Post: #1
Title: ألحــقوا ... جكسويتي قالت أبو حراز !!
Author: Modic
Date: 01-31-2003, 02:25 PM
Parent: #0
حأخش طوالي في الموضوع و أحكي ليكم الحصل
شاغلت جكسويتي قلت ليها : شبطك حلو
ابتسمت و قالت لي : شكرا .. لكن ما يكون زي وجاهة أبو حراز
!!!!
طبعا أنصدمت لما سمعت الاسم ده .. و حسيت بي انو في مؤامرة حولي
و عادة لما أحس انو في مؤامرة حولي .. بسكت ساي و ما بتكلم
المهم سكت
بس رجعتي البيت كده .. ربطت الأمور بي بعضها البعض ..
اتذكرت انو الزولة دي بتدخل البورد بتتفرج علي مواضيعي و ردودي ..
و اتذكرت انو كانت في محاولة يائسة من شخصي الضعيف لي انو ألصق صفة الوجاهة بي أبو حراز هنا :
Re: قال شيخ ابوحراز قال
و هنا ردو اللذيذ :
Re: قال شيخ ابوحراز قال
و هنا محاولتي الثانية لالصاق الصفة بأبو حراز مرة أخري :
Re: قال شيخ ابوحراز قال
و هنا ردو اللذيذ التاني :
Re: قال شيخ ابوحراز قال
لكن غايتو يا أبو حراز الحصل ده برضو بشارة خير .. علي الأقل اشتهرت .. و الشمارات في أبوظبي أسرع من حلة البرستو ..
لكن انا لسه مصر انك وجيه .. عشان عندك شكل خاص بيك .. ما بتشبه أي زول تاني .. و ده في حد ذاتو وجاهة 
و كان علي زولتي دي .. أصلو هي كده ما عندها ذوق و الا ما كانت حتصاحبني في الأساس .. فما تأخد بي كلامها
و أبشر بالخير .. انشاء الله أبشر في يوم عرسك
محمد
|
Post: #3
Title: Re: ألحــقوا ... جكسويتي قالت أبو حراز !!
Author: SAdo7
Date: 01-31-2003, 06:29 PM
Parent: #1
حبيبنا مودك
تحياتى . . وبعدين شنو من اسى عملت ليك جكس
احسن تتعظ بعمك ابوحراز ده ماشايفو قال بقوم
من النوم الساعه تلاته صباحا بفتح النت وقال سبب
صحيتو جوعه اها انت اسى صحيه زى دى حيكون
سببها جوعه لا شاكوش المهم احسن تستفيد منو ابوحراز
ده وزى مابقولو لو اخوك حلقو ليهو تقوم انت تبل شعر راسك
ولك ودى
|
Post: #4
Title: Re: ألحــقوا ... جكسويتي قالت أبو حراز !!
Author: ابوحراز
Date: 02-01-2003, 06:10 AM
Parent: #3
مودك
كمام جابت ليها شهرة
قال شهرة قال
ورينا ليها ولمنا فيها ياسيدي
تعرف ليه ؟؟؟
عشان اقنعها ليك واقول ليها الزول دا امسكي فيهو قوي
كمان في الامارات قلت لي
ماتنسى تديها الاي ميل
وانشاء الله يوم او يومين تجيك جارية وتقول ليك ابوحراز شنو ولخمة شنو
تعرف نحن الآن بالمرحلة التانية والأخيرة
الرجل يمر بمرحلتين
مرحلة البنات بجرن وراهو
ومرحلة البنات بيجرن منو
|
Post: #5
Title: Re: ألحــقوا ... جكسويتي قالت أبو حراز !!
Author: zola123
Date: 02-01-2003, 10:31 AM
Parent: #1
يا مودك
حلقها ما وجعها؟؟
زولة123
|
Post: #6
Title: Re: ألحــقوا ... جكسويتي قالت أبو حراز !!
