الحب الاخير هاشم صديق

"الحبايب خانوا فاتوا وضيعوني
وإنتي باقيه وديمه وآفيه
ومابتخوني.
تاني غيرك ما بغازل
إنتي نفسي وبرضو رسمي
والاغاني والسياده.
والمعاني والشهاده
ولو حصل فاقت عينيك
ببقي حزنان
وابقي خايف
شان خطاي عرفت دوربك
وما أظن غيرك توالف
الا برضو وفي غيابي
بحفر إسمك في حنيني
وفي سنيني .......
وفي المغارب والمشارق
واحكي ليك وتسمعيني
وترسميني
قلب وافي
في المشاتل والبيارق
وشان بعزك يا حبيبه
داير أكتب إستقاله
بالحروف بالحرقه بقت
وضاعفت المها المهانه..
فيها ما داير أعاتب
للاحبه الخانوا فاتوا
وبرضو ما داير اجرح
للزمان جوايا عاشوا..
وبي ايديهم برضو ماتوا
داير اشيع فيها معني الالفه
والحب والامانة
المعاني الفي زمنا
اتباعدت فقدت مكانها
واقول كمان للفاتوا فوتوا
ولي جروحي مع السلامه..
وقبل ما اختم حروف الاستقاله
داير ابايع للغلابه
وللتعابه..
وليك إنتي ....
يالحبيبه الواحده ...
والحضن الامين ....
العرفت المعني فيها
وبت في حضن اليقين
يا جميله ..يا محنه
يا أمينه ..يا أملنا..
يا بلدنا
يا بلدنا

هي يا مهاجر لكن ما بقدر اباريك بوستة بوستة و قصيدة قصيدة
ممكن اقتراح اعملوم في بوست واحد
و تسلم انت و هاشم صديق الرائع