساهمة بتاعتك ماشفتها . فعذرا اخي .ولكني اؤيدك فيما ذهبت اليه . وليك احلي وردة

مروقين و الله يا الطاهر
و بسم الله

والله انا كنت بكره الكوشتينة دى لكن لى فترة بقيت مدمنة ماعارفة ليه
الايام الفاتت البورد فعلا كان من ماتدخل غير المشاكل مافيهو حاجة لكن الحمد لله الناس روقت المنقة وبقت عال العال وانشاء الله دايما مروقين ولا شنو

اخي الحياة هي نفسها لعبة لمن يجيد اللعب فيها
والتزم بقواعدها
البورد جميل انو تكون فيهوا اشياء زي دي لانوا بدون معضلات لن يكون هناك طعم او لون للمنبر
وهابيل وقابيل اختلفوا
وياها الدنيا
ونحنا ممكن نتحاور ونرجع لكن توجد شعوب وعندك مثال انت وانا عايشين معاهم
الكوشتينة الذ حاجة
اديك انا لسه ندامن عليهوا لمن وضخت بيهوا استغلال الدين في السياسة
عندنا في اتحاد الطلاب السودانيين جمعية عمومية
وكان الاحزاب الاسلامية لا تجد فرصة في الاتحاد الا في الجمعية ةعن طريق الدين
اها قاموا اقترحوا عمل مصلي في الاتحاد
وامام الاتحاد وخلفه وكل الاتجاهات علي بعد خطوات مساجد بس المسالة قالوا لينا نحنا العلمانيين
وطبعا عندنا العاب في الاتحاد وقمت بعدها بعمل توقيع ثلثين اغضاء الاتحاد ورغبتنا في عمل تربيزة كوشتينة وفعلا تم عمل التربيزة وتعال شوف الهمجية
بس كان قثدي ابكي الجماعة ديلك
ولك شكري

شنو يامان
اخدت لك ســـــــيك من اولاد عـــوض ولا شنو؟
سمي الاتو يامان والعب
ههههههههههههههههه

الاخ الرائع أسامة

تحياتي
والله عجبتني جدا قصة انه البورد عامل ذي الكوتشينة
تشبيه بليغ
بس حابه اعرف ،
أصعب البورد ولا الكوتشينة؟؟؟؟؟؟؟؟؟
اجب حالا
ودمت

اهلا هوزى
اصعب البورد طبعا
الكشتينة ممكن الواحد يسيبها مهما كان
لكن البورد
البورد دا ما بتخلى ابدا
رغم انه صعب جدا
اليس هو سنــار كما قال الموصلى
البورد سودان مصغر و به الاصدقاء و المبدعين
فيه ريحة البلد
صعب

عزيزى بخاف
اولاد عوض هم الاتسيكوا
و احنا اتسيكنا معاهم
انســى بس
و اعمل حسابم من لعب الكشتينة