Post: #1
Title: مدخل1
Author: dabeep
Date: 01-28-2003, 02:46 AM
Parent: #0
طعم الهواء
ولون العدم
لمن صداك يملا السماء
ما ترد عليك غير صنتك
صامت مداك
بحة نبيحك مؤلمة
أرجانى إدرج معاك
لملم شوارعك وأحزما
وبكرة الصباح
نغشى الرياح
أقعد معاها وكلما
متوازية ترعتنا ومحطات المطر
كل النهايات فى البحر
تتلاقى يتلم السحاب
إنتا النهاياتك سراب
ذى مافى شئ
يانازفة قبلك فى التراب
أدينا حتة بتتمشى
ونقدر نصل
أدينى ضل
أفرد قناعاتى وأجييك
وأحلف
بانك كل شئ
|
Post: #2
Title: Re: مدخل1
Author: hasan_6
Date: 01-28-2003, 03:54 AM
Parent: #1
مدخل مرصع بالذهب
روائع
نعيما وملكا كبيرا
ما ادهشك ايها الدبيب الشديد
كعادتك دائما
مطوعا للمعانى
نفس شعرى نامى مطرد
موسيقى متلاحقه منسابه
صوره شعريه معبره
لك كونشبر معزه
وقفتين مشرق
او كما قلت
|
Post: #3
Title: Re: مدخل1
Author: Elkhawad
Date: 01-28-2003, 03:55 AM
Parent: #1
متوازيه ترعتنا ومحطات المطر
كل النهايات في البحر
.....
وكل البدايات في البحر
الجايه من ريحه الارض
والماشه لي عمق الدعاش
نتلمه في نص الدرب
نقلي البحر
انتا البحر
تسلم دبيب
ويسلم لي البحر
|
Post: #4
Title: Re: مدخل1
Author: sympatico
Date: 01-28-2003, 07:22 AM
Parent: #3
عارفك يا دبيب
لمن تغيب
بتقطر المعاني
وتجيب لينا المطر
بي دعاشو من بعد الهبوب
نتنسم شعر
ونتعشم نقول
زيدنا من هذا البحر
|
|
Post: #5
Title: Re: مدخل1
Author: moniem2002
Date: 01-28-2003, 10:56 PM
Parent: #4
عزيزى دبيب
افتقدناك كثيرا ايها المتمكن
تجعلنا نتكى
على حافة الحرف
وكاننا نحتسى حمرة المغيب
حتى لا نغيب
ونظل ننهل حتى نرتوى
تحياتى لك وانت تطوع القوافى
مزيد من الابداع ايها الرائع دوما
|
Post: #6
Title: Re: مدخل1
Author: dabeep
Date: 01-29-2003, 08:33 AM
Parent: #1
حسن ســـــــــــتة يا محمل بتمر أولاد المرحوم محمد أحمد ودفيق بلدنا
خــــــــــــــــــــــــــــــواض ياملون بالحنين والزكريات لوطن جميل
سمبتيكــــــــــــو يامشخبت بالجداول والمطر
منعــــــــــــــم يامجدع فى الحروف بعناية و بأدب
شكرا عديد
..... وتمشى وين الخطوة منك
|
Post: #7
Title: Re: مدخل1
Author: azza
Date: 01-29-2003, 12:20 PM
Parent: #1
هي دبيب انت ويين محشور الليلة اول يوم لكن
كلامك لمسني جوه الجوه
تسلم
|
Post: #8
Title: Re: مدخل1
Author: sweetheart
Date: 01-29-2003, 03:57 PM
Parent: #7
الرائع ابدا دبيييييب
اشراقاتك بانت من اوووول دبه
منوور شديد ياناس
|
Post: #9
Title: Re: مدخل1
Author: garjah
Date: 01-29-2003, 05:20 PM
Parent: #8
احييك
اخوي دبيب
على هذا الابداع
ولا تغيب كثيرا
|
Post: #10
Title: Re: مدخل1
Author: hasan_6
