الهجره أو ثلاثة أنهار: أولاد المــغتـربــين

ما أولاد مغتربين

سحاسيح ساي

حناكيش

شهاده عربيه ساكت


الخ الخ

يبدو ان الجميع استنزف ما بجعبته حول الشيوعيين و الكيزان و الجمهوريين و شرنوبي و قبلو على اولاد المغتربين


بدايات بوستات قد تبدا بالنكات و الوصف بالسطحيه و الدلع - هذه في حد ذاتها سطحيه- قد بدات تتشكل و قبل تفاقم الامر أرى ان نمنع الاهانات من عبور النهر

...لست هنا لكي اناقش بوست اخر.......


فقط ساعبر مجموعة أنهار

النهر الاول


أبناء المغتربين العائدين للسودان بهجره عكسيه هم الشريحه التي ستقود و تحكم السودان في المستقبل .

فمعظم ابناء الوطن (الذين نقمو أو نعمو)بالعيش فيه. الان يقفون على اعتاب السفارات في انتظار الهروب من بلدهم الى اي مكان يعمل فيه بمستوى الدخل الاقل كماسح ارض أو حارس مخزن .

في الوقت الذي يعود فيه ابناء المغتربين الى السودان... بمعنويات عاليه . و شهادات أعلى و في الغالب حسابات بنكبه أعلى و أعلى


النهر الثاني


ابناء المغتربين هم الوحيدين - للاسف - الذين تبقت بهم العادات السودانيه الاصيله التي نتباكا عليها في هذا البورد و السبب واضح.

انهم شربوها من أهلهم الذين خرجو من السودان في وقت كانت فيه
المنظومه الاخلاقيه السودانيه بعافيتهاولم تتسرطن بعد و لانهم- الاهل- بعيدين عن اسباب الانتكاسه لم تتاثر اخلاقهم باالامراض الاخلاقيه السودانيه الحاليه . و انتقلت هذه العادات الجميله و المفقوده بل و النادره حاليا بطبيعة الحال الى اولادهم و بناتهم




النهر الثالث


.............سارجئ هذه حتى ياتي حزب اعداء المغتربين

العزيز ماندلا لك تحياتى والله العظيم اوافقك فى كلامك عن اولاد المغتربين فهم فعلا اهلا لكل الصفات الجميلة والتى هى فخرا لنا ولاهلم وللسودان بصفه عامة فوالله تعكسون
الوجه المشرق دابما للسودان انتم وابائكم ليس هذا فحسب
فنحن ايضا نتاثر ايجابا بما تفعلون لانو فى كثير من
الاحيان تلاقى بعض الاخوة من دول الخليج خصوصا من
الامارات يبدلوننا الاحترام والتقدير دون سابق معرفة
فقط لانك سودانى وهو يعرف احد السودانيين فى بلده
كان ماخذنا فقط على بنات المغتربين مقارنة بالبنات
الاتربن فى السودان
لك حبى وكامل التقدير

Quote: ابناء المغتربين هم الوحيدين - للاسف - الذين تبقت بهم العادات السودانيه الاصيله التي نتباكا عليها في هذا البورد و السبب واضح. انهم شربوها من أهلهم الذين خرجو من السودان في وقت كانت فيه المنظومه الاخلاقيه السودانيه بعافيتهاولم تتسرطن بعد و لانهم- الاهل- بعيدين عن اسباب الانتكاسه لم تتاثر اخلاقهم باالامراض الاخلاقيه السودانيه الحاليه . و انتقلت هذه العادات الجميله و المفقوده بل و النادره حاليا بطبيعة الحال الى اولادهم و بناتهم

كلامك صح% 100 Mandela
وزي مابيقولوا أهلنا المصريين جعلي ده اديله وما ترحموش

leeh keda ya nasmah 1981 algswa di 3la alj3li
wa b3deen ana kunta 3ayesh fi al'7leeg ya alj3li wa 9ddgni awlad wa bnat al'7leeg a7sn mn awlad wa bnat alsudan bi alsam3no alayamat di
wa alsalam

عـــزيزي صاحب الاسم الجميل .. مانديلا

كلام واقعي .. بسيط و مباشر و مقنع

أولاد المغتربين في هجرة عكسية .. و هم أكبر كسب للبلد .. ممكن يكونوا الكسب الوحيد للبلد اللي أصبحت خبيرة في تهجير الكفاءات .. و استيراد ما يضر بالوطن

