نبه خطاك الشوق ..قبل وراك خاطر

نبه خطاك الشوق
قبل وراك خاطر
كثف حضورك غيم
بلل رزاز قوس قزح
أقترح صمتك لغة
وإنشرح صوتك غنا
يامنى اليشتهيك
صحبة ورفيقة
جواي بقيف
جواك بقيق
كل الزمن
يغسل همومه ويغتسل
ما بينفصل
ما بننفصل
جواك بسساق
بفتش فيك عن
موسم الفرح الملازم للحقول
أو عن محطات في عيونك للوصول
لكني بلقاك واقفة في الخاطر دعاش
شايلة في رمشوك مدينة وجايه
بهج مجيك ضوء النجوم
الغافلة عن آهة تنهد
ما بتشهيل تعب التردد
من فروق زمن الفصول
يا مغمورة بفيض النور
لما أجيك محوج ضوء
يا نديانة وبيك بتوضأ
لما أجاوز حد الهم
يا ...أنثى
بطعم الشهد
ووعد الفرح الباكر يملأ الدنيا
وصوفية عشقك تجرد أسمك
غنية
غنية ليل
وقمرة بتعلن إنك حضرة
وأجمل فكرة لما أشيلك راتب
أجاذب في السعد
وأدخل ذاتك هجرة
يا أنثى بعبق الورد
أجمل لقيا
لما أدقك باب
وأدخل فيك مصبوغ بحبك
وألقاك مسكونة بحب الناس
يا أروع نصف آخر
يا كل الدنيا
يا كل الدنيا