Date: 01-29-2003, 08:04 PM
Parent: #1
أقسم بحق الجابنا
من ريقك لعاب
وقطع حبال سرالبشر
نصبر صبر
نملا الشوارع بالمطر
ونموت سحاب
ننزل دموع
ونقوم شجر
يهزم ضباب الرؤيا فى الوطن السراب
والنيل ملاية القمرة
مبلول بالدعاء
وسافى التراب
راجى البرق
يقطع رحط كل الجروف الضايرت رجليها
من دود الأرض
وأبت تفك نعلاتا لباقى الكلاب
الباعو أمك ياتراب
وخاطر أمونة الخطر
قال البحر
وإتنهدت مويتو المعكرة بالغضب
ملحوقة يا مدن الخراب
مغلوطة ياشنط السفر
يوم دخلة الولد البكر
تصرخ مدن
ويزغرد الغيم والضفاف
والنيل بغازل فى السماء
ينزل مع الريح والفجر
هدية للشعب المصاب
فى هيبتو
وردة الفعل المهاب
هل تفتكر
باقى النجوم قرفانة زيها زينا؟
وهل تعتقد
بنحاسب النيل لو سكر؟
موهومة أوراق الشجر
مالية القناعات بالغنا
النيل عروسة ملونة
والنيل عروسة محننة
النيل عروسه مدفنة
محروقة بالهم والسهر
شكرا سخينا يامطر
دا مدخل اخر للدبيب
|
Post: #11
Title: Re: مدخل1
Author: woroorrook
Date: 01-30-2003, 07:29 AM
Parent: #1
لا لا لا لا
كيف و متي؟
هل كنت مع اهل الكهف أم ماذا؟
استاذي الرائع دبيب
والله مشتاقين و المدخل هذا حمل لي أكثر مما تتصور ؛ فلم اكن أعلم بوجودك هنا
بل و الأغرب وجود العزيز حسن ستة
لن ازيد كلمة حتي افيق مما انا فيه
و لكن
سمباتيكو سوف تحمل معي قدرآ من إندهاشي
و لنا عودة احبيتي
|
Post: #12
Title: Re: مدخل1
Author: dabeep
Date: 01-30-2003, 09:20 AM
Parent: #1
العزيزة/ عزة
sweetheartالعزيزة/ حلوة خالص
العزيز/ قرجــــــــــــــــــة
العزيز/6666666666666
أقسم بالله شرفتمونى فىهذا البوست المتواضع وكلامكم فرح الاولاد
إن حكمى فيّ غير نافذ بيد أن حكمكم عليّ جد مؤثر لكن رائي فيكم نهائ ..ومهما طالت وقفة الصبار لن نكفر
و السمبر البفرح صفيرو....
غشانا وإتقاطر مطر.......
شكرا
|
Post: #13
Title: Re: مدخل1
Author: AlRa7mabi
Date: 01-30-2003, 09:26 AM
Parent: #1
dabeep
هل هو دبيب النمل ، أم هو ذاك الذي ينسرب خلسة، لا أدري
ولكنه قد هززت دواخلي بريشة انيقة ، حتى تسربلت قناني الألون لتشكل لوحة في عميق دواخلي ، فكدت أنا أبكي.
بيب كلام بسييييط لكنه كثييييف
خالص المحبة
رحمابي
|
Post: #14
Title: Re: مدخل1
Author: dabeep
Date: 01-30-2003, 09:28 AM
Parent: #1
وروروك/ العزيز
سعيد جدا بلقائك فى هذه السانحة والشوق يمتد بنا مسافة, وألف حمد لله على السلامة
والله العظيم غصبا عنى ان كنت بعيدا فلازلنا نصارع الوقت لكى نتواصل مع الذين نخصهم بالود والشوق, وبعدين قصة تكتب حرف حرف بالعربى دى قصة بتهدر كل الوقت المتوفر, والمعايش جبارة يا هدهد, وان كنت متابع بالقراءة وشايفك رجعتا للشواكيش
.....وفىالليلة ديك والناس......