Author: Modic
Date: 02-01-2003, 11:32 AM
Parent: #1
Shmmasi
تسلم يا صاحبي .. انت براك عارفني زول ما غيور .. غايتو الله يعين أبو حراز مش يعيني أنا
SAdo7
عزيزي صدوح ..
أنا مجكس من زمان .. بس انت الماوصلك خبر
و بالمناسبة أنا عندي بعض أعراض أبو حراز .. عدم نوم .. و صحيان في أوقات غريبة و غايتو
الله يعين
عزيزنا أبو حراز
الكينج بتاع البوست
طبعا حتكون انصدمت .. بي جاي واحد متهمك انك شلت الايميلات بتاعة الجيكس .. و أنا بي جاي متهمك بي انك شلت قلوب الجيكس .. و غايتو حالتك صعبة
لكن كان ما عارف أعرف .. الجيكس بيريدوا الزول اللذيذ .. يعني أملك كبير فيهم .. و الشهرة دي ما جات ساي ..
هسعدي تكون في كم واحدة اتكسرت فيك و انت ما جايب خبرها ..
يا حليلهم غايتو
zola123
دكتورة زولة .. ده سؤال طبي ؟
لووووول
هي ما قالت أبو حراز .. قالت :
Haraz أبو
عشان كده ما جاها وجع حلق ..
لو قالت أبو حراز .. صوتها بيروح .. مع الاعتذار لصاحب الاسم .. لكن اسمك ده عشان يتنطق داير راجل .. يعني ما بينفع تنطقو بت .. و أستثني البنات الحربيات
كل الحب
مـــــــودك
|
Post: #7
Title: Re: ألحــقوا ... جكسويتي قالت أبو حراز !!
Author: toona
Date: 02-02-2003, 00:28 AM
Parent: #1
والله يا مودك ما عجبني ليك ، لكن البقدر يتكلم في ابو حراز منو ؟ النصيحة ماف كلام ! بعدين بس ملاحظة يا عزيزي ، الهدوم الجديدة خلتني ما اعرفك ... شكلك بقى لي غريب غريب .. فقط للملاحظة لا اكثر
دمت وسلام مكعب لزولتك ، وتحت تحت كده ، قول ليها الذوق ما عندك
|
Post: #8
Title: Re: ألحــقوا ... جكسويتي قالت أبو حراز !!
Author: ابوحراز
Date: 02-02-2003, 06:31 PM
Parent: #7
تونا والجميع
اشكركم بحرارة
لكن في شيء ماقلتو ليكم
البت اظريفة دي جايز بتقصد ابوحراز بتاع سودان نت
هو انا ما قلت ليكم
انو في واحد تاني بيحمل نفس الاسم في سودان نت
طبعاً مرتين شاكلني
قال لي يا زول انت سرقت اسمي
اها بعد مدة تفهم الوضع واصبح الآن صاحبي
قال وجيه قال
|
Post: #9
Title: Re: ألحــقوا ... جكسويتي قالت أبو حراز !!
Author: ABUHUSSEIN
Date: 02-02-2003, 06:50 PM
Parent: #1
يا جماعة الجكسوية شبهت وجاهة الشبط بي وجاهة أبو حراز
الظاهر إنتو فاهمين الموضوع غلط
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
|
Post: #10
Title: Re: ألحــقوا ... جكسويتي قالت أبو حراز !!
Author: ابوحراز
Date: 02-02-2003, 07:40 PM
يا ابو حسين
شنو عاوز تولع النار
البت الظريفة دي ما بتقد اي شي
بعدين انت شفت الشبط في الامارات زي شنو
يا اخي والله حاجة جميلة جدا
هو الواحد لاقي وشو يكون زي الشبط ؟؟
بعدين ما قلت ليك
لمن كنت في الابتدائي ابوي جاب لي شبط جلد
طبعاً الحلة كلها مافيها كان شبط جلد
تصدق انا اليوم داك نهائي مانمت لحد الصباح
كل خمسة دقائق بنزل من العنقريب البس الشبط دا وارجع ارقد تاني
طبعاً مشيت المدرسة قبل ست اللقيمات
رغم انو الحصة الأولى كانت رياضيات
قال وجاهة قال
|
Post: #11
Title: Re: ألحــقوا ... جكسويتي قالت أبو حراز !!