بانتظار النهر الثالث

كل الود

محمد

سلاماات
لست من اعداء المغتربين و اولادهم لكنى و الله اخاف موتا ان يصبح اولادى مثل اولاد المغتربين
انا الان خارح السودان لكنى لن اربى اولادى خارج السودان حتى لو اكلنا ( كسره بمويه )فى بلدنا
اريد ان يكون اولادى مثل امهم وابوهم يقروا فى مدارس السودان ويعيشوا فيه حتى يعرفوا قيمة بلدهم و يحبوه , كيف اطلب من اطفالى ان يحبوا وطن علاقتهم به اجازة لمده شهر كلها شكاوى من انقطاع الكهرباء و الكتاحه
واى حسابات بنكيه دى اللى بتتكلم عنها ؟ الان و اغلب اعضاء البورد من المغتربين , من منكم له بيت فى السودان و حساب فى البنك ؟ قلائل جدا
و اى عادات سودانيه اصليه دى ؟ اهى ثقافه مايك جاكسون و دينا حداد ؟
و ماهى الامراض الاخلاقيه السودانيه ؟ هل هى حب وردى و محمد الامين ؟ ام هى اكرام الضيف المغترب لو ما عندو بيت و استضافته حتى على حساب راحتنا وراحة اولادنا ؟ ام ماذاا ؟ فقط اريد ان اعرف !!!
وتعيب على شباب السودان خروجهم من بلدهم قائلا ( فمعظم ابناء الوطن (الذين نقمو أو نعمو)بالعيش فيه. الان يقفون على اعتاب السفارات في انتظار الهروب من بلدهم الى اي مكان يعمل فيه بمستوى الدخل الاقل كماسح ارض أو حارس مخزن .(
و المغتربين ( اباء هولاء الاولاد ) خرجوا من السودان من اجل بناء الدول الخليجه ! الم تخرجوا من السودان من اجل وضع افضل ؟
و يا خوفى على سودان يحكمه اولاد المغتربين
الدين حكموا السودان كانوا دئما ابناه الذين عاشوا فيه
و ح تقول لى ما انت الان خارج السودان ! انا خارج السودان لاعود للسودان بعلم انفع به بلدى و ابناء بلدى الذين لم يهربوا للخليج و مازالوا متمسكين بالسودان و عاداته الاصيله .للخبش اللى ما عندهم حق الفطور ولا المواصلات و لا حتى حق التزكره عشان يهربوا من السودان
الخبش اللى ح يحكموا السودان

و شنو الحكايه اللى طالعه اليام دى انو اولاد المغتربين احسن ناس , كاننا لم ندرس معهم و لم نعرفهم
مثلهم مثل اى مجموعه فى المجتمع فيهم السطحى و فيه المثقف فيهم الدلوع و فيم اولاد البد
بس الشى الوحيد المشترك بينهم هو علاقتهم الواهيه السودان و العادات السودانيه
و الواحد اول ما يجى السودان يشكى من الحر و البيزا و الماكدونلاد اللى فى السودان مافى
و يا مانديلا
نوع كلامك ده هو اللى انا ما عاوزه اولادى يكبروا بره السودان و يقولوه لابوى و امى و اخونى عن اولادهم اللى اتربوا فى السودان
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\

• Laugh, and the world ignores you. Crying doesn't help either.

نسمة العسل انتى مالك ياخى فتانة كدة نحن ما اصحاب ياخى انت محروقة على كده ليه دا انا غلبان يا بيه
انا عارف انك اتربيت فى الخليج ولو بضمن انو بتى لو
اتربت فى الخليج بتطلع زيك سمحة خلقه واخلاق والله من بكرة
ادق خروج نهائ من هنا وامشى اعيش فى الامارات
شكرا ليك عزيزى مهيد وعدمتك اخ وصديق وفى ولك حبى
وتحياتى

في بداية الثمانينات و اواخر السبعينات عندما بدأت الخدمه المدنيه تتدهور أزاء السياسات النميريه الخرقاء . قررت العديد من الكفاءات السودانيه الهجره - تخت ما يسمى الاعاره الى الدول العربيه . الجيلالاول من المغتربين انتقل الى هناك من أجل حياه أفضل على الرغم .من أن السودان في ذلك الوقت هو جنه بالنسبه الى سودان اليوم

حقق معظمهم هذا الهدف و أن كان ارتباطهم بالوطن كمكان لم يتواصل . وانما أصبخ الوطن قكره يغنونها في كل مناسبه. و يطرونها في كل مكان

ديانا خداد و أصاله عندما أتو الى السودان لم ياتو ليغنو لاولاد مغتربين . ووردي وابو الامين عندما يزورون دول المهجر لا ياتو ليغنو للخلايجه

أنا لا أقول اولاد المغتربين أفضل من غيرهم , ولكن هم ليسو أسوا من غيرهم . الانحطاط الفكري السائد في السودان الان أصابهم كما أصاب غيرهم . فهم كما أقول مرتبطين بالسودان الوطن الفكره و ايس بالسودان المكان .