أوع تكون جيت طابق ليك شاكوش من السودان
تسلم ياعزيز
|
Post: #15
Title: Re: مدخل1
Author: dabeep
Date: 01-30-2003, 10:27 AM
Parent: #1
الرحمابى
أكتب ما أكتب لنتواصل, لكن أن أقتحمك بهذا العمق كرما منك وشفافية, ولا أكتمك شعورى متكيف جدا أن أهز ذلك الزخم
أما الدبيب فمهما كانت أساليب الفلسفة فى التدوير والتحوير سيظل منفرا وسام , لكنى أخترته عفو الخاطر وفى تفكيرى إنتماءه ألى الارض والشجر,وأشكر محاولتك الجميلة لتلطيف الدبيب ولنقل إنه دبيب النمل
الرحمابى
والله أشكرك بى كمينة
مع خالص الود
|
Post: #16
Title: Re: مدخل1
Author: adil amin
Date: 01-30-2003, 10:49 AM
Parent: #1
رائعة رائعة رائعة
واول الغيث قطرة
|
Post: #17
Title: Re: مدخل1
Author: نصار
Date: 01-30-2003, 02:48 PM
Parent: #1
الدابى الزرق (فنه)0
لحقت بى تاء الصمت كعادتى فى حضرة وهجك
و اتلموا الاحبة
عاطر التحايا
|
Post: #18
Title: Re: مدخل1
Author: Tumadir
Date: 01-31-2003, 08:26 AM
Parent: #17
كلما اتناسى،
هواجس شعرك
تقلق نومى
تساهر بى
|
Post: #19
Title: Re: مدخل1
Author: dabeep
Date: 01-31-2003, 09:42 AM
Parent: #1
العزيز/ عادل أمين
العزيز/ نصـــار
العزيزة/تماضـــر
شكر خرافة وإمتنان
وعلمينى الإحتمال ..........
|
Post: #20
Title: Re: مدخل1
Author: bint algazeira
Date: 01-31-2003, 04:16 PM
Parent: #19
اهلين دبيب
لن استطيع ان اكتب كلام اجمل مماكتبته
او ارق مما خطه الزملاء والزميلات من تعليقات
ولكني فقط ارجو ان تمتعنا بالمزيد من هذا الكلام الجميل
مدخل كبير من اوله
و راجيين معاك نكمله
وفي انتظار المداخل الاخري
ونرجو الا تغيب
لك التحيه
بت الجزيره
|
Post: #21
Title: Re: مدخل1
Author: SAdo7
Date: 01-31-2003, 06:20 PM
Parent: #1
حبيبنا دبيب
كلماتك رصينه مرصعه بجمال المعانى
صداها ملا السماء ورغم انها مدخل
فقد عجزنا من ان نجد لنا مخرج من
روعة كلماتك ولك ودى
|
Post: #22
Title: Re: مدخل1
Author: dabeep
Date: 02-01-2003, 08:00 AM
Parent: #1
بت الجزيرة/العزيزة
وللجزيرة ترع فى الخلايا تجتر الذاكرة الى من أشعل فينا النار الاولى
تسلمى
****
العزيز/ صــــــادوح
ما كان صعبا أن ألاحظ إنتمائك للبحر
شكرا جميلا
وجيتكم شرفتنا
.....والله أيام يازمان.....
|
Post: #23
Title: Re: مدخل1
Author: Elkhawad
Date: 04-12-2003, 00:13 AM
Parent: #22
في الشوارع الماشه لي ريحه المطر
والدروب الجايه من ضل الشجر
فتشتا ليك سماء وجبل ارض وبحر
وزرعتا ليك الشوق زهور
اظهر اطلع نور.. املي الساحه عطور
|
Post: #24
Title: Re: مدخل1
Author: Hozy
Date: 04-12-2003, 00:24 AM
Parent: #1
الاخ دبيب
احييك لهذا الابداع
والكلمات الجميلة
وهذه المعاني الرشيقة
وتحياتي
|
Post: #25
Title: Re: مدخل1
Author: zumrawi
Date: 04-12-2003, 00:28 AM
Parent: #1
تطويع هائل للكلمة
شكرا دبيب وانت ترفد الخاطر ببادرة الوصول
|
Post: #26
Title: Re: مدخل1
Author: dabeep
Date: 04-12-2003, 10:10 PM
Parent: #1
خواض
هوزى
زمراوى
شكرا حزينا
وفى القلب معزة لمن نمت إليهم بصلة
|
|