قـــــــرنتيه؟؟!ما غواصه روسيه؟؟

قـــــــرنتيه؟؟!ما غواصه روسيه؟؟


01-29-2003, 08:20 PM


  » http://sudaneseonline.com/cgi-bin/sdb/2bb.cgi?seq=msg&board=5&msg=1043868049&rn=2

Post: #1
Title: قـــــــرنتيه؟؟!ما غواصه روسيه؟؟
Author: solara
Date: 01-29-2003, 08:20 PM
Parent: #0

قبل 4 و لا 3 سنين كان في مطر تقيل جدا في السودان الناس صبحت و في حي من احياء امدرمان و غالباابروف...وجدت((((قرنتيه))))في حفره
ونظرا لانها من الاعداء و جايز تكون مخبيه اجهزه تصنت و تجسس الشعب اتخلص منها... كيف ؟؟بابشع الصورلانها عدو طبعا؟؟!!؟
الشاعر:هاشم صديق حكى عن الحادثه دي..شوفو الكلام ده بسيط كيف و حااار كيف؟؟

قرنتيــــــــــــــــــه....
لا دبابه برمائيه لا جاسوسه مدسوه...لا غواصه روسيه
لا جنديه في ((حركه))لا مختلسه مال شركه؟..
لا قصفت حدود ((فشلا))لا كسرت صريف((كسلا))...ولا معروفه((ختميه))..ه

قرنتيـــــــــــــــــــه.....
لا صعلوكه لبست((شورت))لابتعرف شنو((البظبورت))..ه
لا محتاجه جنسيه؟؟
هي قايله النيل سقف بيتها وقايله ضفافو((محمبه))...ه
جات منسابه عزالصيف قايلع الناس بكرمو الضيف؟؟
قايله النيل امان والقيف وقايله((الحاضره))عصريـــــــه

قرنتيـــــــــــــــــــه....
جات بصغارا دايره الخير
لاشافت يفط تحذير..
لانزحت تكوس توزير لا جاطت حركه السير
لا دارت وسام تقدير ؟
لا مستلفه عشرين وش لا بتعرف تعيش بالغش؟؟
كان محتاجه بس للقش وجات احلامها دوغريه...

قرنتيــــــــــــــــــــه....
لا بلعت عديل السوق.
لانضمت بدون طايوق
لاكنزت دهب او ماس؟
لاظلمت بدون احساس؟
لاعصرت شباب الناس؟
لاكتمت على الانفاس؟
لاقطعت عشم بي فاس؟
لاداستنازنديه....؟؟!!؟؟

قرنتيــــــــــــــــــــــه....
لا دست سلع في الخيش
لاشربت مريسه العيش
لاضبطوهافي التفتيش
لاسجنوها شالو((الفيش))..ه
لا خانت قسم او ديش لا اجتمعت بمتسر(((جون)))..ه
لا اكـــــلت مؤنه العون؟؟
لا سدت علينا الكـــــــــــون؟
لا سبت كتاب او دين؟
لا سامتنا حمره عين
ولا باعتنا ضهريه.....؟؟؟
Post: #2
Title: Re: قـــــــرنتيه؟؟!ما غواصه روسيه؟؟
Author: Modic
Date: 01-29-2003, 08:30 PM
Parent: #1

عزيزتي سولارا
الله يرحمها
قالوا انها أكبر قرنتية في العالم .. سمعت كده غايتو
بدل ما يودوها محمية طبيعية و هي كائن معرض للانقراض
كتلوها
الله يرحمها و يرحم السودان

محمد
Post: #3
Title: Re: قـــــــرنتيه؟؟!ما غواصه روسيه؟؟
Author: solara
Date: 01-29-2003, 08:34 PM
Parent: #1

دقيقه يا محمد انا ما كملتها تعال و شوف النهايه......
بالجد حتقول الله ارحمها 100000000مره

Solara...
Post: #4
Title: Re: قـــــــرنتيه؟؟!ما غواصه روسيه؟؟
Author: SAdo7
Date: 01-29-2003, 08:37 PM
Parent: #1

العزيزه سولارا
دائما يتحفنا هاشم صديق بنقله للواقع
الى لوحه من المفردات تجعل الواحد منا
فى حالة تجهم . . مااروعها من كلمات
لك كل الود ولهاشم صديق كل الاحترام
Post: #5
Title: Re: قـــــــرنتيه؟؟!ما غواصه روسيه؟؟
Author: solara
Date: 01-29-2003, 09:10 PM
Parent: #1

قرنتيـــــــــــــــــــــه....
جات مشتاقه للخرطوم تزور احبابها خايفه اللوم
تصيـــــــــــــح و تنادي
بالحلقـــــــــــــــــــــــــــوم:....ه
(((((جنينه النزهه)))))......
وين يا زووووول؟؟جنينه النزهه ؟؟؟وين يا زووول
..........
لقت حال الجنينه خلا
حليـــــــــــل زمنها وحليل اهلها
لا قرنتيه لا اصله
لا صوت ككو لا بغله...
لا حلوف و لا اسدا مهاب بالخوف لا نمرايشد الشوف
لا ضل فيل لا تيتيل جريهو جميل
ولا غزلان و لا طاوؤس بباهي النيل
لا زفه.....لاطيور ونعام
لانمرا دفر......قدام
كل الشله يا قرنتيه_غمضه عيـــــــــــن_احالوهم لصالح عام
تقول:الدنيامهديـــــــــــــــــــــه..