Author: Tumadir
Date: 02-03-2003, 12:07 PM
Parent: #10
ياجماعة الردود الحتقروها دى من موديك هو غايب من البورد وكلفنى انقلها ليكم،
toona :
تسلمي علي تعقيباتك الحلوة ..
أنا طبعا معتزل البورد لفترة .. لكن ما قدرت الا اني أرد عليكي ..
الصورة الأنا خاتيها دي .. بتاعة بوب مارلي الفنان الجامايكي الأمريكي الراحل .. و هو انسان صاحب قضية .. بيدعو الي الحرية بكل أشكالها .. حتي التحرر من العقل
كل الحب
ابوحراز
الكينج بتاعنا .. جكسويتي دي قاصداك انت ذاتك .. قالت أبو حراز بتاع سودانبز أونلاين .. ما بتاع سودان نت .. و ما تحاول تتهرب ..
أنا عارفك عايز تتهرب عشان خايفني أغار منك .
لكن ما تخاف .. أنا ما النوع البغار .. خاصة انك زول ود بلد .. و أمين علي بنات الناس
أبشر بالخير
..
ABUHUSSEIN :
انت لو شفت الشبط .. ما شاء الله .. عيني عليهو باردة
وجيه وجاهة .. و الا أنا ما كان لقيتها فرصة و علقت عليهو
بعدين مالك داير تخرب العلاقات بيني و بين أبو حراز ؟
أنا ما صدقت اني قاعد أتواصل مع الشخصية الجميلة دي .. و صدقني الزول ده أديهو وكت .. هسعدي أنا رصدت ليهو كم معجبة كده في الامارات ..
قال شبهت الشبط بي أبو حراز قال
looooooool
كل الخير
موديك لما ترجع اعمل جيك على المداخلات ان شا الله ما اكون لخبطتها ليك
حتى تعود نتمنى لك السلامة
|
Post: #12
Title: Re: ألحــقوا ... جكسويتي قالت أبو حراز !!
Author: ديامي
Date: 02-04-2003, 08:10 AM
Parent: #11
ابو حراز( القرية التي تتطلع أن توصم بأنها مدينة ) تجاوزت أطر المكان ( الضيق ) وصارت تعني عند من تعرفوا على أهلها حالة من العشق الصوفي
الأخ أبو حراز
أين هؤلاء بربك
عبد الباقي الطيب
فائز أحمد الفكي ( أول من أدخل الكمبيوتر داخل أبي حراز ) أنت أدخلت شبط الجلد وما في حد أحسن من حد
ثم سؤالي عن الشخصية الأسطورية الأبوحرازية
العطا
لك تحياتي
|
Post: #13
Title: Re: ألحــقوا ... جكسويتي قالت أبو حراز !!
Author: nooralaen
Date: 02-04-2003, 08:50 AM
Parent: #12
ا مودك يا اخوى احمد الله على كده
وكويس انو عرفتها قبل ماتحلم زىىىىىىىىىىىى وتصحى بعد مايمشو الناس
|
Post: #14
Title: Re: ألحــقوا ... جكسويتي قالت أبو حراز !!
Author: ابوحراز
Date: 02-04-2003, 09:03 AM
Parent: #12
ديامي
ابوحراز تعني لي الكثير
نهلت من علمها وعبيرها والقها ورحيقها
أحببت اهلها ومزاراتها
ونيلها
كنت اغار من النيل عندما أجده في كل يوم يحتضنها
يقبلها على مرأى من شيوخها ومتصوفيها
ابوحراز قرية
لكنها ضخمة
وشامخة شموخ السنديان والجبل الأشم
وما ذكرتهم لي ياسيدي لا اعرفهم
فأنا قد قرأت فيها
ولكن تجمعني بها قصة حب وعشق غريبة
لا اقدر ان أحكيها
|
|