بغض النظر عن الدولارات و التي يرسلها المغترب شهريا . الا ان استقباله في المنزل و ضيافته شي عادي و سوداني جدا

اتمنى ان تتحقق امنية سمارت و يحكم الغبش السودان .و لكن للاسف السياسه التهجيريه تمضي على قدم و ساق و الغبش يموتون كل يوم في أوروبا و هم يعملون أعمالا ما كانو ليرضو ان يعملوها في السودان. انا اتفق مع سمارت ان السودان حكموه دائما ابناءه الذين عاشو فيه . و الاثار و النتائج واضحه .

طوبى لسودان يعود اليه ابنائه من الهجره و يحكموه



ود الجعلي : السوداني يترك انطباعا مشرفا أينما حل . صحيح . الجيل الجديد لا يسير على نفس المنوال

نسمه : ود الجعلي د أخوي . وزي ما بقولو المصريين أنا و اخوي على ابن عمي

مهيد : مادمت اغتربت و عاشرت مغتربين خلينا نسمعك

مودك : انتم من اتحدث عنهم

تحياتي

محمد علي أحمد

الأستاذ الكريم ما نديلا
هناك الصالح والطالح سواء في الوطن أو خارج حدود الوطن ، والهجرة العكسية أخي ما نديلا هي هجرة قسرية وأنها مفروضه على السوداني شأنه شأن كل الأجانب في دول الخليج بصفة خاصة لأن جميع المؤشرات تدل على أن الحاجة إلى الأيدي العاملة الأجنبية إن لم تكن إنتفت بصورة قطعية فمن المؤكد أن إحلال الأيدي العاملة الوطنية أمر يشكل هاجس لجميع حكومات تلك الدول بغض النظر عن كفاءة المواطن أو رغبته من عدمها في أداء العمل لأن البطالة التي إستشرت في دول حباها الله بنعمة لم يحسنوا إستغلالها على الوجه الأكمل وبخاصة في ما يخص التنمية البشرية. والمواطن السوداني لا يعود للوطن إلا من باب مكره أخاك لا بطل ، فالظروف التي خلقت جيل المغتربين ما زالت ماثلة وأرتال من الخريجين حلمهم الهجرة.
السوداني العائد قسراً وكرهاً سوف يصدم بواقع مرير في بلاده فالحال إنقلب إلى أسوأ مما كان عليه حين فكر في الهجرة ومع طول فترة الغربة يقل حس المواطنة لدى المغترب وبخاصة أبنائه بمولدهم ونشأتهم في دول المهجر ، وليس مبالغة أن لا يفهمون حتى لغة رجل الشارع في السودان.
الموضوع مأساة أخي ، والغربة كلها ألم والعودة إلى وطن يئن تحت وطأة جور أبنائه عليه أشد إيلاما. البلد هي البلد والسودان هو السودان لكين الذي تغير هو الإنسان. والشاعر أخي بيقول:
بلادي وإن جارت على عزيزة ، وأحسب أخي أنها لم تفعل ولن تفعل أبداً.
أسأل الله أخي أن لا يأتي حزب يعادي المغتربين وأبناء المغتربين أو غيرهم ، وأن تأتي أحزاب وأحزاب تختلف بأدب وتتخاصم بأدب وتعمل بأدب.
ولك التقدير والإحترام

الملا عمر
ذكرت في الاعلى ان " سودان ذلك الزمن هو جنه مقارنة بسودان اليوم " . و للاسف الشديد الجيل العليهو الرك كما يقولون . أضخى امله ان يتحصل على فيزا من اخدى السفارات الاوربيه أو يجيهو اللوتري . بل أصبخ هذا قمة أهدافه الحياتيه و انت تعلم ان تعداد السودان فيهو من الشباب أغلبيه و ان التركيبه السكانيه في السودان اختلت نتيجة هذه الهجره الناتجه ببساطه عن سياسات حكوميه رعناء

.....

الهجره العكسيه ان كانت طوعيه اختياريه أو جبريه " تفنيش " باللهجه الدارجيه المغتربيه . هي واقع و حقيقه ومن يعودون الى السودان اليوم من المغتربين ليسو همنا فهؤلاء بيرجعو ناس معاشات , و لكن الجيل التاني هو من يعول عليه فهم سيشكلون لونا شديد الوضوح في اللوحه الاجتماعيه في الوطن .

اعتقادي الشخصي ان الجزء الاكبر سيتأقلم مع سودان اليوم بكل مصاعبه و يتفاعل مع الحياه الاجتماعيه في السودان و بالتالي سينتج انتاج اجمل و افضل


.......


للاسف الشديد حكوماتنا جارت علينا و على بلادنا ختى أصبح الوطن نفسه فكره منفره

لك التحيه
و نواصل .