قرنتيـــــــــــــــــه.....
جات زي ضيفه ما غاره
لا محتاجه لب ((فيزا))....ولا تصديق على زياده
جات والشوق دمــــــــــــــــــــوع حاره
تجدد في العيون الشوف
بين((توتي))...و((علالي ابروف))...ه
قايله الدنيا لسه سلام
ما خيم زمان الخوف و اسه هناك
ضفاف حره
ما((مطموره))للمره
قايله الناس بعزو الضيف ما بسوقوهو لي حفره
وجوار القيف...........
ما بياكلوهو في((السفره))...ه
ومصيرو مخـــــــــــــيف
قايله(((الحاضره)))...ه
ما غايه وقايله.........
حقوقها محميه؟؟؟؟؟؟؟‍‍..
Post: #6
Title: Re: قـــــــرنتيه؟؟!ما غواصه روسيه؟؟
Author: solara
Date: 01-29-2003, 09:15 PM
Parent: #1

SAdo7شكرا
اتمنى انك تتابع للنهايه عشان تشوف القرنتيه حصل ليها شنو؟؟

Solara...
Post: #7
Title: Re: قـــــــرنتيه؟؟!ما غواصه روسيه؟؟
Author: WAD ELGAALI#4
Date: 01-30-2003, 00:05 AM
Parent: #6

والله يا سولارايا اختى تعيشى كتير تشوفى كتير هاشم صديق مبدع ورجل صنديد ليتهم يتركونه فى حاله
ومبدعه انتى ايضا اختى العزيزة بمساهمتك فى نشر ابداعات
هاشم صديق وامثاله من الشرفاء
لك ودىوتحياتى
Post: #8
Title: Re: قـــــــرنتيه؟؟!ما غواصه روسيه؟؟
Author: PLAYER
Date: 01-30-2003, 01:41 AM
Parent: #7

يا سولارا
نكتى الحكاية دا من وين


لعلو حبوبة وراكى ليهو
الله يعطيك العافية
Post: #9
Title: Re: قـــــــرنتيه؟؟!ما غواصه روسيه؟؟
Author: solara
Date: 01-30-2003, 10:28 AM
Parent: #1

ود الجيلي#4
والله الاستاذ هاشم ونعم الشاعر و شكرا ليك يا ولدنا بس تم الحكايه و شوف عملو ليها شنو؟؟
Post: #10
Title: Re: قـــــــرنتيه؟؟!ما غواصه روسيه؟؟
Author: solara
Date: 01-30-2003, 10:30 AM
Parent: #1

ههههه
PLAYER انا حبوبه زاتي

Solara....
Post: #11
Title: Re: قـــــــرنتيه؟؟!ما غواصه روسيه؟؟
Author: ود شاموق
Date: 01-30-2003, 10:35 AM
Parent: #1

حاضر القصة دي كنتا في الخرطوم
والله حكاية بشعة بشعة

لكن يا بت أمي يا سولارا

هو الزول عندو قيمة في السودان لمن القرنتية ؟

الله يرحم السودان جنازة بحر مشنوقة
Post: #12
Title: Re: قـــــــرنتيه؟؟!ما غواصه روسيه؟؟
Author: سكر
Date: 01-30-2003, 12:41 PM
Parent: #1

انا اول مره اقرا القصيده دي لهاشم صديق
لكن اصابني عنصر المفاجاه و الدهشه للابداع اللامتناهي

كتر الله من امثالك يا سولارا
اتحفينا بالمزيد
Post: #13
Title: Re: قـــــــرنتيه؟؟!ما غواصه روسيه؟؟
Author: solara
Date: 01-31-2003, 06:35 PM
Parent: #1

شاموقنا..في جزء مؤثر بتكلم عن الحته دي....
الرجل ده...على قدر ما كلماتو بسيطه الا انها حاره

تحياتي
Solara....
Post: #14
Title: Re: قـــــــرنتيه؟؟!ما غواصه روسيه؟؟
Author: solara
Date: 01-31-2003, 06:37 PM
Parent: #1

سكـــــر...
تحياتي ليك اول شي بما انك اول فتاه ترد علي
(*_~)...
كملي القصيده و ادينا رايك و الشكر لمرورك

تحياتي
Solara..
Post: #15
Title: Re: قـــــــرنتيه؟؟!ما غواصه روسيه؟؟
Author: solara
Date: 01-31-2003, 06:47 PM
Parent: #1

..
.

قرنتيـــــــــــــــه....
لا قدلت في شارع القصر لا حامت في وكت الحظر
لا خشت على المامور و لا نطت سلا او سور
لا دخلت على امدرمان و لا كسرت قفل دكـــان
لا دفرت على((التلفاز))لا عضت كراع فنان
لا ذاعت بيان الناس لا احتلت كمتن((حيشان))ولا نصبت شبك للحش
جات بصغار كايسه القش
تلاقي القوت ....صبح محظور؟؟؟؟؟
سماحه الدنيا منسيـــــــــــه


ده اكتر جزء مؤثر....


قرنتيـــــــــــــــه.....
لا بتعرف عجن او لخ......
وجات احلامها دوغريه.....
(((((عجـــــــــــــــــــــب
ساقوها جوه الفخ....
(((((عجـــــــــــــــــــــب
من طولها وقعت تـــخ
((((عجــــــــــــــــــــــب
سلخوها صبحيه
((((عجــــــــــــــــــــــب
ونحنا(((بنسلخ))))الانســــــــان
كيف؟؟؟؟ّ!!مانعذر الحيوان
((((عجــــــــــــــــــــــب
والدنيا عصريه؟؟؟؟؟؟؟؟؟؟؟
Post: #16
Title: Re: قـــــــرنتيه؟؟!ما غواصه روسيه؟؟
Author: solara
Date: 02-01-2003, 01:42 AM
Parent: #1

..
.
شوفتو القرنتيه و الحصل ليها........

وياما قرنتيات ماتت...وياما حتموت.....ريكم كريم

تحياتي
Solara...